سؤال لبنات محيرني حتى لولاد يدخلو ماعليهش

[karis]

وسؤا ل الاهم ممكن نظيفو
كيفاه انسان مش عارفة شحال من كيلو ........فوق زوج مسامير ؟؟؟
هاذي حاجة عكس الجاذبية هههههههههه

 

[*Sarah*]

بكل صراحـة انا الطويلة في صحباتي
و بالزيادة .......

نحشم نخرج بيه
راني غير في البلغينة و الا ساعات بسكات تشبه الصباط باسكو تكون خفيفة في المشي
سلام
​

 

[ĉ'ëşt ćõmpĻïqǔé]

جامي لبستو ونكرهو ومستحيل نلبسو اولا لاني نكرهو ثانية لاني طويلة بما فيه الكفاية منحتاجوش
اظن انو وسيلة لزيادة الطول وجذب الانتباه خخخخخخخخخ سقسي اللي يلبسوه
شكرا لك خويا​

 

[Rosa2]

هههههههـ ^^

" انا " وح’ـدة منـ النآاس اللي مآا تعرفش تمشي بالـ الطآلوn ..~
اما لبنآات هدوكـ تآاع " 2 مـ وزيد "
مآعلبآليش كيفآاش رآهمـ يديروا ؟​

 

[mira.21]

ههههههههه
وي كاينة مي ماش 2م بعد
انا والله نشتي طالون مي الله غالب جربت نمشي بيه مقدرتش
هههههههه
لهدي الساعة راني غير مع لبلا
مرسي على الطرح

 

[salma2010]

انا نقول الصراحة
صراحة انا نلبس الطالو بيسك يعجبنى الستيل تاعو ماشي كيما البلا شكل واحد...........انا نحب الطالو شكلو يعجبنى بصح ماشي تاع2م يكون معقول يعنى يجي مع الساجيدة ومش ديما نلبسو مرة مرة

 

[رقة الاحساس]

انا منلبسوش في الشارع غير في لعراس
وكذليك منعرفش حتى نمشي بيه لانو انا طويلة و اذا لبست الطالو نتفضح ههههههههه​

 

[حنان18]

يا أخي و الله العظيم خطيني الكعب العالي نلبس لبلا و لكن لالا مشي باه يزيدوا في طولهم لالا باه يجلب النظر بطرق طرق

 

[*houda*]

زعم زعم يزيدو ف الطول انا نقولك الصح انا مانلبسوش اصلا طويلة واتاني يتعبني بزاف

 

[comely_boy]

السلام عليكم
شكرااااا على الموضوع
انا مافهمتش واش يزدلهم كي يلبسووهه
زعم الزيين!!!!!!! مشكيتش بسك دزيرية تقعد دزيرية
مي انا علبالي علاش يحبو يلبسووه باش يولوااا
يشبهوااا لgوررررر
هوما يدو العقول و حنا يطبعونااا قش بختةة
وين بيها يا دزاير وين!!!!!!!
​

 

[Mr mino]

شوف اعقل ضروك الردود كامل يقلولك خاطينااااااا


​

 

[miss meryy]

فكرتني بطفلة لابسة تالون 2 م وهي قصيرة بزااف تحب تبان طويلة وهي تمشي لكان ما يتكسرش هادك التالون راحت لدارهم تتعوج بيه ههههههههههههههههههههههه

 

[دروب الرحمة]

ههههههه انا نلبسو دومي تاع2متر واعر ويتعب
وحاجه اخرى هذا اللي يطرطق منشتيهش طول ومنلبسوش
موضوع مليح
مارسي عليك​

 

[دروب الرحمة]

شوف اعقل ضروك الردود كامل يقلولك خاطينااااااا


​

هذيك اللي يحبس فيها راسي
سبحان الله كامل ملايكه​

 

[βǻŋǾừŧά ₡ǖŦё]

ههههههههههه على كل مرسي على الموضوع وانا ما نلبسش الطالون ما يعجبنيش و زيد تاني انا طويلة كون نلبس الطالون كيفاش نعود مي نقلك دومي طالون وي بسح هذاك تاع 2م لي تمشي بيه تتعوج تقول سكرانة

 

[sisi19]

nalbes doumi talon o machi toujour
wach thabou najri bazafi-o:
t9ochi kach missile jazat 3lik:shay:

 

[soussou27]

السلام عليكم
اخ في الاول نقولك مكاش التالون نتاع 2م
انا نلبس التالون و يديرش الحس لانه فيه البلاستيك الى يجي فيه و ادا راح نشري واحداخور المهم مانديرش الحس بالتالون
و التالون صباط عادي ما فيهش مشكل ادا كانت تلبس التالون
انا ضد الى تقرا و تلبس التالون في المتوسطة او الثانوية و لكن في العمل يتلبس التالون عادي