يعرفونا غير في وقت صلاحهم !

[سماح4]

راك قلتها الدنيا بالوجوه والآخرة بالافعال ..ربي يهدينا بصح هذو الناس تاع المصلحة ولاو غير هما يدورو
راحت لمحبة الصافية النقية من القلوب ....

 

[BOUSS]

يوم الشدة او لرياح عاصفة وينهم احبابو واصحابو الي دايرين بيه

 

[** غزال الصحراء **]

شكرا لك اخي على الموضوع

العفو شكرا على المرور !

 

[** غزال الصحراء **]

راك قلتها الدنيا بالوجوه والآخرة بالافعال ..ربي يهدينا بصح هذو الناس تاع المصلحة ولاو غير هما يدورو
راحت لمحبة الصافية النقية من القلوب ....

و الله قلتي الصح سموحة ,, ناس تعرفك وقت اللي تحب تعرفك فيه برك

apart ça راك منسي هاذي هي !

واش حاب نقولك الواحد يكون مولا نية برك و الباقي على مولانا سبحانو

و اللي نوالنا الشر حسابو نهار القيامة .

 

[** غزال الصحراء **]

يوم الشدة او لرياح عاصفة وينهم احبابو واصحابو الي دايرين بيه

ياو الريح دور بيك و حدها , لحباب يولو ضباب //

 

[didin91]

جامي عيطلك في التيليفون

و كي يولي يحتاجك تلقى 100000 أpال أونابسونس
هذا ناس ملاح والله كاين لي يحتاجك يبعثلك appeler moiارواح تفهم

 

[** غزال الصحراء **]

جامي عيطلك في التيليفون

و كي يولي يحتاجك تلقى 100000 أpال أونابسونس
هذا ناس ملاح والله كاين لي يحتاجك يبعثلك appeler moiارواح تفهم

ههه , و الله ضحكتني

بكل بساطة هاذاك رخيس بكوارطو ,,

و ساهلة نبعثلو ( Fleexy moi ) و صاي الصماطة بالصماطة و البادىء أظلم .

 

[إيمي88]

و الله ؟!

أكيييييد ،، باش يجين واحد وقت صلاحو برك يعرفني ،، وقت ثاني ولايشأل حتى
نولي نحتقرو هادا ماكان ،، :thumbdown:​

 

[** غزال الصحراء **]

و الله عندك الحق يا إيمي , و أنا كي قتلك ( و الله ) قصدي أن الأمر بديهي و لا يحتاج أن يذكر

بوركتي .

 

[othmane01]

 

[ibtesem]

والله عندك الحق هذو تاع هدا الوقت منقولش كامل مي فيهم وعليهم

 

[** غزال الصحراء **]

!!!

ممكن نشوفو قلمك أخي الكريم ؟

 

[** غزال الصحراء **]

والله عندك الحق هذو تاع هدا الوقت منقولش كامل مي فيهم وعليهم

بيان سور فيهم و عليهم , مي الحبة الخامرة تفسد الكاجة كيما يقولو

كرهنا قاع كلمة **صحبة ** .

 

[** غزال الصحراء **]

زيد كاينة حاجة راني كتشفتها غير هاذو ليامات , و تصادفت مع لي قالوها ناس بكري :

**لي حاب تلفو سلفو **

يعني لي حابو مايزيدش يدور بيك سلفو شويا دراهم ضرك ريحتو ماتزيدش تشمها .

 

[** غزال الصحراء **]

مكاش صداقه كيما راك تهدر درك لان كل واحد غارق في همو
والصداقه لي كاينه درك غير مصالح وهاذي حاجه طبيعيه يعني تحتاجو تروح ليه ولا تعيطلو وهو كيف كيف
انا اغلبيه الاصحاب في اطار عمل يعني اذا تلاقينا نشيخو شويا اذا مكاش مش راح نبحثو علا بعضانا ولا مش عارف
مي كي نحتاجو في اطار عمل طبعا نعيطلو ولا نروح ليه وهو كذالك يحتاجني يعيطلي
بيناتنا اطار عمل برك
اما لي يحتاجك يجيك واذا تحتاجو متلقاش فهذاك الواد اولى به
انا من رايي الصداقه الحقيقيه درك راحت لان المشاكل كثرت عند الناس وكل واحد لاهي بصوالحو ومليح يسلك راسو

كلام صحيح خويا بلال و الله عند الحق

الواحد يجبد روحو في و يوزن تعاملاتو مع الناس

يكون بينو بينهم غير لقليل كيما قلت أنت في إطار العمل و صاي

يسحقوك يجوك تسحقهم تروحلهم و فرات ... ما يحصل في صحاب ما يكسر راصو

مرسي عليك منور الموضوع .

