**ما تتفاهم العجوز والكنة حتان ابليس يدخل للجنة**

[Mafia.dz]

وعليكم السلام ورحمة الله وبركاته،،

فوفة وسمها عجوزتك:music_whistling::music_whistling:

راح نحكيلك حكاية صرات لول بارح في حينا،،

خرجت العجوزة وعروستها بالمصالح يتقابضو برا قدام الغاشي:scared:

كي جاء الراجل وصل مرتو لدار باباها،، وقال لامو غدوا تجيبيلي مرا:surrender:


والله لا حالة خلاص،،
علابالك الام تغير من العروسة علا ولدها،، تقولك انا جبتو وكبرتو وربيتو وهي تجي تلقاه سبع واجد:wink:
ولعروسة متحشمش علا روحها،، متقولش هاذي هي الأصل،،

بصح يادلالي تلقاي عجايز حتى هوما راح يطيرو:surrender:

وقيلة طولت في الرد:no_1: أيا نقولك اتهلاي في عجوزتك،، انتي امك تدخل الجنة في جرتك،، ونتي تدخليها في جرت عجوزتك:wink:

دمتي بود حبوبة:yahoo:
​

ههههههههههههههههه

وين تكوني يكون النش

عجايز هههههههه ؟؟؟


​

 

[عفاف الجزائرية]

ربي يبارك فيك هاذي هي الهدرة الزينة وربي يباركلك في زواجك ويعطيك قد نيتك والله قليل اللي يخممو هاذ التخمام الله انا ثان قلت ياربي انشالله كي نتزوج اذا دخلت بالنية ربي يباركلي واذا دخلت بالحيلة الله لايباركلي في زواجي خاطر اذا رضات عليك العجوزة ربي يرضا عليك العروسة لازم تلز عجوزتها وترضيها وتحملها تبقا مرا كبيرة باش تلقا الخير في ولادها وعرايسها هي تان واقيل طولت عليك حنونة
موضوع قمة في الطرح والفكرة
شكرااااااا تثبلي مروري[/
QUOTE]

ربي يخليك اختي ويعطيك قد قلبك وقد ماراكي ناوية
والله ماكانش قد النية المليحة في وقتنا ومولا الخدعة عمرو ما يربح
واللي يمشي بالنية وين يروح يلقى البيبان مفتوحة
ان شالله ليك وليكل اللي يمشو بالخير
مرسي على مرورك
​

وي لغرايس تع هذا الزمان اولي عليهم

برعاية كار عيشوش للسياحة والسفر نسيتيها
مشكورة خيتو على مرورك
​

 

[♥SaMoù Là MoDèsTe♥]

أنا نظن كلشي قادرة تتحكم في زمامو الكنة ،
مهما كانت العجوز طايرة الكنة قادرة تسقمها غير بتصرفات بسيطة
مثلا تقوللها "يما" تقدملها هدايا ،تقوللها شوفي وليدك البارح ضلى يهدر لي عليك بكلام شباب
كاين بزاف دي جاست اللي يحبوهم العجايز

بصح لازم الكنة تصبر أي وحدة تغير على وليدها إمالا لازملها تصبر ومكاش كيما الصبر
العجوز يجي النهار وتوالف .
ولازم البنت ديرها كيما يماها قلبا وقالبا وgاع ايلا هدرت معاها العجوز
لياه يماها فالدار ماكانتش تنGرش عليها.



الكلام في هذا الشأن طويل وطويل
وهذه ماهي إلا وجهة نظر مناسبة شفت كل وحدة تعمل بهاذو النصائح تنجح.​

 

[عفاف الجزائرية]

أنا نظن كلشي قادرة تتحكم في زمامو الكنة ،
مهما كانت العجوز طايرة الكنة قادرة تسقمها غير بتصرفات بسيطة
مثلا تقوللها "يما" تقدملها هدايا ،تقوللها شوفي وليدك البارح ضلى يهدر لي عليك بكلام شباب
كاين بزاف دي جاست اللي يحبوهم العجايز

بصح لازم الكنة تصبر أي وحدة تغير على وليدها إمالا لازملها تصبر ومكاش كيما الصبر
العجوز يجي النهار وتوالف .
ولازم البنت ديرها كيما يماها قلبا وقالبا وgاع ايلا هدرت معاها العجوز
لياه يماها فالدار ماكانتش تنgرش عليها.



