ما تمرمدش بنت الناس يا خويا

[mina009]

بارك الله فيك موضوع شباب و يعبر على حقيقة الرجال اللي راهو دايهم زهو الدنيا و ان شاء الله توصل رسالتك لكل واحد

 

[منالM]

عندك الحق خويا في هذيك الهدرة
بارك الله فيك​

 

[إحســاس بــراءة]

السلام عليكم
ربي بيارك فيك يا خويا هشام
والله كلامك كلام العقلاء و كلام الصواب
ابه راه عندك الحق في كل كلمة قلتها
في هاد الدنيا كل واحد ربي يعطيلو قد فعالو
كيما قلت مابقات الشهامة و النيف ادا كان مايحبش على ختو تنضر واش هو الذنب تاع بنت الناس واش دارتلو
كيما قلت نتا ادا ظلم بنت الناس قادرة في يوم من الايام تخرج فيه دعوتها
الانسان يعرف روحو كيفاه يتعامل سواء مع اختو و لا زوجتو
كل واحد في مقامو الراجل في مقامو و المراة في مقامها
كل واحد يحكم قدرو بالعكس ادا شافت الاخت مثلا بلي خوها هاداك محترمها و مقادرها حتى احترامها ليه يزيد و رايح يكون هو صديقها الوحيد
نروحو و نجو و كي نشوفو الحل الوحيد في التعامل هاداك هو الصح
ادا الواحد عرف كيفاه يتعامل مع اي كان حتى حاجة ماتقيسو بالعكس يكونو مهني في راسو و زيد كاسب حب و احترام الاخرين
المهم الله يهدينا و يوفقنا
مرسي بزاف ليك هشام خويا و الله موضوعك هايل
ربي يحفظك وو يخليك لخاوتك ان شاء الله و يخليهملك
سلامي ليك

 

[beautiful -soul]

وعليكم السلام ورحمة الله تعالى وبركاته
والله يا خويا يعطيك الصحة
كلامك صح
وكامل على علم بيه مي (...) لا حياة لمن تنادي
...ربي يسقم الاحوال ويهدي الناس
ان شاء الله...

*دائما مواضيعك قمة*
دائم التألق ان شاء الله
...تحياتي ليك
سلام...!​

 

[iméne09]

السلام عليكم و رحمة الله تعالى و بركاته

وعليكم السلام ورحمة الله وبركاته ​

راني نشوف بلي ليوم قلوب الرجالة ولات باردة و لا ماعلاباليش
باردة بارسكو لقاو عليمن يلعبو ويتوقتو

ما وليناش نشوفو النيف و الشهامة و الصمود في المواقف و الكلمة و... و

هدي كانت في راجل تاع بكري مي تاع دوك غير لي يحب تمصخير قليل لي تلقى واحد فيهم مسقم وعندو الرجلة بمعني الكلمة :music_whistling:​

و من حوايج اللي تخفاو مع الخرابيش هاذو هي تعامل الرجل من الجنس الاخر


نحكي على أول فئة :

1-زوالي متزوج مرة و مسكنها في قيطون : صحا في هاذي حبيت نحكي معاك خويا

أنت ماكش قادر تصون روحك , و بالاك عشى ليلة ما عندكش

تروح تزيد تجيب بنت الناس و تمرمدها معاك و ما تنساش بلي رايحين تجيبو ذراري

واش رايحين ياكلو ؟ حابهم ياكلوك أنت ؟

:scared:هدي تاع الصح تكودي هوبزور راه يعيش في روحو كفاش يزيد الهم على راسو كون لا راح يهنيها زعما هدو لي تتزوج بواحد تحبو وماشي خدام وتقولك الصح كي نحبو مي نهار كي يدخل الفقر من الباب الحب يخرج من تاقة ​

من جيهة لبنات ما لزمش يكونو مزيرين بزاف ماشي راح يسكنك في شاطو

و يكون يتشبه لديكابريو و عندو صوارد بيلغايتس ,, أرضو بلي جابهالكم ربي

و دايمن قدرو ضروف لي يتقدملكم .

