اخر موديلات المعاكسة

[sasaz]

سلام عليكم واش حالكم ان شاء الله لباس ؟؟؟؟؟؟
اليوم تفكرت حاجة صراتلي في الليسي .....:angel_not:وقبلا نقولكم والله غير لبستي كتير محتشمة مانلبس السيرس مانلبس المفضوح باش تظلمونيش
.
:crying:
واحد النهار كنت نقرى ومع البسالة تاع القراية كيما تعرفوا وزيد
على هذاك على الخمسة:crying:......المهم
وانا نحكي مع الطفلة يظهرلي واحد في الطريق يالطيف الملطف.hmy:واش راح نقولكم بداها بالخشونية hmy:...قالي اسمعي انت ...انا خلعت قلت مانعرف واش درت :confused1: ...قلتلو مع من تهدر قالي معاك مع الحيط مالا قلتلوا واش كشما تحتاج قالي هاتي نيمرو تاعك ......خزرت فيه ومشيت خليتو
بعد 5دقايق هكاك زاد لحق وقالي اسمعي راني نسنى فيك عند هذيك الزنقة ماتجيش نتفاهمو ..........قلت ..اااوو واش هاذا؟؟ مان خبيش عليكم خفت منو وكان مش معايا حبيبتي راني مانعرف واش صارلي .........
المهم زت حقرتوا وكنت قربت للدار وخليتو يستنى فهذيك الزنقة
وغدوة تاعها زاد جاء على 12 جا قالي راني نسناك ليه بحذ الحانوت هذيك
بدلت طريقي وخليتو ...........:sneaky2:
فاق بي منين رحت ولحقني وقالي علاه بدلتي الطريق ماعليش نتفاهمو عليهاوهو يمشي بزرب قالي ياخي ماتسمعيش الهدرة رك نتفاهمو ؟؟؟؟؟؟؟؟؟؟؟؟
انا قلت صايي خطفني ولا قتلني. مت بالخلعة وقلت لختي باش اذا كشمة صرالي تكون علابالها .........وهذيك العشية كانت الاثنين مانقراش
**********************غدوة تاعها رحت على 8 كي العادة لقيتو يستنى بحذ واحد الدار ...بقيت نقرى في القران من الخلعة
وقلت مع روحي ايه يا طفلة راهو شافك خفتي عليها دخص عليك ايا قربت منو وجا راح يهدر قتلوا بالغواث :::::::: اسمع انت تزيت تهدر معايا كلمة تشوف واذا مفهمتيش روحك نجيبلك خويا
جبد روحو وقالي: انت الي خاسرة ادي رقم الهاتف ديالي كشمة تحتاجيني
وقالي راهي دوماج ليك انت
ومن هذيك النهار ماشفت خليقتو ..............بصح تقول جا من العصر الجاهلي
المهم نحب نقولكم بلي الخوف مش مليح
وبلي هذي والله والله غير صراتلي صح صح
يا خاوتي الذكورة بالعقل علينا
وهذي هي الطريقة الجديدة لطلب النيمرو :001_wub:

 

[H@teM]

هدا sur احد بقايا العصر الجاهلي
هههههههههههههه
ياااو مش كامل كيف كيف اختي
​

 

[القطة الزهرية]

ههههههههههه دراري بهدل بيكم ههههههههههههه متخلف

 

[H@teM]

ههههههههههه دراري بهدل بيكم ههههههههههههه متخلف

بهدل روحوا حنا خاطينا
عاقلين حنا
​

 

[mir@cle]

وهذي هي الطريقة الجديدة لطلب النيمرو :001_wub:

هاذي اسمها طريقة العلكة...تنجح مرات
بالصح ما خبرتيناش على الطريقة القديمة :001_wub:؟؟ ​

 

[العنابية]

والله غير عندك الكوراج وزدتي خرجتي مالدار بعد مخليتيه يستنى كون جيت انا اني مزدتش خرجت من دارنا

 

[الزين السوفي]

ههههههههههههههههه
فاتو الترا المسكين
والله صراحة مانيش عارف كيفاش راهم يخممو الناس هاذم
يجي يدورنجي في بنات الناس لا يحشم لا والو
أنا صراحة مهما توصل بيا الدرجة مانكلم حتى طفلة في الزقاق
وشي هاذا ؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!
وشكرا على الموضوع المهم جدا لأنو حاجة كيما هاذي عادت عادية في حياتنا اليوم
وتقبلي مروري​

