عاونوني نكشف كذبة زوجي المغترب

خاوتي انا حبيتكم ديروني كي اختكم اليوم. انا مخطوبةمن مغترب من 6سنين ودخلت من5اشهر تقريباكل هذي المدة وما صلحوليش اوراقي لي يسمعها ما يصدقش خاصة ان عندو 18 سنة هناك وخدمتو مليحة قال بلي دفعت 3ملفات وتم رفضها وانا رحت معاه مرة واحدة فقط للسفارة المهم اليوم راح يطلقني وما نعرف وعلاه خدعني في عمري الي ضاع باطل وانا اليوم حابتكم تعاونوني كيفاش نقدر نعرف بلي صح دفع الدوسي ولا غي خدعني برك قولولي وين نتوجه ولمن نروح نتمنى نلقى اجابه تفيدنني واجركم على الله واللي يحب يفهم حكايتي يقرا موضوعي لولاايماني..........

 

[حسان]

الاخت الفاضلة سمحيني ان أقول لك كلمة لكن لبد من تقبليها بسعة رحب و سامحيني

إنه خدعك لسبب واحد فقط

من محال ان يرفضوا دوسي للشخص مقيم 18 سنة ان يجلب زوجته معه

بل إذا رفضوا دوسي فإنه سيتغلب عليهم في دار القضاء و يحصل على تعويض لان القاونين حاسمة لكن لا اظن غنهم يرفضون لانه حق من الحقوق مهما كانت بل يتلقى تشجيع ان يتزوج و يجلب زوجته حتى يستريحون من جهته


نعرف اصدقاء كثيروووووووووون دائما يحصلون على موافقة لجلب زوجاتهم بسهولة في مرة اولى

مادام وثائقه قانونية هناك



أسمحيلي ان كنت جرحتك لكن هي حقيقة و إذا أرادتي تأكد فنسلمك هاتف زوجة مقيمة في الخارج لتفهمك اكثر اكثر فهي قد جلبها زوجها ثماك بكل سهولة

​

 

[Elif DZ]

كانكمـ مخطوبين بركـ غير ماكلاه تتقلقي أختي
ماكانش المكتوب
وكلي عليه ربي و خلاص
​

 

[المسلم حسني الجزائري]

اختي مادام هو مقيم منذ مدة فكما قال اخي حسان من غير الممكن ان يرفضو له طلبه
لو كان تقدم بطلب لوافقو عليه لانه من حقه مي هو ممكن لم يفعل لذا فلا تتعبي نفسك بالسؤال
نصيحة اختي دعك من هذا الانسان ولاتضيعي وقتك اكثر من هذا
بتوفيق

 

[naGam]

اختي ممكن يكون هو متزوج هناك بأمراة اخرى وتعرفي الغرب ماهمش كيما احنا ماعندهمش تعدد الزوجات هاذاك علاه مانجمش يدفع الدوسي ومانجمش يديك معاه وطلقك لانوا يعاقبوه على انوا جامع بين زوج نساء وانتي ماديري في بالك والوا اختي هاذي هي الدنيا وانتي ماراكي اول وحدا ولا اخر وحدا وربي يعوضك خير وربي كاين وماتتحسريش هكذا خيرلك ربي بينلك نيتوا خير من تتزوجيه ومن بعد تصرا مشاكل ولا تجيبي من عندوا اولاد وعسى ان تكرهو شيئاً وهو خير لكم
​

 

[سيرتا]

انا ماش مخطوبة بل متزوجة من 5اشهر والخطوبة دامت 6سنوات ارجو مساعدتي

 

[المسلم حسني الجزائري]

اختي انا والله العضيم اريد مساعدتك ومستعد لهذا
مي انا لا اعرف كيف استطيع مساعدتكي
فقط اخبريني ماذا تريدين بالضبط وانا مستعد
انا مقيم في فرنسا وبضبط في ليل ايست
اذا كان زوجكي في فرنسا فقط اخبريني بمكان اقامة وساساعدك
في انتضار تبسيط للموضوع
تقبلي فائق احترامي
بتوفيق ان شاء الله

 

[N@riM@N]

وكلي عليه ربي و خلاص

 

[سيرتا]