ايه عندك الحق في هدي يعني مراحش تتشرط بزاف مي حدود معقولة يكون عندو خدمة باش يعيشها ماشي ديما حاكم بلاسة في القهوة واش راح دير بيه :busted_red: ​

2- قيس بصح عندو كليكة تاع ليلى : هاذا السيد لي داير بنات الناس لعبة

يحكي مع هاذي و يتلاقى بهاذي و مدوموندي هاذي ... وين طاير خويا ؟

بالاك طيح مع وحدة تحبك صح , و أنت كالعادة موالف بالعب و الطرافيك

عندك لبنات كي الدخان , تتكيفهم و كي تفض منهم الفايدة تطفيهم برجليك

أيا كي ديرها بهاذي البنت ما علابالكش دعاويها شحال واعرة

و قادرة ما تتسقملكش حياتك كاملة

هنا راك هدرت ووفيت عجبتني بزاف هدرتك هو راه يجوز في وقتو ولقى لبنات بزيادة لي يرميلهم كلمة معسلة بارسكو مجوز ستاج في التبلعيط قادر لي تجي يكلخهالها نرمال وهي تامنو والغلطة منها راهي رمات روحها ع واحد لي مايستاهلش عندبالها واش يقولها كامل صحيح وزيد كون صرات هو في ختو ولى تكمل عليها بقتلة بصح كما راه يدير في بنات الناس كاين ولاد لحرام لي يدروها في ختو والصح دعوة تاع المظلومة ديما تستجاب ويكمل حياتو غير مع لعب حتى قادر مايتزوجش ومايعيش حياتو عازب بارسكو لعب بزاف ببنات الناس وكاين لي رايحة ماتطلقوش بسحوووووووووور غيرا ولى راكع :heh: ​

3- ختك ختك يا موسطاش : شايف اليوم الطفل الأكبر الله الله ولا شيغيفارا في الدار

ختو كلمة زوج يعطيها بكف , غابنها غبنة شينة ... و لا يا كي يلقاها مع واحد اااه خلات

ايـــه هدي باينة يلزم الضرب باش تتسقم شوية خطرات لبنات يجيبوها لروحهم ​

نقولك نصيحتي ليك ختك يليق تصاحبها + تعسها و تصونها خطراش شرفها هو شعفك

مي ماشي تدمرها ,,, هي كي تلقاك - هتلر - في الدار و مالقاش اللي يعوض عليها

بيان سور رايحة تخرج تفركت على الشهامة في بلاصة واحد أخرى

و قداه من مرة طيح في ذئاب بشرية

احسن طريقة باش توصل لقلب ختك كي تصاحبها وتبدا تحكيلك بلا ماتخاف منك وانت لي تنصحها بحوايج لي مايخرجوش عليه هكدا ماطيحش في بياج مي لا حياة لمن ينادي شباب ديالنا هكدا ومراحش يتبدلو ​

خلاص هدرت بزاف و مانيش حاب نكمل الفئات لخرين خطراش معروفين و ما يفضوش

انا تان راني هدرت كتر منك حتى عييت ​

و حبيت نقول ما تخليوهمش يقولو علينا -- وراء كل إمرأة محطمة رجل --

:smoke:​

نتمنى الميساج لحقلكم

غير ماتخممش راه لحق :sheer: ​

فيلامان .

يعطيك الصحة خو موضوع يستحق هايل يجي ع الكيف
ربي يهدي ماخلق ​

 

[نجاة40]

والله عندك الحق في كل كلمة قلتها
بصح نحب نقولك بلي كاين منهم
لي ترجع هيا تلعب بيهم ومايش محوسة عليهم
تالمو تقاست من واحد برك

يعني كما تدين تدان
​

 

[mimi.dz]

1-زوالي متزوج مرة و مسكنها في قيطون : صحا في هاذي حبيت نحكي معاك خويا

أنت ماكش قادر تصون روحك , و بالاك عشى ليلة ما عندكش

تروح تزيد تجيب بنت الناس و تمرمدها معاك و ما تنساش بلي رايحين تجيبو ذراري

واش رايحين ياكلو ؟ حابهم ياكلوك أنت ؟

من جيهة لبنات ما لزمش يكونو مزيرين بزاف ماشي راح يسكنك في شاطو

و يكون يتشبه لديكابريو و عندو صوارد بيلغايتس ,, أرضو بلي جابهالكم ربي

و دايمن قدرو ضروف لي يتقدملكم .

