ما الذي يحدث في اللمة ؟؟ ظواهر كثيرة ...

[مختلف جدا]

خويا و الله نهتم بمواضيع الناس الكل على قدر ما نقدر و ما نحب نظلم حتى واحد موضوعكـ اللي شكيت فيه جذب انتباهي و كان من احسن النماذج اللي وجدتها
احنا هنا ماناش ننقدو و برك رانا نحوسوا على التطور للمة

وهذا مكن أول أهدافي أنا ثاني...عذراا مرة أخرى

 

[rouka]

السلام عليكم أختي
و الله غير عندكم الحق أنا كنت سجلت من قبل واحدل شهرين ولا هاك و شفت مواضيع هايلة تستاهل باش الواحد يقراها و يرد عليها ومن باعد إنقطعت و عاودت رجعت واحدل المواضيع تاااااااااااااففففففففههههههة ياسر هاذي تحكي على الحب و هذا يلبز و هذا وهذا و نساو بلي رانا في منتدى مخلط و لازم شوية إحترام و حدود إذا كانا ما نعرفوش بعضانا لواحد يحترم غير ولاد بلادو كي راهوا معاه و خلونا كي تلاقينا في بلاسة لاخرا نتناقشو و ندوا حاجة فيها فايدة و الله غيركاين واحدل منتديات خليجية و سورية شاركت فيها واحدل الإحترام تحس روحك في مجلس هايل تتمتع فيه
المهم يعطيك الصحة موضوع هايل شكرا.

 

[vampire02]

عندك الحق أختي surtout هنا
:scared:

إن شاء الله ربي يهدي
​

ههههههههههههه
معنتها تبهديلة المشاهدات كثر من الردود​

 

[هــــيلدا]

والله راني نقارع في الصور
عياو يكملو عندي،،

 

[Dr.Odd]

بسيطة أحد الأمرين
إما لي يشاهد مزروب ما عندوش وقت للرد
و
إلا ما عجبوش الموضوع

شكرا لك تحقيق مميز
​

 

[radia yoyo]

عندك الحق والصراحة انا ثاني مرات نعقب على مواضيع بلا مانرد عليهم

جزاك الله خيرا اختي
​

 

[Sami Captive]

لا ادري كم احتاج لعلامات استفهام وتعجب ؟​

 

[بيكهام]

قالك تفهم تمرض
متفهمش تمووت
واش نديروا
ربي يهدي ما خلق
تحياتي لك موضوعك تحفة
تشاو تشاو
بيكـــــــــــهام​

 

[مهديmido]

وعليكم السلام ورحمة الله تعالى وبركاته
عندك الحق ختي في كلامك
انا احب انقولك المنطق تاعي لي ماشي بيه فاللمة
انا اندير لي عليا و انفيدو نستفاد
و الباقيوالله والله والله ماني سامع بيه
خترماكش كاينة ناس هنا فاللمة. مريضة نفسيا انظمت للمة غير على جال لبنات و قصص تع لامور
و كاينة ناس اخرى منعرف كيفاش اتخمم الردود ايشوفو فيها دراهم
وكاينة ناس تخدم بالمعريفة وهذا هو الصنف لي حرت فيه صح كيفاش ايفكر
وكاين صنف من البشر طفولة تاعهم ادوم حتى 20 سنة
وكاين نوع اخر المراهقة تاعوو ادوم لمدى الحياة كيما رانا انشوفو فيهم
كاين ...و كاين ...و كاين


وربي يهدي ما خلق

 

[Fethi.dz]

يقلكــ الصورة افضل وسيلة لإصال المعلومة و انتي فعلا وصلتي لنــا المقصود من الموضوع بحرورف قليلة


و فعلا يا ريت نرى الزوار يتكاثفون في اركان السياسي او الاركان التعليمية على غرار تهاطلهم للركض وراء مواضيع التي لا تكاد تخلو من الدردشات و الردود الجانبية او حقيقة تكون تلك المواضيعقد خصص لفتح دردشة غير محدودة .

