إستنتاج أخوكم sahiko على : Lamour بار تيليفون

[sahiko hamza]

ههههههههههه

والله مرحبا بيك خويا معانا

مي الله ايبارك عليك باين عليك داخل عليها تفلسيف من لول

قالو الحب بار تلفون قالو

يا راك يضحكو عليك كي تنصحهم هاد الوقت يا شريكي

قول ربي يسترنا وخلاص

سلالالالالام​

أهلا خويا لعزيز
شكرا لك وعلى نصيحتك الغالية تحياتي
​

 

[sahiko hamza]

أنا غاضني لي راه يدفع في الفاتورة تاع التيلفون يا دراهم حرام ولا دعاوي الشر ..
ألو دعاوي الشر ...
شكون معايا
دراهم حرام ................شكرا على الموضوع​

مايغيديكش باسكو راه يحكي قغاطوي ... يكلم بالدراهم كي يعود في خدمة يغيدوك لبنات هاذوك لي راهم يديبانو فالريح :glare:
​

 

[اسماء16]

واش تحب خوياااااااااا عيش لوقت بوقتوووووووو مكاش واحد جزائري مسياش الحب بار تيلفون وانت واحد منهممممممممممم صح​

 

[nina bonoise]

كاين لي يديروها
نعرف وحدة متعرفة على 3 دراري بار تيليفون
واحد من عنابة و واحد من alger و واحد معمباليش مين
و الله تجي تفهم ادوخ
قاتلي راني نعقب في الوقت بيه بصح الحق راني نحب تاع الجي
ههههههه​

 

[sahiko hamza]

واش تحب خوياااااااااا عيش لوقت بوقتوووووووو مكاش واحد جزائري مسياش الحب بار تيلفون وانت واحد منهممممممممممم صح​

هههههههههه
مليحة تاع عيش الوقت بوقتو
انا نحب بار تلفون هههههههه
انا نجوز في الوقت بصح راني راجل
بصح انتموها الشرف تاعكم لا طاح راح وعيش وقتكم :angel_not:
​

 

[sahiko hamza]

كاين لي يديروها
نعرف وحدة متعرفة على 3 دراري بار تيليفون
واحد من عنابة و واحد من alger و واحد معمباليش مين
و الله تجي تفهم ادوخ
قاتلي راني نعقب في الوقت بيه بصح الحق راني نحب تاع الجي
ههههههه​

وبلاشي لي راهم دايرين لاشان سيغتو لا عنابية تبدالها فهاذيك الهدرة أزينة ويموجو مع بعضاهم ... قوليلها قالك عضو من المنتدى ربي يعينك ديباني برك هههههه
​

 

[اسماء16]

هههههههههه

مليحة تاع عيش الوقت بوقتو
انا نحب بار تلفون هههههههه
انا نجوز في الوقت بصح راني راجل
بصح انتموها الشرف تاعكم لا طاح راح وعيش وقتكم :angel_not:​

خساررررررررررررة عليك حراشية مكاش الي يجيب بيا الوقت ولا نلعب ودير حاجة في بلاك كيما انت راك تجوز فلوقت كيما الي راك معها راه جيب فيك با الوقت ​

 

[اللؤلؤة المصونة]

كيما قال خونا رانا في 2010 اسهل حاجة نديروا لي ستوار دامور لاكان هنا فنت & لا بار تيليفون ....

انا عايفتو هاد السوق الله غالبـ مادخلش مخي خلاص ناس كل تديرروحها تفهم ..

والا دخلت لميضوع خويا لغزال الصحرا انا رديت وقتلو ناحيت جدو البورطابل كامل ...

هيا طولت عليك وسوجيك من لكبار ياخونا ...

آآه بالحق على الاستنتاج تاعك راه صح كلو خرطي هادا امور طايواان
وكيما نقولوا :



*تجي تفهم دوخ*​

 

[sami19280]

يخي حالة يخيييييييييي

 

[نرمين]

حبيت اولا نرحب بيك أخي معانا وثاني نهنيك على الموضوع الهام وطريقة كتابته وصياغته فعلا الابداع ظاهر
وباين رايحين نتمتعو بمواضيعك انشاء الله
المهم
فيما يخص الموضوع ياولدي واش نحكو واش نخلو ليجان كلاتهم الميديتي مساكن وتصددو والبنات ضيعو شغلهم وقرايتهم يباتو الليل كامل وهوما تشيو تشيو حتا الفجر من بعد تنوضلك لالة على 11 واش قعد ههههه
المهم هادا كامل برأيي سراب وماكانش منو راهم غير يديبانيو برك​

 

[sahiko hamza]

خساررررررررررررة عليك حراشية مكاش الي يجيب بيا الوقت ولا نلعب ودير حاجة في بلاك كيما انت راك تجوز فلوقت كيما الي راك معها راه جيب فيك با الوقت ​

لا حراشية لا عنابية االشرف مافيهش حراشي ولا عنابي ولا سطايفي

الشرف لا حصل وشافو واحد غيرو عادت سلعة ديمودي .....
سامحيني على التعبير لكن لي تقرى ردي وحتى زائرة وتكون على خطأ أكيد راح تفيق وهذا الهدف من الموضوع وليس راني حراشي أو سطايفي أو ماشابه ..

مرحبا بيك في موضوعي من جديد
​

 

[sahiko hamza]

كيما قال خونا رانا في 2010 اسهل حاجة نديروا لي ستوار دامور لاكان هنا فنت & لا بار تيليفون ....

انا عايفتو هاد السوق الله غالبـ مادخلش مخي خلاص ناس كل تديرروحها تفهم ..

