راني شفت حاجة كارتة ( عيب على الرجال وكارتة على لبنات )

[fadila16]

مابقاتش الحشمة في هذا الوقت الله يسترنا والله عيب كبير

 

[الجزائري05]

ديما فور بمواضيعك المميز يا سي فيصل
ربي يلطف برك في هاد الوقت
​

 

[بنـ MaPa ـت]

هههههههههههههه راهم يحلمو مساكن
مرسي..​

 

[بنـ MaPa ـت]

هههههههههههههه راهم يحلمو مساكن ليجان هادا علاش عايشين (ماشي كامل:closedeyes

مرسي..​

 

[°~Kenza_02~°]

الله يهدي ما خلق يا خويا والله يسترنا ويحفظنا من هاذ الوقت
​

 

[HWK4ALGERIA]

سلام عليكم

رسالة موجهة للبنات
كاينين حوايج حبسولي راسي
و الله بلوكيت صح
نهار لخميس كنت قاعد في الجامعة نشرب القهوة وحاط فيها قاروا فوق لحشيش أنا وصاحبي
شفت حوايج صراحة كل يوم نشوفها عدا نهار الجمعة و السبت
نرفع الستار و نشاهد المسرحية = مسخرية
فاتح : واش راك تشوف ؟
فيصل : راني شفت بنت مصاحبة شاب
فاتح : ومابعد الناس كامل هكا ؟
فيصل : راني شفت حوايج كارتة
فاتح : واش هوما قولي راك شوقتني ؟
فيصل : شفت شباب يبوسو في صحباتهم قدام الناس ؛ نورمال
فاتح : هادوك ....... ماديرش عليهم
فيصل : كيفاش مانديرش عليهم لوكان تروح تقصيها تقلك نحبوا وراح يزوج بيا
فاتح : ماكاش منها
فيصل : أنا عندي هاذي الطفلة راهي .........
فاتح : ربي يهديهم لبنات هادو يصدقو أي حاجة ترخص بروحها قدام الناس
فيصل : أنا لوكان جيت طفلة ويبوسني أو يحاول أنو يبوسني راح نقتلوا
فاتح : عندك الحق
فيصل : و الله دابة كيفاش ترضى بروحها تتباس قدام الناس و المشكل قدام صحبتها وتفرح و تعيط
لبنات هادوا و الله يحيروا
نوض خويا نوض نروحو نبدلو لبلاصا لوكان نبقى هنا راح نبوسو هو وهي
*********
لماذا البنت أضحت في الحضيض
لماذا البنت ترضى بهذا الهوان
لماذا البنت رضيت أن تدس على كرامتها وتهين شرفها
و الله العظيم أنا عندي صحبتي مانرضلهاش تتهان بهاذي الطريقة
ياخويا إذا ماخفتش من الناس خاف من ربي
ياخويا إدا ضعف إيمانك وحاب تبوس بوس بعيد
يخي حالة يخي
في لمان ​

القضية قضية أهواء وشهوات لا غير، لا حب لا والو كي يتزوجو تنقرض حكاية البوس هاذي.
شكرا.

 

[دمعة وردة]

والله هده هي الغلطة دايما المجتمع جاي مع الأولاد والبنات مسكينات

 

[فيصل ويستر]

شكرا كثيرا على إثرائكم للموضوع
ونظرا لمحتوى آراء الأعضاء نخرج بنتيجة للمأسات الخلقية التي تحصل بين البنات و الشبان في الجامعة وهي :
الغالبية القسوة يمارسون الفاحشة داخل الجامعات ، ولا يعطون للمستقبل أهمية ، ولا يفكرون في مآل تلك الممارسة أبدا .
ورغم ثقافتهم المكتسبة من دراستهم إلا أنهم عقلهم وتفكيرهم يضعف تماما أمام الشهوة و الهوى ، و هذا ينبىء بخطر جسيم على الجنسين إذا بهذه الممارسة الجنسية تكثر الأمراض و تفسد الأخلاق ويذهب ضحيتها الجنس اللطيف للأسف .
ومن أسباب هذه الممارسة .
1 : نقص التربية بالنسبة للبنت و الشاب .
2 : غياب الرقابة الأبوية .
3 : فقدان الوازع الديني .
4 : طغيان جانب الهوى على العقل .
5 : تغليب جانب الهوى و الشهوة على العقل و التفكير السليم .
و الله أعلم .​

 

[fufa22]

وليت نخاف نمشي مع الوالد او الوالدة ولا واحد من العائلة البرى غير من الحوايج هذي
​

 

[RaNiA]

