Dr.CrAzY-النظــــLookــرة الأولــThe Firstـــى-Dr.Odd

[Dr.Odd]

السلام عليكم
اولا خوتي مرحبا بيكم
بعد هاد المدة من الغياب
والله اخوتي راكم تحكوا في الصح
بصح وش تحب الزمان تبدل ولعباد تاني تبدلوا معاه
من السىء للاسوء
التربية هيا كلش معليهش حنا الدكورا نشوفوا في لبنات
بصح كون جات ساترة روحها منشوفوهاش
يخي نهدروا الصراحة منكدبوش على بعضانا
هدامكان
يعطيكم الصحة على الموضوع الفور
تقبلوا تحياتي الحاااارة شط
هههههههه
​

وعليكم السلام
صحة حاتم لا باس
والله رانا غاية


يا حتومة
قبل ما تقول تسطر روحها راك نسيت الواجب الملقى على عاتقنا الرجال وهو غض البصر البصر النظر

والله يقول
الصابرين و الصابرات

ولا نسينا هاد الآية ؟؟؟؟

شكرا على الصراحة
​

 

[أميرة الفولاذ]

طبعا

و أولا شكرا لك على الرد المميز
نعلم أكيد انو الخير يبقى دوما موجود لكن الخير يبقى مادة ويحتاج ليد عاملة
بأدوات كاملة وهي الدين
هوما بعدو على الدين كل البعد ويحبو يديرو رايهم بحجة كون وكون ​

شكرا أختي​

العفو منك سيدي
اوافقك الرأي التمني هو سبب جياحتنا وتخلفنا
كون تم كون تم كون
من جهة اخي الفاضل تلقى ناس تدينت بنات يتحجبو اولاد يصلو
تقول خلاص الدنيا تسقمت
من الجانب الاخر تلقى الفساد والانحراف منكرات وموبقات
نقيضان صعب البلاد معاهم تدير تاويل علخاطر تلقى ناس تبني واخرى تهدم
ناس تحاول تصلح ووناس تنتشر الرذيلة والفساد

الحاصون كيفاش يجي النهار ومش الجزائر فقط
انما البلدان الاسلامية كامل تكون صالحة
الله اعلم اي زمان سيكون اكيد ماهوش زماننا

او خليني نقولك حاجة اخرى يمكن لانه احنا ما نطبقوش قاعدة
للي تقول اذا بديت بروحك
بمعنى اذا واحد مفسد حب يتوب مالازمش يقول
كاين غيري بزاف جات علي انا
لو كان يعمل العكس يبدى هو بروحه واكيد غيره هادوك رايح يجي نهار يديرو كيفه ويتوبو

ممكن من هاد الباب نسلكو على خير من دنيا فانية فاتنة ​

 

[حلمي النسيان]

فريمون موضوع فري هارد

انتوما واش تعرفوا غير تحطوا القنابل

و تريقلوها بيان

باش يجي الوقت اللي "طاع" تطردق فيه

على كل طرح في مكانه

ظاهرة منتشرة بزااااااف في وقتنا هذا

مي حاجة برك ، هذي الظاهرة نقولكم حاجة راهي حتى عند لبنات

بيييييييييس

​

 

[Dr.Odd]

العفو منك سيدي
هههههه
شكرا لك أختي لكني انسان بسيط تسلمي
اوافقك الرأي التمني هو سبب جياحتنا وتخلفنا
كون تم كون تم كون
ويبقاو ديما كون و كون
من جهة اخي الفاضل تلقى ناس تدينت بنات يتحجبو اولاد يصلو
تقول خلاص الدنيا تسقمت
من الجانب الاخر تلقى الفساد والانحراف منكرات وموبقات

لا زم هاد الكفتان حتى يو القيامة لا مفر لكن احنا نحاولو تغليب الكفة الصالحة
نقيضان صعب البلاد معاهم تدير تاويل علخاطر تلقى ناس تبني واخرى تهدم
ناس تحاول تصلح ووناس تنتشر الرذيلة والفساد

الحاصون كيفاش يجي النهار ومش الجزائر فقط
انما البلدان الاسلامية كامل تكون صالحة
الله اعلم اي زمان سيكون اكيد ماهوش زماننا
أختي تأكدي أنو عند نزول عيسى عليه السلام
او خليني نقولك حاجة اخرى يمكن لانه احنا ما نطبقوش قاعدة
للي تقول اذا بديت بروحك
بمعنى اذا واحد مفسد حب يتوب مالازمش يقول
كاين غيري بزاف جات علي انا

