راني حاير في عقلية ( ألو كاش جديد )

[** غزال الصحراء **]

السلام عليكم

لاباس هشام! كاش جديد>>>؟
هذي كاش جديد نقولها برك لصحباتي
مي لافامي جامي ولا نهدر معاهم
وانا من رأي لي كوبل هما اللي يهدروا اكثر مش لافامي
لافامي غير مناسبات ولا مرة على مرة
تحيتي​

أهلا بيك خولة ,,, و الله لا جديد لا والو ناشفة :001_unsure:

ايه صح ليكوبل هوما لي يهدرو يوم كامل كي صباح الخير

ربي يلطف و خلاص ,, يعطيك الصحة على الPassage //

 

[AnGeL*dZ]

مرسي عليك كوثر , malgré تاهتلي شويا في اللول واش هاذا القال قال :confused1:

نستعملوه في صياغ الحديث لول
قال قال تعني
حاب يقولك ههههه
​

 

[** غزال الصحراء **]

السلام عليكم اخي الفاضل

والله كلامك صحيح فعلا الموبيل دا حيز كبير في التفرقة بين العائلات
ان صح القول
ولا غير الموبيل يحكي سيرتو اللي عندو أبونمو غير يجي وقت الليل احكي مع خالتك مع عمتك
لازيارة لاهم يحزنو
على الرغم من ايجابياته الا أننا أسأنا استعماله
بارك الله فيك خويا
ربي يحفظك​

سلمت أناملك زميلي ,, واش تحب دير كل زمان و زمانو

و زمانا زمان الألو ألو //

 

[** غزال الصحراء **]

نستعملوه في صياغ الحديث لول

قال قال تعني
حاب يقولك ههههه​

اه صافي راني مراطي ياك ,, اللهم ما زدني علما

قال قال //

 

[جزائرية حتى الموت]

راك هنا اخي هشام :biggrin: :biggrin:

نورت المنتدى :biggrin: :biggrin:

والله مارانيش عارفة كي نجاوبك

انا الحاجة اللي تنارفيني :cursing: :cursing:

واحد مدة ماشفتهش يبيبيلك

كاش جديد وما تسمعهاش من عنده

هدا لو كان كل يوم راك تشوفه دومي مال :biggrin: :biggrin:

يبيبي على روحه


المهم الله يديم افراحكم يا غزال

باش تتلاقى كل يوم مع لافامي :biggrin: :biggrin:

 

[** غزال الصحراء **]

صح عندك الحق بصح ماتنساش لاvونتاج تاعو
انا بعدت على عايلتي ونافعني غير البورطابل وينك يا مع الاقارب نشوفهم مرة في العام كل مرة نلقى زاد عندهم مولود جديد.وحكاية بنتك ولا ولدك كبر غير هي اللي نسمعها
الفايدة كي نستعملوه في المفيد
اما الحكايات الراشية تودر الوقت قبل الجيب وسيرتو واش كاين جديد نعود نفلي في روحي وما نلقاش.
واش راح نقولو الوقت راهو يفوت وسعدك يا فاعل الخير
يعطيك الصحة على الموضوع اللي رانا نعيشو فيه كل يوم

اه وي في هاذي عندك الحق , كي تولي في البعد و دعوة , ما ينفعك غير هو

و الله يحل مشاكل كبار و يخليك دايمن مطمنة على فاميلتك ..

على بيها في السوجي قلت ( تلقى بيناتهم كيلومترات )

يعني ما نيش نحكي على اللي بعاد هاذيك الله غالب , الضروف قالت هاكا

و كي يتفكروك و لا تتفكريهم بمكالمة فيها خير و براكة

مرسي عليك ندى دائمة متألقة بتدخلاتك البناءة .

 

[** غزال الصحراء **]

راك هنا اخي هشام :biggrin: :biggrin:

نورت المنتدى :biggrin: :biggrin:

والله مارانيش عارفة كي نجاوبك

انا الحاجة اللي تنارفيني :cursing: :cursing:

واحد مدة ماشفتهش يبيبيلك

كاش جديد وما تسمعهاش من عنده

هدا لو كان كل يوم راك تشوفه دومي مال :biggrin: :biggrin:

يبيبي على روحه


المهم الله يديم افراحكم يا غزال

باش تتلاقى كل يوم مع لافامي :biggrin: :biggrin:

اه اه , و الله راني هنا و مانيش هنا .. راكي تعرفي ماكانش كيما تكوناكتي من الدار :crying:

و الله صح اللي يبيبيلي عندي كيشغل سبني

خاصة إذا كانت كيما قلتي ليها مدة ما تلاقيناش ياخي حالة , هاذي سقاطة ولى كيفاش ؟

امين ربي يدوم فراحنا و فراحكم و دائمن دائمن جزائرية حتى الموت Peace .

