الوحدة راهي قاتلتني يا خوتي ... وش ندير ؟؟

[Sârsoùra L'mkàlChà]

السلام عليكم

وش راهم حبابي اليوم صافا نشالله ؟؟؟


اليوم حبيت نحكيلكم نتوما على خاطر ما لقيتش ليمن نحكي ما عندي لا اخت لا والو غير زوج دراري اصغر مني يعني ماشي تع لي نحكيلهم.قبل كنت نسقسي و نقلهم ليممن نحكي يقولولي ماكاش قد ماماك ... ايا قلت نجرب مالا هاد السمانة قلتلها بلي راني نحب واحد قالتلي كيفاش تقوليها نتي صغيرة و ماعلاباليش و كي قلتلها راهو هو تاني يحبني وقيل قاتلي لالا نتي صغيرة و هو فالجامعة يعني ما يخزر فيك ما يديرك في بالو ... و انا تقلقت يعني مش معناها طفلة مولات 15 سنة ما يطونش عندها احساس؟؟؟؟ والله غير عييت ما لقيت حتى واحد يفهمني و عييت كل يوم ونا فالليل نبكي وحدي واحد ما يحس بيا يعني على الاقل لوكان جات عندي اخت على الاقل تنحلي ضيقت خاطري تحكيلي ونحكيلها و تفرحلي و نفرحلها و نبكي تبكي معايا...

اسمحولي نتوما اذا ضايقتكم ولا...
راني والله ما لقيت ليمن نفرغ قلبي
​

 

[jolie عاشقة كوريا]

جوجو*جولي

يا حنونتي انا ماذبيا نسمعك
وتحكيلي على هدا الي يحبك
مي انا نموت على الكوريين
هدا واش نحب
كاين الي جربو يحكو لماليهم
مي ماتقدريش تقوليلهم كل شي
ياحنونتي انا اتفهم الامر
جوجو*جولي​

 

[miyou]

واش راح نقولك يا ختي ختي انا كيفك ماعنديش خواتات لا كبار لاصغار يعني راني وحدي ف الدار وكي يقولو افضل صديقة للبنت هي الام صح يعني هي كي قاتك باي راكي صغيرة عندها الحق وراهي تخمم في صلاحك ولوكان قلتيلي بالي هاذا اللي تحبيه قدك ف العمر بالاك كنت نقلك ماعليش كملي معاه علما انو حب المراهقة ابدا لايدوم بصح كي راكي تقولو هو يقرا ف الجامعة يا الحنونة ناس الجامعة واعرين بزاااااااااااف:scared::scared: خوذي حذرك منو لانو مادركش صديقتو باطل اكيد عنو نوايا اخري

هاذا راي ودبري راسك نقولك اخطيك من هاذ الصوالح وخوذي راي يماك

اتهلاي اوكي راكي كي ختي الصغيرة كاشما تحتاجي راني هنا حبيبتي
بااااااااااااااااااي​

 

[Sârsoùra L'mkàlChà]

واش راح نقولك يا ختي ختي انا كيفك ماعنديش خواتات لا كبار لاصغار يعني راني وحدي ف الدار وكي يقولو افضل صديقة للبنت هي الام صح يعني هي كي قاتك باي راكي صغيرة عندها الحق وراهي تخمم في صلاحك ولوكان قلتيلي بالي هاذا اللي تحبيه قدك ف العمر بالاك كنت نقلك ماعليش كملي معاه علما انو حب المراهقة ابدا لايدوم بصح كي راكي تقولو هو يقرا ف الجامعة يا الحنونة ناس الجامعة واعرين بزاااااااااااف:scared::scared: خوذي حذرك منو لانو مادركش صديقتو باطل اكيد عنو نوايا اخري

هاذا راي ودبري راسك نقولك اخطيك من هاذ الصوالح وخوذي راي يماك

اتهلاي اوكي راكي كي ختي الصغيرة كاشما تحتاجي راني هنا حبيبتي
بااااااااااااااااااي​

يا خاوتي افهمووني هادي مشي question تع حب و ما علاباليش وشنوو

انا راني نهدر على ضيقة الروح و الوحدة

 

[lyrics]

يا ختي صدقيني امك تحب مصلحتك وراهي خايفة عليك( لانك مازلتي مراهقة والانسان يكون مضطرب في هاد المرحلة ) برسكو قادر هاد الشاب راه يتمسخر بيك برك وقادرة تنجرحي من هاد العلاقات
امالا خودي راي يماك خير
يقولك خود الراي لي يبكيك وما تاخدش الراي لي يضحكك

والله اعلم

 

[احساس طفلة]

انا نقولك ماماك ولا كاش واحد كبير والله مايفهمو حاجة في المراهقة ...تقول شئ ماعاشوهاش وماشي متفهمين خلاااااص .... شوفي لك كاش طفلة صاحبيها وخليها تشاركك اسرارك خير

 

[lina07]

حنونة درينا كامل خواتاتك الوقت لي تحبي راني هنا و كاش ما تحتاجي تصقصي رانا في الخدمة

 

[مختلف جدا]

أنا هنا نفهمك فرغي قلبك وماتخافيش........راحتك تهمنا

 

[أياصوفيا]

اصعب احساس انك تحس بالوحدة وانت وسط الاصديقاء .
​

. مي ايا اختي نضن مزالك صغيرة على الحب:confused1::confused1:​

 

[Anissa_vanissa]