هنا كل واحد وظروفو
ونورمالمو العبد يخدم على روحو
درك في وقتنا حاكم الدار مكالي الحيط ويقول معنديش
اضرب ذراعك تاكل لمسقي
​

2- قيس بصح عندو كليكة تاع ليلى : هاذا السيد لي داير بنات الناس لعبة

يحكي مع هاذي و يتلاقى بهاذي و مدوموندي هاذي ... وين طاير خويا ؟

بالاك طيح مع وحدة تحبك صح , و أنت كالعادة موالف بالعب و الطرافيك

عندك لبنات كي الدخان , تتكيفهم و كي تفض منهم الفايدة تطفيهم برجليك

أيا كي ديرها بهاذي البنت ما علابالكش دعاويها شحال واعرة

و قادرة ما تتسقملكش حياتك كاملة

هنا كان تهدر الدهر الحالة ماهيش رايحة تتعدل
بنات الناس حلال واختو حرام
المشكل انو الانسان تاع درك يتبع شهوات الدنيا
بلا ما يخمم ومقعدش فيها مراهقة لانو رجالة بسلامتهم وما فاقوش لعمارهم
وثان في هاذ الحالة الطفلة تدي جزء من العتاب

​

3- ختك ختك يا موسطاش : شايف اليوم الطفل الأكبر الله الله ولا شيغيفارا في الدار

ختو كلمة زوج يعطيها بكف , غابنها غبنة شينة ... و لا يا كي يلقاها مع واحد اااه خلات

نقولك نصيحتي ليك ختك يليق تصاحبها + تعسها و تصونها خطراش شرفها هو شعفك

مي ماشي تدمرها ,,, هي كي تلقاك - هتلر - في الدار و مالقاش اللي يعوض عليها

بيان سور رايحة تخرج تفركت على الشهامة في بلاصة واحد أخرى

و قداه من مرة طيح في ذئاب بشرية

خلاص هدرت بزاف و مانيش حاب نكمل الفئات لخرين خطراش معروفين و ما يفضوش

و حبيت نقول ما تخليوهمش يقولو علينا -- وراء كل إمرأة محطمة رجل --

اما هنا انا نحمد ربي ونشكرو
عندي اخ كللي صديق ليا ماشي خويا لدرجة متتصورهاش
ممكن كي عدنا قراب في السن
وممكن على حساب التربية:music_whistling:
والذراري انواع كل واحد وكيفاه
مي انا نظن السبب تاع هاذ العقلية
انو خايف تدير اختو كيما وحدة من اللي يمشيو معاه
​

نتمنى الميساج لحقلكم

فيلامان .

ميساجك لحق وربي يهدي الجميــع
merci ليك يعطيك الصحة
​

 

[امورة المنتدى]

صح ياخويا غزال عندك الحق يتزوجوا ويجيبوا ولاد يحيروا من بعد منين يوكلوهم ويسكنوهم ولات العقلية تع جيب وارمي

واش تحب تدير ياخويا هههه

صحيت غزال مواضيعك كي العادة فوووووور وبزور

 

[ღحنين الروحღ]

شوفي عائشة كنت عارف بلي رايح يكون فيها رد يقول بلي لبنات يوصلو رواحهم

و كنت متسنيه مي ماشي كأول رد راكي بكرتي ..

المهم أنا نقولهالك و مع كل إحتراماتي نتوما لبنات ساهلين :scared: ومن اكد لك ذلك
ليس كل البنات ساهلن حطها في بالك مليح
يا اخي صوابعك مش كل متشابهين

و ماكانش طفلة ما طيحش لواحد :busted_red:كاينين مايطيحوش

أيا هنا تبقى العفسة في ضمير الرجل إذا كان رجل بمعنى الكلمة

مش رايح يغبن بنت الناس .