الكلام في هذا الشأن طويل وطويل
وهذه ماهي إلا وجهة نظر مناسبة شفت كل وحدة تعمل بهاذو النصائح تنجح.​

هادا هو الكلام المليح اختي لعزيزة وحاجة ما تدوم في الدنيا هادي غير الكلام المليح برك
ربي يعطي لكل واحد على قد نيتو
​

 

[عمو أحمد]

مساء الخير :

والله يا عفاف بنتي يا لو كان تشوف بعض نساء الأبناء تقول عليهم بناتها ماشي زوجة ابنها

كل شيء على التربية يا بنتي

كاينين بعض امهات النساء في عوض انها تنصح بنتها لتكون طيبة القول و العمل مع كنتها

لالا

تقريها كيف تستفزها

ربي يهدينا و يهدي بناتنا و اولادنا

بارك الله فيك عفاف


​

 

[أم أنس الموحّدة]

الله يهدي هذ العرايسات والله يهدي تاني بعض العجايز

بصح مالgري كاين بعض العجايز اللي النار تقشع مي دواهم بيد العروسة

ولازم على كل وحدة تتذكر ان لولا عجوزتها لما ربي اهداها زوجها وانها لازم تتحمل عجوزتها كيفما كانت لانها وضعت الثقة في العروسة واهدتها اغلى شيء عندها اللي هو ولدها

وتصبر وتحتسب الاجر عند الله

كل من عليها فان الا وجهه ذو الجلال والاكرام

وما يدوم غير العيب كلش يفوت

ربي يحفظك اختي عفاف وربي يقدرنا على خدمة ازواجنا واهله معليش الاجر ماشي ساهل ندوه لازم نتعبوا عليه
​

 

[هبه الرحمان]

يعطيك الصحة أختي عفاف اخترتي موضوع هايل للمناقشة

أنا نقولك كل شي على التربية كيما تربات البنت راه تعامل بيه عجوزتها

و البنت لمليحة أكيد والدتها مليحة و هي الي عرفت تربيها و راح كي تتزوج تنصحها و توريلها كيفاه تعامل عجوزتها أحسن معاملة و كيما قلت أنت كاين بنات ربي يهديهم راني نحكي من واقع معاش و ماكالاه ندخل في التفاصيل ههههه مانيش حابة نحكي و نمشر و نقص حسنات لعروستنا هههههههههههههه ربي وكيلها أنا تهمني في لحكاية والدتي و كيما ما نحبش عروستنا تأذي والدتي منحبش لأذية للوالدات كامل و ربي يهدي ما خلق

أما عن قضية أنهم يعيشو وحدهم و الا مع عجوزتهم أنا مارانيش معاك في هاذ لحكاية أول حاجة الزواج هو استقرار و استقلالية و تكوين أسرة جديدة و هاذ الشيء بديهي و كاين بزاااف الي استقلو و عاشو وحدهم و قعدت العجوزة راضية و متهنية لانو كاين تواصل دايم و هذا الشي يبقى راجع لرأي الزوجين نعطيك مثال

المرأة كي تتزوج راح تبعد على عايلتها من أجل زوجها و هاذي سنة الحياة

و يبقى مجرد رأي لشخصي و اكيد في ناس يناقضوه و ناس يأيدوه

 

[عفاف الجزائرية]

مساء الخير :

والله يا عفاف بنتي يا لو كان تشوف بعض نساء الأبناء تقول عليهم بناتها ماشي زوجة ابنها

كل شيء على التربية يا بنتي

كاينين بعض امهات النساء في عوض انها تنصح بنتها لتكون طيبة القول و العمل مع كنتها

لالا

تقريها كيف تستفزها

ربي يهدينا و يهدي بناتنا و اولادنا

بارك الله فيك عفاف


​

على سلامتك عمو احمد والله نورت موضوعي برك ورايك القيم دائما
اللي دار الخير لقبرو واللي دار الشر لقبرو وكل واحد واش يحب يدير
ربي يهدي برك هاذا ماكان
​

