باش تتزوج لازم اتكون عندك دار وباش يعطولك دار لازم اتكون متزوج !

[MR-REDOUANE]

Equation différentielle du 3ème ordre​

 

[سماح4]

تزوج ومن بعد اطلب على سكنة المهم تحاول تدبر السكنة وتسعى على جالها ماكش رايح تسكنها طول عند أهلك.وإذا ما قبلتش شوف واحدا أخرى راهم بنات بزاف يحوسو على السترة.ما تكسر راسك ما والو .

 

[HWK4ALGERIA]

باش تتزوج لازم تخدم
باش تكون عندك دار لازم تخدم
باش تكون عندك خدمة لازم تتعب
هذي هي الحياة
ولا حبيتها راقدة وتمونجي
تحركو ترزقو
لي خلق ما يضيع خويا العزيز

ان شاء الله ،والللي دار كل هاذو ومالقاش روحو واش يزيد يدير؟

 

[HWK4ALGERIA]

تزوج ومن بعد اطلب على سكنة المهم تحاول تدبر السكنة وتسعى على جالها ماكش رايح تسكنها طول عند أهلك.وإذا ما قبلتش شوف واحدا أخرى راهم بنات بزاف يحوسو على السترة.ما تكسر راسك ما والو .

القلب وما يريد
شكرا

 

[HWK4ALGERIA]

Equation différentielle du 3ème ordre​

هذاك هو المشكل وانا مانيش فور في الmat
شكرا.

 

[HWK4ALGERIA]

هادي معادلة لا تقبل حلول​

ما تقبلش حلول عند جماعة فيثاغورس وطايس مي هنا نلقاولها حل باذن الله والا عندك شك في القدرات تاع اعضاء اللمة.

 

[HWK4ALGERIA]

خليهم خليهم يطلبو الدار ويزيدو وخلي البنت تقعد مسمرة عندهم حتى واحد ما يديها

حتى الويكتا اخويا؟ والصبر منين انجيبوه :001_wub:

 

[HWK4ALGERIA]

الدار مش شرط الخدمة صح

هذا رايك انتي اختي لو كان جاو البنات يفكرو gاع كيما انتي لوكان راهي اتحلت المشكلة.
شكرا.

 

[WiNssE]

دولة ميكي .....
​

 

[HWK4ALGERIA]

دولة ميكي .....​

وانا انحب الميكيات برك مايكونوش امعاودين، نكره الروتين وديما نفس المشكل.
شكرا.

 

[HWK4ALGERIA]

السلام وعليكم
انا مقصديش انطلع الموضوع هذا باه نحييه والا باه انزيد ف الردود، مي لقيت الموضوع نفسو منقول في احد المنتديات، والغريب ف الأمر انو الكاتب المزعوم مذكرش حتى المصدر تاعو رغم انها ماهيش حاجة عيب، مي هي من باب الامانة، وعلاه يعني الواحد يدعي وينسب حاجة ليه وهي ما هيش من حقوّ، ونتمنى انو كل الاعضاء يبدعو ويتفننو ف المواضيع تاعهم ويخلو الافكار ديما متجددة، واذا كان الموضوع والفكرة منقولة يقولها بكل فخر انها فكرة منقولة، اتجيه احسن من انو يتبهدل من مشرف والا من عضو اللي قادر يوصفوه بأوصاف مشينة ومهينة.
لنكن مفخرة للجزائر من خلال اللمة هاذي،،، واللي غارو مننا يدزو معاهم، اللمة معروفة ومواضيعها حصرية وأعضائها فور، واذا قدرتو تنقلو والا تسرقو موضوع، موحال تقدرو تسرقو أحد الأعضاء.
شكرا.

 

[dana1993]

السلام عليكم
صح هدرتك كاين منها كاين لي يشرطو الدار وكاين لي لالا كيما قال الاخ غير توعدها بلي راك رايح ديرها
انا عندي ختي راح تدخل الصيف هذا بابا مشرط والو الراجل كي جا قالو كلشي قالو عندي دار مازال موجدتش و انو راح يكري ليسونسيال يكون بدارو وحدو بعيد على مشاكل لعرايس في بعضاهم وافق بابا على هاذ الشي لانو وعدو بلي الدار كاينا كاينا
و الديار تاع البلدية زهر عندي زوج خوالي لكبير راه كراي كل مارا في دار يدور باليتامى لي عندو لا دار لادوار نهار كامل وهو خدام بوليسي و مستفاد والو والصغير عطاولو دارو باط شما كسل رجلك تخلص
و عندنا لي مدولو زوج لي عندو دار وزادو مدولو و......الخ
و الحل تاع الطفلة بغات الدار والدار بالزواج كاين

