السّلام عليكم أخي الكريم
أعتذر على التدخل في ردك ولكن جملتك الأخيرة حفزتني للرد
أوّلا خويا حنا ماتمسخرناش بهاد الرجل, بالعكس ربي يهنيه ويوفقو , حنا فقط تكلمنا على ظاهرة من ظواهر المجتمع جات على لسان هاد الإنسان لا اكثر ولا أقل , رانا نتكلمو على العموم ماراناش نتكلمو على هاد الشخص بالضبط
ثانيا هاد الإنسان حاب يتشرط معليش راهو حر في حياتو, ومن حق كل طرف مقبل على الزواج يخير شريك وإلا شريكة حياتو كيما يحب وبالمواصفات لي تعجبو
لكن هادا ماقالش نحوس عليها رقيقة ولا سمينة ولا شعرها صفر ولا عينها زرقة, هادا قال مانحوسش عليها تحشم ؟؟ , مالا كيفاه يحوس عليها؟؟ تروح تلعب في الملاعب وصوتها يوصل من آخر الشوارع؟؟
ويتحجج ويقولك ماتعرفش الرومانسية , مالا لي تلبس السروال وشعرها مقصوص كي الراجل وتقول الكلام الفاحش هي لي تعرف للرومانسية؟؟
نهدرو بنمطقية كيما قلتها أخي الكريم , بنات اللبس الفاضح والتبرج يعجبوهم ويقولك عندها شخصية ومعتمدة على روحها وبنت الأصل لي تحشم وتخاف ربي ماتعجبش ؟
ولاو يقولو نحوسو على الحلال, الحلال راهو عنوان برك, وين راه الحلال ونتا تفسد في قلبك بالحرام كل ليلة ؟ مستحيل ومستحيل ربي يباركلك ويبعتلك بنت الحلال ونتا بديت بالحرام
والدليل راهي قدامو محتشمة ومتربية وماعمرتلوش عينو, كن قال ماعجبتنيش شكلا بلاك نقبلوها بصح مادام يحكي على الحشمة والحياء هادا قلبو بعد تعود على الحب الحرام
لأنو الحياء في الرجل ويعجب فمابالك بالمرأة
وأيضا أخي الكريم حنا هنا ماشي نغتابو ولا نديرو في النميمة كيما راك تقول, الحمد لله ردودنا راهم يشوفو فيها مئات الأشخاص سواءا من اللمة أو الضيوف خارج اللمة, ماراناش نحكيو على شخص في الخاص ونهدرو ولا نمشرو فيه, رانا نوجهو في نصائح ونعبرو على راينا ونتعلمو من بعضنا لا اكثر ولا أقل
وأنا عمري لا كنت منحازة لجهة المرأة ونتكلم بالعنف ضد الرجل, آخر مرة وقبل أسبوع تقريبا
وضعت أحد العضوات موضوع في هاد القسم و ذكرت في الموضوع بلي المشاكل لي تصرا بين الكنة والعجوزة سببها الرجل, وتدخلت وقلتلها الرجل عمرو ماكان سبب والمرأة هي المسؤولة على هاد المشاكل
هنا راني نهدر بحيادية , وراني نحاول نتكلم على الظاهرة كتر مانتكلم على الشخص نفسو,
وفي الأخير لازم نحتارمو راي بعضانا أخي الكريم, صار لما يوضعو مواضيع على البنات واللبس الفاضح ونسمعو كلمة البنات مايسواوش ونتقبلوها عادي ونحتارمو رأي أي شاب ونتعلمو منو, وحتى حنا لما نتكلمو ونقدمو راينا في رجل لازم يكون تقبل للرأي
اسمحلي خويا بزااااااف وبزاااف لربما تدخلت فيما لا يعنيني , لكن حبين نقدم وجهة نظري لا أكثر ولا اقل
تقبل مروري وربي يهنيك ويوفقك ويوفق كل شاب ناوي الحلال يارب