 

[Elif DZ]

شكرا ليك يا أختي القسامية على إثارتك هذي النقطة بالذات في المنتدى ولي كنت سبقتك ليها بشكل مختلف لكن الإجابة لي تحصلت عليها هي أنو المنتدى أكثريته من المراهقين يعني يميلو للمواضيع لي تحكي على الحب وهذو لقصايص أكثر مما يميلو للمواضيع الجادة
وأنا من جهتي نشوف كاين ناس هنا في اللمة الغاية عندها هي جمع أكبر عدد من المشاركات
والدليل أنو تلقيه مسجل عندو سمانة وعدد مشاركاتو 2000 مشاركة( ربي يزيدهم ) وأنا من 2008 وعدد مشاركاتي 1219 مشاركة وكومباري انت وإفهمي
ربي يهدينا أجمعين قولوا أمين
​

عفوا و لا شكر على واجب
و الله حبيت واحد أقدمـ مني يتكلم عليها
نظن باللي كاين قداه من واحد قبلي قالها و ما اهتموش على هكا هالمرة قلت لازم يهتموا
تكون عندي 100 مشاركة مفيدة بدل 1000 كلها من شكرا و أخواتها

و عدد المشاراكات لا يعني فعالية العضو في المنتدى
شكرا لمرورك

 

[Elif DZ]

حتى الردود فبها المعريفة و pيسطون يا لطيف من هاد العباد
​

ايوااا هاذي تاني كاين منها
كيفاش نوقفو هالظاهرة و نعطوا لكل واحد حقه ؟؟

 

[Elif DZ]

وهذا مكن أول أهدافي أنا ثاني...عذراا مرة أخرى

و لا يهمكـ خويا الأعضاء الحقيقيون كلهم لهمـ نفس هدفنا

 

[Elif DZ]

السلام عليكم أختي
و الله غير عندكم الحق أنا كنت سجلت من قبل واحدل شهرين ولا هاك و شفت مواضيع هايلة تستاهل باش الواحد يقراها و يرد عليها ومن باعد إنقطعت و عاودت رجعت واحدل المواضيع تاااااااااااااففففففففههههههة ياسر هاذي تحكي على الحب و هذا يلبز و هذا وهذا و نساو بلي رانا في منتدى مخلط و لازم شوية إحترام و حدود إذا كانا ما نعرفوش بعضانا لواحد يحترم غير ولاد بلادو كي راهوا معاه و خلونا كي تلاقينا في بلاسة لاخرا نتناقشو و ندوا حاجة فيها فايدة و الله غيركاين واحدل منتديات خليجية و سورية شاركت فيها واحدل الإحترام تحس روحك في مجلس هايل تتمتع فيه
المهم يعطيك الصحة موضوع هايل شكرا.

و عليكم السلام
أختي ما تخليناش نكونوا متحاملين على الناس الكل
كاين فيهم و عليهم
كاين أعضاء هنا و الله كي نشوف ردودهم نفرح وش من احترام و وش من عقل عندهم ربي يبارك
و كاين اللي كيما قلتي يعرفوا غير يلبزوا
و كاين اللي تلقاه غير الكلام اللي مش مليح و يحوس غير يطيح
مي هالمدة الأخيرة كثروا اللي حابين غير يعفسوا
كيفاش نوقفوهم عند حدهم ؟؟
و نديروا توازن في اللمة

 

[Elif DZ]

ههههههههههههه
معنتها تبهديلة المشاهدات كثر من الردود​

ايه تلقاه واحد يفوت للموضوع جي 5 مرات ووالوا مايردش
خسر كان حتى كتب
بارك الله فيك و جزآآك خيرا

 

[Elif DZ]

والله راني نقارع في الصور
عياو يكملو عندي،،

أختي كي يكملو عندك أعطينا رأيكـ

 

[Elif DZ]

بسيطة أحد الأمرين
إما لي يشاهد مزروب ما عندوش وقت للرد
و
إلا ما عجبوش الموضوع

شكرا لك تحقيق مميز
​

ايه
ممكن هكا
بالصح ممكن كاين عباد تميز و متقدرش مجهود الشخص
ياه خسر حتى كان شكروا تقلبت الدنيا ؟؟

 

[Elif DZ]

عندك الحق والصراحة انا ثاني مرات نعقب على مواضيع بلا مانرد عليهم

جزاك الله خيرا اختي
​

كل واحد و ظروفو لكن مش للدرجة اللي رانا نشوفوا فيها
تلقاي الموضوع فيه 200 مشاهدة و الردود 10 :blink:
شكرآآآ

 

[Elif DZ]

لا ادري كم احتاج لعلامات استفهام وتعجب ؟​

وضح كلامك أكثر
إذا كنت ما فهمتش مغزى الموضوع شوف الردود الباقية تفهم
و إذا كنت فاهمـ و حاير في هالظواهر شاركنا برأيك

 

[Elif DZ]

قالك تفهم تمرض
متفهمش تمووت
واش نديروا
ربي يهدي ما خلق
تحياتي لك موضوعك تحفة
تشاو تشاو
بيكـــــــــــهام​

ههههههههه
خويا بيكهامـ
رانا نحوسوا على حل نشوف الناس الكل مش عاجبها هالحال مي الأكثرية ماهمش يحوسوا على حل