°°هيلدا ومعاك يالخضراء في أكبر عمل تترجمه يوميات أعضاء اللمة،، بقلمكم،، شاركونا°°

[missa_1]

اه واش نقلك فات عليا كحل نوضوني الصباح مخلونيش نكمل رقادي وزاد الماتش كمل عليا

 

[AnGeL*dZ]

انا ليـــــــــوم نضت زعمة بكري على التسعــــــة
الجو كان مغيــم وانا نكره هذا الجو يعني نتقلب 360 درجة اللي يهدر معايا
نشعل فيــــــــه:sneaky2:
ماخدمت والو في ادلار برك غسلت لماعن تاع لفطور وبقيت ندور بين الميكرو والتيلي:u_pc:
قلقت تفرجت الماتش تاع اليابان والكاميرون الحق تاع ربي غاضني ايتو هههههههههه:closedeyes:
ومبعد رجعت للمة سمعت حس في الدار وبابا يقولها لختي ازربي وجدي روحك باش نديك:glare:
انا لجنون باداو يدورو زعمة ضربتها تشنيفة ومانهدرش معاهم فيلم هندو ههههههه:music_whistling:
فهمني بابا داني معاهم للدوار :yahoo:
ومانساش خلانا قدام السوق تاع الخضرا نص ساعة انا واختي نسناو فيه اللي يعدي يشوف معانا ههههههههههههههههه
ومبعد احنا وصلنا للدوار التريسيتي راح وجوه النحس هههههههه:tears:
وصبت النو والريح والصوت تاع الشجر خلعني والرعد مانحكيش ههههه
قلقت من الدار على الرغم اني كنت في الحوش(فناء الدار)
خرجت مع بابا وهو يقلع في الخضرا اللي زرعها زعمـــــــة نشتي الارض
والسبب الحقيقي اني خفت من وحد القطة سامطة هههههههههه:no_1:
عديت نهار مليح النو تصب وانا برا قدام الدار نتفرج في الباراج
وكي لحق العشا ناضت الحرب مع القطة مسنطحة بابا يزعطها وهي ترجع تدخل سمطتلي لعشا هههههه
​

 

[dana1993]

سلام
نشكي ولا نبكي؟ ههههه
نضحك ولا نحكي؟هههههههههههه
جاز نهار كحل النو نهار طول وهي طيح
التريسيتي يتقطع
الغبار و الشهيلي مخلطا
كلشي يتحرك نبانو بيت الكوابيس
هههههههههه

 

[Sârsoùra L'mkàlChà]

حنا ثاني الحالة كانت مقلبة البارح
و التريسيتي و الكوناكسيون يروحو و يجو
و مسلسلاتي ما عادوش يبدااااااااو
ذك انا كيفاه نشوف حنووني يمثل ؟؟؟
​

 

[aMiNa-K]

السلام عليكم

هيه موضوع انتيك
يوميات تاعنا حنا الدزيريين يليقو يديروهم مسلسل .. لوكان نخرجوهم ندوها للم.......وة في المسلسلات هيهيهييي

اليوم نضت بكري زعمة .. ال6.30 وقفت يما عند راسي قالتلي نوضي ماشي قلتي تروحي للجامعة
اليوم لي سوتنونص في الجامعة .. صحاباتي من السمانة اللي فاتت و هوما يحلفو فيا لوكان مانحضرش يقتلوني
المهم لحقت عال 9.10 للجامعة

بدات لاسوتنونص عال9.15 .. مساكن الخلعة واش دارت فيهم و الميموار تاعهم مرنك قاعتيك .. المهم خلطوها و جلطوها و خربولها الرحمة تاع والديها .. و غير كملو بداوهم لي جوري وشمن تعراش و وشمن تباهديل داوهم و قدام والديهم ههههههههه .. و انا شغل ماشي صحابتي اللي كانو يسوتنيو .. قاعدة نفيلمي فيهم و ميتة بالضحك ههههههه
بصح الحمد لله سلكو على خير و مدولهم نقطة مليحة و قالولهم صححو الاخطاء اللي في الميموار و رجعوه

