شكون فيكم يعرف الساحر كريس أنجل (Criss Angel) تاع Mbc Action

[Jagwar]

الساحر كريس أنجل
Le Magicien Criss Angel
أو Chris Angel

هذا هو السحار لى راكم تشوفوه
فى MBC Action

يظهرلى كلكم تعرفوه
و لى ما يعرفوش يروح يشوف
لى فيديو تاعو على اليوتيوب
المهم خلونا فى موضوعنا
السيد هاذا راه قالك يمشى فوق الماء
و ما يغرقش و يمشى فى الهواء ما يطيحش:thumbup:
و يقولك على حوايج رايحين يصراو فى المستقبل
و مبعد يظهر لى قالو كامل صحيح
بون هاذى علابالنا بيها
باسكو راه يتعامل مع الجنون:crying:
عافانا و عافاكم الله

ايه نكملو الموضوع تاعنا

السيد هذا استضافوه تاع قناة MBC Action
و لا تلاقاو بيه ما علابيليش ايـGـزاكت
المهم عملو معاه حوار و من بعد
عمللم وحد الخدعة أمامهم
عادى راه موالف يديرهم
على خاطر حنا برك لى راهى
تبانلنا صح و على خاطر هو راه يتعامل مع الجن
المهم كيما قتلكم بعد ما كمل معاهم الحوار
الصحافى تاع Mbc Action اغتنم الفرصة
و سقساه على منتخب الجزائر
واش راح يعمل نتائج فى كأس العالم
جاوبو كريس أنجل هذا
و قالو : المنتخب الجزائرى هو لى راح يكون
الحصان الأسود تاع البطولة و راح يكون
مفاجأة كأس العالم و يوصل للنهائى
هذاك الصحافى ناض يضحك
سير قال فى بالو راه يبلعط فينا
المهم هذا واش صرا فى الحصة

أنت كانسان لا تأمن الا بالله سبحانه و تعالى
و تعرف أن من يعلم الغيب ليس الا الله عز و جل جلاله
هل تفكر و تجلس حائرا ما اذا كان
كلامه صحيح أم لا .
الله أعلم

نعطيكم الخط انتوما جاوبونى

مع تحيات ميسى بومبة:thumbup: كيما تقلشونى
على كاش نهار نطرطق عليكم :thumbup:







​

 

[NOUSSAIBA.TDF]

باينة بلي قلية

الغيب عند ربي ماشي كريس

 

[Jagwar]

باينة بلي قلية

الغيب عند ربي ماشي كريس

باينة خلاه هاذى
لا يعلم الغيب الا الله

بصح انتى بصراحة
ما تخمميش بالك دزاير تعملها صح
و ترجع الهدرة تاعو صحيحة ؟



​

 

[Mr mino]

ايلا ولا هو اللي قالها الله لا طلعنا للنهائي

يخي حالة يخي

مزال غير هذا البلعاط يقول علينا

ربي يستر برك

مارسي خويا اسامة ربي يخليك حبيبي


​

 

[هداية الروح]

:cursing:كذب المنجمون ولو صدقو متزيدوش تشوفوه باش متاتروش به

 

[عنابي 2]

وعلاه هدا الصحفي جاء في بالو هدا السؤال
وعلا ماقلوش على نفسو
كلشي كذب * كذب​

 

[hind*alg-]

هههههههههههههههههههه
اسامة ماقلهمش بلي نتا لي راح تمدلهم لكاس
هههههههههههههههههههه
وانا نعلقلهم لي مداي
ههههههههههههههوهادك الصحفي دوك كي يروح لدار يلقا مرتو طلقاتو هدي ماقالوش عليها
كذب المنجمون ولو صدقو

 

[عاشقة الكرة]

هههههههههه هو سقساه غير على المنتخب تاعنا مليح
ديما نتفرجو ونشوف الحوايج اللي يديرها هذا راه ضاربو جن ربي يعافينا ويعافيكم​

 

[Voyage dans un rêve]

ههههههه قتلني بالضحك هاد السحار
تخيل واحد الفيلم تع انجولينا جولي هي صحفية تلاقات بواحد السحار سقساتو على مباراة بين فريقين قاتلو في بالك شكون يربح قالها الفريق الفلاني و هو فريق ضعيف..هي ما امناتوش هي اصلا ماتامنش زعمة بالسحر هي مثقفة زعمة..
قاتلو صاحا راني حابة نترقا في العمل زعمة يقبلو يرقيوني في الخدمة في المكان الفلاني قالها لالا ماتخدميهاااش... زادت ما امناتوش باسكو هي مغرورة و واثقة من قدراتها المهنية ..و قالها نزيدلك حاجة تموتي بعد اسبوع هي تم خدمتلها راحت لواحد يخدم معاها قاتلو شوف واش راهو يقولي راني رايحة نموت قالها زعمة نتي المثقفة تامني بهاد الخرافات قاتلو مانامنش بصح تخيييييل لوكان قالك انت لي راح تموت..
هاكداك حنا مانامنوش بصخ تخيل لوكان يقولولنا ليكيب ناسيونال تاعنا يربحو لا كوب
هههههههههه​

