** فترة الخطــــــــــــــوبة و مشاكلها [{¤ moha le sage vs poliyana ¤}]

[POLIYANA]

الجزء الاول نقولك بلي منيش من الناس اللي تستسلم مهما كان و حتا ولو من تجربة
و لكل حصان كبوة و الفشل كي طيحي و ماتقدريش تنوضي لكن انا راني نضت في ديك الدقيقة و راني الحمد لله هايلة و يا جبل ما يهزك ريح
و الجزء الثاني معاك حق فيه مئة بالمئة ماكنتش دايرة في بالي هاد الحوايج
ميرسي بوكو اختي نجلا
اسمحيلي اختي نسيت ماقتلكش مبروك الخطوبة و ربي يكملك بخير ان شاء الله​

عجبتني تاع يا جبل مايهزك ريح هادي نستعرف بيك
تسما راكي قوية كي قدرتي نتوضي في دقيقتها واكيد تقدري تنحي فكرة اسمحيلي نقول عليها فكرة غبية منك اسمحيلي بالصح راهو واقع وانا مانحبش نجامل العباد على حساب مصلحتهم

وراني قلتلك ابسط ابسط متال يصرالنا كل يوم
نتمنى تعاودي النظر في فكرتك هادي وكيما قلتي على صاحبتكي كيما تقولك راكي تسبقينا ان شاء الله تزربي وتفرحي وتفرحينا هنا فاللمة ونتفكرو الموضوع هدا ونشبعو ضحك على روحنا

وتاني بيارك فيك اختي لعقوبة ليك كي هادي الساعة ​

 

[كلي امال]

عجبتني تاع يا جبل مايهزك ريح هادي نستعرف بيك

تسما راكي قوية كي قدرتي نتوضي في دقيقتها واكيد تقدري تنحي فكرة اسمحيلي نقول عليها فكرة غبية منك اسمحيلي بالصح راهو واقع وانا مانحبش نجامل العباد على حساب مصلحتهم ​

وراني قلتلك ابسط ابسط متال يصرالنا كل يوم
نتمنى تعاودي النظر في فكرتك هادي وكيما قلتي على صاحبتكي كيما تقولك راكي تسبقينا ان شاء الله تزربي وتفرحي وتفرحينا هنا فاللمة ونتفكرو الموضوع هدا ونشبعو ضحك على روحنا ​

وتاني بيارك فيك اختي لعقوبة ليك كي هادي الساعة ​

ان شاء الله مايكون غير الخير​

 

[POLIYANA]

ان شاء الله مايكون غير الخير​

ان شاء الله يا ربي​

 

[abidou 20081]

و عليكم السلام و رحمة اله تعالى و بركاته
و الله اخي عبيدو ديما نبقى عاجزة قدام ردودك ومناقشاتك:re_gards:
كاين حاجة قلتها و معاك حق فيها انو هاد الفكرة من صغري في راسي لاني تربيت و انا حاطة في راسي غير النجاح و مراتب و مناصب في الحياة و بنيت حياتي على هاد الاساس و ديما كنت نسعى لتحقيقها و الحمد لله ديما كنت ناجحة في حياتي و نخاف انو يتحطم كلش بمجرد انو نخطي هاد الخطوة
و كاين حاجة اخرى بعد ما وصلت لعمر وين خممت في الزواج رسمتلوا وحد الصورة في بالي هايلة لكن لحد الان ماشفتش حتا حالة عايشة هاد الزواج و هاد الصورة رسمتها من خلال سيدنا محمد عليه السلام و معاملتوا مع امهات المؤمنين و من خلال مفهوم الدين الاسلامي للزواج لكن بمجرد هاد الصورة مالقيتهاش في الواقع ولدت عندي هاد النظرة التشاؤمية​