 

[maya31]

yes we can
زعما



نهدرو على اللولة بورتابل كيما قالك سلاح ذو حدين فيه و عليه
راني نهدر على لافامي لي بعاد بزاااف بورتابل راهو فيه لافونتاج تعيط و تسقسي

مي كيلوميترات ما شفتهاش و الله يعني خطرة في سمانة توجور نروحو نطلو على لحباب مام راك حاب تطل عليهم كل يوم تولي صامط
هههههههه و يقولك يخسر شوية اينيتي خير من لي يخسر طاكسي و شوية حلوى و كاش محجوبات



نروحو للزاوجة ههههههههههه كيما قلت وين ماكاين بونيس رانا معاها
و الهدرة باطل ياو هادي كاش جديد راهي في كلش تهدر في بورتابل ايقلك كاش جديد
تخرج برى تتلاقا مع ناس يقولولك كاش جديد تدخل الام اس ان يقولولك wasup
ما عليش واك عندهم دراهم خليهم يهدرو و يحرقو دراهمهم و خلي عيش لافي لدجيزي و نجمة
و سلعة بلادي موبيليس




المهم اتهلا و شوفلي برك هاداك البورتابل شحال راه يسوى بلاك نعربنه
​

 

[اللؤلؤة المصونة]

سوجي فور انا نحط رايي
ولا


نفرغ قلبي؟؟؟
؟

انا كان عندي بورطابل انا نحيتو هيه اعلاش..:::
1-ناس تبيبي وغي هكاك يحب يدور على ريبتوار تاعو مام الوقت يكون مش مليييييييح
2-على هادي كاش جديد .يااو نكرهها هاد الكلمة نقول pas 29 كاين قديم مسيرج ''''........
المهمـ لسباب بزااااااااااااااااف وكل انو بورطابل انا ف رايي مش مليح سيرتو فعمري انا .......


وعلى لافامي والله صح ولاو هك دك فاكنس حمدلله تلاقينا وفي عرس تالي مانشوفوش بعضاناا بكل راه مهني سي لمعلمـ((بورطابل)))..يااو لعجايز ودايرين بيه حالهـ


مممم نجو لي كوبل ياربي ............((انا حايرة واش راهم يحكوا صباح& ليل؟؟؟؟؟))))


ربي يهدي كلش نخدمو بيه بالعكســـــ ((نت تانى ناس دايرة فيها حاله **لعرب تاعنا برك**))

مارسي هشام سوجي روعه كي عواايدك​

 

[naim_biskra]

ربي يدوم التيليفونات و الفليكسي ركزلي على هذى الدعوة بزاف او كثر منها رانا ناكلو من وراها في الخبز ​

 

[didin91]

لاه مقلق روحك ياك لا ريبونس باينة ؟ قال من عندك

 

[the summer]

موضوع روعة خويا العزيز من زمان مادخلتش المنتدى بصح اليوم رح نحكي
بصح قبل مانبدى كيما قلت شحال عندي ما دخلتش احكولي كاش جديد هههههههههههههههههههههههههه
علابالي سايي سوطيت احنا عرب نفهمو كلشي بالمقلوب كتر خير الزوانت الي راهم يقضو بزاف شغال ما نكدبش عليك انا والله العظيم خطرات مانحبش نيربوندي على صحاباتي كي مايوليش جديد باه قلبي مايعياش خخخخخ
وهادي انتاع كاش جديد يجي حنا الهدرة قتلتنا والمشكلة كاين جديد وكيقولهالك تحبس من راسك
وليكوبل هوما راهم يبنو فالقصور ويهدمهم على هاديك هدرتهم ماتكملش
اعوذ بالله من كلمة كاش جديد ::::::::::::::::::::::
تقبل مروري اختكم الجديدة القديمة ذا سومر

 

[** غزال الصحراء **]

لاه مقلق روحك ياك لا ريبونس باينة ؟ قال من عندك

هههه ياو الهردة قاع في الريبونس هاذاك

و كاينة ثاني تاع : (( لقديم مسيرج ) .