نضمنلك بلي احساسك مشو حب وهي نزوة فقط وتعدي
انت المهم ردي بالك ومش اللي يقولك نحبك معناها صح يحبك

 

[حسان]

الأخت الفاضلة

أنت تحتاجيين للحنان و تحتاجين لقتل الوحدة و الضيق و..الخ لكن صديقيني من أين اتيت بان الحب سيقتل هؤلاء ؟؟


الحب سيدخلك في عالم لا مخرج منه و لا تشتهي السفن بما تجري الرياح


انت مازلتي صغيرة كما قالت لك امك فقد صدقت عليك بالصبر و و إهتامام بالشخصيتك و بدروسك و بالصلاة و مخالطة البنات عاقلات بنات الفاميلية

و هذا الصبر لهو دليل على رضاك بما كتبه الله لك


و بعد الصبر ياتي اليوم الذي ينتهي و تبدأ نتائج ما بعد الصبر

قد تحقيقين نجاح في دراستك و نجاح في شخصيتك و قد ياتي فارس كتبه الله لك سيملئ في قلبك حنان و قتل وحدتك و يغنيك الله من فضله و تتبدل حياتك 100 درجة فبعد كل هم فرج بالصبر


انصحك ما قالته امك سيقوله كل من يحبك و من يحب لك خير

عهليك بالطاعة امك و لا تقتربي



​

 

[noumira]

اه اختي العزيزة مكاش لي عانات من الوحدة كيما انا مي الواحد في اوقات كيما هاك لازم يخمم مليح لانو بزاااف بنات من الوحدة ارتاكبو اخطاء جسيمة وما تتصلحش الحمد لله عندك امك عندك خاوتك وعندك باباك خلونا نكونو واقعيين لانو احنا البشر دائما نحاولو نضيقوها على رواحنا الواحد يحمد ربي على الشىء لي مدولو كاين ناس يتامى وكاين حود ما عندهمش كامل الاهل وتلقاهم متفائلين اختي كبري عقلك وهدي الدنيا الواحد يمشيلها ويكون عقلو مفتوح وقلبو يبلع عليه ويخبيه حتى يجيه ولد الحلال لانو الواحد اصبح يمشي بالنية والحالة دحن من تحت ونتمنى تكوني فهمتي واش راني نقصد وراني اهنا ديريني كي اختك

 

[aMiNa-K]

ايه مليح .. 15 سنة كنت سنة تاسعة اساسي كان عندي البياف
يا اختي الصح الصح كي كنت قدك كنت مازالني نلعب و ندير الطوايش في السيام
حكاية نحبك و تحبني ماكانتش كامل تقزيستي عندي

عيشي حياتك نورمال .. اعطي لكل فترة من حياتك حقها .. مازال تلحقلي للمشاكل هدو و تولي تقولي لوكان غير عشت حياتي
​

 

[messikimo]

الوحدة مرات تكون مليحة​

 

[المسلم حسني الجزائري]

سلام
اختي الغالية انت تقولين ان عمرك 15 سنة والذي تحبينه يقرا في الجامعة
اختي انا متاكد بانه ليس حب بل ربما هو مجرد اعجاب بشخصيته
اختي كل شيء في وقته احسن انتي مازلتي صغيرة انتبهي لدراستك احسن
الحب احساس جميل اذا كان متبادلا لكن انتي لا تحبينه بل مجرد اعجاب كما انك لست متاكدة من حبه لك
اختي راي الوالدة صحيح لا تخالفيها وانصحك بان تحكي لها مايجول في خاطرك اعتبريها اختك او صديقتك المقربة
ربما تقولين الوالدة لم تمر بمثل هذا الموقف وانها لا تعلم شيء اقول لك انك مخطئة فهي على الاقل رات مايحصل الان للفتيات
واعتبريني كاخيك الكبير اختي فنحن اسرة واحدة في المنتدى

 

[الجزائري05]

الدين هجر الفتى اللذات عن يسر****في صحة و اقتدار منه ما عمرا
​

 

[moni92]

حنونة انا اختك اكبر منك بعامين ممكن ؟
احكيلي واش تحبي وانا ننصحك ونهدر معاك برك ابعثيلي رسالة خاصة وانا نعطيك السكيب نتاعي اوكي.

 

[Queen of hope]

ربما عزيزتي انت فعلا صغيرة

لكن ليس ذلك بانها تستصغرك

فالعمر عندما يتقدم

نرى الامولا من جوانب اخرى

و بعض الامور التي كانت مهمة تجدينها غير مهمة

هكذا هو حال امك الان

اما عن الصداقات

فهنا عزيزتي باللمة تجدين كل ماتريدين

اخوة و اخوات بالمساعدة دوما

حتى و ان عجز احدا فالاخر ستجدينه يسارع بالمساعدة

دمتم بود

 

[nasser17]

ختي انا ثان مالقيش البنت الي تنحيلي الوحدة واقيل ندير معاك افار هههههههههه راهو سكايبي هنا مرحبا بيك فكل وقت

 

[دعاء19]

نصيحة مني ليك اختي ديري براي امك واخوانك لي في المنتدى كلشي لي قالو راهو صح وهولمصلحتك فقط ومزال راكي صغيرة على وجع راس عيشي حياتك ولعبي وضربي دنيا بركلة وخلي عليك صداع الراس راكي باقي غادي توصلي لو وديك ساعة غادي تميزي بين صح وخطاء وتاخدي قرارتك وحدك والحياة مزال قدامك دبا ركزي على دراستك فقط وبالتوفيق في مسيرتك دراسية وحياتية