العجايز تاع بكري وتع ضركا كيفاه يخطبوا ؟؟

السلام عليكم و رحمة الله تعالى و بركاته، بيانسوووووووور و بدون منازع عقلية ثجلة، و الله غيل روحوا يمات زمان الله يجيب الخير يا رب و الله يستر العاقبة.
​
 
موضوعك يقدر يكون سيناريو لكاش مسلسل يا امووووووورة
ههههه
ياو رانا ف 2011 ماشي ف 1950 كلشي تبدل حتا الزواج والخطبة و تبدلو
بكري الام هيا الي كانت تاستي
ضرك هو يكون متاستيها من قبل و عارفها وعارف عقليتها من قبل 10 سنين ولا اكثر
لذلك مكان لاه الام تاعو تشقي روحها و تعاود تاستيها هههه
موضوع شباب و امور كيفك
يعطيك الصحة...تحياتي ​
 
hhhhhhhhhhhhh ta3 bekri 7ata ydiroulek scaner bah yedouk mechi kima darwak yro7elha ygoulelha baghit netzouwaj flana tro7 tokhtob lyoum w 3la une semaine tediha lel dar w mba3d 1 mois treja3ha ldar babaha

merci 3la elmawdo3 hayel
 
هههههههه دوكااا خلاص راهم هما يخيرو ويتوزجو ويقول ليماه ايا تحضري لعرس هدا مكان
​
 
بكري لعجوزة كانت تحكم و دروك لعروسة راهي تحكم في راجلها و عجوزتها​
 
قال امورة المنتدى:
السلام عليكم خاوتي جبتلكم كي العادة ميضوع آ الميضوع تاع اليوم


الخطبة البارح واليوم

بكري الولد جا جاب ليماه وردة من الحوش

الولد // يما واشراكي ؟

يما // راني لاباس ياوليدي واش بيك وجهك راه كارط ؟

الولد//يما حبيت نتزوج

يما // يسود سعدك وشكون هديا ؟

الولد//علجية بنت عمي قويدر

يما // غدوا نروح نشوفهالك

*********************غدوا من داك *****************************

دقدقدقدقدق

علجية // شكون؟
يما//افتحي انا خالتك ثلجة
علجية //وشراكي خالتي
يما // لاباس ويناهي مك ؟

جات يمات علجية (لالة فطوم )

يما // جيت بالحسب والنسب نخطب بنيتك علجية لبني مسعود

جات عليجة فرحانة وخدودها حمورة ***********

يما // افتحي فمك

( العجوز راهي تقلب كاش سنة مكسرة )

امشي تشوفي

(تشوف ادا عايبة )

اهدري

(تشوف الا ع9ونة )

من بعد التاست اللي دارتو اتزوجوا وجابوا وخلفوا صبيان وبناااااااااااااات

+++++++++++++++++جيل اليوم++++++++++++++++++++++++++++

الولد// ماما روحي اخطبيلي كامي

*********راحو ***********************

ماما // جينا بالحسب نخطبوا وليدي آلي (علي) لبنتكم كامي (كميليا)

دارو الخطبة والعرس جا جات العروس تضحك طاحلها فمها (كانت دايرة آباراي )


***************************************************************

شفتوا كيفاه تبدلت العقلية في ميزك وشمن عقلية خير

عقلية ثلجة ولا عقلية ماما؟؟؟؟؟؟؟؟؟؟؟؟؟؟؟؟؟؟؟؟

*****************ختكم امورة*************************
إضغط للتوسيع...
hhhhhhhhhhhhhhhh
merci bcp okhti amoura
tbadal lwaqt hata lbnate 3ado ki lplastique qon t9issih yafssad ​
 
kol wakt w wakto mi merci 3ala hada el tarh wallah dahaktina
yakhi wakt
 
هههههه والله ضحكت من قلبي بصح كيما يقولو
خير البر عاجله كل واحد يعيش وقتو
 
ههههههههههههه

اواه تاست الخطبة نتاع ثلجة صعيييب :santa_1:


نظن الاحسن الخطبة نتاع درك

:shay:لي تعجبو وحدة يديها و خلاص


يعطيك الصحة​
 
قال امورة المنتدى:
يما//افتحي انا خالتك ثلجة :scared:

يما // جيت بالحسب والنسب نخطب بنيتك علجية :eek:i-o: لبني مسعود

جات عليجة فرحانة وخدودها حمورة :shay:***********

يما // افتحي فمك :schmoll:

( العجوز راهي تقلب كاش سنة مكسرة ) :eek:_o:

إضغط للتوسيع...




ههههههههههههههههههه

موضوع أعجبني بزااااف :santa_1:
​
 
هههههه و الله غير يعطيك الصحة صديقتي ..............فالحقيقة رانا قريب نوصلو لوحد الوقت كامي نروح تخطب اليي .......................ربي يستر برك ..........
 
هي صح الحالة تقلبت بصح دروك خير هذا رايي
بصح الموضوع شباب يعطيك الصحة
 
hhhhhhhhh wlh mana3raf hhhh
 
على الاقل في بكري كانو كي يخطبو يجيبو مرا بمعنى الكلمة
مش كيما ذرك راهم يجيبو باش يربو​
 
يعطي الصحة كتلتيني بالضحك الحمد لله مرانيش عايش بكري كوراني ماتزوجت لخطرش انا رايح فيها من كل جهة و طريق:cra_zy:
 
هههههههههههههههههههههههههه
والله غير عندك الصح
رجعو يدلعو ولادهم باش يقبلو بيهم هههه والله لا عجب
و كون تسقسياها واش يخدم وليدك تقولك دراهم papah قاويين (wlid papi )
ههههههههههههه
شكرا على الموضوع القمة *القمة
 
هههههههه ياخي العروسة كامي ماجابتش معاها دراري لخاطرش كلشي vite vite هههههه
شكرا لك ميضوع رائع
 
ميرسي لكل الاعضاء اللي ردوا ​
 
ههههههههههههه عجبتني تاع علجية و ثلجة و ga3 و الله فيلم هاااااااااااااااااايل ههههه
شوفي كي يتبدلو العباد تتبدل العادات و التقاليد معاهم و كل حاجة راهي تتبدل
مي و الله موضوعك يضحك بزززززززززززاف mrc bp
​
 
بكري كانو البنات يسوفريو باش يتزوجوا
و تبقى العجوزة تقلب فالطفلة كي الطبيب
و يا ربي اذا تعجبها و لا لا لا
مي دوكا ولات المرا هي المعلمة
و العجوزة ما عندها حتى دخل
vive وقتنا هذا خير
اللي تعجبوا يروح يخطبها
و يماه تدرب النح و السكيتة
و تقول غير ايه باش ترضي وليدها
شكراا لك على الموضوووع عزيزتي
في انتظار جديدك
​
 
العودة
Top