شكرا لك على الموضوع الرائع والذي يحتاج منك بعض من الصدق والصراحة
شكرا لك
لكني اريد ان اضيف شيئا
هناك فئة من البنات من يحافظن على شرفهن مهما كانت الاغراءات
وهناك فئة ايضا من الشباب من يختار شريكة حياته في الحلال ولا يعرفها قبل ذلك
شكراااااااااااااااااااااا لك على صراحتك
اتمنى ان يصل ميساجك الى سمع وعقل هذه الفئات

 

[TOUTA32]

الدعوة راهي غير ماشية وتصعاب
على الراجل والمراة في زوج​

 

[سماح4]

الذيب اذا تعرضت عليه
نعجة تايهة
وهي ليوصلت روحها
راح ياكلها
بصح كون عرفت هذيك النعجة
كيفاه تمشي كون راها مرفوعة الراس
راني حبيت نوضح بالمثال برك
وبربي ان شاء الله
راهي وصلت الفكرة
تحياتي

هنا راك إعترفت إعتراف واضح وصريح بلي الرجالة كلهم ذئاب .....يا ترى انت لو كان تعرف وحدة تكون مليحة وتحبك من قلبها تكون ذيب معاها ولا راجل ؟؟؟ جاوب نفسك
الرجال هما لي خلاو لبنات يكونو كيما هاك ...شوف معايا ..ولو ان الاقدار بيد الله ...لكن الطفلة لي تخرج يخطبوها ،الطفلة لي تدير الماكياج يدوها ،الطفلة لي تمشي وحاشاك ترندف معاه يتزوج بيها ،والي خدامة يخطبوها على جال دراهمها ...لي تحب واحد من قلبها يقللها أمشي معايا وأخرجي معايا ولا ما نكملش معاك الطفلة الواعرة عندها قيمة والعاقلة يقولو عليها معقدة ،المتحجبة والمستورة يقولو منافقة ولا أصلا ما ينتبهوش ليها ،المحجوبة تموت وهي مدفونة بكري المحجوبة يخطبوها النسا كي يشوفوها في لعراس مثلا وضركا لالا الراجل يقول ليماه نخير وحدي والي يخيرها لازم تكون خرجت معاه وشرشحها فالشوارع باش يديها ...اسمحلي يا خويا المرأة تفكر بقلبها وتجري وراه وإذا حبت تهبل وتدير أي شيء باش تتزوج بحبيبها في حالة وحدة تكون المرأة عقلانية ربما إذا كانت متدينة ...بإختصار منطقكم أيها الرجال هو الذي فرض على المراة ان تكون هكذا .....هذا هو حال مجتمعنا تقريبا كامل والشاذ لا يقاس عليه لأني عارفة بلي بنت الفاميليا مزالت كاينة وتنخطب.

 

[MR-REDOUANE]

معاك ياالأخ في جميع النقاط عدا الاولى لانو الزوجة تاني رضات بالوضعية و والديها كيف كيف هذي مسؤولية مشتركة بيناتهم و شكرا على الموضوع

 

[خطاب 03]

كلامك غالط خويا وحاجة ماعجبتني منو
:closedeyes::closedeyes:

 

[تسنيم الهناء]

​

السلام عليكم و رحمة الله تعالى و بركاته

و عليك سلام الله
​

راني نشوف بلي ليوم قلوب الرجالة ولات باردة و لا ماعلاباليش

باردة برك؟؟؟؟:tears:
​

ما وليناش نشوفو النيف و الشهامة و الصمود في المواقف و الكلمة و... و

قالك رجعو ديمودي هاذ الحوايج ما قالولكش
​

و من حوايج اللي تخفاو مع الخرابيش هاذو هي تعامل الرجل من الجنس الاخر

نحكي على أول فئة :

1-زوالي متزوج مرة و مسكنها في قيطون : صحا في هاذي حبيت نحكي معاك خويا

أنت ماكش قادر تصون روحك , و بالاك عشى ليلة ما عندكش

تروح تزيد تجيب بنت الناس و تمرمدها معاك و ما تنساش بلي رايحين تجيبو ذراري

واش رايحين ياكلو ؟ حابهم ياكلوك أنت ؟

شفت اوخيي هو في غلبة و زاد جاب غلبة اخرى
​

من جيهة لبنات ما لزمش يكونو مزيرين بزاف ماشي راح يسكنك في شاطو

و يكون يتشبه لديكابريو و عندو صوارد بيلغايتس ,, أرضو بلي جابهالكم ربي

و دايمن قدرو ضروف لي يتقدملكم .

