الدوا تاني؟؟؟؟؟؟

[Manar19]

سلاااااام
بون ندخل في الموضوع ديراكت
عرفنا بللي لاشين قسمت معنا لبلاد
معليش....السلعة تاع لاشين
غير هي دور في لبلاد
ويبيعوهالك غالية زعمة تاع الترك وقولنا معليش
اللبسة...
الماتريال بانواعو...الطوموبيلات لي بورطابل
المواد الكهرو منزلية
و....و.... كلش
بصح باه تلحق للدوا تاني؟؟؟؟
كل مرة يبدلونا دوا بدوا خلاف
ويقولك بللي نفس المفعول
الدوا تاع فرنسا للي تخاف على ولادها
كما الدوا تاع لاشين للي يخدموه للي خرجو من لحباس؟؟؟
هدو يقتلو فينا عيني عينك
غير الترافيك وين رايحين نوصلو
​

 

[mir@cle]

هههههههههههههه
خايفين نتزوجوا نلقاو المرا مكتوب في ضهرها
made in china
​

 

[بنـ MaPa ـت]

الدزاير jamais ويلا تطور ملي زدنا وحنا هاكدا كلشي مستورد عمري مالقيت حاجة فيها MADE IN ALGERIA​

 

[هــــيلدا]

أختي بلادنا للي موافقة تقتل شعبها بيديها
علابالها بللي حاجة تضر

بصح نقولك لاشين هادي للي تهدري عليها تدير حوايج واحد ميديرهم بصح تاعنا كي يحبو يستوردو يطلبو النوووع الرخيييس خلاص وللي مخدوم بأقل سوومة

ربي يستر وخلاص
البلاد في حالة
​

 

[belgacem39]

هههههههههه

ايه اختي و الله غير صح كلامك في صوابو تاع الصح مي مزال يجي نهار و الواحد يروح باه يخطب يقولو لوالديه و ليدكم منين من الترك ولى من فرانسا ولى من لاشين

هههههههههه

ربي يقدر الخير كل شيء استيراد مكانش تصدير ربي يستر​

 

[إشراقات]

الدزاير jamais ويلا تطور ملي زدنا وحنا هاكدا كلشي مستورد عمري مالقيت حاجة فيها made in algeria​

معك حق ....

آه تذكرت ..

كانت عندي مسطارة مكتوب فيها
made in algeria

 

[بنـ MaPa ـت]

معك حق ....

آه تذكرت ..

كانت عندي مسطارة مكتوب فيها
made in algeria

ماشي تبهديلة هادي الناس يصنعو ليفواتور 2022 وحنا نصنعو ليوم والسطرة و الميبرة يخي حالة رانا فيها​

 

[Sârsoùra L'mkàlChà]

وش تحبي يا ختي

رانا في بلاد ما تشرب ما تاكل من حتى حاجة تخدمها

كلش مستورد

​

 

[Manar19]

هههههههههههههه
خايفين نتزوجوا نلقاو المرا مكتوب في ضهرها
made in china
​

هههههههه ممكن هيه....خويا حاول تشوف لوكال سي ميو هههههه

 

[Manar19]

الدزاير jamais ويلا تطور ملي زدنا وحنا هاكدا كلشي مستورد عمري مالقيت حاجة فيها made in algeria​

هيه بصح موش للدرجة تاع الدوا يبدلو الدوريجين بواحد اخر...
مشكورة

 

[Manar19]

أختي بلادنا للي موافقة تقتل شعبها بيديها
علابالها بللي حاجة تضر

بصح نقولك لاشين هادي للي تهدري عليها تدير حوايج واحد ميديرهم بصح تاعنا كي يحبو يستوردو يطلبو النوووع الرخيييس خلاص وللي مخدوم بأقل سوومة

ربي يستر وخلاص
البلاد في حالة
​

وي سي فغي...بصح متلحقش لدرجة يتلاعبو بحياة الناس...كلشي طرافيك....والدوا محتم نشريوه لاشتى غالي على الاقل نشريو للي فيه لفايدة....مشكورة نورتي الموضوع

 

[Manar19]

هههههههههه

ايه اختي و الله غير صح كلامك في صوابو تاع الصح مي مزال يجي نهار و الواحد يروح باه يخطب يقولو لوالديه و ليدكم منين من الترك ولى من فرانسا ولى من لاشين

هههههههههه

ربي يقدر الخير كل شيء استيراد مكانش تصدير ربي يستر​

خويا خير تاع فرنسا على الاقل السلعة مضمونة هههههههه
شكرا على مرورك العطر

 

[Manar19]

وش تحبي يا ختي

رانا في بلاد ما تشرب ما تاكل من حتى حاجة تخدمها

كلش مستورد

​

هيه اني موافقاتك....كلشي مستورد ....مي ميبدلوش الدوا تاع فرنسا بالدوا تاع لاشين....بويسك هدي ارواح ناس...شكرااا

 

[BOUSS]

منار كي العادة تخرجينا واجد الخرجات ما نكونوش قاع نسناو فيهم اعلابالك بلي الشينطوك (الصين) اغزاو قاع العالم بالمنتوجات انتاعهم بشرط البلدان المستوردين هما الي ايحدو شروط ونوعية المنتوج ولكانت الجزاير اي اهل الاختصاص هما الي يراقبو المنتوج اي الدواء مافي مشكل ولا مكانتش فيه الرقابة الله يستر او يحفظ مع الف تحية لكي ماتنسايش الوقاية خير من العلاج هههههه

 

[Ninja_09]

بعد ما قيل اطلبوا العلم ولو في الصين.....

الصين هي لجاتنا بعبادها بسلعتها ..
لاشين رح تآكلنا صح...

​

 

[missa_1]

الله يسلكنا هذا مكان

 

[اسيرة الاحلام]

ايه و مزال اختي العالم تاع 2010واش راح يصرالنا فيه

ربي يقدر الخير برك​

 

[nermina]

علابالك ختي رجعوني شينوية بالدوا تاعهم....