 

[** غزال الصحراء **]

هاذي معروفه وانا نستعملها والله كاين ناس طماعه كل خطره يدور بيك ايا ندزلو كاش 200 الف
من ديك والله ماتزيد تسمع حسو
لي تحب تلفو سلفو

و الله صح هاذي هي و الله ما فهمت يخسرو الرجالة على جال الدراهم الفانية .

 

[SOUHA]

الله يهدينا

موضوع مميز

تحياااااااااااتي

 

[zagane]

السلام عليكم
دير الخير و نساه

 

[غرور انثى17]

 

[HWK4ALGERIA]

​

السلام عليكم خوتي واش راكم ؟ ​

إن شاء الله بألف خيــ ــــ ــــر​

كيما قريتو في العنوان اليوم راني جاي نحكي على هاذوك الناس​

اللي يجونا غير كي يولو يحتاجونا , و الله واحد الناس ​

راني موجوع منهم بزاف مي ما نحبش نفلق في الوجه //​

نديرلهم حسابهم و ندير حساب قدري​

جامي يسقسي عليك , و كي يولي عندو فيك صلاح​

اللي تتلاقاه في الطريق يقولك راه يحوس عليك فلان ... جامي عيطلك في التيليفون ​

و كي يولي يحتاجك تلقى 100000 أpال أونابسونس ​

جامي جاك لدار و كي يولي مخصوص يجي يريب عليك الباب ​

بلا حشمة لا والو يجيك بجهو صحيح ...​

عادي يضربهالك بإبتسامة قد الgاراج كلي يحبك و لا عفسة !!​

---------------​

و الله أنا نحشم واحد بالاك نحس بروحي مقصر ​

من جيهتو ما نروحلوش في وقت صلاحي ​

لي ما عرفتوش في وقت الهناء لواش نعرفو في وقت الشدة ..​

صح اللي راني معاه صافي و صاحبي و متفكرو ديما و متفكرني هو ثاني ​

معليش نوقف معاه و يوقف معايا ​

و ما غلطش اللي قال ( الصديق في وقت الضيق ) ​

راني بلعاني درت سطر تحت كلمة الصديق ​

يعني إذا ما كنتش أنا أصلا صديق ليك علاش تجيني في وقت الضيق ؟​

علاش تضحكلي غير كي تولي تحتاجني ؟​

مي الله غالب حنا قلوبنا بيوضة و ما نردو حتى واحد ​

ما علاباليش كي شغل حشمة و لا بالاك هاكا والدينا رباونا ​

ايه رانا بير بلا غطى اللي جا يشرب منو مي قليل لي يستاهل حتى يفوت من حذاه​

و المشكلة الvيس هاذا لحقنا هنايا للمة , ناس جامي يسقسو علينا ​

و كي تولي في صلاحهم يجوك يجرو ديرنا هاذي و هاذي​

جامي يتفكروك حتى و لاكان برسالة خاصة و كي يسحقوك يبداو ​

ريقلنا هاذي ,,,, ديرلنا هاذي ,,,, يعيشك هاذي ,,,,​

الواحد قبل ما يدير يليق يفكر , قبل ما يتصرف يدور الموقف في راصو ​

و خاصة يحافظ على ماء و جهو و ما يخليش الناس يربحو فيه نضرة العيب ​

و اللي جايح او جايح و الصغير ما نعرفوش ​

مي معليش الدنيا بلوجوه و لاخرة بلفعال ​

بالسلام أختم الكــ ـــــ ــلام​

عندك الحق خويا هشام دنية مصالح وهذا هو الواقع اللي رانا عايشينو لدرجة انو اانسان ولا يروح لامو غير كي يحتاجها والام ماتروحش اتزور بنتها غير كي تحتاج كاش حاجة ظاهر مستفحلة فينا كامل ربي يلطف وخلاص هذا مانقدر انقول.
موضوع ممتاز جدا صحيت.
"جيبو فاهم الله لا يجعلو باش اقرا"