 

[بيكهام]

يجي نهار ان شاء الله لترجع عقلية انتاع بكرى
علا خاطر انا واحد من ناس كرهت التيلفون ونحيتو
ونظن كاني واحد ولا 2 تاني كيما انا كرهوه
وترجع عقلية تكون راقد وتنوضك الهدرة انتاع العمة والخالة وتصيبهم قدامك يحكو
تحياتي ليييييييييييك​

 

[** غزال الصحراء **]

موضوع روعة خويا العزيز من زمان مادخلتش المنتدى بصح اليوم رح نحكي
بصح قبل مانبدى كيما قلت شحال عندي ما دخلتش احكولي كاش جديد هههههههههههههههههههههههههه
علابالي سايي سوطيت احنا عرب نفهمو كلشي بالمقلوب كتر خير الزوانت الي راهم يقضو بزاف شغال ما نكدبش عليك انا والله العظيم خطرات مانحبش نيربوندي على صحاباتي كي مايوليش جديد باه قلبي مايعياش خخخخخ
وهادي انتاع كاش جديد يجي حنا الهدرة قتلتنا والمشكلة كاين جديد وكيقولهالك تحبس من راسك
وليكوبل هوما راهم يبنو فالقصور ويهدمهم على هاديك هدرتهم ماتكملش
اعوذ بالله من كلمة كاش جديد ::::::::::::::::::::::
تقبل مروري اختكم الجديدة القديمة ذا سومر

ههه واش هاذي الدخلة المهبولة ؟ :biggrin:

على كلتي حال الجديد معدوم منا , غير لقديم و خلاص //

و الله قلتي الصح مام أنا كي نعرف العبد يعيطلي غير باش يعقب الوقت

و يبقى كل 5 دقايق كاش جديد ؟ واش تحكي ؟

أيا نسهل عليه من لول ما نريبونديش و صاي ..ربي يستر و خلاص

و على ليكوبل حدث و لا حرج , غير الكذب و خلاص

تقولو كاش جديد يطلعلها شاطو تاع هدرة , و هي كيف كيف

و حصيلة الحكاية === 0000

منورة الموضوع صديقتنا القديمة الجديدة The Summer :angel_not:

 

[** غزال الصحراء **]

ربي يدوم التيليفونات و الفليكسي ركزلي على هذى الدعوة بزاف او كثر منها رانا ناكلو من وراها في الخبز ​

خونا منا باين عندو طاكسيفون :biggrin:

 

[** غزال الصحراء **]

سوجي فور انا نحط رايي
ولا


نفرغ قلبي؟؟؟
؟

انا كان عندي بورطابل انا نحيتو هيه اعلاش..:::
1-ناس تبيبي وغي هكاك يحب يدور على ريبتوار تاعو مام الوقت يكون مش مليييييييح
2-على هادي كاش جديد .يااو نكرهها هاد الكلمة نقول pas 29 كاين قديم مسيرج ''''........
المهمـ لسباب بزااااااااااااااااف وكل انو بورطابل انا ف رايي مش مليح سيرتو فعمري انا .......


وعلى لافامي والله صح ولاو هك دك فاكنس حمدلله تلاقينا وفي عرس تالي مانشوفوش بعضاناا بكل راه مهني سي لمعلمـ((بورطابل)))..يااو لعجايز ودايرين بيه حالهـ


مممم نجو لي كوبل ياربي ............((انا حايرة واش راهم يحكوا صباح& ليل؟؟؟؟؟))))


ربي يهدي كلش نخدمو بيه بالعكســـــ ((نت تانى ناس دايرة فيها حاله **لعرب تاعنا برك**))

مارسي هشام سوجي روعه كي عواايدك​

أهلا بيك ,,

و الله صح كاين واحد الوقت الواحد يعيف قاع البورطابل و هاذا قاع بسبة عربنا

ماكانش حاجة نستعملوها كيما يلزم ,,و الله كي قتيلي لعجايز و دايرين بيه حالة

فكرتيني في خطرة كنت في السيبار و حكمة بوست حذايا واحد الشيبانيا , و الله خلعة

مريحة في السكايب تقصر و مبعد صونالها التيليفون و هزت

و بدات تعرش ما فهمت والو , وليت خطرة على خطرة نطل عليها نvيريفي hmy:

ياو و الله راصك يحبس , الفئات تاع السوسيتي قاع تمسو بيه

و لخرى الذراري صغار و لاو غير يتعلمو يهدرو يبداو (( بابا شريلي بورطابل ))

اييه يا حصراه على الزمان و الله راني حاير غير في ولادنا كيفاش رايحين يعيشو

جينيراسيون لي تجي تنسي لي بعدها ...

صحيتي و الله ردودك قمة Comme d'habitude .

