بابا هادا my boy friend

[oussama_ess1]

الرجالة كي تطحن واش تولي تدير
يا خي حالة يخي
​

 

[iméne09]

واش هدي والديها محلبين بزااااااااااف ولا مراهمش رجال يخليو بنتهم تخرج مع واحد وهوما فرحانين بيها هدا طحاااااان سير راهي تخرط وتتوقت بيكم وانتوما قاعدين تامنو فيها بلاك صح يماها تعرف نرمال مي باباها قبل ماتعرفو بيه رايحة تنقتل هدا لي بقى ع الكلب على واش يركب تروح وتقولو ماي بوي فراند نرمال ني حشمة ني والو ياخي تربية ياخي رانا غير نشوفو في العجب
يعطيك الصحة حنونة مواضيعك ديما هايلين كما مولاتهم ​

 

[امورة المنتدى]

يا ودي ، انا نحكيلك على بنت الجيران

كانت صديقتي ، قاتلي راكي تشوفي في هداك اللي لهيه صديقي

و موالف يجي عندناللدار

قلتلها و عائلتك ؟؟؟

قاتلي حكيت كلش لخويا و بابا .. عادي سي مونامي

تمة قلتلها الله يربح

انا ما نحبش تكون عندي صديقة من هاد النوع ""بلاك مستقبلا تورطك

و نزيد نحكيلكم على قصة أخرى

هذا واحد يعرف وحدة ،كل يوم يطبطب على دارهم

و هاد المرة يحل خوها ، هو خاف قال يا ربي كي ندير خرجلي خوها

و هذا ما عندوش لافورم كيما خو هاد الطفلة

السيد شوية و كان غادي يهرب

إيا جات الطفلة ، سلمت على " الملقب بصديقها " و خوها قاللها شكون هذا ؟

قاتلو مونامي

السيد حسب بلي دوك تجيه ضربة للراس ولا يموت

ايا خو هاد الطفلة دار السلام و دخل الجون للدار

جيت نرد هك زعمة

يقطعلي راسي انا و البوي فراند هههههههههههه

والله يلا شابة هادي

الله يهدي ما خلق هذا ما نقولو يلا وصلت البنت داصر باباها كيما هاك ما بقا قدر ما بقات حشمة ​

ياااااااو علااه تروح لبابها
تقول ليا برك
وانا نروح ندفنها هي وياه فقبر واحد ههههههههه​

ههههههههههههههههههه
والله عجب
بنات اخر زمان وشبيك ختي
هادي راهي لامود هههههههه
انقلك سييها ورجعيلي الخبر هههه هادي ادا ابقيتي حيا هههه
انا نريزارفي في المقبرة اقبل مانقلو ههههه
شكرا موضوع روعة كيما انتي
مارسي ليك ختي
​

اهئ اهئ راكي غير هنا فdz ماتروحيش بعيد ماعندناش الديوثين هنا بففففففففففف بوي فراند؟؟؟؟؟؟

ههههههههههههههه كيما قالولك عقلية ستار اكاديمي؟؟؟
يخي حالة يخي ماصبنا مانداويو مانخليو
ربي يهديهم
ومرسي عليك اموورة
​

هذا بيها سور عندو girl friend
بالاك حتى هو حاب يقدمها لبنتو

و عليكمـ السلامـ

قاتلي علاه نخاف قاتلي كامل عابالهم ويعرفوه مليح

هاديـ ماكاشـ منها بزافـ و ليـ تقولها باينهـ ما تعرفشـ تكدبـ و لا باباها [ ]

لانيـ ما نظنشـ ابـ يسمعـ هاد الشيـ منـ بنتو و ما تروحشـ عليها

ليسونسيالـ

الله يهديـ هاد النوعـ منـ الناسـ

و يهديناكاملـ

مارسيـ عليكـ ختيـ
​

لا حول ولا قوة الا بالله
ربي يهدي ماخلق ​

يااو يوقولك
إذ لم تستحي فافعل م شئت

هد الطفلة وجهه صحيح
نورمالمون نتي وما تقولكش بلي راهي تمشي مع هد المخلوق




مي عيش تشوف عيش تسمع
بلاد الdz​

هادي العقلية كاينة وتكون غير عند الرخاس لي ما يسواو والو
وما يشرفوناش يكونوا سلعة الجيريانو