والله عندك حق بالفعل مسخرة في الجامعة في لي جاردان دامور في اماكن عمومية والله عيب
في رايها رح يديها ؟؟ بالعكس الدراري كي يلقاو طفلة ساهلة هكا جامي يخمو يديوها ​

 

[فيصل ويستر]

شكرا لكم
نصيحة للبنات
ردو بالكم مليح مليح ​

 

[السلطانة]

واشي هادا يافيصل ياخويا موضوعك تأرشف في اللمة ياو رشى خخخخ
هادا دليل على ان مواضيعك بزاف هايلة تقبل تحياتي اخي الفاضل

 

[madani1951]

الله يهدي برك ​

 

[فيصل ويستر]

ههههههه ههههههه​

والله ياخويا راك فور ...واش نقولك هادي راهي شويا والله ​

ياو رانا نشوفو في حوايج اكثر من البوس يصراو قدام العين ونورمال ​

مع بنات اليوم كلش جايز وكل شيء مسموح المهم تلبي رغباتها وتشبع غريزتها الحيوانية اكرمكم الله ​

انا مانلومش على الشاب اللي يبوس واللي يعمل اكثر من البوس انا نلوم على الرخيسة الي خلاتو يوصل باه يعمل ​

وكي تحب تشوف تلقاها هي اللي تشرط عليه يعمل كل هادا والا في عينيها يكون (......) اكم علابالكم ​

ياو خلات
ياو زكات
ريقل ريقل ​

 

[الاصالة]

الله يخليك خويا مش كل بنت تقبل طيح بروحها وماشي كل لحشيش يتكل .:surrender:

 

[فيصل ويستر]

شكون يزيد منكم

 

[rouka]

السلام عليكم
و الله شي عجب بصح تعرف ما تغلطش في البنات كامل ماشي قاع كيم هاك كاين بنات فحلات و نسا نسا بمعنى الكلمة ولا راه الطفلة إلي هدرت عليها ماشي نورمال لأنوا أغلى حاجة على البنت عرضها و شرفها و صورتها و ضميرها قدام ربي و قدام نفسها و من باعد الناس و هاذوا سماهم شواذ يعني قليل منين إكونوا و إذا كان مجتمعنا كامل كيم هاك وش بقالنا على العموم يعطيك الصحة خويا بصح كنت تجيب الموضوع بصورة وحدوخرا خيرمن السرد هذا إلي درتو لأنوا هذا شي مقرف و كلمات نورمالمو ما تتقالش في وسط جماعة مخلطة صح خويا على العموم ما تزعفش حبيت برك نقلك لأنو لو كان مكتوب بشكل ثاني كان أحسن

 

[mimi-ba]

ما كان علاه تحير هدا واش جابتلنا العصرنة و التطور .أنا السنة البيام و كنت نعقب في الاختبارات كيما خرجت بكري من الامتحان لقيت الدراري دايرين و مدايرين الغنا و المصيبة الأكبر كاين طفلة في النص ترقص مع شفتها وجعني قلبي .هداك النهار كنت مغششة جاو لي يقراو معاي قالولي وشبيك قلت السبب لي راكم فرحانين و تضحكو علاجالو ما لقيتوش في الدنيا نطق واحد قالي راكي غالطة انت الوحيدة لي يحقلك تضحكي فينا لأنك عرفت ربي راكي محجبة حجاب شرعي و تخافي ربي نحن نضحكو على رواحنا واش راه مستنينا يوم القيامة .صدقني كاين ناس علابالها بلي راهي غالطة و ما هيش حابة تتوب.طولت عليك خوي ميرسي على تقبل تطفلي.

 

[شجـ الروح ـون]

لماذا البنت أضحت في الحضيض
لماذا البنت ترضى بهذا الهوان
لماذا البنت رضيت أن تدس على كرامتها وتهين شرفها
و الله العظيم أنا عندي صحبتي مانرضلهاش تتهان بهاذي الطريقة
ياخويا إذا ماخفتش من الناس خاف من ربي
ياخويا إدا ضعف إيمانك وحاب تبوس بوس بعيد

والله ياخويا اضرب دورة لوالديها
لتربيتها لاصلها تلقى الجواب
لوكان الناس كامل تخمم كيما نت
لوكان الدنيا راها لاباس بيها
مي واش تحب خويا
ربي يهدينا
يعطيك الصحة على الموضوع خيو

 

[kou147kou]

و عليكم السلام خويا فيصل عندك الحق في واش راك تقول وهذي ترجع لتربية الوالدين و زيد ابنات يحبو يوصلو رواحهم لهاذو الحوايج و وش رانا نشوفو ضركا ربي يسطر و ربي يهدي ماخلق