ربي ينورك وربي يخليك ختي كلي امال وشهادةأعتز بها من شخص مثلك
نقولك الطموح والأحلام أمور شخصية يسعى الإنسان لتحقيقها لكن
الشخص ماراهش عايش لنفسو برك وحتى من الرجل عندو أحلام وعندو
طموحات لكن يصطدم بشيء يسموه الواقع ير ضخلو دراع والتفكير لي كان
ولا لي مازال حاكمك ممكن تلقايو تاني عند الراجل لي الكثير منهم يقولك
مانديرش حبل لرقبتي راني براسي خير وكيما هذا الهدرة لكن
أنا خلقناكم من ذكر وأنثى وجعلناكم شعوبا وقبائل لتعارفو يعني ديما حبينا ولا كرهنا نرجعو
لحكمة مولانا فقي خلقو وخلقت المرأة للرجل وخلق الرجل للمرأة
صح كاين أفكار وطموحات يمكن تتحطم مع المشوار تاع الحياة لكن
أن تتحطم على شيء أكثر منه أهمية خير ملي تتحطم على أشياء تافهة
معيشة الصحابة ختي نقولك أنه مادام عندك هذا الأفكار وهذا النظرة ماشاء الله عليك
وحتى واحد مايقدر يشكك فالبدرة تاع الخير لي راهي في أعماقك
لكن هيهات باش نقدرو نعيشو معيشتهم هذوك ناس زاهدين فالدنيا بزاف
ولي يحط الدنيا في يدو ولا تحت رجليه يعيش حياتو كلها سعيدة ومايقدرش
الحزن ولا التعاسة باش تلقى طريقها ليه لكن لي يحط الدنيا في قلبو
عمرو ولا يعرف طعم السعادة وعلى هذي باش نقولك الواحد يقدر يعيش هذيك لمعيشة في
وقتنا هذا قليل بزاف إلا من رحم ربك
ربي ينورك وربي يعطيك كل ماتتمناي وتستاهلي كل الخير دمتي بألف خير وهناء إن شاء الله ​

 

[تسنيم الهناء]

سلام الله عليكم

جامي دخلت لهاذ الركن غير ليوم ما نعرف كيفاه و غير لقيت الموضوع هاذا حليتو هو الاول مع انو ما يعنينيش بحكم كوني مازلت مانيش مخطوبة
الا اني غير بديت نقرا و نتبع في الردود لقيتو حاجة فور و موضوع باهي و يخدم الكل باذن الله, و غير وصلت للاخر لقيت روحي نشبه شوي الاخت كلي ىمال في تفكيرها و هذا لي خلالي عائق حتى انا, مالي كنت صغيرة و نقرا حتى وصلت للجامعة كنت نتحاشى الذكور و عمري ما درت صداقة مع ذكر و هدرتي معاهم في حدود جدا حتى كي طلعت للجامعة عمري ما قعدت حذا طفل و لا سلفت من عندو كتاب و لا حتى حاجة بالرغم ما عندي حتى كره ولا عقدة و حتى صحاباتي عندهم صحابهم تجيني نورمال و حتى ساعات يكونو عندهم مشاكل نحاول معاهم نلقاو حلول حتى جا نهار وين تعرفت على واحد كان نعم الناس, انسان يعاملني و كاني ملكة عمرو ما قاسني و لا قالي كلمة العيب و لا غلط في و يسقسي علي و يديرلي ليسوربريز و ...... و...... فعلا نعم الانسان و نعم الاخلاق و حتى رباني في قداه ان حاجة و بالرغم اني ما طولتش معاه غير عام تفارقنا ما كتبش ربي بيناتنا, بصح بقيت انا في هاذاك الاطار يبالي لي يجيني كل لازم يكون كي هو انسان شبعان طيب رطب اللسان حنون خلوق صدقيني تحفة علبالي الكمال لله بصح هو عيبو ما يبانش قدام خيرو
و ظرك عييت نونقاجي ما لقري مقتانعة بلي لعمر يجري و الحياة صعيبة محتاجة لونس بصح ما طحتش في لي كيفو ماني مادية ماني طالبة يكون نيفو كيفي لا من مستوايا الاجتماعي لا حتى حاجة نحب زوج صالح طيب طيب حسن المعشر لا غير
ادعيولي يرزقني ربي بيه


طولت بزاف بصح قلبي معمر و انتوما قلتولنا مرحبا:yahoo:
​

 

[ذكرياتي 84]

والله اخي محمد هدرة التلفون عندها قاعدة وليها بداية ونهاية
اولا في راي العلاقة كي تكون فيها تلفون لازم الهدرة تكون بالقدر والكلام الطيب والعبد يفهم اكثر مايهدر
لازم الزوج يفهمو بعض اولا وكي يحكو يحكو هدرة تنفعهم وتساعدهم باش يفهمو بعض باش يكون التعارف كامل
البنت كي تحكي تحكي وتفهم الهدرة والي عليها تقولو
ماشي تعيطلو وينك وين راك علاش متعيطش
علاه كي نعيطلك تكبي هو راه يخدم ولا واش بيه
زيد علاه متفلكسيش ليا دراهمك لغيري هااااااااااااااااااااااااه تحكمو بالصماطة والتحرميت
وهو اسمعي كي عيطلك علاه متهزيش مع من كنت تهدري
اسمي دخلت عليك لقيتك اوكبي شكون الي تحكي معاه معلبلوش راهي بشر تعرف الناس الكل
اسمعي كي نحكي معاك لازم متكبيش
2الاخبار تاع التلفون الي تفسد العلاقة راني سمعت وشفت وقال وقالت ..................الى اخره

