إلى كل من يعرف ماذ يصل لي الرجاء الإجابة عن سؤالي ؟؟؟

[عبد ولد العلمة]

السلام عليكم

الرجاء من أعضاء المنتدى ان يحلون مشكلي
انا جديد في المنتدى ولقد سجلت فيه لانني أريد أن أتلقى منكم الجواب الصحيح
لأني أمشي مع وحدة ونحبها وتحبني
عندنا وحد 2 شهرين
والبارح جات ليا صحبتها .. مافهمتش واش تحوس ؟؟؟
جات وبدات تهدرلي عليها في حوايج هي مادارتهم وماقالتهم
وقاتلي خليك منها مع 1 قاتلي راهي رايحة تبركاك
ومع 2 تعينتلها ماشي رايحة تبركاني ولات تقولي بيلي صحبتي قالتلها انا كيما نولي نمشي نعود نهوتر بيه
وجامي حكمتلي مع واحد أكثر من مرة
وقاتلي أخطيك منها
واش تمعني هاذي خاوتي من فضلكم اعطيوني حل لهذه المهزلة أنا مافهمت حابة تفسد بيناتنا مافهمت والو ؟؟؟؟؟؟؟

​

 

[برنســ اللمة ـيسة]

و الله يا عبدو لا كان تحبها و تحبك ما تخليو حتى حاجة تاثر في العلاقة اللي بيناتكم و واحد مالازم يتدخل بيناتكم و ماتسمعش كلام الناس

 

[عبد ولد العلمة]

و الله يا عبدو لا كان تحبها و تحبك ما تخليو حتى حاجة تاثر في العلاقة اللي بيناتكم و واحد مالازم يتدخل بيناتكم و ماتسمعش كلام الناس

-*-*-*-*-*-*-

والله شكرا لك اختي أنا هكذا خممتلها وكيما شفت المنتدى هذا قلت نحبس حتى نشوف النتيجة مع المنتدى لأنه عجبني بزاف
​

 

[اماني12]

خويا اسمحلي انا ما فهمتش مليح واش تقصد بلاك اللهجة مش كيف كيف .الي فهمتو ان صحبتها هي الي جات وقلتلك كلام مش مليح عليها . ولله اذا كانت صحبتها انتاع الصح عمرها ما تحكي عليها حاجة مش مليحة

زيد خمم خويا مليح وكاين الف طريقة باه تعرف الصح وتشوف بعينيك حتى لو تضيع شوية وقت المهم تتأكد ويرتاح بالك . وتعرف الصح من الكذب . وماشي كل حاجة يقولهالك تأمنها حتى تتأكد . وربي يوفقك ان شاء الله .
​

 

[عفاف الجزائرية]

نقوللك ويا عبدو اذا نتوما متفاهمين وعاجبين بعضاكم ونتا ماكش خادعها وهي متاكد منها ماهيش خادعاتك ما تشوفوش للقيل والقال على خاطر القيل والقال ما بنى جبال
المهم كي يكون اخلاص بيناتكم ما تحوسوش على الغاشي
​

 

[Oxygene2]

ما تديها في حتا واحد خويا

 

[soso5]

اذا كنت تحبك و تحبها مايقدرش اي شيئ يفرق بينتكم

خاصة كلام الناس يالوكان جاءت صحبتها نتاع الصح جامي تقدر تفرق بينتكم
نقولك حاجة ماتامنهاش خير لك
الوقت خسر مايتمنى لك حتى واحد الخير غير للروحوا
بالتوفيق و ربي يحفظكم​

 

[المتفائلة خيرا]

ياخويا انا اصلا ضد العلاقات على هذا مانقدرش نجاوب اسمحلي
وان شاء الله تلقى الحل لي يوالمك​

 

[عبد ولد العلمة]

حب اييييه الي انتا جي اتقول عليه انتا عارف قبل معنا الحب ايييه
.....................................
اول مرا اشوف واحد يحب وحدا ويصدق اي كلمه عليها على قول الشاعر المخضرم
كلام الناس لابي قدم ولا يأخر طب ليه يحبيبي تسمعو ألخ.....

