دخول ضروري من فضلكم

[naGam]

انا طالبة بكالوريا أدبية ولا أعرف كيف اقوم بتلخص الدروس ولا أعرف كيف اراجع دروسي او احفظها انا شعبة اداب وفلسفة لا اعرف كيف اراجع او احفظ الدروس تقريبا وصل اخر العام ومازالني ماحظرتش علموني كيفاه نحظر الدروس للباك واللي عندوا ملخصات دروس الاجتماعيات ولا فلسفة من فضلكم يساعدني ارجوكم لاتبخلوا علي من فضلكم الله يعيشكم وقولولي الفلسفة هيا اللي مهبلتني كيفاه ندير معاها نحفظها ولا نفهمها ولا كيفاه بالضبط على جاه ربي ساعدوني من فضلكم ربي يخليكم ويعطيكم ماتتمنوا
​

 

[butterfly]

ربّي يعينك ga3 رانا هاك
بصح في التاريخ مثلا تقدري ترتبي التواريخ في سلم زمنى او جدول

وأنصحك بتناول اللوز والزبيب أو المغنيزيوم ينباع في الصيدليات ملاح بزاف للذاكرة
​

 

[naGam]

مارسي ليك اختي

 

[أميرة الفولاذ]

اولا ربي يوفقك وينجحك في الباك

ثاني شي حاولي قدر المستطاع كي تجي تراجعي وتحضري للباك
تجنبي عزيزتي الحفظ الحرفي

يعني كيما قالتك الاخت قبلي ديري فيشات
عن كل درس وحاولي تفهميه مليح

واذا ما فهمتيش حاجة بلاك تحفظيها بلا ما تفهميها
راجعي اساتذتك اطلبي منهم يفهموك من جديد ان لزم الامر

بالنسبة للفلسفة
اقري كتب متعلقة بالبرنامج تاعكم او اقري عبر الانترنيت
من مواقع موثوقة باش تدعمي الفهم تاعك
ويكون لك معلومات اضافية تستخدميها يوم الامتحان

ابتعدي عن التوتر عزيزتي
لانه السبب الرئيسي في افقادك التركيز


والله وليّ التوفيق
ان شاء الله
​

 

[butterfly]

نصيحة اضافية وانا دايما نديرها
لما تكون عندك نقاط كثيرة مثلا في التاريخ أسباب تفكك الاتحاد السوفيتي وعندك اربع عوامل لازم تحفيظهم
اكتبي العامل الأول بالفصحة
التاني بالدارجة
الثالث بالفرنسي
الرابع بالانجليزي

أنا هادي نديرها وتفيدني بزاف
ولخصّي الدروس ويوم الامتحان اعيدي صياغة الجواب


أما التواريخ فاكتبي كل التواريخ والشخصيات وعلقيها في مكان باين في غرفتك مثلا وكل مرة احفظي تاريخ واحد وشخصية وحدة
​

 

[naGam]

شكرا لكم جزيلا فدتوني كثيرا الله ينجحنا الكل ويوفقنا الكل

 

[boutrecha]

مشكورة