غدوة رايح لدزاير ..اللي يحب نتلاقاو راني هنا

[aMiNa-K]

عالسلامة موح
مازال الوقت حتى لنهار الخميس :angel_not: .. ان شاء الله تجوز يامات انتيك
​

 

[aMiNa-K]

...................​

 

[وردة جزائرية فواحة]

إيييييييييييييييييييييه بصحتك خويا راك غيرتنا
طريق السلامة

 

[Moha le sage]

عالسلامة موح
مازال الوقت حتى لنهار الخميس :angel_not: .. ان شاء الله تجوز يامات انتيك
​

ربي يسلمك


ربي يطول لعمار :angel_not:
​

 

[Moha le sage]

ميرسي ليكم كامل ..ربي يحفظكم

 

[Moha le sage]

موح أرواح زورنا في بلاد الشاقواق
تعرفها؟؟؟؟؟
وإلا مازال زعفان ؟؟؟

منزعفش من الرجال .. كي تكون معايا راجل حتى وتسبني مقبولة منك

راني جاي لواد السوف بربي ان شاء الله ..بلاك السمانة لولة بعد العطلة .. وراك في لاليست متخافش

 

[Moha le sage]

تصويرة من الطريق ..رحنا من طرق جديدة على جال السيركيلاصيون ..طريق بين الجبال

 

[im£ne]

تروح و ترجع بالسلامة
بلا ما نوصوك ...لي فوطو ماتنساهمش
و مرحبا بيك في اي وقت عنا في بلعباس

 

[Moha le sage]

بلادنا فيها بلايص شابين بزاف

 

[Moha le sage]

موح أنا لمت عليك لكن مستحيل نسبك
ونعرفك راجل وتبقى راجل والذهب عمرو ما يتحول نحاس
خلينا نروحو نخربشو شويا

​

شوف انا نخربشلك خربيشة واشفى عليها ..راه جاي نهار ما نتلاقاوش

محمد ماراه تاع وجوه

ماراه تاع مناصب

ما راه تاع بنات

ماراه تاع تشيبات و دراهم

ماراه تاع والو في دنيتنا هادي

عشت حياتي و كرهتها رعم اني داخل في 32 ... كون ماجاتش عندي الوالدة نقوم بيها ..كون راني ياحصراه وين طلقت روحي من كاش قنطرة ..

ما يهمني في والو .. وشايف و عايف .. و كاره كلش .. نحوس على القدر و الكلمة الحلوة .. باقيها راهي الدنيا كامل و ما حملت ليهم ..


نعيش هاني .. و نخطي الغاشي ..باسكو ما بقاش الي راح يفهمك منا و غادي .. كلش منين رايح يعواج


كي نتقاس نزعف بصح قلبي كبير .. و يهز كثر ما تهزو بلدان كومبلي

راني كتبت بزاف ..بلاك وحد العشرين يوم و نكونو مقصرين و دايرين على كيسان تاي في الواد ..ونحكيلك على حياتي اللي ما ضقت فيها غير لمرار

 

[POLIYANA]

محمد ابن بطوطة اللمة
خونا الكبير الي يدور على خاتو الصغار ويطل عليهم هههههههه​

 

[Moha le sage]

محمد ابن بطوطة اللمة
خونا الكبير الي يدور على خاتو الصغار ويطل عليهم هههههههه​

هو بن بطوطة و نا ابن قطوطة :angel_not:

ما ننساش لقاء تاعنا في قسنطينة ...يامات فور .. وتحويسة فور .. ونوعدك ان شاء الله نعاودها :angel_not:

 

[Moha le sage]

حتا الرد ومعريفة ههههههه
سلام

راك كبير يا عامر على الهدرة هاذي
​

 

[POLIYANA]

هو بن بطوطة و نا ابن قطوطة :angel_not:

ما ننساش لقاء تاعنا في قسنطينة ...يامات فور .. وتحويسة فور .. ونوعدك ان شاء الله نعاودها :angel_not:

يخي من هداك العام وانا نرحب ونعاود غير ارواح برك يا ابن قطوطة هههههه
الشميسة والحال مليح ​

 

[optimist]

نتمناولك تقضي أمتع الأوقات
مع ناس اللمة

 

[Moha le sage]

ديجا كي راح نتلاقا بزوج اعضاء عزاز لحد الان .. ça me fait plaisir

 

[Moha le sage]

نشكر جميع من دخل للموضوع و ربي يحفظكم ان شاء الله

 

[عفاف الجزائرية]

علاه راكم حاسدينو شابع تحواس شابع تحواس
زعمى برك
المهم بصحتك خويا محمد وكي توصل ثما اتفكرني بمساج قول راني وصلت باه نحلم بلي راني مع الجماعة نتاع اللمة اللي راح تتلاقى بيهم
ربي يخليك خويا ويعطيك واش تتمنى

 

[Moha le sage]

علاه راكم حاسدينو شابع تحواس شابع تحواس
زعمى برك
المهم بصحتك خويا محمد وكي توصل ثما اتفكرني بمساج قول راني وصلت باه نحلم بلي راني مع الجماعة نتاع اللمة اللي راح تتلاقى بيهم
ربي يخليك خويا ويعطيك واش تتمنى

ميرسي عفوفة ..راني نجي ونحكي ان شاء الله على اللقاءات لي نديرهم ..

فكرتيني في ليميساج ..يخي لي ميساج منخدمهمش هههههه غير كي يبعثولي نرجع .. بصح راني نحكيلك ان شاء الله ... تهلاي في اللازانيا برك :angel_not:



تهلاي في روحك ختي عفاف

 

[أحلام البليدية]

مرحبا بيك خويا تنور البليدة بوجودك