نعم أتزوج فتاة لها ماضي

[عبد الجبار الجزائري]

كل واحد ونصيبو في الحياة

الي مشى يدي وحدى مشات والي ممشاش يدي وحدة ممشاتش والعكس وكاين الي حب ربي يبليه
صح الطيبون للطيبات والخبيثون للخبيثات بصح كاين الي يقع في ابتلاء ويبليه ربي بعكس ما كان يتمناه
خليوها لربي وكل واحد يدي نصيبو وميقول لا مشات لا ممشاتش يقول ربي يهنيه ويصلحلو في زوجنو واولادو ودنياه واخرته


كثرت مواضيع الزواج وقيلة كامل رايحين تزوجو وتنقصو العنوسية
​

 

[kojak]

كل واحد يدي ماكتبلو ربي
​

 

[souhila_95]

اذا تابت وحبتك من قلبها واش فيها

 

[Houda Chaouienne DZ]

السلام عليكم اخي
ذرك واعر صح وين تلقا طفلة ما عندهاش ماضي
و نفس الشي بالنسبة للطفل
بون .. لازم تكون هاذ الطفلة تابت و حبست من هاذ الدعاوي
بصح إذا مازالت غير ماكان لاه
هذا رأيي
شكرا على الموضوع
ننتظر جديدك
تقبل مروري أخي
​

 

[أمولة]

عندك الحق 99 بالمئة هكذا راه مجتمعنا
بالصح مكانش طفلة محبتش ولا طفل بالصح ماشي بالضرورة تخرج معاه
انا مثلا حبيت من لبعيد لبعيد

 

[الشاوية الحرة]

قريـــــــت المــــــــــوضوع وردودكــــــــم ماعجبــــــــــــونيش راكــــــــم حـــــــــــاطين البـــــــــناات كــــــــــــــاامل كيـــــــــــف كيف لا راكم لاغالـــــــــــــطين وكاين بــــــــــــناات بـــــــــــــزااف ماعندهمــــــــــــش مــــــــــــــااضي كيـــــــــــــما راكـــــــــــــم تسميـــــــــــــــوه
​

 

[زهرة الجنوب9]

انا واش نقلك الطيور على اشكالها تقع وفاهم يفهم صح

 

[الجريئة]

انا نقلك مازلت صغيرة على لحوايج هادوا
وجامي خممت فيهم
يعني مازال الي ما عندوش ماضي
و راني معاك في لكلام الي قلتوا 100ب100
شكرا على الطرح​

 

[الجندية]

راني معاك خوووو بصح كي نقولو ماضي ... يعني ماضي
ماشي قنبله يآك ؟
أيـآ راني معاك خويا
​

 

[الجندية]

عندك الحق 99 بالمئة هكذا راه مجتمعنا
بالصح مكانش طفلة محبتش ولا طفل بالصح ماشي بالضرورة تخرج معاه
انا مثلا حبيت من لبعيد لبعيد

يآ أموله يآ أموله
الله يحفظك ع الهدره الزينه تبانلي مكانش في هاد الدنيا لي ماحبش ولا لي ماحبتش
قاع حبينا وبغينا

 

[الورد الأحمر]

والله عنندك الحق خويا وانتا قلتها
يدي لي الباسي تاعها هو خير ما يدي
لي ما يعرفش الماضي تاعها خلاص
مغسي خويا ... سلامو
​

 

[محبة الاستطلاع]

السلام عليكم مكانش طفلة ماعندهاش ماضي ومكانش لي مايغلطش خير الخطائين التوابون كاين لي تغلط كي تكون صغيرة ماتعرفش الصح من الغالط كي تكبار وتعرف الصح تندم ومتعاودش الخطا نتاعها وكاينة لي تغلط وعلبالها بلي راهي غالطة وتكمل في الغلطة نتاعها وماتدي غير لي كاتبهالك ربي والزواج هذا راهو gانية قادر تربح قادر تخسر والانسان ماهوش معصوم من الخطا واذا كتبلك ربي مع وحدة عندها ماضي انوي وابدا صفحة جدبدة معاها وديرها على اساس راح تستر ولية خترماه راح تربحها عند ربي ومايهموكش لعباد واش تحكي خترماه نهار الاخرة انت لي راح تتحاسب مايش هوما واسمحلي راني طولت عليك وربي يهنيك ويطيحك في وحدة على قد قلبك ونزيد نقلك ربي سبحانو هو لي يحاسب مايش العبد وربي سبحانو هولي يسامح ان الله غفور رحيم وانتوما ماتسامحوش
​