اسمحولي جيت روطار مي راني معولة نكمل

 

[POLIYANA]

والله اخي محمد هدرة التلفون عندها قاعدة وليها بداية ونهاية
اولا في راي العلاقة كي تكون فيها تلفون لازم الهدرة تكون بالقدر والكلام الطيب والعبد يفهم اكثر مايهدر
لازم الزوج يفهمو بعض اولا وكي يحكو يحكو هدرة تنفعهم وتساعدهم باش يفهمو بعض باش يكون التعارف كامل
البنت كي تحكي تحكي وتفهم الهدرة والي عليها تقولو
ماشي تعيطلو وينك وين راك علاش متعيطش
علاه كي نعيطلك تكبي هو راه يخدم ولا واش بيه
زيد علاه متفلكسيش ليا دراهمك لغيري هااااااااااااااااااااااااه تحكمو بالصماطة والتحرميت
وهو اسمعي كي عيطلك علاه متهزيش مع من كنت تهدري
اسمي دخلت عليك لقيتك اوكبي شكون الي تحكي معاه معلبلوش راهي بشر تعرف الناس الكل
اسمعي كي نحكي معاك لازم متكبيش
2الاخبار تاع التلفون الي تفسد العلاقة راني سمعت وشفت وقال وقالت ..................الى اخره

اسمحولي جيت روطار مي راني معولة نكمل

السماح يا لاللة على الروطار
ومرحبا بيك فالمناقشة
كملي معنا الف مرحب ​

 

[POLIYANA]

سلام الله عليكم

جامي دخلت لهاذ الركن غير ليوم ما نعرف كيفاه و غير لقيت الموضوع هاذا حليتو هو الاول مع انو ما يعنينيش بحكم كوني مازلت مانيش مخطوبة
الا اني غير بديت نقرا و نتبع في الردود لقيتو حاجة فور و موضوع باهي و يخدم الكل باذن الله, و غير وصلت للاخر لقيت روحي نشبه شوي الاخت كلي ىمال في تفكيرها و هذا لي خلالي عائق حتى انا, مالي كنت صغيرة و نقرا حتى وصلت للجامعة كنت نتحاشى الذكور و عمري ما درت صداقة مع ذكر و هدرتي معاهم في حدود جدا حتى كي طلعت للجامعة عمري ما قعدت حذا طفل و لا سلفت من عندو كتاب و لا حتى حاجة بالرغم ما عندي حتى كره ولا عقدة و حتى صحاباتي عندهم صحابهم تجيني نورمال و حتى ساعات يكونو عندهم مشاكل نحاول معاهم نلقاو حلول حتى جا نهار وين تعرفت على واحد كان نعم الناس, انسان يعاملني و كاني ملكة عمرو ما قاسني و لا قالي كلمة العيب و لا غلط في و يسقسي علي و يديرلي ليسوربريز و ...... و...... فعلا نعم الانسان و نعم الاخلاق و حتى رباني في قداه ان حاجة و بالرغم اني ما طولتش معاه غير عام تفارقنا ما كتبش ربي بيناتنا, بصح بقيت انا في هاذاك الاطار يبالي لي يجيني كل لازم يكون كي هو انسان شبعان طيب رطب اللسان حنون خلوق صدقيني تحفة علبالي الكمال لله بصح هو عيبو ما يبانش قدام خيرو
و ظرك عييت نونقاجي ما لقري مقتانعة بلي لعمر يجري و الحياة صعيبة محتاجة لونس بصح ما طحتش في لي كيفو ماني مادية ماني طالبة يكون نيفو كيفي لا من مستوايا الاجتماعي لا حتى حاجة نحب زوج صالح طيب طيب حسن المعشر لا غير
ادعيولي يرزقني ربي بيه