 

[** غزال الصحراء **]

يجي نهار ان شاء الله لترجع عقلية انتاع بكرى
علا خاطر انا واحد من ناس كرهت التيلفون ونحيتو
ونظن كاني واحد ولا 2 تاني كيما انا كرهوه
وترجع عقلية تكون راقد وتنوضك الهدرة انتاع العمة والخالة وتصيبهم قدامك يحكو
تحياتي ليييييييييييك​

امين يا ربي ,, أنا صح راني كاره الشي هاذا مي البورطابل ما نقدرش نستغنى عليه

صح نيvيتي الحوايج الزايدة هاذي مي دايمن فيه فوائد

و واحد المصالح ما يتقضاو غير بيه... مثلا واحد مريض و بعيد عليك قاع تسقسي عليه

و لا باباك مسافر خارج لبلاد تحكي معاه , و أبسط مثال التواصل بيناتنا هنا في اللمة

بالتيليفون يكون خفيف ضريف و ديما ديما أخطونا من ( كاش جديد )

و إذا قلتهالكم أعرفوها بلي ماشي بلعاني :001_unsure:

 

[بيكهام]

امين يا ربي ,, أنا صح راني كاره الشي هاذا مي البورطابل ما نقدرش نستغنى عليه

صح نيvيتي الحوايج الزايدة هاذي مي دايمن فيه فوائد

و واحد المصالح ما يتقضاو غير بيه... مثلا واحد مريض و بعيد عليك قاع تسقسي عليه

و لا باباك مسافر خارج لبلاد تحكي معاه , و أبسط مثال التواصل بيناتنا هنا في اللمة

بالتيليفون يكون خفيف ضريف و ديما ديما أخطونا من ( كاش جديد )

و إذا قلتهالكم أعرفوها بلي ماشي بلعاني :001_unsure:

هيا هشام خلاص تعاود كلمة كاش جديد نجيب عليك جوجما
ههههههههههههههه
تحياتي ليك لعزيز
تشاو تشاو​

 

[** غزال الصحراء **]

yes we can
زعما



نهدرو على اللولة بورتابل كيما قالك سلاح ذو حدين فيه و عليه
راني نهدر على لافامي لي بعاد بزاااف بورتابل راهو فيه لافونتاج تعيط و تسقسي



مي كيلوميترات ما شفتهاش و الله يعني خطرة في سمانة توجور نروحو نطلو على لحباب مام راك حاب تطل عليهم كل يوم تولي صامط
هههههههه و يقولك يخسر شوية اينيتي خير من لي يخسر طاكسي و شوية حلوى و كاش محجوبات



نروحو للزاوجة ههههههههههه كيما قلت وين ماكاين بونيس رانا معاها
و الهدرة باطل ياو هادي كاش جديد راهي في كلش تهدر في بورتابل ايقلك كاش جديد
تخرج برى تتلاقا مع ناس يقولولك كاش جديد تدخل الام اس ان يقولولك wasup
ما عليش واك عندهم دراهم خليهم يهدرو و يحرقو دراهمهم و خلي عيش لافي لدجيزي و نجمة
و سلعة بلادي موبيليس




المهم اتهلا و شوفلي برك هاداك البورتابل شحال راه يسوى بلاك نعربنه
​

ههه ياحوجي على سلاح ذو حدين ( حسيت بروحي في ليكول )....

مالا إينيتي خير من الحلوى و محجوبات ياك ؟؟ أعقلي :glare:

ما حسبتكش نتي ثاني من جماعة ليبونيس اااه واعرة هاذي تاع

( وين ما كاينة بونيس رانا معاها ) معليش ربي يدوم المفعول برك

و الله ليامات هاذو راني نريح مع وليد عمي في الطاكسيفون غير لعجب

هم يبكي و هم يضحك و خلاصة القول الناس كلبت على البلا بلا و الألو ألو

خاصة مع (( الجميع يتألم )) كثرت ليبونيس و الله غير اللي يجيك يقولك

هاك نحلي تاع ديميل و ديرلي تاع سيكونت ..إلخ

و الله خطرة واحد جا قالنا بيعولي كارطة تاع 20 ميل

قلنالو قضاو مي كاين فليكسي ... واش رد في ميزك ؟؟

قالنا لا فليكسي فيه 10 ميل ربى !!! قعدنا بلا راص

حتى الألف فرنك لي نربحوها و لات ربى الخاوة قاع و لات تفتي

اني مبعد نجي الأم أس أن و نخرفك بالWhat's up :biggrin:

المهم نتي راكي منعتي من أنياب السوجي مادام راكم تروحو تزورو فاميلتكم

و ما تنسوش طلو على عمكم الحاج

Peace .