اللي ماتكفرش راهي سلفيا

[يسرى 2008]

والله الدعوة كبارت يا اختي
انا تاني قاعدة ورانا طفل
وكل انواع الكفريات يقولهم واونفاس ليا تاني
مرة كي رفعت صبعي حكمني من شعري
قالي هبط ومتشاركيش
هدا الكل باش نضحكو وكي نقولهم لا يقولولي اكي معقدة
ولا نقولهم وحد الظاهر كي نعملو اكسيو فيريتي يقلي روحي عنقي الطفل هاداك ونقول لا ياه يقولولي معقدة هههه لا حولة

 

[زياني89]

كاين ذكورا مربين وما شي مربين هنا يعود الفضل للأولياء إن شاء الله ماتزيدش تصرالك هاك، تقبلي مروري

 

[بنت الـ25]

ربي يهدي ماخلق
أنا مرة كفرت طفلة قدامي قلتلها اسكتى وضربتها على فمها
وكي جات صحبتها قلتلها "كون نقولك حاجة تتشوكاي"
قالتلها صحبتها "وش؟"
قالتلها "امينة ما تكفرش"
قالتلها "آآآووووووووو.... متمسخريش؟؟"
خلاوني مشوكية وحابة نخبط راسي فالحيط ولا نحطو فالراية
يعني الحاجة اللي نورمالمو راهي نوووووورمال ولات آننورمال..والعكس
موضوع فالصميم...مرسي تسنييم​

 

[NICHA03]

ايه لي ميسبش سلفي ولي مديرش صاحبها ماشي متربية ولي .....ولي ...............

 

[selma-dz]

الله يهديه مسكين تحسبلو راه يدير في حاجة مليحة

 

[papicha dz]

مجتمع يحير كيما انا خطرة واحد قالي اركبي معايا فاللوطو ونعطيك النيميرو قلتلو لالا قالي انت معقدة ورخيسة

 

[ماكانش]

سبحان الله العظيم
تبدلت الدنيا وتبدلت المافاهيم ...
يا ويحنا .....

 

[amira-ange]

خليك منهم
هدوك مهمش عباد
لوكان نقولك حاجة مخك يحبس هههه
أنا كان يقعد ورايا واحد سلفي داير اللحية ويلبس غبر القنادر المهم بهدر وحد الكلام مينقالش
وزيد يدار يقطع في لبنات
ربي يهديهم​

 

[الجمرة الخبيثة]

ههههههههه
متكفريش مكاش منها !!!!!!!!!!!!!!!!هههههههه
يودي لبنات عادوا يكفروا اكثر من ذراري فاتوهم ياحنونة
وحد لكلمة يقولوها انا منفهم والوا
ولي تكفر نعرفها ضعيفة الشخصية
انا عدنا كلمة "رنكي" حشاكم عيب في دار الي يقولها راه فاسق
الله يبعد علينا
​

 

[biya]

اييه عندك الحق ،، ظاهرة منتشرة بزااف عندنا

وكيماا قلتي حتى البنات درك ولاو ماشاء الله ، راهم لحقوا

 

[adraa]

ههههههههههههه
انا تااني هاكذاك
انا نقعد قبلي دكوورة و ورايا دكوورة
و اللي ورايا ماا شاااء الله
راهو حاافظ 60 حزب نتاع الشيطاان و زاادلو من فوووق
ههههههههههههههههه
عييت فييه احترمنا رانا بناات كيما خواتااتك...
واالوووو زااد سخطنييييييييييييييييي هههههههههه
ياااي وااحد الهدااير استغفر الله
الى درجة انوو مرة صبت وحد النوو و الرعد
قلت لصااحبتي هاذا ربي غضب علييه
حتى هو اعترف قاال : تيييييييييييييييييت تييييييييييييييييت النو تاع تييييييييييييييييييييييييييييييييت في سبة الكفيير تاع
تييييييييييييييييييييت ......​

 

[المتفائلة_91]

قوليلهم سلفية ونص ايه
ياو مالحقش قال اخ سيش ،،
اللي غيرو منو يديرولو عكوة ،
ياو هوما العكوة في خد ذاتها

يعطيك الصحة ماتأثرتيش بكلامهم اللي مش مليح

صح فطورك

سلامووو​

 

[souhila_95]

راكي كيما انا مسميني
ميس معقدة

 

[مايلي]

هاذا مريض وقوليلو مول الفز يقفز صح انا مانكفرش بلا سبة مي كي نتقلق مانعرفش واش نهدر...ربي يهدينا
​

 

[47yassin]

صارلك كيما الى يعود مايتكيفش مع صحابو الى يتكيفو يسيمى ماهوش راجل
​

 

[الخيزران]

السلام عليكم
حبيت نهدرلكم ظاهرة انتشرت بزاااااااااااااف
حنايا
خطرا قاعدين في الكلاصا
وانا صاحبتي نقعدو بين الدكورا
يعني
قدامنا دكورا وورانا دكورا


وارواح انت واسمع
كل وانواع وشتى الكفاير


زادت صاحبتي تعلمت منهم :scared::scared::scared::scared:
وارواح انت وفكها


وانا اني مانكفرش
دور خطرة اللي قدامي قالي
اييه انت ماتكفريش
انت راكي سلفيا
ياخويا واش هاد العقليا :surrender::surrender::surrender::scared::scared::scared::scared::mellow::glare::glare::glare:

انا تشوكيت
يعني الشي المليح عاد ماشي مليح
والشي الفايح عاد مليح

ربي يهدي ماخلق

ارجو التفاعل
انتظر الردود
مع تحياتي ;tasnim :music_whistling:

علاش واش هو تعريف السلفية عندكم انتم
السلفية انا بمفهوم بسيط تبالي الاقتداء بالسلف الصالح في الافعال والاقوال
لو كان قالك: انت الله يبارك مؤدبة ولا مربية بصح سلفية هذي كلمة ههه جابلي ربي بعيدة بزاف
راني متأكدة قالهالك عن جهالة واذا يقصد التهكم فانني وبكل بساطة نقول
لا يضر السحاب نباح الكلاب

حافظي اختي على حلاوة اللسان وعودي نفسك غير الكلمة الطيبة على خاطر ناس بكري يقولو العيب في كلام العيب

 

[406_nassim]

عقلية dz ربي يهديكم يا ربي
​

 

[kazawa]

اخطيك من كلام الناس مرسي

 

[naoui84]

شكرا على الموضوع
ويشوفو وحدة محترمة روحها ومتحبش تهدر في هدرة مكانش منها يقولو راها معقدة
ولي ماتلبس لمزير يقولو راه متخلفة

 

[aym43ene]

yakhi 9awm yakhi lah ghaleb lah yahdihoum.........