- إنضم
- 27 جوان 2008
- المشاركات
- 2,182
- نقاط التفاعل
- 3
- نقاط الجوائز
- 457
السلام عليكم
و كي راكم دايرين ؟؟؟
والله عندي بزاف مادرتش موضوع
حبيت نجي هادي الخطرة بسوجي شحال و هو يدور في راسي
والله حيرني نتع الصح
نصيكم ما تشوفوش للعنوان نخلوه هو الأخير
السوجي نتع اليوم يحكي على ........... !!!!!!!!!!!
نشفى لروحي خطرة من بعد ما تعشيت جاتني الشهاقة
قالك يا سيدي : راه واحد يحكي عليك
و خطرة ما عندهاش بزاف بدات عيني اليسرى تخفق
قالك يا سيدي : اليسرى راح تجيك حاجة تسرك و الإيمنة تضرك
معليش
كاينة طفلة تقرى معايا :
قالت لي بلي راح اندي وحدة من لافامي يعني يا بنت خالي يا بنت عمي
علاه : ما بغاتش تقولي و اللي يعرفها يقولي عليها
هي المهم حاجة في وجه العبد
قالك تاني : اللي تجيه الحكة في يدو اليمنى يخرج دراه و اليسرى يدخل دراهم
ولا العكس والله ما شفيت
و تاني :
ينقز على التاقة و هو صغير يخرج سراق
و تاني :
اللي يلقى مغرف صغيرة نتع القهوة البرا مطايشة
يعني راح يجيب طفل
و ادا لقى مساك شعر ولا خاتم هادا راح يجيب طفلة
الفايدة الراس يحبس
و كاينين حوايج بزاف نتفكرهم برك و نقولكم عليهم
و المطلوب منك اللي يعرف كاش حاجة كيما هادي يحكينا عليها
المهم و الأهم
شكون اللي قال هاد البدايع المرة الأولى و كيفاه بقاوا يمشوا طول الزمان هادا يعني من عهد اجدادنا
يعني قادر يكونوا صح ؟؟؟؟
اما العنوان :
قالك خطرة سمسوم لقى مساك شعر نتع البنات
اداه لماماه
قالت لو : يا سمسوم راك راح تجيب البنات بزاف
سمسوم : أنعم ؟؟؟؟ شا قلتي ؟؟؟؟
يا حفيظ يا ستار .. يا لطيف الملطف .. بعيد الشر في راسك ان شاء الله
