واش نقوللك يا حبيبتي اخطيك من وجيع الراس
راكي مازلتي صغيرة هاذاوين جيتي للدنيا راكي في 16 و تعرفي واش هو الحب عيشي حياتك بطريقة احسن عودي الى الله و قومي بواجباتك و اخطيك من هاذ الحكايات
اسمعيني يا حبيبتي الحب مالو وجود لا فالجزائر و لا في أي منطقة اخرى
و ربي يحبك كي بينهولك راكي انتي قلتيها بلي يكحل للبنات تسمى ماراهوش صادق معاك و غير نحيه من بالك عيشي شبابك باحسن طريقة عيشي معانا فاللمة رانا خاوة و اذا بيك عن الحب راني انا اول وحدة نقوللك نحبك و نموت عليك نقولهالك انا خير ما يقولهالك واحد ما يستاهلكش و ما تسمحي لحتى واحد يتمسخر بيك
لازم تكوني قوية و خمي غير على قرايتك
ربي يوفقك و يحفظك يا حنونتي
فهمتي عيشي حياتك بعيدة على هاذ الحب و ما راح يصرالك والوا اذا خليتيه غير ما تخميش تحزني و تبكي شوية و منبعد تولي توالفي بلي ماراهوش مكتوبك اخطيك من هاذ الجياحات انا نوصيك راني كبيرة عليك و عمري و لا عرفت و لا مشيت مع واحد
مي راني عايشة بيان بالي مهني
و تاع اللمة كامل راني حاسبتهم كي خاوتي و رانا نجوز وقت هايل
اخطيك اخطيك اخطيك من هاذ الهم
اتهلاي في روحك بزززززززاف يالحنونة*