 

[Voyage dans un rêve]

كذب المنجمون و لو صدقوا
حتى الجنون تاوعو ما يعلموش الغيب​

 

[Jagwar]

ايلا ولا هو اللي قالها الله لا طلعنا للنهائي ​

يخي حالة يخي ​

مزال غير هذا البلعاط يقول علينا ​

ربي يستر برك ​

مارسي خويا اسامة ربي يخليك حبيبي ​

يعيشك خويا الله يحفظك
هههه كيما قلت شريكى
هذا بلعاط يحسابنا من الجماعة لى تامن بالغولة
لا حول و لا قوة الا بالله
شكغن على مرورك العسل يا خويا مينو



​

 

[Jagwar]

:cursing:كذب المنجمون ولو صدقو متزيدوش تشوفوه باش متاتروش به

فعلا اختى كذب المنجمون و لو صدقو
و هذا البلعاط راه بلاصتو راهة باينة وين
مرسى عليك أختى
تحياتى




​

 

[Jagwar]

وعلاه هدا الصحفي جاء في بالو هدا السؤال

وعلا ماقلوش على نفسو

كلشي كذب * كذب​

بالك خادمينها فى بعضاهم
حتى و لوكان ماشى متفتهمين
حنا ما نامنو لا بكريس أنجل لا بغيرو

لا حول و لا قوة الا بالله

صحيت ولد بلادى على المرور



​

 

[مفآهيمـ الخجل]

انا سمعت بلي اتضافاتو اوبرا في برنامجها

و جبدو الهدرة على الخضر و سقساتو عليهم

و قالها الجزائر و المانيا هم لي راح يتواجهو في الدور النهائي لكاس العالم

و مباعد قالتو اوبرا ماكاش منها قالها و ما تخلينيش نقولك وشكون لي يدي الكاس

و مباعد مدلها vـــاليزة نتاع دراهم و قالها ادا تحقق وش راني نهدر تمديلي هاد الvــليزة و و معاها وحدوخرا و العكس


انا طبعا مانيش مأمنة بهدرتو بارسوكو كيما قلت انت الغيب يعلمو غير ربي سبحانو

و ربي جيب لي فيه الخير
​

 

[Jagwar]

هههههههههههههههههههه
اسامة ماقلهمش بلي نتا لي راح تمدلهم لكاس
هههههههههههههههههههه
وانا نعلقلهم لي مداي
ههههههههههههههوهادك الصحفي دوك كي يروح لدار يلقا مرتو طلقاتو هدي ماقالوش عليها
كذب المنجمون ولو صدقو

ههههه و الله يا هندوشة
كيما قلتى و نجيبو مينو
يعاونك فى لى ميداي
و موح لوساج كميرامان:biggrin:
و مبعد نتفاهمو على راسهم
و نهربو بلاكوب ديموند :biggrin:
و الصحافى هذاك لى هدر معاه
شكيت فيه بلال تاعنا :biggrin:
كذب المنجمون و لو صدقو​

 

[الملاك المميز]

هههههههههههههههههههههههههههههههههههههههههههههههههههههههههههههههههههههههه

ان شاء الله وعلاش لا
لكن الغيب في علم الله
​

 

[Jagwar]

هههههههههه هو سقساه غير على المنتخب تاعنا مليح


ديما نتفرجو ونشوف الحوايج اللي يديرها هذا راه ضاربو جن ربي يعافينا ويعافيكم​

هههه انا تانى شكتلى
طاح فى جن بلعاط اكثر منو :biggrin:

عافانا و عافاكم الله




​

 

[جزائرية حتى الموت]

كذب المنجمون ولو صدقوا

"قل لن يصيبنا الا ما كتب الله لنا"

وكيما قالوا اللي قبلي

هاد الصحفي مابانلهش غير الفريق الجزائري يسقسي عليه

 

[fufa22]

يا خويا تفرحت عليه شحال من حصة
وحد الخطرة بت نتخايل فيه كان عن صحبي فيديو تاعو
كي قسم وحد الطفة على زوج كرشها وراسها في جيها ورجليها في جيها
والله لحمك يشوك منو
******
سحار دير عليه راهو يبلعط برك
مي انا علابالي نديرو حاجة في المونديال بلا ما نسمعها من عندو
lol
​

 

[زينوبة زيزو]

كذب المنجمون ولو صدقو
كذب المنجمون ولو صدفوا
احنا نسناو ربي يشوف حالنا​