Mbc Action Vs Panorama Drama Vs Nesma Tv Vs Space Toon Vs Jsc Sport Vs Al Hikma

[Sârsoùra L'mkàlChà]

المهم نرجعو ليك أنت كمشاهدة :
احم احم ....
* هل انت راض على ما تقدم هذه القنوات ؟
ايــــــه راضية دنيا و آخرة ههههه
* هل ترى نفسك تستفيد من هذه القنوات ؟
* ما هي القناة التى برأيك يجب أن تحدف من القمر الصناعى الذى تشاهده ؟
تع لبلاد لي ما تتسماش و هذوك اللي ما نهدروش عليهم نشرولنا الفسق في بلادنا
* بصراحة ما هي القنوات التى تشاهدها اذا فتحت التلفزيون ( ما تحشموش يعنى اذا راكم تتفرجو فى قنوات مصرية و لا لولاد يتفرجو على مهند و نور و لا لبنات يتفرجو على الكوميك قولولنا نورمال )
اسنــــا نوجد لاليست
نتفرج في كراميش و طيور الجنة مع الصغير
و امبيسي ثري مع لي صغر مني شوي
و لغنا مع ماما و السبور مع بابا
و مع سارة (انا برك) نتفرج امبيسي1 و 4 و اكشن
ايـه حقا و اخيرا وليت نتفرج في مسلسل تركي تع امي عندي يحصراهما تبعتش مسلسل تركي
و عندي ثاني الميكرو نتفرج فيه ليفيلم
شفت الفيلم تع alice in wonderland
وش من فيــــــلم ..... حطة تع الصح

فى انتظار ردودكم لكم فائق التقدير و الاحترام
من أخوكم Messi Bomb ( أسامة )
بالصح المقــــــــــابل ؟؟؟
​

 

[ريمة الجزايرية]

انا نتفرج على كلشي
ماطلقنا والو

 

[naGam]

أخي انا التلفاز مانحبوا مانشوفوا مانتبع فيه ومانعرفش أسامي القنوات غيرمن لبنات وجامي شفيت لروحي نفتح تلفاز ونقعد نتفرج فيه مستحيل عمري مانشوفوا التلفاز غير مرات نولي نقعد مع بابا ولا ماما ولا مع واحد من خاوتي يولي التلفاز شاعل مي مانتبعش لا مسلسل ولا فيلم لا تركية ولا مصرية ولا جزائرية ولا مكسيكية حتى في رمضان شفي لروحي تبعت باب الحارة الجزءالأول والثاني والثالث والرابع ماشفتوهش بكل
​

 

[GI Joe]

moi et la télé c comme avec l'anglais;
sinn les chaines j aimerer que tt ce qui est chonson et clip soit suprimer( remarque ça diminura la follie des ados)
moi j vois presque rien
M6 pr NCIS chaque vendredi soir
france 2 pr cmr çv bien et tt une histoire tt les jours ou presque
nessma pr lost s1 et colde case le dimanche et jeudi
a part ça rien ne vt un bon vieu film sur DVX
+ arté pr les ducumentaires sur l allmagne

Salutations

 

[Happy Girl]

الحقيقة نوض صباح نشعل الميكرو هو الاول نقرا الجرائد ثم نطل على اللمة هاذي العملية تديلي واحد 2 سوايع
ثم نقوم باعمال البيت حتى 12
بعد الغدا نشوف mbc fatafeat abudabi 1 et +1 حتى العشية بعد المغرب نبدلها jsc sport 1et2 او فاليل ساعة اللمة ولا ساعتين على حساب ثم السهرة أكيد مع mbc2 foxmovies mbcmax ويلا مالقيت فيهم والو نرجع للمة طبعا على8 نشوف النشرة غير العناوين
هذا برنامج عام تاعي في متابعة التلفاز او كل مرة كيفاش
شكرا على الموضوع

 

[BeSt GlAdiAtOr]

تحية حارة لك أخي أسامة
والله في نظري أن جل هذه القنوات بدون فائدة....تقريباً
لكن بغض النظر عن القنوات الإخبارية وبعض القنوات* التثقيفية * نسيونال جيو جرافيك*
وصراحة ن راض على ماتقدمه هد القنوت التي ذكرتها أنا
مي باقي القنوات في نظري كلها تضيع للوقت وحتى إن ذكرنا القنوات الرياضية
وأنا شخصياً لا أجد كثر من فائدة الأخبار لما تحمله من مصداقية ..فئدة والخبر لآني*العاجل*
لكن لرياضية فأنا ككل الجزئريين مهووس بكرة القدم ولا زم الوحد يمرض بلي متش لكن تبقى كله بدون فائدة تذكر
بدون ذكر المتعة واللومبيونس التي تقدمها
مي خوي درك راني معا الكارت ساتيليت راني نشاهد ونسمع الأخبار وأنا مكونيكتي في اللمة في نفس الوقت
*فالوقت ممن ذهب*


آسف على الرد السامط
......علابالك والله اليوم راني مديرونجي ومشاكل كبيرة
خليها لربي برك
مشاكل ودي بروبلام
و مصائب
..
​

 

[زهرة القدس]

وعليكم السلام ورحمة الله وبركاته
* هل انت راض على ما تقدم هذه القنوات ؟
الي نتابعها: اكيد راضية عليها
امّا البقية فكاين وكاين...
* هل ترى نفسك تستفيد من هذه القنوات ؟
اكيييييد: جدا
* ما هي القناة التى برأيك يجب أن تحدف من القمر الصناعى الذى تشاهده ؟
امممممم .. والله ماعلابالي
في الحقيقة كاين بزاف لي يستاهلو باه يتحذفو
مش وحدا ولا 2...

* بصراحة ما هي القنوات التى تشاهدها اذا فتحت التلفزيون ( ما تحشموش يعنى اذا راكم تتفرجو فى قنوات مصرية و لا لولاد يتفرجو على مهند و نور و لا لبنات يتفرجو على الكوميك قولولنا نورمال )
القنوات لي نشوفهم: هوما *الرسالة على وجه الخصوص واقأر بعض الوقت وووو...امممم:سوايع ناسيونال جييوغرافي ابو ظبي
هههههه واحيانا سبايس باور ههههه

شكرا لك جزيل الشكر على الموضوع الممتع خويا ميسي

تشرّفت بالمرور
تقبّل فائق احترامي وتقديري​

 

[Sârsoùra L'mkàlChà]

آسف على الرد السامط
......علابالك والله اليوم راني مديرونجي ومشاكل كبيرة
خليها لربي برك
مشاكل ودي بروبلام
و مصائب
..
​

ربي يعاونك خويا
و يعاونا كامل مام انا راه هاد المدة غير ليبروبلام فالدار
و ندخل للمة برك هي لي تنحي عليا الغم شوي

ربي يكون في عونك و عوني
:tears:
​