كيما يديرو كامل يعقدو ويحطو الدوسي بيسك عند الدولة راه زواج شرعي لتم يقدرو يمدولكم دار
ربي يهنيك خويا

 

[zagane]

خاوتي في اللمة راني جاي اليوم باش نحكيلكم ماشي على الزهر تاعي مي على الزهر تاعنا كل خصوصا الرجال.
ونبدالكم بحكايتي اللي هي اصلا ماشي حكاية لانها حاجة مالوفة أنا في عمري (ورقلة) يعني 30 وللاشارة وباش ماننساش برك نطلب من المسؤولين ايزيدولنا الولايات رانا حابين انعيشو ومانموتوش صغار. ، المهم في ال 30 من عمري ومازال ماستفدت من حتى حاجة من عند الدولة لا دار ولا خدمة ولا منحة بطالة ولا مشروع ولا حتى تكريم على ماكاين والو بالعكس ديما لخلايع والقوانين اللي اتعجز الشباب وتهبطلو الماء في ركايبو، وهاذا حال أغلب الشباب اليوم حتى اللي راه يقرا مسكين تلقاوه يخمم واش راح ايدير كي يقرا ويلا حتى ايلا لقى خدمة شحال راح يخلصوه ويلا خلصوه وين راح يسكن ويلا سكن شكون راح يتزوج ويلا لقا بنت لحلال اباش راح يتزوج الزاوالي وايلا اتزوج باش راح يعيش .....إلخ راني انشوف بللي الحكاية هاذي تشبه المتتالية انعم متتالية وثانيك هندسية ماشي حتى حسابية اللي نقدرو نحسبوها بعقولنا والله حاجة اتحبس لعقل واتفشل والامر اللي زاد قرقشني هو المجتمع اللي احنا افراد منو والدولة اللي احنا شعبها متفاهمين اعلينا المجتمع قالك ايلاحبيت نعطوك الطفلة لازم اتكون عندك دار، والدولة قاتلك ايلا حبيت نعطوك دارلازم اتكون متزوج ارواح انتا ولقالها الحل في ح والا في خ وكاننا نسويسيدي بالجيل ضربة وحدة والمشاكل رايحة وتكبار ياخي تعرفو المتتالية كي تعود حسابية كيفاه اتولي اصعيبا ربي ايكون فالعوناحنا الشبيبة صاريلنا كيما ليكيب ناسيونال وكاس العالم هو لعروسة ونتمناو نديوهم في زوج.:001_wub:

السلام عليكم

و باش تطلق لازم تخلي الدار للمرأة و تخرج قانون جديدة

 

[sandybelle]

ربي يجيب الخير

 

[HWK4ALGERIA]

السلام عليكم
صح هدرتك كاين منها كاين لي يشرطو الدار وكاين لي لالا كيما قال الاخ غير توعدها بلي راك رايح ديرها
انا عندي ختي راح تدخل الصيف هذا بابا مشرط والو الراجل كي جا قالو كلشي قالو عندي دار مازال موجدتش و انو راح يكري ليسونسيال يكون بدارو وحدو بعيد على مشاكل لعرايس في بعضاهم وافق بابا على هاذ الشي لانو وعدو بلي الدار كاينا كاينا
و الديار تاع البلدية زهر عندي زوج خوالي لكبير راه كراي كل مارا في دار يدور باليتامى لي عندو لا دار لادوار نهار كامل وهو خدام بوليسي و مستفاد والو والصغير عطاولو دارو باط شما كسل رجلك تخلص
و عندنا لي مدولو زوج لي عندو دار وزادو مدولو و......الخ
و الحل تاع الطفلة بغات الدار والدار بالزواج كاين

كيما يديرو كامل يعقدو ويحطو الدوسي بيسك عند الدولة راه زواج شرعي لتم يقدرو يمدولكم دار
ربي يهنيك خويا

انا نعرف ناس باساوهم ، دارو العفسة هاذي،،، الدولة صعيب اللعب معاها، والا عندك شك ف العدالة.
شكرا ليك على المرور.

 

[HWK4ALGERIA]

السلام عليكم

و باش تطلق لازم تخلي الدار للمرأة و تخرج قانون جديدة

هكاك لازم نشريهالها باه هي اللي اطلقني هههه وتخرج هي من الدار.
شكرا ليك، ربي يسترنا، ويطيحنا في بنت لحلال، صينو راهي خلات.:tears:

 

[HWK4ALGERIA]

ربي يجيب الخير

آمين ساندي:heh: