خايفة من الغربة ؟

السلام عليكم يا اولاد بلادي ان شاء الله راكم بخير منطولش عليكم انا راني مخطوبة لواحد من اقاربي و جاتنا فرصة باه نروحو لكندا لكان كتب ربي بصح ما نكدبش عليكم ما لقيتش روحي . كي نخمم كيفاه نعيش بعيد على بلادي و اهلي نحس بالخوف و الضيق و كي نتفكر بلي رايحة نكون مع الشخص اللي حبيتو نقول راح نعيش مليح . صح الغربة في الاول تكون صعيبة بصح نخاف ما نوالفش .دبرو عليا مالقيتش روحي وواش رايكم فالحياة تم لا تبخلو على برايكم لانه يهمني

 

[SOFIANE BATNA]

السلام عليكم
إلا كنتو تحبوا بعضاكم روحي معاه وماتخافيش
ضرك راه كاين جميع وسائل الإتصال بالوطن
وزيد بالزيادة مرة على مرة راكي تهبطي للبلاد ماشي كي اللي وصلوا للغربة وماقدروش يرجعوا​

 

[fanouse]

السلام عليكم

إلا كنتو تحبوا بعضاكم روحي معاه وماتخافيش
ضرك راه كاين جميع وسائل الإتصال بالوطن

وزيد بالزيادة مرة على مرة راكي تهبطي للبلاد ماشي كي اللي وصلوا للغربة وماقدروش يرجعوا​

مرسي خوية و ربي يحققلك ما تتمنى شجعتني و درتلي الكوراج و صح المهم نكونوا نحبو بعضانا و يكون العبد هاني
ربي يسعد و يهنيك خويا

 

[yabda me amore]

صح حنونة في الاول الحالة واعرة بصح مع شوي صبر و مع العبد اللي تحبية يخفف عليك تصيبي روحك من بعد
دري ربي في قلبك و توكلي على الله

و مبروك مسبقا + ديريلي لفار نجي معاك
ههههههههههههههههه

تحياتي

 

[fanouse]

صح حنونة في الاول الحالة واعرة بصح مع شوي صبر و مع العبد اللي تحبية يخفف عليك تصيبي روحك من بعد
دري ربي في قلبك و توكلي على الله

و مبروك مسبقا + ديريلي لفار نجي معاك
ههههههههههههههههه

تحياتي

يبارك فيك اختي واش كن جات بيدي نديك ما كاين حتى مشكل
تعيشي طلعتيلي المورال ربي يفرحك و يرزقك ما تتمناي

 

[M!ss D!or]

سقسي لمجرب و ماتسقسيش الطبيب ههههههههه
أختي تخافي من الغربة كي تكوني وحدك
مي أنتـــي الله يبارك رايحة تكوني مع راجلك يعني متوانسين و زيد إن شاء الله ربي يرزقكم بالذرية الصالحة هم لينسيوكم في الغربة
و ماتنسايش مع الأول شوي صعيبة أهلي روحك نفسيا مي صدقيني مع الوقت توالفي
بالتوفيــــق
و مبرووووووووووووك​

 

[FaRiD_M77]

ربي معااااك صح الغربة صعيبة وهما هو البعد عن الوالدين مي الحمد لله الان كيما قال الاخ يوجد وسائل الاتصال تقدري تكوني معاهم كل يوم بالتوفيق في حياتك
​

 

[ام التوام]

اختي انا تاني راني متغربة مع الاول صعيبة سيختو اذا كنت متعلقة بوالديك .شكون الي قال انا رايحة نصبر مي الخمد لله راني نهدر مع دارنا كل يوم الصباح والعشية يمى تعرف حتى واش رايحة انطيب وتشوفني الحمد لله الي ساكنين تمى ماش كما انا .ومن العام للعام نهبط وحمدي ربي الغربة ماش مليحة وفي نفس الوقت امليحة من ناحية المادة لتعيشي امليح وزيدي فكري كي تهبطي البلاد تدي معاك ليكادو وتكوني عزيزة باغسكو لافامي مايشوفوكش بزاف وزيد اتكوني بعيدة على المشاكل واي حاجة سقسي راني هنا انا كنت كما انت مع الاول وذركا بديت انوالف مي توحشت البلاد

 

[مختلف جدا]

لغريب غريب قبرو تروحي وترجعي بسلامة ....قلوبنا معك

 

[fanouse]

سقسي لمجرب و ماتسقسيش الطبيب ههههههههه

أختي تخافي من الغربة كي تكوني وحدك
مي أنتـــي الله يبارك رايحة تكوني مع راجلك يعني متوانسين و زيد إن شاء الله ربي يرزقكم بالذرية الصالحة هم لينسيوكم في الغربة
و ماتنسايش مع الأول شوي صعيبة أهلي روحك نفسيا مي صدقيني مع الوقت توالفي
بالتوفيــــق

و مبرووووووووووووك​

صح حبيبتي الشيء اللي مصبرني هو اني رايحة نكون معاه و راح نقومو ان شاء الله ببعضانا خطراش ما نعرفو حتى واحد اما الاولاد ما عندك ما تقولي ينسيوك فكلش
شكرا ختي و ان شاء الله ناهل نفسيتي من قبل

 

[fanouse]

ربي معااااك صح الغربة صعيبة وهما هو البعد عن الوالدين مي الحمد لله الان كيما قال الاخ يوجد وسائل الاتصال تقدري تكوني معاهم كل يوم بالتوفيق في حياتك​

خويا عليهم لقيتني نخمم و الله فراق الوالدين صعيب بزاف ربي يصبرنا برك

 

[fanouse]

اختي انا تاني راني متغربة مع الاول صعيبة سيختو اذا كنت متعلقة بوالديك .شكون الي قال انا رايحة نصبر مي الخمد لله راني نهدر مع دارنا كل يوم الصباح والعشية يمى تعرف حتى واش رايحة انطيب وتشوفني الحمد لله الي ساكنين تمى ماش كما انا .ومن العام للعام نهبط وحمدي ربي الغربة ماش مليحة وفي نفس الوقت امليحة من ناحية المادة لتعيشي امليح وزيدي فكري كي تهبطي البلاد تدي معاك ليكادو وتكوني عزيزة باغسكو لافامي مايشوفوكش بزاف وزيد اتكوني بعيدة على المشاكل واي حاجة سقسي راني هنا انا كنت كما انت مع الاول وذركا بديت انوالف مي توحشت البلاد

تعيشي اختي صح الوحش فيها فيها بصح كي يكون العبد هاني و بعيد على المشاكل بالدنيا و ما فيها كيما يقولك راحة البال ماتتشرى بالمال. و ثاني الناس تمدلك قيمة بالسيف عليها و يعودو يشوفو فيك حاجة كبيرة هههههه.شكرا طلعتيلي المورال ربي يفرحك
نقدر نسقسيك وش من بلاصة نتيا

 

[fanouse]

لغريب غريب قبرو تروحي وترجعي بسلامة ....قلوبنا معك

صح ربي يخليك خويا انت وكل واحد دارلي الكوراج ربي يكمللكم ما تتمناو و يبعد عليكم البلاء

 

[ام التوام]

انا راني في فرنسا .والغربة غربة مابيدمن البحر بيناتنا ماتقولي فرنسا ماتقولي كندا وكما قلت لك اي حاجة راني هنا

 

[مختلف جدا]

صح ربي يخليك خويا انت وكل واحد دارلي الكوراج ربي يكمللكم ما تتمناو و يبعد عليكم البلاء

.....آآآآآآآآمييين.....ننتظر عودتكي بأحر من الجمر

 

[المسلم حسني الجزائري]

سلام اختي
اولا الف مبروك وبالهناء في الحياة الزوجية ان شاء الله
اختي اسمحيلي اتدخل في الموضوع
الغربة يا اختي ليست فقط بان تكوني خارج الوطن ممكن تكوني في وطنك وتشعري بالغربة لانك بعيدة عمن تحبينهم ويحبوك
اما عن الغربة خارج الوطن اكيد اصعب احساس لكن انتي لن تشعري بالغربة صدقيني لانك مع من تحبينه ويحبك
ممكن الايام الاولى تكرهي حياتك لانك في البداية لكن مع الوقت تتاقلمين ولن تحسي بغربة كبيرة
كما انك تستطيعين العودة الى وطنك في الاجازات
بالتوفيق اختي

 

[dana1993]

هذا هنا قبل متروحي وكي تروحي كفاه يعني صح لبلاد مليحو ونقولك اوكازيون كيما هادي اونسيجامي متتعودلش
خممي مليح وشوفي للمسقبل واش يخصك
ربي يهنيك

 

[fanouse]

انا راني في فرنسا .والغربة غربة مابيدمن البحر بيناتنا ماتقولي فرنسا ماتقولي كندا وكما قلت لك اي حاجة راني هنا

نعيشي اختي ربي يخليك . صح كي نصحو نفوتو من لبحر ما بقاش راهي بدات الغربة
ربي يجيب كل خير ان شاء الله

 

[fanouse]

.....آآآآآآآآمييين.....ننتظر عودتكي بأحر من الجمر

مرسي خويا تعيش

 

[fanouse]

سلام اختي
اولا الف مبروك وبالهناء في الحياة الزوجية ان شاء الله
اختي اسمحيلي اتدخل في الموضوع
الغربة يا اختي ليست فقط بان تكوني خارج الوطن ممكن تكوني في وطنك وتشعري بالغربة لانك بعيدة عمن تحبينهم ويحبوك
اما عن الغربة خارج الوطن اكيد اصعب احساس لكن انتي لن تشعري بالغربة صدقيني لانك مع من تحبينه ويحبك
ممكن الايام الاولى تكرهي حياتك لانك في البداية لكن مع الوقت تتاقلمين ولن تحسي بغربة كبيرة
كما انك تستطيعين العودة الى وطنك في الاجازات
بالتوفيق اختي

يبارك فيك اختي لعزيزة و لعقوبة للي مازالو .
بالعكس انا درت الموضوع باش نشوف راي خاوتي و اخواتاتي اللي الحمد لله ما بخلوش عليا بردودهم ربي يكمل لكل واحد فيهم ما يتمني
ليام لولين صح صعاب لكن انا كنت خايفة ما نوالفش.اما الان اطمنت بزاف و ربي يجيب لي فيه الخير ان شاء الله راكم درتولي الكوراج وعدت قلقانة باه نروح ههههههههه