انتي متحجبة؟ نقتل روحي .....

الحالة
مغلق ولا يسمح بالمزيد من الردود.
قال سجى الجزائر:
والله احنا اختي سكان منطقة الميلية بجيجل نخرجو فالبرنوس
صح كي نعودو فالدار وطبعا ما كاين حتى راجل يفوت لجهة النساء تقلع البرنوس
وكي تعود خارجة تلبسو وتحط الشابو ولا الكلمونة تاعو كيما نقولو حنا باه تغطي شعرها وما يبان والو منها
تبان كتلة بيضاء من الثلج من برة ومن داخل تاني
إضغط للتوسيع...
اهيه هاكدا خير
شكرا على المرور الطيب تحياتي
 
قال chiva.:
نشريلها حبل في عرسي نخنقها كي متلبسش لخمار
إضغط للتوسيع...
باصي وتهنا خخخخ
هكدا تبقى عبرة للي تجي وراها
:angel_not:
 
انا العرس لي نروحلوا يخرجوا بلا خمار تالمون لي تزوجوا و هما صغار 22 سنة 24 سنة
غير في عرس خالي الكبير مطلق و عاود تزوج مرتوا في الليل لبست برنوس ابيض فيه شاpونة
 
يا ختي راح تزوج خطري في احياتها خليها تزهي علي روحا يخي راهي رايحا اراجلها انا هذا راي مافي مشكل
 
نقدر نشارك معاكم و نمد رأيى و لا ما نقدرش ؟
باسكو أنا عضو جديد و هاذى أول مشاركة لى فى منتدياتكم الرائعة و رانى حاشم منكم :biggrin:



​
 
يا عائشة أختي إحنا لعروس في الجنوب تخرج مستورة ومايشوفها غير راجلها وأهلها
وزيد تاني يخرجها لعريس من دار باباها ويركبها في سيارتوا أو سيارة أحد اقربائه وبعدين مباااااااااااشرة يديها لداروا....
والله يهدي ان شاء الله
​
 
ايه يا عيشوشة و الله غير عندك الحق
ظاهرة عجيبة و غريبة تاع الصح

حنا عندنا فى عنابة لعريس يروح يهز مرتو و يديها تصور فى البولفار و الفنار و البحر قدام الناس راسها عريان و زنودها عريانين بيض الله يبارك يسيلو اللعاب لوول هههه

ياو المشكلة فى الرجالة تاعنا لى راهم شايفين و عارفين و ساكتين نورمال
و نقول من الآخر راه كل واحد كيفاش متربى

ربى يهديهم و يهدينى و يهديك انتى و يهدى ناس اللمة و يهدى الامة الاسلامية أون جينيرال .

ميرسى عليك
ها القالمية ما تديريش عليا هاذى هي العقلية













​
 
قال BOUSS:
يا ختي راح تزوج خطري في احياتها خليها تزهي علي روحا يخي راهي رايحا اراجلها انا هذا راي مافي مشكل
إضغط للتوسيع...
تزهى؟؟؟ تخرج من دار باباها مو مستووورة :confused1: يااااااااو الخير لي عملاته لربي كله راح في ليله وحده رااااااااح باااااطل
​
 
احنا ناس الصحراء العروس تخرج بالبرنوس ومحجبه ما يشوفها غير راجلها
 
قال @هاديه@:
يا عائشة أختي إحنا لعروس في الجنوب تخرج مستورة ومايشوفها غير راجلها وأهلها
وزيد تاني يخرجها لعريس من دار باباها ويركبها في سيارتوا أو سيارة أحد اقربائه وبعدين مباااااااااااشرة يديها لداروا....
والله يهدي ان شاء الله
​
إضغط للتوسيع...

احنا كيما هاك بالظبط الحمد لله
شكرا اختي عائشة على الموضوع المميز وربي يهدينا ويسترنا
 
سلام عليكم
نقول الحق....داك البرنوس اللي ديرو نصو مايل ....راكي باغية لاكوب تاع 6000 ميل ماتبانش ههههه
على كل.... كل شي مالتربية والاخلاق والحشمة
....حنا عندنا حدث ولا حرج
ربي يحفظك ختي وماتنسايش تعرضيني ...لعرسك..
سلااام​
 
قال عائشة القالمية:

المهم ندخل في الموضوع :لعروسة نهار عرسها تكون شابة بزاف هادي حفافة وهادا ماكياج وهادي اكسسوارات وهادا شعر اصفر يكلينيوتي....الخ

أوووووووووه ربي يبارك :blush:
​
المهم كيما يقولو ليلة لعمر ولازم تخرج حطة من دار باباها هيا معليهش ماقلناش نورمال
خلي تروح بوبية عند راجلها.