-*-*-*-*-*-*-
أسمحلي خويا انا نعرف الحب مليح وجامي سمعت كلام صحبتها ودير في بالك
أنا نحوس على الحل مانيش مصدق الهدرة هاذيك
وشكرا على كل من جاوب في سؤالي
شكرا لك وشكرا للأعضاء كامل المنتدى إنشاء الله نكون واحد منكم
​

 

[wafae sarah]

شوف خويا اديها من عندي الهدرة تاع الناس مادخلهاش في راسك صراتلي وجربتها في النهاية ضيعت الي كان معايا نقوللك يا عبدو اذا نتوما متفاهمين وعاجبين بعضاكم ونتا ماكش خادعها وانت متاكد منها ماهيش خادعاتك​

 

[عبد ولد العلمة]

شوف خويا اديها من عندي الهدرة تاع الناس مادخلهاش في راسك صراتلي وجربتها في النهاية ضيعت الي كان معايا نقوللك يا عبدو اذا نتوما متفاهمين وعاجبين بعضاكم ونتا ماكش خادعها وانت متاكد منها ماهيش خادعاتك

-*-*-*-*-*-*-
شكرا لك أختي إن شاء الله رانا ولينا لبعضانا
والطفلة هاذيك تعينت هي اللي قاعدة تفتن بيناتنا وضرك نقول الحمد لله و إن شاء الله تدوم المحبة بن كل محب
​

 

[aMiNa-K]

يا خويا نقولك اخطيك من سوق البنات .. راك ماتلقاش راسك من رجليك​

 

[القطة الزهرية]

إذا تحبها ماتسمعش بكلام الغاشي لازمك تثق فيها لانو اذا كنت ماتثقش فيها مابقا والو *** تحياتي لك ولها

 

[soror]

شااكة بلي صاحبتها تحبك وانت مش فايق
هي حابتك تكون ليهااااااااااا
وكيما يقولو المرأة ما تعرفهاااااا غير المرأة

 

[narimane]

لوكان جات صاحبتها تاع الصح ماتهدرش عليها
بالاك تسمع هدرتها هادي فارغة شغل
و ربي يدوم المحبة​

 

[تبلبالي]

نوصيك خطيك منهم في زوج
سوق نساء واعر هههههههههه
الى راك ناوي لحلال شوف بنت فامليا وتقدم لدارهم
هاد الخرجات ولبورطابل سون زاري غير خر وفي بالي والله واعلم حراااااام

 

[ssamia14]

عبدو خيي انا تبانلي ادا كنتو تبغو بعضاكم انتاع الصح زعما مكبد عليها وقاع ماكان حتى حاجة تقدر تدير بيناتكم هادي اللولة
والتانية كن جات صاحبتها انتاع الصح قاع وتكون هاد الشيرة مش مليحة وقاع مي ماتقولكش عليها سير هادي غي غيرة والله اعلم اي دوك خمم انت وشوف كيفاه

 

[hard_way1990]

خويا دير برايي وما تخافش وبربي إن شاء الله رايح تخرج الفائز من الجهتين ..
نقصد بالجهتين إذا كانت حبيبتك هاذي تختبر فيك عن طريق صديقتها .. والجهة الثانية إذا صحبتها راهي حابة تفسد بينكم ..
أنت ما تدير لا على هاذي لا على هاذي وإلتزم الصمت وشوف بعينيك برك وحاول تفهم واش راه يدور ..
​

 

[messikimo]

مجرد أقاويل ؟؟؟؟؟؟؟؟؟؟؟؟؟؟؟؟؟​

 

[نور الصباح الجزائرية]

نقولك حاجة خوى انت مازالك صغير اخطيك من تكسار الراس العمر جاى و ان شاء الله تلقى بنت الحلال الى صح تحبك و ما يفرق بينكم والو