وي وهاد هي الطامة العامة
لو كان يعمل العكس يبدى هو بروحه واكيد غيره هادوك رايح يجي نهار يديرو كيفه ويتوبو

ممكن من هاد الباب نسلكو على خير من دنيا فانية فاتنة ​

وي عندك حق فاني فارغ مي لعباد تجري ورا الفارغ و ناسيا بلي فاني
هوما و كي نقولو هوما يعني حنا لانها مسؤوليتنا ان انعم علينا المولى بالرشاد النصح لأهل الفساد
بوركت
​

 

[Dr.Odd]

فريمون موضوع فري هارد

وي very very hard

انتوما واش تعرفوا غير تحطوا القنابل

و تريقلوها بيان
باش يجي الوقت اللي "طاع" تطردق فيه
باسكو معقبين حروب اجتماعية الأولى و الثانية و الثالثة و .. و ربي يسطر



على كل طرح في مكانه
شكرا لك

ظاهرة منتشرة بزااااااف في وقتنا هذا

مي حاجة برك ، هذي الظاهرة نقولكم حاجة راهي حتى عند لبنات

بيييييييييس

​

وي عابالنا لبنات جاي دورهم هههههههه
بوركت على المرور الطيب
​

 

[حلمي النسيان]

وي عابالنا لبنات جاي دورهم هههههههه

بوركت على المرور الطيب​

آه قولي هكذا

صحا تورتهم راهي جاية

دمت

​

 

[H@teM]

وعليكم السلام
صحة حاتم لا باس
والله رانا غاية
ايا الحمد الله
كي راكم لباس


يا حتومة:001_wub:
قبل ما تقول تسطر روحها راك نسيت الواجب الملقى على عاتقنا الرجال وهو غض البصر البصر النظر

والله يقول
الصابرين و الصابرات

ولا نسينا هاد الآية ؟؟؟؟
لالا منسيتهاش بصح
كي تقولي غض البصر
قولولهم هوما يستروا راحهم
شكرا على الصراحة
لالا نورمال

​

مرسي عليكم على الموضوع مرة تانية
:angel_not:
​

 

[AnGeL*dZ]

وكل الحوادث مبدؤها من النظر ** * ومعظم النار من مستصغر الشرر

كم نظرةٍ فعلت في نفس صاحبها *** فعل السهام بلا قوسٍ ولا وتر

يسر ناظره ما ضر خاطره *** لا مرحباً بسرور عاد بالضرر
بسم الله الرحمن الرحيم
بآرك الله فيكما على الموضوع الرائع
اللي يحكي عن الوآقع
شبابنا الضآئع
شباب تآعنا يديروا مبررآت بآش يضحكوا اولا على روحهم
وثانيا على غيرهم
يقولك مانقدروش نستحملوا قدآم هاذوك لبنــــآت
صح لكن يجب ان تتغلب على تلك الشهوات
وهذا يرجع لعدم تلقيهم تربية دينية صحيح
نفوسهم مش محصنة
ومايفقهوش في الاسلام
ورآهم اعلنوا الاستسلام
اما بنــــآت هاته الايآم
ناسوا بللي اعظم جهاد هو مجاهدت النفس على المزينات تاع هاذي لحياة
شكــــــرآ dr.odd &dr.crazy

​

 

[Dr.Odd]

آه قولي هكذا

صحا تورتهم راهي جاية

دمت

​

وي بالهاون
شكرا
​

 

[Dr.Odd]

[/COLOR][/COLOR]

مرسي عليكم على الموضوع مرة تانية
:angel_not:
​

وي يا حاتم اوكي :scared:

و الله يا حاتم تحكي اونديري اني عندي سلطة مطلقة كالنفخ في بوق يوليو اكل مستورين
هههههههههههه

لا جاي دالت السترة اصبر برك
​

 

[Dr.Odd]