بصح لي ماش نورمال :scared:انها تكون متحجبة ونهار عرسها تخرج بلا خيمار انا هاد العفسة تعوقني :scared:ومكروشيا في راجلها لي زعمة حاط روحو راجل :thumbdown:


بففففففففففف :angel_not:
راجل
بفففففففففف :glare:
​
وهو مخليها دهشة وفرجة لي من هب ودب يتفرج ويتمعن في من رايحة تكون شريكة العمر :cursing:ياو لهاد الدرجة هي تسمح لروحها تتكشف وزيد تربح دنوب وتغضب ربي ؟

ههههههه
لا مود :biggrin:
​
انا نمقت هاد الظاهرة والطفلة لي دير كيما هك صراحة نحتقرها ومادابينا هاد الظاهرة تزول من مجتمعنا يابنت الناس استري روحك وماتسمحيش في خيمارك :crying:عيب عليك
هيا انا قلت رايي في القضية هادي وانتوما واش رايكم ؟
احم احم احم خاصة شباب المنتدى حابة نسقسيكم كي تتزوجو تخليو زوجاتكم يخرجو بلاخيمار؟
هههههههههه
:scared:
بففففففف
حابة نقتل روحي

​

ماتبخلوناش بردودكم وارائكم
ويابنات انتوما تاني قولولي ليلة عرسكم تسمحو في خيماركم؟ادا نعم اقنعوني لمادا؟
إضغط للتوسيع...

هيا جبتيلهم موضوع يطيح الماء في الركايب
:biggrin:
​
 
السلام عليكم

اختي مافهمتش الموضوع مليح .. راكي تهدري عالعروسة اللي تنحي الحجاب مور الزواج :confused1: .. و لا النهار اللي تخرج فيه من دار باباها تخرج بلا حجاب :confused1:

ادا راكي تهدر عالحالة الاولى راهي خلات ههههه
و ادا راكي تهدري عالحالة الدوزيام .. ايه خلوها تتزين كما تحب مدام رايحة تخرج بالحايك و البرنوس .. نورمالمو بارتو هكدا .. العروسة كي تخرج يلبسولها البرنوس و الحايك مايبان منها والو
​
 
السلام عليكم
ولله يا أختي أني عندما أرى هذه الظاهرة أستحي في مكان الفتاة لكن الحمد الله عندنا الرجال وحدهم النساء فوق السطح والرجال في الصالون ولا في الزنقا (الشارع )
لكن للقضاء على هذه الظاهرة يجب أن يكون هناك رجال بكل معنى الكلمة ماشي شاد ليها يدها ولاصقة فيه قدام العباد لي تعرفهم ولي متعرفهمش آسفة على هذا الكلام
و يجب أن تفرق المرأة بين الحلال والحرام ففي تلك الحالة لا يراها إلا زوجها لأنها أصلا لا تتزين إلا له
تقبلي مروري
​
 
السلام عليكم
صحيتي يا عائشة على الموضوع ,تع الصح هادي
العفسة هاي صايرة بزاف مي كاين وكاين
حنا عندنا المرا نهار عرسها تخرج مخنوقة بالبرنوس
همالا تقدري تقولي بلي هاداك النهار تكون مستورة
كيلي راها بالحجاب+الستار
واحد مايقدر شوفها وحتى المشية ماتقدرش تمشي
حتى يموشوها ,اما من بعد تولي دير الخيمار نورمال
وانا واحدة مانسمحش في خيماري يالوكان
 
الله يستر برك رانا غير نسمعو في العجب عام بعد عام

يولو يديرو العرس مختلط رجال ونسا و اشطرحي يالالا المتحجبة

زعمة
هذه عقليات ياعائشة وكل واحدة وكيفاه تربيتها وضميرها

وخوفها من ربي . مشكورة بزاف ياحنونتي
​
 
ههههههههه عوقاتك العفسة هادي هههههه
اني تاني​
 
اختي حنا العروسة عندنا مازالت تخرج بالبرنوس
وتخرج مع اختها واخت العريس وتركب فالطوموبيل مع شيخها
ونزيدلك الاعراس عندنا جامي دارو ميكست رجال وحدهم ونساء وحدهم
على بيها يقولو علينا معقدين​
 
آخر تعديل:
قال اسلوبي ذبح غيري:
السلام عليكم

قتلتيني بالضحك يا عيشوش والله نتاع الصح تعليقك مهبول
كاين منها شغل النهار هذا مباح للعروس تنحي الخمار
ولو ما شفتش المنظر هذا الا مرة وحدة منحبش لاعراس
ايا ربي يدومها وننتظر مواضيعك
تحيتي​
إضغط للتوسيع...
وعليكم السلام ورحمة الله وبركاته
:biggrin:يسلمك اختي :scared:والله تشوكيت بزاف ههههه
شكرا على المرور الطيب تحياتي
 
اختي حنا عندنا في ولايتي تخرج العروس بالبرنوس ودايرة الشيشية على راسها مغطيلها كلشي غير راجلها اللي يقيدي فيها
​
 
الحالة
مغلق ولا يسمح بالمزيد من الردود.
العودة
Top