ألغاز متجددة مع sahiko والناس الزينة

[sahiko hamza]

لا لا جيبولنا أجوبة مقنعة
الضمير تسمعيه انتي ؟؟
​

 

[**بنت الأصول**]

اوكـي

الحل هو منتدى اللمة الجزائرية

ماتقولوليش بلي ماتخموش فيه وسيتو كي يجيكم لغز كيما هذ
لا ماتخممش بيها ماتدخلش فالنهار 10 سوايع ؟؟ صح ولا لا


سيبون
دوك نمدلكم اللغز الآخر هههه

============================



بون قالك صوت وين تسمعو يغيرلك الميزاج
الى راك عايش في قصر راح يجيك ولو تدير ماعرف
الى راك زوالي تسمعو كل يوم
الى عندك الدراهم تسمعو مي مشي كيما الزوالي

لي سونسيال تسمعو تقلق ديركت ويخلطلك لخيوط ههههههه

واش هو هاذ الصوت


بالمناسبة ليس صوت الحمير

هيا نشوفو محاولاتكم
​

هههههـ
صوت الحمير
أولا قل لي هو صوت فنان أو صوت شيء آخر يعني قرب لينا شوية
إيه صح سلام عليكم خخخخ شغبني اللغز وصحة عشاك خويا
​

 

[sahiko hamza]

الله يسلمك
راني وضحت وكون نزيد حرف في لمان عرفتوه
ومابقاش لغز
​

 

[Happy Girl]

صوت المعدة كي تجوع

 

[**بنت الأصول**]

الله يسلمك
راني وضحت وكون نزيد حرف في لمان عرفتوه
ومابقاش لغز
​

اها موضحتش :surrender:وينه توضيحك
​

 

[دعاء19]

اخي سهيل انا مفهمت لغز مزيان قولي اشنو هو الزوالي

 

[محب بلاده]

الهــــاتف

 

[sahiko hamza]

ولا فيكم صح
دعاء المغربية على سلامتك

بون معنى الزوالي : هو الإنسان الفقير

البورطابل مش هكا يديرونجي
التوضيح هو كي الغني كي الفقير بكل يسمعوه يتقلقو
هيا جيبوهولنا
​

 

[Happy Girl]

صوت بكاء الاطفال..

(قولي تاني صوت الاطفال ما يقلقش؟؟؟)

 

[sahiko hamza]

مي لا ضحك تعودي تحبيه ههههه
لا لا ماشي هو
هذا صوت تكرهو صح
وين تسمعيه تقلقي ولا زدتي سمعتيه تجني ديركت ههههه
​

 

[**بنت الأصول**]

صوت AMBULANCE :busted_red:
هادي تتقلق منها الناس
ماتقليش غالطة
ههههـ
​

 

[Happy Girl]

عندي محاولتين:

1- الحس؟؟؟؟ أي الضجيج
2- دقديق تاع الباب

 

[omari19]

الاكل
جوبني واعطيني تقييم​

 

[sahiko hamza]

لا لا يا شباب

اعيدو المحاولة
​

 

[chiguevara]

السلام عليكم
راني جيت و عندي محاولتين خير منهم ل تعجبك
صوت الطباشير و لا الاظفار ك تعقبهم على السبورة و لا الحيط
صوتلمصاروة يوجعوا الراس وما تقوليش مش مزعج وياك التيليفيزيون كل ما تجي عاقب على قناة تلقاهم

 

[amira_algeria]

الغازك صعيبة بزاف مقدرناش نلقاو الحل

 

[sahiko hamza]

ياو ساهل اه


لا محاولاتك غالطة يا بنت الأغواط

​

 

[Happy Girl]

صوت الذباب ....أي الذبان

 

[sahiko hamza]

راح تبدي بالواحد
المهم يالله برك والله كرهت اللغز هذا هههه
​

 

[M!ss_f@ti]

صوت السآئلـ يعني الطلآب