حييلي لي مازال شاد في حرمتو تالمون ماعندوش شيفور و مايلبسش شونغاي
​

هدا يا ببها ماهوش فاهم boy fierend يا اما ماعلابلوش بيها

قال boy firend قال هي صحبتك صعب باه ديرها girl ferind باه ندير boy رانا في وحد زمان يا ختي يالطيف
وهدا كل راجع الى تقليد الاعمى الى الاروبين هوما يديو منا منفعة واحنا نديو في وسخ نتاعهم

الرجالة كي تطحن واش تولي تدير
يا خي حالة يخي
​

واش هدي والديها محلبين بزااااااااااف ولا مراهمش رجال يخليو بنتهم تخرج مع واحد وهوما فرحانين بيها هدا طحاااااان سير راهي تخرط وتتوقت بيكم وانتوما قاعدين تامنو فيها بلاك صح يماها تعرف نرمال مي باباها قبل ماتعرفو بيه رايحة تنقتل هدا لي بقى ع الكلب على واش يركب تروح وتقولو ماي بوي فراند نرمال ني حشمة ني والو ياخي تربية ياخي رانا غير نشوفو في العجب
يعطيك الصحة حنونة مواضيعك ديما هايلين كما مولاتهم ​

شكــــــــــــــــــــــــــــــٍ**را لمروركم :tears::yahoo:

 

[Sârsoùra L'mkàlChà]

ههههههههههه

علابالك يجي يحفرلي قبري كي انا كي my boy friend
​

 

[WiNssE]

هههههههههه علابالكي غادي من على وحد .... هكاك تولي ناصيونال هادي لحية

راني تخيل من لهداك الوقت بنتتي تجي عندي وتقولي ماما صاحبي راني عارضاتو للعشا

مدابيك ديرينا عشا شباب هههههه

علابالكي ختي هدا النوع من الوالدين جايين معلابالهم بدارهم لا بولادهم قاع يساعفو فيهم باش مايحسوش بالفيد

يعني مصلحة يديرلها واش بغات المهم ماتبقاش تهبل فيه

يعني ماشي لاهيين بيهم ...و الله صدقيني دقول مايخموش عليهم ولا مايبغوهمش

مانيش عارف كي يخمو ​

 

[معاك يا الخضراء]

بموتي فيك يا بت انتي :heh:
هههههه وش فيها :music_whistling:
كش نهار نديرها :yahoo:
عادي ياخي بوي فرند برك
مش حاجة اخرى
بصح اسنايني سع كفاه نقولو؟؟
بابا هاو حبيبي و لا حبيبي هاو بابا ؟؟
ويناه فيهم لي عندهم صدمة اقوى من لخرى ؟؟؟
نحوس نفريها فرد خطرة ههههههه
​

 

[Bob Marley]

صحبتك هدي عقلية شوفنا رنا عيشين الفرونساز

نورمال مع باباه في البحر ب2بياس وختها مع صحبه تحت البراسول
وامها بشورت و باباه ايدير للامه في البرونزاج ........الخ
وناس تكحل وتمردي وخوهم عاجبو الحال وقول خوتاتي عندهم شهرا كبير
اااااااااااااااااااااااااااااااااااااااي لابال في ​

بوب يكره اناس هدم

 

[بنت البهجه]

ناس ما تعرف ربي ما تعرف ديننا الحنيف

والله غير تبهديلا كاين شي ناس حاشا ما بين عينيا يحشموفينا ويضحكو علينا المسلمين جيرانا

تقولي عمرهم ما قراو القرآن ولا سمعو خطبة جامع ولا عرفو دينهم الحنيف

عنبالهم ساهله ربي شديد العقاب وخاصة على اللي يعرف دينو ويعمد

ربي سبحانه قالك اللي ما تعلقش في حبل متين ياو اداه الواد

ولكن لا حياة لمن تنادي

عنبالهم راح تنفعهم الدنيا

لو كان نفعت فرعون وقارون

الله يهدي ما خلق

وبارك الله فيكي على النقطه الساخنه

الله يستر بنات وشباب المسلمين

تقبلي مروري تعقيبي ورايي

اختك بنت البهجه

 