والا دخلت لميضوع خويا لغزال الصحرا انا رديت وقتلو ناحيت جدو البورطابل كامل ...

هيا طولت عليك وسوجيك من لكبار ياخونا ...

آآه بالحق على الاستنتاج تاعك راه صح كلو خرطي هادا امور طايواان
وكيما نقولوا :



*تجي تفهم دوخ*​

وكان دختي واش يفيقكـ
اختي اللؤلؤة المصونة بلاك انتي أول واحد لاحظ الإستنتاج لي درتو
باغسكو الموضوع كامل على الجملة هاذيك وباينة العقلية هنـا يقرى زوج كلمات لولين وياربي لاحطلك رد مي لازمك تكمل تقرى باه تفهمني وين راني واصل


أبدعتي في ردكـ شكرا لك
​

 

[sahiko hamza]

يخي حالة يخيييييييييي

لاباس عليك ان شاء الله
ياربي تكون مليح برك :lol:
​

 

[sahiko hamza]

حبيت اولا نرحب بيك أخي معانا وثاني نهنيك على الموضوع الهام وطريقة كتابته وصياغته فعلا الابداع ظاهر
وباين رايحين نتمتعو بمواضيعك انشاء الله
المهم
فيما يخص الموضوع ياولدي واش نحكو واش نخلو ليجان كلاتهم الميديتي مساكن وتصددو والبنات ضيعو شغلهم وقرايتهم يباتو الليل كامل وهوما تشيو تشيو حتا الفجر من بعد تنوضلك لالة على 11 واش قعد ههههه
المهم هادا كامل برأيي سراب وماكانش منو راهم غير يديبانيو برك​

أختي نرمن الله يرحب بيك الخير
مع إحترامي لكن من مر هنا والله صدقوني أروع رد فات عليا مش كيادت شكرتني ولا باسكو جابت بيت القصيد وذكرت أهمـ حاجة ولي هي المنواظ على 11 هههه
حاير انا في اماتهم أسكو علابالهم واش يديرو في الليل ولا لا ؟
​

 

[برنســ اللمة ـيسة]

يعطيك الصحة خويا على أول موضوع درنو وكان هائل
نقولك هادا كينين 2 انواع من الحب مستحيل يدومو لامور بار تيليفون و لامور تاع المدارس يا خويا واسأل مجرب ما تسألأش خبير انا راني جربتهم لي2 و قلت لك خويا

 

[اسماء16]

لا حراشية لا عنابية االشرف مافيهش حراشي ولا عنابي ولا سطايفي​

الشرف لا حصل وشافو واحد غيرو عادت سلعة ديمودي .....
سامحيني على التعبير لكن لي تقرى ردي وحتى زائرة وتكون على خطأ أكيد راح تفيق وهذا الهدف من الموضوع وليس راني حراشي أو سطايفي أو ماشابه ..​

مرحبا بيك في موضوعي من جديد ​

مفهمتنيش انا ماشي منوع هداك الي راك تهدر عليه في موضوعك انا نهار نحب نحب صح ونكون فيدال وي مي نعرف وقتاش الراجل يكون يجز فاالوقت ونعرف راجل كي يكون سيريو فهمت وانا شرفي الحمد لله قبل كل شيء
​

 

[belgacem39]

أهلا خويا لعزيز

شكرا لك وعلى نصيحتك الغالية تحياتي​

الله ايعيشك اخويا

لازم ننصحوك راك جديد عندنا

لازمنا نكرمو ضيفنا

باين عليك فووووووووووور بزاااااااااف


سلالالالالالالالام​

 

[نرمين]

أختي نرمن الله يرحب بيك الخير

مع إحترامي لكن من مر هنا والله صدقوني أروع رد فات عليا مش كيادت شكرتني ولا باسكو جابت بيت القصيد وذكرت أهمـ حاجة ولي هي المنواظ على 11 هههه
حاير انا في اماتهم أسكو علابالهم واش يديرو في الليل ولا لا ؟​

السلام عليكم أخي
حبيت نقولك خلي البير بغطاه:glare:
ياو أغلبية أمهاتهم عارفينبعبارة أحسن قول الاب مسكين كيفاش راهو راقد على ودنيه
أنا نعرف شحال من طفلة مدايرة بورطابل بالتخبية على والديها تحير
مي الحاجة اللي نعرفها انو أمهاتهم عارفيين يعني توخدت في الاب مسكين

 

[sahiko hamza]

يعطيك الصحة خويا على أول موضوع درنو وكان هائل
نقولك هادا كينين 2 انواع من الحب مستحيل يدومو لامور بار تيليفون و لامور تاع المدارس يا خويا واسأل مجرب ما تسألأش خبير انا راني جربتهم لي2 و قلت لك خويا

أختي princesse wa وشكرا لك على شكرك لأول موضوع ليا
وشكرا لصراحتك واش تقولي لجماعة لي راح تبدى اديماري فلامور فايت الجوطابل
​

 

[sahiko hamza]

مفهمتنيش انا ماشي منوع هداك الي راك تهدر عليه في موضوعك انا نهار نحب نحب صح ونكون فيدال وي مي نعرف وقتاش الراجل يكون يجز فاالوقت ونعرف راجل كي يكون سيريو فهمت وانا شرفي الحمد لله قبل كل شيء
​

الشرف قبل كل شيئ أكيد اختي
لكن نتمنى برك ماتزيدي تعوديها تاع حراشية ... راكي طيحي في أكبر من الحراشية ...
بعيد الشر عليك
​