الله يهدي هذ العرايسات والله يهدي تاني بعض العجايز

بصح مالgري كاين بعض العجايز اللي النار تقشع مي دواهم بيد العروسة

ولازم على كل وحدة تتذكر ان لولا عجوزتها لما ربي اهداها زوجها وانها لازم تتحمل عجوزتها كيفما كانت لانها وضعت الثقة في العروسة واهدتها اغلى شيء عندها اللي هو ولدها

وتصبر وتحتسب الاجر عند الله

كل من عليها فان الا وجهه ذو الجلال والاكرام

وما يدوم غير العيب كلش يفوت

ربي يحفظك اختي عفاف وربي يقدرنا على خدمة ازواجنا واهله معليش الاجر ماشي ساهل ندوه لازم نتعبوا عليه
​

ربي يبارك فيك اختي ام انس والله نورتي صفحتي
وانا معاك في قضية الاجر باه يكون محتسب لازمة نتعبو عليه اللاجر الحلال
ربي يدير الخير
​

يعطيك الصحة أختي عفاف اخترتي موضوع هايل للمناقشة

أنا نقولك كل شي على التربية كيما تربات البنت راه تعامل بيه عجوزتها

و البنت لمليحة أكيد والدتها مليحة و هي الي عرفت تربيها و راح كي تتزوج تنصحها و توريلها كيفاه تعامل عجوزتها أحسن معاملة و كيما قلت أنت كاين بنات ربي يهديهم راني نحكي من واقع معاش و ماكالاه ندخل في التفاصيل ههههه مانيش حابة نحكي و نمشر و نقص حسنات لعروستنا هههههههههههههه ربي وكيلها أنا تهمني في لحكاية والدتي و كيما ما نحبش عروستنا تأذي والدتي منحبش لأذية للوالدات كامل و ربي يهدي ما خلق

أما عن قضية أنهم يعيشو وحدهم و الا مع عجوزتهم أنا مارانيش معاك في هاذ لحكاية أول حاجة الزواج هو استقرار و استقلالية و تكوين أسرة جديدة و هاذ الشيء بديهي و كاين بزاااف الي استقلو و عاشو وحدهم و قعدت العجوزة راضية و متهنية لانو كاين تواصل دايم و هذا الشي يبقى راجع لرأي الزوجين نعطيك مثال

المرأة كي تتزوج راح تبعد على عايلتها من أجل زوجها و هاذي سنة الحياة

و يبقى مجرد رأي لشخصي و اكيد في ناس يناقضوه و ناس يأيدوه

اهلا بيك اختي لعزيزة والله نورتيني برك
واما عن قضية يعيشو وحدهم انا مانيش نقلو لازم العروسة تبقى مع عجوزتها
كاينين اصلا عجوزات هوما اللي يقولو لاولادهم ديرو دياركم وحدكم
انا نحكي على العروسة اللي تكون تقول لعجوزتها نديرك في عيني نستحفظ بيك ومع الاخر عجوزتها هي الاخيرة اللي تسمع بيها رايحة تقسم وتخرج من الدار
يا اختي هبة لا بد من يوم الفراق
علاه نحرقو كبدة الام على ولدها
مادامها هانية مع عجوزتها انا في نظري ماشي شرط الدار
ممكن تدير الدار وماتكونش لاحقة بيها
وهناك اراء مختلفة
ربي يبارك فيك ويعططيك ما تتمناي
​

 

[هبه الرحمان]

اهلا بيك اختي لعزيزة والله نورتيني برك
واما عن قضية يعيشو وحدهم انا مانيش نقلو لازم العروسة تبقى مع عجوزتها
كاينين اصلا عجوزات هوما اللي يقولو لاولادهم ديرو دياركم وحدكم
انا نحكي على العروسة اللي تكون تقول لعجوزتها نديرك في عيني نستحفظ بيك ومع الاخر عجوزتها هي الاخيرة اللي تسمع بيها رايحة تقسم وتخرج من الدار
يا اختي هبة لا بد من يوم الفراق
علاه نحرقو كبدة الام على ولدها
مادامها هانية مع عجوزتها انا في نظري ماشي شرط الدار
ممكن تدير الدار وماتكونش لاحقة بيها
وهناك اراء مختلفة
ربي يبارك فيك ويعططيك ما تتمناي
​