طولت بزاف بصح قلبي معمر و انتوما قلتولنا مرحبا:yahoo:
​

اهلا بيك اختي فالركن كاااااااااااااامل وفالموضوع هدا بالخصوص
الحمد لله الي لستفدتي منو وشفتي حالة كيما تاعك الي راكي فيها وشفتي راي الاعضء فيها بكل نصح وصراحة
نورمالمو امال اقتنعت وخرجت بفكرة اخرى من الموضوع بفضل اعضاء كيما محمد وعبيدو وعضوات كيما روز
وان شاء الله ربي يطيحك فالي تتمنايه ويكون مكتوبك هادي المرة
وكيما قالت الاخت امال يا جبل مايهزك ريح كوني مرا ونص يجيك الراجل على قد نيتك بربي ان شاء الله ​

 

[ايمان09]

موضوع مفيد لكن من تجربتي انا التليفووووون سباب كامل المشاكل انا تعرفت على شخص مدة عامين ومبعد جا خطبني وتغيرت الامور الو وين راكي الو من جيتي الو مع من خرجت الو دخلتي ولا مزال الو علاش مرفدتيش الامور التغيرت تماما بعد الخطبة وفسخت الخطوبة
وراني طالبة رايكم انا راح ننخطب لشخص تاني وراني خايفة يطلب رقمي وانا مرانيش حابة وراني خايفة يفهمها حاجة اخرى اعطوني الحل ؟

 

[عاشق بنات حواء]

الخطوبة مليحة تخليك تعرف الانسانة لي ريح تبني معاها حياتك هاك من بعد مغديش تندم كي دير الدار وترتاح

 

[POLIYANA]

موضوع مفيد لكن من تجربتي انا التليفووووون سباب كامل المشاكل انا تعرفت على شخص مدة عامين ومبعد جا خطبني وتغيرت الامور الو وين راكي الو من جيتي الو مع من خرجت الو دخلتي ولا مزال الو علاش مرفدتيش الامور التغيرت تماما بعد الخطبة وفسخت الخطوبة
وراني طالبة رايكم انا راح ننخطب لشخص تاني وراني خايفة يطلب رقمي وانا مرانيش حابة وراني خايفة يفهمها حاجة اخرى اعطوني الحل ؟

هاديك هيا الي حكينا عليها وزدنا حكينا على مشاكل بزاف من ورا التلفون اقراي الموضوع تعرفي

وهدا الي جاي يخطبك اكيد رايح يطلب رقمك
نتي مديلو باه تتعرفو اكتر
بالصح نتي اشرطي عليه من اللول فهميه قولو اني مانقدرش نحكي بزاف فالتلفون
والفيه من اللول يوالف كيما حبيتي نتي ​

 

[lyrics]

السلام عليكم

صباح الخير واش اكو دايرين فيها ...انتيك ؟
والله موضوع في الصميم راني جوزتو صفحة بصفحة (50 صفحة _o:الله يبارك)
كلاني قلبي (الله غالب :closedeyes وقلت والله لازم نعطي رايي

*****

أولا انا لا متزوجة ولا مخطوبة ....مازلني نقرا مي اكيد معظمنا عندوا افكار وأحكام مسبقة préjugements على الزواج والخطوبة ...الخ

*حبيت نمد رايي في قضية السكنة مع لافامي تع الراجل

نظن ان معظم الاجابات هنا كانت ((ايه وعلاه لالا ما تسكنش مع دار راجلها ...)) وجابلي ربي حتى واحد/ة ماجربت هاديك العيشة انا تاني ما جربتش بصح رانا نشوفو ونسمعوا في حكايات وحكايات ..
******

وبالنسبة ليا السكنة وحدي حاجة مليحة ..هكدا الواحد يبعد على المشاكل من الاول ....تقعدي انتي عزيزة وهوما عزاز
في دارك وحدك تنوضي وقت ما تحبي وتلبسي واش تحبي وتطيبي كيما تحبي واسرارك انت وزوجك يقعدو بيناتكم

اما ادا كنت عايشة مع اهل زوجك نشوف بلي فالامر يختلف وخاصة ادا كانو عندك لواسك ونساهم عايشين معاك ....(صح دوك تقولو لازم فاميليا وحدة ومتفاهمين وهوما ناس ملاح و...و) لكن بالنسبة ليا ان الامور في البداية صح تكون تمشي عادية لكن الواحد يخمم للمستقبل كي يولوا عندو دراري وين يرقدهم؟؟؟ (مع ان هاد الأمر يبان بايخ وما يستهلش )
تخيلوا ولادو ولاد خاوتو .....كي يكونو صغار معليش لكن كي يكبروا كيفاش؟؟؟ يرقدوا مع والديهم في نفس الغرفة و لا يرقدوا مع اولاد عمامهم ؟؟؟؟
يحسراه كان نهدر في هاد الموضوع نكتب صفحات وصفحاااااااااااااااات....