 

[القطة الزهرية]

بهدل روحوا حنا خاطينا
عاقلين حنا
​

امممممممم صح عاقلين واحد جايقول لصحبتي هاتي نيمرو من الخلعة بزاف قالها راني حاب نتزوجك غدوة نجي نخطبك ونمنبعد بدا يخلط كي مالقاش روحو قالها اسمحيلي سلام هههه مهبول سير راكم كامل كيف كيف

 

[mimi.dz]

ههههههههههههه
كان جيت انا في ساعتها فريتها
ما تليقلو غير كف ولاّ زوج هههههه
ربي يهديهم هذا مكان
​

 

[** غزال الصحراء **]

كون ديتي نيمروه و خليه يتسنى ما تعيطيلو لا والو , ياخي الكلب ما يسكتش إلا إذا تليحيلو العظمة

و ديما الخوف ماشي مليح , مي كومام لي خاف سلم , و يليق تمشي مع جماعة تاع بنات

ما تسركليش وحدك تولي عرضة للذئاب البشرية , ردي بالك يكون مسجل معانا هنا في اللمة

و يقرى السوجي تاعك يعاود يتسناك في الزنقة هاذيك ^^ .

 

[fufa22]

:scared::scared::scared::scared::scared::scared::scared::music_whistling::music_whistling::music_whistling::w00t:

 

[nermyne]

هههههههههههههههههههههههههههههههههههههههه

يا المسكينة

 

[sasaz]

كون ديتي نيمروه و خليه يتسنى ما تعيطيلو لا والو , ياخي الكلب ما يسكتش إلا إذا تليحيلو العظمة

و ديما الخوف ماشي مليح , مي كومام لي خاف سلم , و يليق تمشي مع جماعة تاع بنات

ما تسركليش وحدك تولي عرضة للذئاب البشرية , ردي بالك يكون مسجل معانا هنا في اللمة

و يقرى السوجي تاعك يعاود يتسناك في الزنقة هاذيك ^^ .

ههههههههههه وشكرا على النصيحة
وشكرا للكل على المرور

 

[naGam]

ههههههههههههههه
والله طريقتوا شغل ماكلتلوا دراهم باباه ماشي هاك

 

[احساس طفلة]

حكايتك تقول فيلم يالطيف وشبيه هدا ديراكت اعطيني النيميرو وماشي حتى بالضرافة
الله يسترنا ياربي

 

[جوانا]

جاتكم غريبة هادي الطريقة ؟
نقولكم حاجة كاين نسبة كبيرة ياااااااااااااسر من البنات يحبو هذي الطريقة..يحبو اللي يعيط عليهم و يخلعهم و يمدولوا النيميرو....ولوكان يجي واحد عاقل و متربي و تكون عاجباتو يروح يقيمها و يهدر معاها ب la .... gentillieuse
تلعبهالو و تنفخها و تبدا تعيط...صح ولا لا ؟؟؟؟
ملاحظة : مارانيش مع هادي الطريقة مي نحكيلكم وش راني نشوف.......و لحد الان في حياتي محبستش وحدا في الطريق غصبا عنها و كلمتها...ممكن تكون كبرياء
​

​

​

وي جاتني غريبة بزاف الله يحفظنا و يجيرنا من ناس كيما هاك و علا حساب ما نعرف ولاد بلادنا رجال و نص و حاكمين قدرهم و يخافو على بنات الناس و في النهاية ما ينساش بلي عنده أخته و نزيد نقولك حاجا ختي الشخص لي يكون باغي حاجا نتاع حلال يجي باين و يجي مأدب و متأصل و لي يكون باغي حاجا نتاع مصلحة يجي باين
​

تحياتي أختي​

 

[im£ne]

ههههههههههههه
لصقة من الكبار.....ربي يهديهم.....

 

[اسماء16]

ختي هدا باين عليه حابط من كاش مريخ متخافيش الي حاكمة قدرهاااااااا وقوية شخصية متخافش ولا من الاحسن كنتي تقولي لباباك ولا خوك هكدا ميزيدش يقلقك​

 

[immy]

انا مرة تبعني واحد و حكني من يدي بالقوة​

كي حمقت فيه و قتلو اطلقني​

جبدلي الموس​

الحل الوحيد ما تضحكلهمش برك​

 

[مفآهيمـ الخجل]

هههههههههههههه

هادا منين يخافو غير من الطفلة لي توريلهم العين الحمرا
​