زادو كملو لاسوتنونص رحت ليهم و قدام والديهم نبهدل فيهم .. كيفاش ديرو des fautes كما هادو .. شغل جامي قريتو
ههههههههههه

نحيت ضيقة الخاطر اليوم و وليت للدار و راني مقابلة اللة هنا​

 

[معاك يا الخضراء]

السلام عليكم
نهاري زفت و زفت الزفت:crying_1: :crying_1:
بايتة مقلقة و مورالي مش مليح خلااااص :sad:
كي نضت الصباح على 6.00خرجت فكارتينا :blink:
كش ما يضربني شوي هوا يفيقني :glare:
طلعت وين يلعبو الذر تاعنا البالو و قعدت واحد النص ساعة نشم فلهوا :no_1:
ناضت ماما دارتلي عيطة كفاه تحلي الباب و حنا راقدين :surrender::surrender: تقول حيخطفوها :glare::glare:
ما علينا //ال6.30 كونيكتيت شوي فاللمة و هدرت مع سرسور
طلع النهار غسلت لفراش مع ختي :thumb_down:
على 1.00 لبست حوايجي قلت ل بابا نخرج ساعة و نروح
تلاقيت رجاء راحت معايا للجامعة :sad:
و تلاقيت عباد ماكنتش حابة خلاااااص نشوفهم :crying_1::blink:
روحت للدار على 5 قالي بابا الساعة تاعك وش قصيرة :mellow::mellow:
شاف وجهي اصفر و حوالي ما يعجبوش ماكثرش معايا الهدرة:az_flw:
نمووووووووت عليك ا بابا كي تفهم روحك :yahoo::yahoo:

اليوم نهار كامل ضحكت غير كي ركبنا فالبيس و شفنا حاجة graaaaaaaaaaave :music_whistling: و امممممممممممممممم :music_whistling:
و هاني هنا :schmoll::tears:​

 

[dana1993]

حنا ثاني الحالة كانت مقلبة البارح
و التريسيتي و الكوناكسيون يروحو و يجو
و مسلسلاتي ما عادوش يبدااااااااو
ذك انا كيفاه نشوف حنووني يمثل ؟؟؟
​

هههه روحي ليه سير تركي ههه
ياو هبلونا نتفرج امي والقلوب الضائعة ورا بعضاهم ههههه
هه ليوم لاباس ترقلت لاكونيكسيو و التيفي تاني ههههه :yahoo:

 

[dana1993]

السلام عليكم
اليوم مدرت والو منين نضت و انا غير فالميكرو نريقل فيه نحي هاذي وزيد هاذي زدت كملتلو مليح دخلت ليبروقرام خربشت فيهم
ايه جيت نسمع لغنا ماكانش الصوت نحيتو خلاص من الميكرو اييييييييييه
تغديت بربوشة ههه معنديش بزاف منين تغديت عدت منجوعش ههه غير فالليل تبدا ليستوما تزعرت هه
ههههه و الله ماكان حتى شي مفيد درت للذرك

 

[AnGeL*dZ]

انا ليــــــــــــــوم تاعي تقدر تقول فايح من اللي بدا:tears:
نضت على صبآح ربي الرود مايدوروش :closedeyes:
فطرت ومبعد رجعت لشغل الدآر :music_whistling:
خلصــــــــــت بقيت نتفرج في tv
ومبعد جيت هنا دخلت للمة والفايس خوك ضحكت شويــــــــة
ومبعد جات ماما هاوشتني تهاويشة من لكبار رجعت رحت غسلت لماعن تاع لغدا
وهي تسب وتعاود:surrender:
ومبعد خرجـــــــــت مع اختـــــي لبرا شريت قش جديـــــــــــد
والطريـــــــــق كامل وانا نسب ونلعن :sneaky2:
السخانة تقتل وزيــــــــــــد وجوه الفقر
وكي دخلت للدار بابا كالعادة علق على اللبســــــة اللي شريتــــــها حابني نلبس قندوة ونخرج لبرا
ياربي يكمل اليوم على خيـــــــــــــر