لهذا في رأيي الشخصي مليح كي الواحد يكون عندو دارو وحدو هكدا العلاقات بين العائلات ما تخسرش .

لان معظم المشاكل من واش تجي؟؟؟ كي تبدا تخمم اسباب تافهة جدا ...( شكون لي طيب اليوم ..شكون تغسل المواعن ...فلانة خدامة وما تخدمش شغل الدار...الخ....)

بصح كي تجي تشوف ماشي هاداك هو السبب الحقيقي للخلاف وانما هي عبارة عن تراكمات ومع اليامات تزيد وتزيد حتى تترتق ... على هادي حبيت نقول للناس لي يقولك معليش اصبري واستحملي في خاطر راجلك : صح لازم الواحد يصبر ويساعف ...مي شحال يعيا وهو يصبر وحنا بني آدم كلشي عندو حدود كاين نهارات وهادي فوق طاقتك (بسبب الهرمونات) تكوني منارفيا وروحك ماشي حاملتها:schmoll:الله غالب.....ييعني لازم يجي النهار وين بووووووووووووووووم :cursing:



كان هادا رايي بصراحة دون لف ولا دوران :wink: الواحد لازم يستفاد من تجارب الغير


عذرا على الاطالة
والسلام عليكم

​

 

[osama305]

الف شكر لكم جميعا
المكالمات الهاتفية تبعد الخطيبين عن الواقع
وتجعل كل منهما يقدم نفسه على انه ملاك
وليس انسان له اخطاء
وعندما يصل المخطوبين الى الواقع
تبدأ المتاعب وتنتهى مرحلة الاحلام
الحياة دائما مملوؤة بالصعوبات
ويلزمها الصبر والحكمة
اما قضية السكن
انصح كل زوجين ان يكون لهما مسكن خاص
لصعوبة التأقلم مع الاسرة الكبيرة
طيب الله اوقاتكم

 

[روز]

أنا شخصيا نفضل الزوجة تسكن السنة الأولى مع أهل زوجها حتى تأخذ طباعهم وتعرف عقليتهم وتعرف عاداتهم.. وزوجها بواش موالف ..وش يحب ووش يكره وعجوزتها والعايلة كامل وبعد العام لازم تسكن وحدها هكذا يبقى كل واحد عزيز لأن الإحتكاك بزاف يديرالمشاكل مهما كانت عقلية الطرفين لابد تكون كاينة حساسية...وهاذي فرصة حتى للزوج يتعلم يتحمل المسؤولية كاملة والزوجة تاني تتعلم تتحمل المسؤولية كاملة
​

 

[chiva.]

الحياة دائما مملوؤة بالصعوبات
ويلزمها الصبر والحكمة
اما قضية السكن
انصح كل زوجين ان يكون لهما مسكن خاص
لصعوبة التأقلم مع الاسرة الكبيرة
طيب الله اوقاتكم

بارك الله فيك هدا هو تفكيري تكون مستقر وحدك مع مريتك

 

[سماح4]

الف شكر لكم جميعا
المكالمات الهاتفية تبعد الخطيبين عن الواقع
وتجعل كل منهما يقدم نفسه على انه ملاك
وليس انسان له اخطاء
وعندما يصل المخطوبين الى الواقع
تبدأ المتاعب وتنتهى مرحلة الاحلام
الحياة دائما مملوؤة بالصعوبات
ويلزمها الصبر والحكمة
اما قضية السكن
انصح كل زوجين ان يكون لهما مسكن خاص
لصعوبة التأقلم مع الاسرة الكبيرة
طيب الله اوقاتكم

ربي يجيب الخير:heh:

 

[سماح4]

موضوع مفيد لكن من تجربتي انا التليفووووون سباب كامل المشاكل انا تعرفت على شخص مدة عامين ومبعد جا خطبني وتغيرت الامور الو وين راكي الو من جيتي الو مع من خرجت الو دخلتي ولا مزال الو علاش مرفدتيش الامور التغيرت تماما بعد الخطبة وفسخت الخطوبة
وراني طالبة رايكم انا راح ننخطب لشخص تاني وراني خايفة يطلب رقمي وانا مرانيش حابة وراني خايفة يفهمها حاجة اخرى اعطوني الحل ؟

