تابع مادا ستطبخين اليوم اختي (2)اااااااااااااااااااا

[assia11]

مساء الخير راني نجرب في الباوند كيك أنتاع ياسمين يعطيكم الصحة واش درتو

 

[hadjer cute]

يعطيك الصحة ابتسام اختي على الوصفة تاع الروز
هداك واش كنت انحوس ربي يجازيك بالخير حنونة

 

[ibtesem]

يعطيك الصحة ابتسام اختي على الوصفة تاع الروز
هداك واش كنت انحوس ربي يجازيك بالخير حنونة

بلا مزية هاجر اختي رانا هنا نتعلمو نستفادو من يعدانا

شكر لك هاجر :001_wub:

 

[وردة رمال الذهبية]

مساء النور بصحتكم كامل قهوتكم
انا اليوم درت ترتولات تاعد ندى
بصح الشكل مايشرفش​

 

[ibtesem]

معليش ياوردة غيرها في خيرها
المهم في البنة ماشي الشكل ياوردة
ماشي ديما الواحد يعمل شئ ويصلحلو

 

[وردة رمال الذهبية]

صح اختي ابتسام
البنة مازالت خليتها تبرد
كي تبرد نقوللكم
اكيد البنة تجي هايلة من عند ايدين خوتاتي​

 

[nada242008]

مساء النور بصحتكم كامل قهوتكم
انا اليوم درت ترتولات تاعد ندى
بصح الشكل مايشرفش​

يخي قتلك البارح يا سامية من الاحسن تديريها في تارتولات فردية باش تحافظ على شكلها
والبنة كيفاش جاتكم

 

[وردة رمال الذهبية]

الله غالب تكسرولي الصغار
درتهم في الكبار
والبنة اكيد تجي مليحة اي شئ يجي من ايديك بنينة
مازالت تبرد كي تبرد ونذوقها نقلك​

 

[chamousa]

صيامك فالجنة اختي شموسة و سلامي الحار للاولاد
ايه الاخت حكيك مبانتش اليوم انشاء الله خير

السلام عليكم ياجماعة واش راكم
صح صيامك شموسة ربي يتقبل

الله يسلمكم كوثر وابتسام ويخليكم امين علي كل المسلمين
الاولاد راهم بخير الحمد لله يسقسي عليك الخير

 

[chamousa]

مساء الخير عليكم صحي قهيوتكم
وردة ما عليش اختي المهم البنة او عاوديهم المرة الجاية يجو احسن بصحتكم
انا راني نطيب لفطوري شربة وداند اسكالوب وشيفلور مقلي

 

[كوثر الوهرانية]

مساء الخير عليكم صحي قهيوتكم
وردة ما عليش اختي المهم البنة او عاوديهم المرة الجاية يجو احسن بصحتكم
انا راني نطيب لفطوري شربة وداند اسكالوب وشيفلور مقلي

تفطري بالصحة اختي شموسة انتي و الاخت نوال و صيامكم فالجنة انشاء الله

 

[nawal1980]

انا درت الكباب للعشا
انا نقول لاختي شموسة صح فطورك وتقبل الله منا
ونقوللكم كامل صح عشاكم

 

[nada242008]

صح فطوركم يا نوال وشموسة
انا العشا كيما الغدا غراتان جا هايل
اصبرو شوية ونحط الموضوع
وترقبوا موضوع مفاجئة في ركن واش تهدر
راني نحطلكم الرابط بعد قليل:001_wub::001_wub:

 

[وردة رمال الذهبية]

الله يسلمك اختي شموسة
ان شاء الله نعاودها
صحة فطوركم اخواتي نوال و شموسة
تقبل الله منكم​

 

[عفاف الجزائرية]

مساء الخيرات يا لبنات لعزاز
المهم حبيت نحطلكم وحد الغرتان بما انه موسم نتاع الجلبانة انا جربتها هي صراحة من راسي خلطتها لقيتها جات بنينة قلت والله نعطيهالكم وكي نجيب الكارت ميموار نحطلكم صورها مي جربوها وماراحش تندمو
​

 

[كوثر الوهرانية]

صح فطور الصايمات و صح عشاء لنات انا ليوم عشاتي لبيري و ستاك +سلاطة

 

[رآج ـية العفو]

صح فطوركم يا نوال وشموسة
انا العشا كيما الغدا غراتان جا هايل
اصبرو شوية ونحط الموضوع
وترقبوا موضوع مفاجئة في ركن واش تهدر
راني نحطلكم الرابط بعد قليل:001_wub::001_wub:

صح عشآكم كآمل يآ بنآت وربي يتقبل من الصآيمآت
حنآ جلبآنة مع جآج محمر وسلآطة وفلآن
مآلآ رآنآ نستنآو رآكي تخلعي خفي شوقتيني ​

 

[عفاف الجزائرية]

انا درت كمية نتاع جلبانة قيس قرعة نتاع لتر معمرة جلبانة المهم غسلتها وحطيتها تفور كي عادت نص طياب نحيتها ودوزنتها درتلها شويا ملح شويا كسبر مطحون وشويا فلفل اكحل وقطعت الجاج كاريات صغار وخلطتهم معاها ورشيتها بشويا زيت (حنا نقولو صمغناها ولا سومناها كيما البربوشة ان شالله تفهموني برك) ورجعتها كملت الطياب يعني تكمل تفور
من بعد كي طابت طبعا هي والجاج (تطيب بالخف على خاطر الجاج مقطع قطع صغيرة) نحيتها من على الكسكاس وقطعتلها نص باقة معدنوس وخلطتها معاها
حضرت البيشاميل كمية نتاع طاوة صغيرة المهم لتر نتاع حليب وقطعت فيها تاني المعدنوس ودهنت البلاطو نتاع الفور بالزبدة وحطيت طبقة نتاع جلبانة وبعدها حطيت الفرماج حبات ولا غرويار ولا نتاع الميزان لكم الاختيار وبعدها كملت حطيت باقي الجلبانة وغطيتها بالبيشاميل يعني عمرتها حتان تتغلغل بين الحبات
ورجعتها في الفور كي تشوفيها من فوق تقريبا نشفت نحيها حتى وما تنشفش في الوسط هي اساسا تجي جارية يعني شغل جلبانة بالصلصة
انا جاتني بنينة نتمنى تجيكم نتوما تاني وتعجبكم
ان شالله فهمتوني واي استفسار ما فهمتوهش قولولي
​

 

[رآج ـية العفو]

مساء الخيرات يا لبنات لعزاز

المهم حبيت نحطلكم وحد الغرتان بما انه موسم نتاع الجلبانة انا جربتها هي صراحة من راسي خلطتها لقيتها جات بنينة قلت والله نعطيهالكم وكي نجيب الكارت ميموار نحطلكم صورها مي جربوها وماراحش تندمو
​

بصحتكم عفوفة ورآنآ نستنآو في الوصفة
لبنآت نروح نتعشـآ ونرجع ليكم :angel_not::angel_not:
بآش نشوف المفآجئة تآع ندوش :001_wub:​

 

[كوثر الوهرانية]

مشكورة اختي عفاف على الوصفة الجديدة نجربها انشاء الله تبان بنينة مرسيي و بالباركة عليك الخطبة و عقوبا لكامل لبنات ربي يفرحكم و تعيشوا حيات هنيئة ملؤها الحب و الحنان