في هاذي كاينة تلقاها في دار باباها بالاك شمبرة وحدها ما تحلمش ترقد فيها و كي يجيها وليد الناس تشرط عليه دار من 2 etages فما فوق و......... و ..........
​

2- قيس بصح عندو كليكة تاع ليلى : هاذا السيد لي داير بنات الناس لعبة

يحكي مع هاذي و يتلاقى بهاذي و مدوموندي هاذي ... وين طاير خويا ؟

بالاك طيح مع وحدة تحبك صح , و أنت كالعادة موالف بالعب و الطرافيك

عندك لبنات كي الدخان , تتكيفهم و كي تفض منهم الفايدة تطفيهم برجليك

أيا كي ديرها بهاذي البنت ما علابالكش دعاويها شحال واعرة

و قادرة ما تتسقملكش حياتك كاملة

و قادر يخلفوهالو الناس في عرضو و الحق يقال البنات ثاني سابو ياسر و المال السايب يعلم السرقة
​

3- ختك ختك يا موسطاش : شايف اليوم الطفل الأكبر الله الله ولا شيغيفارا في الدار

ختو كلمة زوج يعطيها بكف , غابنها غبنة شينة ... و لا يا كي يلقاها مع واحد اااه خلات

نقولك نصيحتي ليك ختك يليق تصاحبها + تعسها و تصونها خطراش شرفها هو شعفك

مي ماشي تدمرها ,,, هي كي تلقاك - هتلر - في الدار و مالقاش اللي يعوض عليها

بيان سور رايحة تخرج تفركت على الشهامة في بلاصة واحد أخرى

و قداه من مرة طيح في ذئاب بشرية

و ما اكثرهم في الاونة الاخيرة
​

خلاص هدرت بزاف و مانيش حاب نكمل الفئات لخرين خطراش معروفين و ما يفضوش

و حبيت نقول ما تخليوهمش يقولو علينا -- وراء كل إمرأة محطمة رجل --

وين كان المقولة هذي صحيحة الى مدى بعيد جدا الا انو يبقى الامل الطيبون للطيبات و على قد ما كان شر كاين الخير
​

نتمنى الميساج لحقلكم

فيلامان .

امان الله
​

يعيشك على الحس العالي بالمسؤولية
دمت و دام التميز عنوانا لك
​

 

[zagane]

السلام عليكم

مشاكل الدنيا هادي لي ما يخممش راهي تديه

 

[نور الصباح الجزائرية]

ايه يا خوى اشكال و انواع و فى رايي غياب الدين يدير كلش

 

[** غزال الصحراء **]

شكرا للجميع على المرور جاري الرد .

 

[** غزال الصحراء **]

الله يبعد برنا على برهم كيما قال عطلة
​

امين يا ربي , شكرا على المرور فوفا .

 

[** غزال الصحراء **]

الشكر لك اخي
انا راني فهمت القصد نتاعك
وانا قتلك منيش ندافع على حتى واحد
وانما نمشي مع الحق برك
وكل واحد راه مسؤول على
تصرفاتوا وافعالوا
وكيموا يقولوا الندامة تجي بالاخير
ربي يعفوا عنا
تحياتي

امين يا ربي , Merci Encore .

 

[** غزال الصحراء **]

السلام عليكم
الله يبارك عليك خويا
كــــــــــــــــــلامك زين و رزين و راك فاهمها صح.
ربي يصلح الحال ويبعد علينا الشر ويحفظنا أجمعين.


​

و عليكم السلام , يبارك فيك إيمان , مرسي عليك شهادتك شرف لي

دمتي بود .