​

 

[عفاف الجزائرية]

نروح نشوف لعشا ونكتبلكم نهار اليوم
​

 

[عفاف الجزائرية]

يا سيدي على نهار اليوم
عيطتلي صحبتي لبارح في الليل قاتلي غدوا نجيك الصباح بكري باه نروحو نشريو حوايج القاطو(صحبتي نهار الثلاثاء الفيونساي نتاعها ورايحة نخدملها القاطو)
قلتلها ماعليهش تلقايني نستناك
والمشكل انه عندي تسياق كبير سيرتو بعد الغبار اللي طاح لبارح
المهم نضت بكري
ماما شافت فيا وشهقت قاتلي ماهيش عوايدك تنوضي في هذا الوقت واش كاين ليوم
ما قدرتش نقوللها باسكو ما تحبش نخليها وحدها في الدار ونخرج
المهم جاءت منقذتي صونا الباب هزيت لانترفون شكون قاتلي سماح
الحمد لله جات اختي المتزوجة لقيت شكون يبقى مع مااما
يا سيدي كملت التسياق بقات لاشومبر الاخيرة صونات صحبتي طيشت البيدون والنشاف لاختي وسلمت عليها وخرجت
منين خرجت وانا من حانوت لحانوت راكم عارفين لعروس كيفاه شرووطها
المهم من 9.30 حتان 11.00 وحنا غير عند الحانوت اللي يبيع حوايج القاطو تالمون عندو الغاشي بزاف حكمت شكارة ونضت نسربي لروحي في السلعة
بقاو وحد ليكيسات ما لقيناش بزاف
رحت بلاد كاملة وانا ندور عليهم ما لقيتهمش
ماعليهش بدلنا لاكولار نتاع البريون على جال ليكيسات
ورحنا نشريو في فونطاي قاللك لازم دوري ما لقيناش الدوري وليت نحلل فيها باه تديها بيضة
المهم دقت 14.00 وحنا مازالنا في البلاد نقضيو
روحنا تغدينا انا وصحبتي
منين روحت لماما وهي تشنف عليا هي واختي
تعافرت مع اختي
ودخلت للصالون غلقت على روحي
ولاو طيبو القهوة نتاع العشية ودخلو للصالون يصالحو فيا بيها
وكشما نتفكر راني نزيد نقول
​

 

[محاربة صحراء]

نهار اليوم نضت على 6.00 تع الصباح غسلت لحيوط ومنعد على 9.00 درت القهوا ومنعد درت مقروص وقاطو نهار الجمعة جاين يخطبوني ومعندي مانقول واحد حصلة لي راني فيها او مازال نقدورة لي ندخل بيها اي جيوا يشوفني من بعد نكمل

 

[هــــيلدا]

:surrender::surrender: اليوم نتاعي راه بدا علا _o:2 (بومة) :yahoo::sheer:

راهي 5 ونا هذا وين دخل في الشابيتر الرابع: les compte et la valeur actialle:sneaky2::sneaky2:

ياماما مزالو 2 شابيتر بلا هذا ونا نعقب علا 10
:sadwalk::du_nno:
يا حناني منيش راح نخدم كي العادة،، وميطلعش العام، والصيف هذا يزوجوني:sadwalk:

نوضو يا فنيانين:laugh::lolo:
​

 

[Sârsoùra L'mkàlChà]