[سعاد1991]

الله يهدينا ...وقت هنا لحقنالو بوي فراند ههههههه ولا باباها حال فمو عاجباتو بنتو كون جات بنتي مشكيتش تكون عايشة درك صحيتي على الموضوع والله لا واقع رانا نعيشوه

 

[MAROUA93]

انا اتني نحير نلقى طفله في طريق عام تمشي مع صاحبها ما تقول عندي اخوة ما تخاف من ولد عمها ولا خالها ؟؟

يا لطيف ؟

وزيد هاذ الطفله لاعبتها عليك برك ... باش ما يفسدوش عليها لبنات هههههههه

ربي يسترنا

وموضوعك روعه يا اموورة
​

 

[مهديmido]

هذي جديدة والله ربحت:cra_zy: صح:cra_zy:
عدنا نسمعو لعجب_o: الايام هذي
خصنا غير بوي:cursing: فراند
ربي يهدي هذوك القوم ان شاء الله

لا حول ولا قوة الا بالله
ربي يهدي ماخلق
بارك الله فيك ختي امورة المنتدى
ربي يحفظك ​

​

 

[نسمة الفردوس]

هههههههههههههها
شكيت راهي تهف فيك برك
باش تديك للواد
احذري منها و من صحبات السوء

أما ويلى كان باباها هكذاك
تقلنا برك كي تجبلوا البنين و البنات باش نباركوا

الله يستر جميع المسلمات

بارك الله فيك أختي
و تهلاي في روحك​

 

[Oxygene2]

ههه شابة هاذي
انا بابا يقلي كلمة نولي نفيبري وحدي
خصني غير نقولو هذا My boyfriend ههه
مرسي على الموضوع

 

[حلمي النسيان]

ههههههههه

كيما قلتي هذي عقلية تاع بابا ماما

انا شحال من خطرة نسمع البنات يقولك بلي يقولوا لماتهم بلي عندهم احم احم boy friend

بصح مازال مانسمع بهذي اللي قالت لباباها

سبحان الله ، هذا كلام آخر زمان ، عشنا و شفنا وياما حنشوف

ان شاء الله ربي يستر اولاد و بنات جميع المسلمين

و هذا اللي راه حاسب روحه في ماريكان يتمشالك بعقلية ستار أكاديمي،الواحد مايقدرش يخصر عليه كلمة.............

على خاطر احنا مسلمين و الاسلام ماعلمناش كيما هكذا

على كل ربي يهدي العباد اللي مازالت عندهم هذي العقلية

و اختي امووووووووورة موضوعك تري فوووووووووووووووووووور

بيس

​

 

[belgacem39]

اموره انتي تنحي من روحك و تهدري على اب كيما هادا:mellow:

ربي يعافينا منو و من امثالو


سلام اموره
​

 

[hadjer92]

هههه .. هادي افييير
مالا واش كون نقولكم صحبتي هاديك نهار قالت لباباها انا جامي حبيت في حياتي واحد قدك .. هههه

 

[عاشقة الرعب]

ههههههههههههههههههههههههههههه ولله هايل هذي ولله
يعطيك الصحة كون امها شويا نورمال يحكو لبعضاهم بصح باباها مستحيل:scared::scared::scared::scared:

 

[SIRINE_ANNABA]

هههههههههههه
اكي تشوفي اخر زمان التربية الباهية
قلو boy friend ههههههههههههههههه
عقلية تع لهيه

 

[nadia.dz]

ياخاااااااااااااا ياختي هادي عقلية البنات2010 تاع الصح زعما هادا اب لكان جيت انا يقتلني بابا انا وياه قالك بوي فراند ههههههههههههههههههههه

 

[عاشق بنات حواء]

ومازال ما شفتي والو الدنيا هذي الجيل لي راه خي ينسيك فلي راح