[/quote]


أكيد أختي العروسة الي تحكي لكلام لمعسل و من بعد الزواج راح تظهر على حقيقتها لانو الطبع يغلب التطبع

أكيد لابد من يوم الفراق خلينا ما نحكيوش على فراق الموت لانو ماراناش ضامنين شكون يتوفى قبل شكون كل شي بيد ربي سبحانو

اما عن الفراق الي في الدنيا فراح نقولك انا قلبي يتحرق كي نفارق أولاد أختي بعد ما يكونو جاونا زيارة هههههههههههههههههه فما بالك بالأم كي تفارق بنتها و الا ولدها و انا لوكان نلقى ما نفارقش الوالدة نتاعي نتزوج و نعيش عندها و نفس الشيء بالنسبة للراجل المهم وين يكون زوجي المستقبلي ان شاء الله مرتاح انا رح نكون مرتاحة سواء مع أمو و الا وحدنا هاذي الخلاصة المفيدة هههههههه

 

[عفاف الجزائرية]

وما احسنها خلاصة اختي هبة حنا هنا وين نحوسو نوصلو
ربي يبارك فيك ويعطيك ما تتمناي
​

 

[iméne09]

اااااااه شحال يخلعوني لعرايس قبل العرس بوجه ومممباعد بوجه وحدوخر مبدلين قاع على لعجوزة مع لول تكون تكسب فيها غير باش تديها وترفدلها مي غير تضمن بلاستها في دار تبدا بخدايم تستيت تقول عجوزتها رايحة دوملها كون كملت بترطاب ويقولك لسان لحلو ماتدخلو الدبانة والله كون لعروسة تكسبها غير بلكلام لحلو تبدا لعجوزة هي لي تحطها في عينيها وتحبش عليها وتحبها كما بنتها وديجاويقولك لمتل البنت هايمة ولعروسة دايمة يعني بنتها مراحش دوملها الصح في لعروسة مي اوموا كون كانت تقدر بلي ام كي تزوج وليدها تبدا تغير اوبليجي تسايسها وتربح لملاحة معاها بلعقلية هكدا تريح راجلها من دواس وتربح حسنات زيادة
يعطيك الصحة حنونتي موضوع فووووووووووور بزززززززاف كما مولاتو ​

 

[عفاف الجزائرية]

ماكانش اللي فور كيما انتي حنونتي ايمان
يعطيك ا لصحة يالغالية
نورتيني
​

 

[shéryfa luna]

يافيفي حنونه قد ماتكون كاينه منها هادي الظاهرة قد ماكاين الي مزالت في قلبوهم رحمة ربي /ان خليت خربت/
أنا ياختي مانامنش بيها هادي تاع *لوكان تحب لعجوز الكنة الكلب يدخل الجنة*tt simplement pck ماما تموت على مرة خويا بخاسك تحبها خيرمنا احنا بناتها..و تبالي بلي كلش على الكنة ادا عاملت عجوزها بالملاحه و كسبتها تحطها في عينيها و ادا قباحت تندمها على النهار اللي دخلت فيه لدار بنها
بصح انا عمبالي بيك فحلوشه تقومي بعجوزتك يخي؟؟؟؟ههههه​

 

[عفاف الجزائرية]

يافيفي حنونه قد ماتكون كاينه منها هادي الظاهرة قد ماكاين الي مزالت في قلبوهم رحمة ربي /ان خليت خربت/
أنا ياختي مانامنش بيها هادي تاع *لوكان تحب لعجوز الكنة الكلب يدخل الجنة*tt simplement pck ماما تموت على مرة خويا بخاسك تحبها خيرمنا احنا بناتها..و تبالي بلي كلش على الكنة ادا عاملت عجوزها بالملاحه و كسبتها تحطها في عينيها و ادا قباحت تندمها على النهار اللي دخلت فيه لدار بنها
بصح انا عمبالي بيك فحلوشه تقومي بعجوزتك يخي؟؟؟؟ههههه​