خخخخخخخخخخخ algeriano هذا وحد الجون
معروف عندنا واعر بزااااااااف وكرمينال أيا قالك لالة هاجر قعدت في بلاصتو فالبيس باسكو هو حاكم كرسي غير ليه يطلع هو اللخر وديما ينوض الناس اللي قعدو فوقو
جا هو قالها هذي بلاصتي نوضي وهاجر هذاك اليوم كانت منيرفيا خلي برك
قالتلو مانوضش:closedeyes:
قالها آو كيفاه ماتنوضيش درك تنوضي بالدرع
قالتلو والله مانضت راني دخلت قبلك
قالها على بالك شكون انا ؟أنا algeriano قالتلو رانا كامل دي زالجيريان علاه راك تشوف في واحد طاليانو
قالها مالا نوضي
قالتلو هنا يموت قاسي
السيد حار فيها الرجال يخافو منو وهي والله مالاتية بيه
خخخخخخخخخخخخخ قالها مادموزال اقعدي سمحيلي ديرونجيتك هههههههههههههه​

ههههههههههههه
هاذا ماليهم خرجي فيهم عينيك يحطو رجليهم فالما

بالصح يا جوجو واله ما حسبتك وااعرة هاك :glare:
​

 

[معاك يا الخضراء]

:surrender::surrender: اليوم نتاعي راه بدا علا _o:2 (بومة) :yahoo::sheer:​

راهي 5 ونا هذا وين دخل في الشابيتر الرابع: les compte et la valeur actialle:sneaky2::sneaky2:​

ياماما مزالو 2 شابيتر بلا هذا ونا نعقب علا 10
:sadwalk::du_nno:
يا حناني منيش راح نخدم كي العادة،، وميطلعش العام، والصيف هذا يزوجوني:sadwalk:​

نوضو يا فنيانين:laugh::lolo:​

اعترف انو ربي يوفقك حبوبة :surrender::surrender:​

 

[معاك يا الخضراء]

ههههههههههههه

هاذا ماليهم خرجي فيهم عينيك يحطو رجليهم فالما​

بالصح يا جوجو واله ما حسبتك وااعرة هاك :glare:​

لا للدردشة فالموضوع يا طاطا سارة :busted_red::busted_red:
// علمتهالي اسراء :yahoo::yahoo: ///
اسمعي وعلاه حطيتي تصويرتي في توقيعك ضرك الناس كل يشوفوني هههههههه:glare::glare:​

 

[Sârsoùra L'mkàlChà]

لا للدردشة فالموضوع يا طاطا سارة :busted_red::busted_red:
// علمتهالي اسراء :yahoo::yahoo: ///
اسمعي وعلاه حطيتي تصويرتي في توقيعك ضرك الناس كل يشوفوني هههههههه:glare::glare:​

لا للدردشة يا رمرم تجي اسراا تشنقني
عبالك خلعتيني كي قلتيهالي قلبي طاح في سباطي
وليت نتاكد من روحي تلفتيهالي

اسناي ذك نحكي كيفااش جاز نهار لبارح
​

 

[Sârsoùra L'mkàlChà]

البارح
نضت على لحداعش بسلامتي شربت حليب
مبعد درت فالدار سيقت و غسلت لماعن
جاا وقت لغداا تغديت شخشوووخة طيبة تسخف
مبعد على 3 خرجت مع ماما رايحين لدار جدي
هاذيك ماما لابسة صندالة طاالو و بالسبت هاذوك السبت الله يرحمهم تقطعوو
و بهدلت بياا مصيبتي طريق كومبلي ونا شادة كرشي من الضحك عليها
قريب صرفقتني بزوج كفووف فالطريق
ونا فالطريق مع ذيك الشمس شميت شعري فيه ريحة السيشواار هههه من الشمس
مبعددخلت للي يبيع لاكريم ياا جدك وحد البوقووص يهبل قلت لماما خلاص نخدم هناا
قاتلي امشي طيري عليا و بركايني من تمهبيلك
مبعد في دار جدي تلاقينا بزوج خالاتي و جاو بناتها
آآخاه وش علقناا انا و زينب و نعيمة (بنات خالاتي)
قاعدين نعلقو على وحدة بنت خالتي متعرفة على واحد فالناتو طايحة فيه و هو ثاني
و تشوفينا كي تعود تحكي عليه رانا نتنازغو و شادين كروشنا من الضحك
ههههههههههههههه

