موضوع بزاف شباب يعطيك الصحة على الطرح
هاد الموضوع بالذات ماتقدرش تهدر بصفة عامة لانة فيه تفرعات بزاف و حالات بزاف
قادر يكون فقدان العذرية ناتج اغتصاب حادث تشوه خلقي كيما قادر يكون ناتج من فعل الزنا
بصح الحاجة اللي نقدر نقولها هي انو الانسان بطبيعتو يخطئ و يغلط و هنا نحدد الخطا العلاقات الجنسية اللي تكون خارج اطار الزواج و الغلط يقدر يكون من البنات كيما يكون من الاولاد بصح الفرق الوحيد انو البنت ممكن تتكشف وعلاش حنا كمجتمع اسلامي نحصروها في البنت برك بالعكس في الاسلام الزنا هو الزنا سواء عند الراجل او المراة
و انا نحكيلك على رايي و على حساب واش شفت للان في حياتي (علابالي ما شفت والو و في هاد الدنيا عيش تشوف) كاين بنات و الله العظيم غير بنات فاميليا و تربية و اخلاق بصح تحشاتلهم و راحو ضحية مانيش نقلك الذنب مش ذنبها هي تتحمل جزء من المسؤولية و و الباقي تتحملو العايلة و المجتمع الصحبة اللي مش مليحة و الذئاب البشرية
انا نقول حاجة للشباب اتقو الله في بنات الناس و الشرف و الله ما يتقاس بقطرة تاع دم و ما يتقاسش بطرف قماش حاطاتو على الراس الشرف راه اسمى من هاد الشي قاع
جوابا على سؤالك اذا صراتلي ( بعيد الشر على البنات قاع) اذا كان اغتصاب لا قدر الله بعيد الشر كان حادث و الا شيء ثاني فراح نقول لشريك حياتي لانه هادي من حساسيات المجتمع و ياما تخربت بيوت على هاد الحكاية
و اذا ما كانتش كاينة ثقة فعلاش يكون الزواج لانه الزواج يتبنى على الثقة الاحترام و الحب
و حبيت نسقسي الشباب اذا تقدر تتزوج ببنت مغتصبة و الا فاقدت العذرية تاعها ؟؟؟
في الاول قلت لك ما تقدرش تعممها بصح كاين حاجة وحدة اللي نقدرو نعمموها و هي انو لازم نسامحو الناس و نوقفوش حياتهم كاملة عند غلطة لانه البنت قبل ما تكون بنت هي انسان و الانسان بطبعو يغلط