أختي مبروك مسبقا ، خطيبك الاول كان مزير بزاف ممكن يغار عليك وممكن متشدد المهم راح في طريقو ، قلتي مانيش حابة نمدلو النيميرو انتي سيي بلي ماعندكش بورتابل بلاك ما يقلكش نشريلك بورتابل هههه بصح حبيت نقلك حاجة بلي الرجال ماشي كيفكيف يعني خطيبك الثاني ماشي شرط يكون كيما لول ، ممكن يكون متفهم وبالعكس ممكن تكون فرصة باش تفهمي شوي العقلية المهم الواحد ما يمرقهاش بالهدرة.​

 

[ياسين 1]

لا يوجد شيء من دون مشاكل لكن الحمد لله الذي جعل لنا في للاستغفار اعانة غلى حلها فيجب المواجهة وكما يقال الضربة التي لا تقتلك تقويك

 

[abidou 20081]

صحا فطوركم كامل نشوف فالموضوع الله يبارك وكل مرة تخرج نوع من المشاكل
ولي هي فالحقيقة ماتخلاصش ومكانش منها تكون العلاقات بلا مشاكل لكن الأحسن
هو كيفاش نتعاملو معاها وكيفاش تتحل هذا المشاكل والكل معترفين بلي لكا مشكلة حل
وممكن البعض يشوف المشكلة بينو وبين نفسو بلي ماعندهاش حل لكن ممكن يلقاها عند إنسان أخر
ساهلة حتى يقول وين كان غايبلي هذا الحل وعلى هذي ديننا ينصحنا بالشورى لأن الكمال لله سبحانو وتعالى

وكاين واحد لحوايج حنا ثاني ولينا مسني نلصق وولات العباد قلوبها ضيقة وتاني إنعدام الثقة
هي لي راهي دايرة حالة في وقتنا هذا وهي بالذات سبت أغلبية المشاكل يعني الواحد منين يدير وحدة
يبدا التوسويس في راسو عس عليها سقسيها وين راحت وين جات مع من هدرت مع من تلاقات وعلاش
طولت هنا ووعلاش مامشاتش من هذا الطريق وراحت منا والطفلة ثاني منين تدير واحد تبدا مع من راه راهع يتمسخر ولا لالا وعلاش ماتكلمش وإذا تكلم وعلاش يتكلم وعلاش راهو أوناتونت وعلاش ووعلاش وينساو بلي الشيطان
لعنة الله عليه هذي هي بلايصو يعني غير للمشاكل يدي مالا الواحد منين يتقدم لوحدة ولا وحدة منين يتقدملها
الواحد لازم يترفعو من هذا الأمور الثانوية على خاطرش مادام جا وتقدم معنتها راه بحث وراه سقسا وزيد راه
خلا الألاف من الطفيلات وقصد لي عجباتو مالا فترة الخطوبة لازم يستغلوها في أمور مفيدة لي تبني ماشي لي تهدم
ويترفعو على ألأمور لي تجيب المشاكل وكل واحد يطرح الإنشغالات تاعو لي يحبها ولي يكرها وواش هي الأمور لي تزيد تقوي هذا الرابط ماشي لي تزيد تفرق بيناتهم حتى ربي يكمل سبحانو وتعالى
والنصيحة لي مليحة في هذا الفنرة تاني هي لازم كل واحد يخلي الشخصية تاعو الحقيقية يتصرف بها مكان علاش يلبس قناع في فترة الخطوبة لأن القناع يعتبر قنبلة موقوتة وفقط والأغبياء لي يفكرو بهذا المنطق يدير قنبلة لنفسو
بعد مايربط روحو مالا كي يمشي بشخصيتو نظن هكذا حتى بعد الزواج مايبانش تبدل ولا حاجا في نظر الطرف الثاني ونظن هكذاك العشرة تكون ساهلة على لي كان يمشي بعقلية وبعد الزواج يتقلب على خاطرش كان يصور في روحو
شغل مكانش خوه قبل الزواج وبعد الزواج يولي عرة
ربي يجيب لي فيه الخير وربي يوفق الجميع

 

[POLIYANA]

اهلا جماعة صحا فطوركم كامل بي يتقبل منا ومنكم يا رب
ربي يصلح بين كل زوج ناويين الحلال وحابين الاستقرار صح
انا اني غالبني رمضان ههههههههه والله المرض مداير فيا رايو ادعيولي نرتاح وتخف روحي شوية ونجي نتناقش معاكم والله عجبوني اراءكم
سلام​