مبعد فالليل جات مرت خالي المهبوولة
بدات تحكيلنا على دارهم و خوها المختل عقلياا ذاك لمزية رايحين يدوه لسبيطار لمهابل
و فالليل روحنا مبعد للدار و قعدت مع ماما فالميكرو تيليشارجينا لغنا
و على الزوج رحنا رقدنا
​

 

[BeSt GlAdiAtOr]

البارح

نضت على لحداعش بسلامتي شربت حليب
مبعد درت فالدار سيقت و غسلت لماعن
جاا وقت لغداا تغديت شخشوووخة طيبة تسخف
مبعد على 3 خرجت مع ماما رايحين لدار جدي
هاذيك ماما لابسة صندالة طاالو و بالسبت هاذوك السبت الله يرحمهم تقطعوو
و بهدلت بياا مصيبتي طريق كومبلي ونا شادة كرشي من الضحك عليها
قريب صرفقتني بزوج كفووف فالطريق
ونا فالطريق مع ذيك الشمس شميت شعري فيه ريحة السيشواار هههه من الشمس
مبعددخلت للي يبيع لاكريم ياا جدك وحد البوقووص يهبل قلت لماما خلاص نخدم هناا
قاتلي امشي طيري عليا و بركايني من تمهبيلك
مبعد في دار جدي تلاقينا بزوج خالاتي و جاو بناتها
آآخاه وش علقناا انا و زينب و نعيمة (بنات خالاتي)
قاعدين نعلقو على وحدة بنت خالتي متعرفة على واحد فالناتو طايحة فيه و هو ثاني
و تشوفينا كي تعود تحكي عليه رانا نتنازغو و شادين كروشنا من الضحك
ههههههههههههههه​

مبعد فالليل جات مرت خالي المهبوولة
بدات تحكيلنا على دارهم و خوها المختل عقلياا ذاك لمزية رايحين يدوه لسبيطار لمهابل
و فالليل روحنا مبعد للدار و قعدت مع ماما فالميكرو تيليشارجينا لغنا
و على الزوج رحنا رقدنا​

باينة عليك كسلانة ديما تنوصي على ال11 هبلتي؟:santa_1::santa_1:
وزيد ماماك وما سلمتش من تمنشيرك



ههههههههه
ياخي مهبولة ياخي
​

 

[مروة MARWA]

والله ياو نحكي انا
نضت اليوم على 8.20 دارتها بيا ماما قاتلي نوضي اي 10 كي نضت لقيتها 8.20 غاضتني روحي قسما بالله قريب نضت نبكي جاتني عيب نرقد في الكولوار برك
اهيه اداك ماتكسلت شوي وحليت عينيا عادت قريب 9 شربت لحليب وعجبك اختي اي راقدة والله مامحيرتها اداك لي غاضني
كيما قالت سارة درت شوي في الدار سيقت ومباعد خرجت مع ماما على 10 عندها قضية ومروة تجي معاها
خرجت وندمت وحد الحالة في البلاد قريب خنقت روحي قضات ماما قضيتها وجينا مروحين وانا مدودنا من الشمس تاع اليوم البارح فيضان واليوم احتباس حراري وعجبك في زهرنا الطريق تقفلت من النو تاع البارح بدلو la rue تاع البيس هههههههه والله كي نتفكر نموت بالضحك البيس يجري واحنا نجريو وراه ونشورولو كشما يحبس وهو المغبون خايف من البوليسي والطاكسيات تقطعو تقول عليهم حجو بسيف جا الهم تاع البيس وركبنا وهو يمشي ويحبس يدير طننننن مقرقر خلاه ضربنا قريب ساعة باه وصلنا
جيت طووووووووول رقدت راسي مانحسش بيه خلاه من الدودين
ومباعد تغديت وغسلت لماعن وسيقت الكوزينة وانا نغني وحالتي حالة ودرك راني هنا
​