سيرينو على سلامتك يا لعزيزة
كيما قلتها للبنات الاخين ما يدوم غير مولا الفعل لمليح والطيب
كلش شي فاني
وانا عجوزتي من ضركا راها على العين ولراس
واللي تجرحها تقتلني
وربي عالم
​

 

[shéryfa luna]

سيرينو على سلامتك يا لعزيزة

كيما قلتها للبنات الاخين ما يدوم غير مولا الفعل لمليح والطيب
كلش شي فاني
وانا عجوزتي من ضركا راها على العين ولراس
واللي تجرحها تقتلني
وربي عالم​

ربي يباركلك و يعطيك ماتتمناي ان شاءالله نعرفك مرا و نص و 25:yahoo:​

 

[عفاف الجزائرية]

ربي يباركلك و يعطيك ماتتمناي ان شاءالله نعرفك مرا و نص و 25:yahoo:​

ربي يخليك سيرينو ونتي تاني معايا
​

 

[samifa31]

الله يبارك
كاين بزاف هاكدا
ربي يخليك ليها

 

[sandoussa3000]

"ما تتفاهم الكنة والعجوز حتان ابليس يولي يعوشش كي الفروج"
ههههههه وش نقولك اعفافة ختي
ربي يبارك عليك
في القمة دوما
كلامك صحيح
انا لو حماتي عايشة اكيد نحطها في عينيا
الله يرحمها ويرحم موتى المسلمين
كي يكون الحب والتفاهم بين العجوز والكنة ايضا رح يكون منزل رائع فعلا
حنا في دارنا مرة متفاهمين مرة .......
الحمد لله على كل حال
ونقولك الصح ماكانش قد يكون كل واحد وحدو هكا كل واحد بقدرو حتى كي يزورو بعض تكون بالقدر والحب
ربي يحفظك غاليتي عفاف
وان شا الله ربي يعطي كل واحد على قد نيتو

 

[عفاف الجزائرية]

الله يبارك
كاين بزاف هاكدا
ربي يخليك ليها

اللهم امين اجمعين
مشكورةعلى المرور
​

"ما تتفاهم الكنة والعجوز حتان ابليس يولي يعوشش كي الفروج"
ههههههه وش نقولك اعفافة ختي
ربي يبارك عليك
في القمة دوما
كلامك صحيح
انا لو حماتي عايشة اكيد نحطها في عينيا
الله يرحمها ويرحم موتى المسلمين
كي يكون الحب والتفاهم بين العجوز والكنة ايضا رح يكون منزل رائع فعلا
حنا في دارنا مرة متفاهمين مرة .......
الحمد لله على كل حال
ونقولك الصح ماكانش قد يكون كل واحد وحدو هكا كل واحد بقدرو حتى كي يزورو بعض تكون بالقدر والحب
ربي يحفظك غاليتي عفاف
وان شا الله ربي يعطي كل واحد على قد نيتو

اهلا سندوسة على سلامتك ياالغالية
انا معاك في واش قلتي ونفضل كي تكبر العائلة يولو كاينين كنات بزاف هنا وين لازم الكبير يستقر وحدو
ياو الدنيا فانية اختي سندوسة حاجة ما تدوم الواحد يبقى يتفكر غير لخرايب برك
​

 

[معاك يا الخضراء]

شوفي حنونة
خطيبي الاول الله يرحمو :closedeyes: راهو مزوج و ضرك عندو صبي ما نعرف وش سماه :closedeyes:
يا حنونة كي كنا نخططو للزواج:thumb_down: قالي راكي تسكني مع ماما:scared:
و لازم يبقا لقدر فالدار :music_whistling:
قتلو انا عقبلي تشوف مك :wink:
ايا قاتلي وش راكي حبيبتي :no_1:
قلتلها ربي يدوم المحبة :closedeyes: قالي عمو هادك يا مصيبة بلعي :wink:
قاتلو ماماه ههههه اسمع ما تقولش على عروستي هاكا :closedeyes:
ايا داااارو ليامات و جينا فالصح
قاتلو .....
مبعد نبعتلك رسالة في خاطر المقرعجين:yahoo:​