وكل الحوادث مبدؤها من النظر ** * ومعظم النار من مستصغر الشرر

كم نظرةٍ فعلت في نفس صاحبها *** فعل السهام بلا قوسٍ ولا وتر

يسر ناظره ما ضر خاطره *** لا مرحباً بسرور عاد بالضرر
بسم الله الرحمن الرحيم
بآرك الله فيكما على الموضوع الرائع
وفيكي بارك الله
اللي يحكي عن الوآقع
شبابنا الضآئع
.
روحي اكي تعلمتي الستيل تيعنا ههههههه
شباب تآعنا يديروا مبررآت بآش يضحكوا اولا على روحهم
وثانيا على غيرهم
يقولك مانقدروش نستحملوا قدآم هاذوك لبنــــآت
صح لكن يجب ان تتغلب على تلك الشهوات
وهذا يرجع لعدم تلقيهم تربية دينية صحيح
نفوسهم مش محصنة
ومايفقهوش في الاسلام
ورآهم اعلنوا الاستسلام
اما بنــــآت هاته الايآم
ناسوا بللي اعظم جهاد هو مجاهدت النفس على المزينات تاع هاذي لحياة
شكــــــرآ dr.odd &dr.crazy

​

وي عندك حق في كل الي قلتيه مي لا فيريتي هي كل الناس نسا و رجال في الهوى سواء
عقلية دري
شوفو هو شوفها هي

بوركت
​

 

[sandoussa3000]

السلام عليكم
موضوع روووعة الله يبارك فيكم

فيه بزاااااااااف قنابل مش وحدة

صح والله حالتنا ماتشكرش خلاص بالشباب بالبنات
والحل الواحد يقرب من ربي سبحانو ويشغل روحو بدينو خيرلو من كل شي

ربي يهدينا هذا مانقولو
دي فوا نشك بلي رانا مسلمين

جعفر بن أبي طالب رضي الله عنه كي سقساوه عالاسلام قال :

(إنا كنا نعبد الأصنام و نأكل الميتة ونقطع الرحم ونؤذى الناس فجاءنا رجل هو من أفضل قومنا وأوسطها برسالة من عند الله رب العالمين فأمرنا أن نعبد الله الواحد ونترك عباده الأصنام و أمرنا بصلة الرحم وعدم إيذاء الناس و أمرنا بالأخلاق الحميدة و أمرنا بترك الفجور و المعاصي و فعل الخير فقال له النجاشي : هل عندك من ما جاء به
هذا الرجل ؟ قال له جعفر نعم فقال له النجاشي : إقرأ علي : فقرأ جعفر رضي الله عنه : سورة مريم و ذكر له قصة زكريا عليه السلام و يحيى عليه السلام)

مانيش حنفتي ولا اي شي مي كي قريت هاذ الجواب راني نشوف بلي تقريب ولينا في العصر الجاهلي وين انتشرت المعاصي والفسق والفجور
عدنا الطفلة ماتستر روحها والطفل مايغض بصرو يعني الكل في الهوى سوى

*********
ديما نشبّه الدنيا هذي لأيام شهر رمضان
العبد يتشها حوايج يحب ياكل حوايج ويتمنى يدير اشيا كثيرة لكن لازمو يصبر حتان كي يأذن المغرب
ونظن في وقتنا هذا ماولاش بزاف عباد صايمين تلقا الغاشي كامل يحب يفطر قبل ما يأذن
نظن فهمتو المعنى
*********


بالاك جاي الوقت الي نشوفو الحالة تعدلت شوي

شكرا لموضوعكما الرائع
ربي يسعدكم وينجحكم دنيا واخرة

اختكم سندس باتنة:angel_not:​

 

[AnGeL*dZ]

وي عندك حق في كل الي قلتيه مي لا فيريتي هي كل الناس نسا و رجال في الهوى سواء
عقلية دري
شوفو هو شوفها هي

بوركت
​

صح راهم لزوج رايحين للهلاك
نهآر تديروا موضوع على لبنآت نهدروا عليهم
:sad:
​

 

[Dr.Odd]

السلام عليكم
و عليكي السلام
موضوع روووعة الله يبارك فيكم
و فيك بارك الله
فيه بزاااااااااف قنابل مش وحدة
هههههه
وي امبريكي

صح والله حالتنا ماتشكرش خلاص بالشباب بالبنات
والحل الواحد يقرب من ربي سبحانو ويشغل روحو بدينو خيرلو من كل شي

ربي يهدينا هذا مانقولو
دي فوا نشك بلي رانا مسلمين

لا انا ساعات نعود على يقين

جعفر بن أبي طالب رضي الله عنه كي سقساوه عالاسلام قال :