 

[محبة الاستطلاع]

السلام عليكم ورحمة اله وبركاته
انا وحدة من الناس نفهم واش كاتب ربي يوصل باسي مش باسي مايهمش
والمشكلة ماهيش فالمرا علاه لانها هي تبحث على الامان والحنان وين لاقاتو مع زوجها سواء كانت تعرفو ولا جديد عيه راح توالفو وتكون بيناتهم محبة
لكن المشكلة راهي فالرجل لانو مهما كان لوكان يجيبولو وحدة هاذا وين زادت ويربيها على يدو بصح عينو تبقى لبرا
نقولو ربي حللو 4 ياسيدي ربي يهنيه بصح ماتنساش هاديك الي رمات كامل الباسي في جالك رفدت ولادك تجي انتا في دقيقة ترميها موراك
ونضن انا الي يحب يتزوج يدري النية ويبدا من جديد والماضي يخليه في حالو لانها هي اذا كان عندها ماضي ماكنتش تخون فيك
انما الاعمال بالنيات والطيبون للطيبات والخبيثون للخبيثات شكرا على الموضوع
تقبل مروري الطويل

اعجبني ردك وعندك الحق في كل كلمة قلتيها لي حاب يزوج يدير النية ويكمل انما الاعمال بالنيات محسوب كي تعرفها ودير معاك كي عينها ادير مع واحد اخر ماهيش راح تشاورك والانسان ماهوش معصوم من الخطا

 

[NaDiA.]

كل واحد ونصيبو في الحياة

الي مشى يدي وحدى مشات والي ممشاش يدي وحدة ممشاتش والعكس وكاين الي حب ربي يبليه
صح الطيبون للطيبات والخبيثون للخبيثات بصح كاين الي يقع في ابتلاء ويبليه ربي بعكس ما كان يتمناه
خليوها لربي وكل واحد يدي نصيبو وميقول لا مشات لا ممشاتش يقول ربي يهنيه ويصلحلو في زوجنو واولادو ودنياه واخرته


كثرت مواضيع الزواج وقيلة كامل رايحين تزوجو وتنقصو العنوسية
​

خويا سمحلي حبيت نعقب على كلمة البلاء
ربي يبلي في كلشي الا الاعراض​

 

[*ايمان*]

خويا ماش كامل عندنا ماضي لا متجمعش

 

[عبد الجبار الجزائري]

خويا سمحلي حبيت نعقب على كلمة البلاء​

ربي يبلي في كلشي الا الاعراض​

ربي يبلي في كلشي وفي الاعراض
اسمحيلي

 

[منال.48]

السلام عليكم أخي الكريم أنا لا أتوافق مع رأيك خاصة أنك بدأت موضوعك بإلا من رحم ربك يعني هادو اللي رحم ربك متخلقات ومعندهمش ماضي ومع ارتفاع نسبة العنوسة راكم تقولولهم ديروا ماضي باه تتزوجوا ولا كيفاه سيرتو حنا في مجتمعاتنا اللي متتزوجش يكرهولها حياتها ويعقدوها حتى ولو هي اللي رفضت العرسان خاصة مع ارتفاع المستوى الفكري لدى الاناث

تقبل مروري

 

[NeيRسNe]

اهلا خويا شكرااا على الموضوع
ممكن يلقى لي ماعندهاش الماضي وممكن لا
و حقيقة لي راها كاينة انو الشاب مايبغيش يدي لي يمشي معاها يقول في بالو مشات معايا تقدر تكون مشات مع غيري ايا يلغي المسافات و يقصرها و يقول في بالو احسنلي وحدة ماعندها ماضي عرفتني انا وبس
لكن كيما قلت يديها يكون هو ماضيها احسن من لي مايعرفش اصل ماضيها
احسن شي البنت لازم تحافظ على كرامتها وماتكون ماضي لاي حدا باش تكون مستقبل وحاضر حدا
و الله تكون عندها راحة نفسية و تكون مرتاحة حتى فالتعامل مع زوجها وهو متيقن و متأكد انو هو أول شخص بحياتها
شكراااااا لك اخي على الموضوع
​