(إنا كنا نعبد الأصنام و نأكل الميتة ونقطع الرحم ونؤذى الناس فجاءنا رجل هو من أفضل قومنا وأوسطها برسالة من عند الله رب العالمين فأمرنا أن نعبد الله الواحد ونترك عباده الأصنام و أمرنا بصلة الرحم وعدم إيذاء الناس و أمرنا بالأخلاق الحميدة و أمرنا بترك الفجور و المعاصي و فعل الخير فقال له النجاشي : هل عندك من ما جاء به
هذا الرجل ؟ قال له جعفر نعم فقال له النجاشي : إقرأ علي : فقرأ جعفر رضي الله عنه : سورة مريم و ذكر له قصة زكريا عليه السلام و يحيى عليه السلام)

مانيش حنفتي ولا اي شي مي كي قريت هاذ الجواب راني نشوف بلي تقريب ولينا في العصر الجاهلي
لا الجاهلي أرحم هاد العصر
الجاهلي الأمثل
يعني الجاهلية المثلى
وين انتشرت المعاصي والفسق والفجور
عدنا الطفلة ماتستر روحها والطفل مايغض بصرو يعني الكل في الهوى سوى
.
كيما يقولو مذبوح في العيد و لا في عاشورة
*********
ديما نشبّه الدنيا هذي لأيام شهر رمضان
العبد يتشها حوايج يحب ياكل حوايج ويتمنى يدير اشيا كثيرة لكن لازمو يصبر حتان كي يأذن المغرب
ونظن في وقتنا هذا ماولاش بزاف عباد صايمين تلقا الغاشي كامل يحب يفطر قبل ما يأذن
نظن فهمتو المعنى

وي و هو طاير
معليش خلي يفطر و الفاكتيورة لا بالورو لا بالدورو تخلص نار
*********


بالاك جاي الوقت الي نشوفو الحالة تعدلت شوي

آمين

شكرا لموضوعكما الرائع
لا شكر على واجب هاد نقل للواقع المستنقع
ربي يسعدكم وينجحكم دنيا واخرة

آمين و إياك

اختكم سندس باتنة:angel_not:​

بوركت أختي انتي و ناس باتنة

 

[Dr.Odd]

صح راهم لزوج رايحين للهلاك
نهآر تديروا موضوع على لبنآت نهدروا عليهم
:sad:
​

وي و ناسيين الممات
ان شاء الله
كل بدوره
​

 

[mina009]

شكرا اااااااااااا موضوع شباب بزاف يعطيك الصحة

 

[نبض الحياة]

ممممممممممممممممم
موضوع معقد شويا........... بصح فهمت منه شويا.......ههههههههه
على العموم شكراا على الطرح الرائع...........

 

[Dr.Odd]

شكرا اااااااااااا موضوع شباب بزاف يعطيك الصحة

شكرا أختي على المرور
​

 

[Dr.Odd]

ممممممممممممممممم
موضوع معقد شويا........... بصح فهمت منه شويا.......ههههههههه
على العموم شكراا على الطرح الرائع...........

معليش اقرايه وحدة وحدة برك درك الشويا تولي كاملة ههههه
لا شكر على واجب أختي
بوركت
​

 

[Dr.CrAzY]

السلام عليكم
اولا خوتي مرحبا بيكم
بعد هاد المدة من الغياب
والله اخوتي راكم تحكوا في الصح
بصح وش تحب الزمان تبدل ولعباد تاني تبدلوا معاه
من السىء للاسوء
التربية هيا كلش معليهش حنا الدكورا نشوفوا في لبنات
بصح كون جات ساترة روحها منشوفوهاش
يخي نهدروا الصراحة منكدبوش على بعضانا
هدامكان
يعطيكم الصحة على الموضوع الفور
تقبلوا تحياتي الحاااارة شط
هههههههه
​

وعليكم السلام
ياأخي صح درك لبنات ولاو يلبسو باه يلفتو النظر
ههه وحنا رانا نعانيو معاهم
مي لازم نتحكمو في أنفسنا ونغضوا البصر سينون والله ماتفرى
يدوخوك صح
كل وحدة مدايرة لقطة
ربي يهديهم
:crying:
صحيت أتعنا


​