ربي يوفقك اخي nasro بالنسبةلكيفية المساعدة اناحابة نعرف بمن اتصل في فرنسا واين اجد الجواب الشافي لاسئلتي كما ان يقيم في paris val doise كيفاش تحبوني نسمح في حقي بعد كل هذه المدة و العذاب تجاوزت الثلاثينوانا نستنا فيه

 

[dana1993]

السلام عليكم اختي
بصراحة نتي غلتطي من النهار اللول لي قبلتي بيه هو في بلاد ونتي في بلاد
و كيما قالت الاخت قسامية اذا مخطوبة برك ماكلاه تتقلقي اطلقو نورمال
مي اذا زوجتو صاي ريكلامي على حقك ومتسكتيش
ربي يعينك و وكلي عليه ربي​

 

[petra imad]

السلام عليكم.
اختى الفاضلة قد استطيع مساعدتك ابى فى فرنسا مند اكتر من 9 سنوات و قالى لما يكون الراجل عاقد فى البلاد ما كانش مشكلة الا حاب يجيب المراء نتاعو الااااااااااااااااااا ادا كان عندو مراءة اخرة سمحينى يعنيك-----منافق-----. لكن اختى متخافيش اتصلى بوزارة الخارجية وهوما مضمون يساعدوك وديرى شكاية يعنيك ----رسالة الى السفارة الفرنسية فى الجزائر و ادا خاصتك اى استفسار راسلينى الى عنوان الكترونى :

وان شاء الله نساعدك.

 

[soussou_yebda]

يا اختي قوليلنا مي نقدرو نعاونوك ورانا هنا لي نقدرو عليه نمدوهلك

وقولي الحمدلله بلاك ربي سلكك منه متحسيش قاع لخير وين راه ربي مين يغلق باب يفتح عشرة قولي الحمدلله وربي يرزقك بولد لحلال لي خير منو

 

[روز]

يا اختي ماكالا تكسري راسك هذا باين بلي راه زوج عليك...شوفي أهل صحابو لي معاه في الغربة يجيبولك خبرو..كفاش حتى صبرتي 6سنين خطبة ....؟؟

علاش ماكاش رجال ..!!وغير دخل بيك طلقك...!! وكفاش ممايزتيش هذاالراجل وراكي تقولي خطبني 6سنين وش كنتي ديري في 6سنين هادوم ..؟؟
وماكاش منها مايمدولوش أوراق الإقامة..أي واحد يقدر يحصل عليهم راهم ناس خرجوا من البلاد حراقة و مع الوقت خرجوا الورق وازوجو واداو زوجاتهم معاهم فمابالك بشخص راح ومقيم اقامة شرعية...
ربي يكون في عونك ضربة صعيبة هادي
الله لا تربحوا​

 

[lyrics]

ربي يعينك يا اختي الحبيبة طحتي في راجل خداع

وكلي عليه ربي وما تسمحيش في حقك هادي حياتك كامل ضيعهالك

 

[MENELLA]

انا ماش مخطوبة بل متزوجة من 5اشهر والخطوبة دامت 6سنوات ارجو مساعدتي

الغيب في حكم الله اختي مول انيا يطلع كي لعلم متقلقيش فيها خير
​

 

[assoma]

.....راكي ركبتيلي الخلعة ياختي
ربي يكون معاك​

 

[mami06]

باستطاعتك و بكل بساطة التوجه للسفارة او القنصلية التابعة للبلد الذي يقيم به زوجك و ان تطلبي منهم اسباب رفض عدم منح الفيزا و عندها ستعرفين اذا ما كان قد دفع فعلا الملف او لا...
اذا اعطوكي الاسباب و هذا ما نامله فسيكون زوجك صادقا في كل ما قال...اما اذا كان الرد ايجابيا فسيقولون انه لم يدفع اي ملف اصلا...
كان الله في عونك اختي الكريمة.......و راني خايف لا تكون كاميرا كاشي تاع رمضان عاملتهالنا...

 

[mir@cle]

شوفي أحد معارفك في فرنسا .. وأوهمي زوجك بأن هذا الشخص معارفه قوية وقادر على أن يساعدكم ويسهل الاجراءات ... واطلبي من زوجك ان يسلمه الملف... ليودعه بنفسه
​

 

[sami44]

ربي يكون في العون
​

 

[الستار سوسو]

من المستحيل مايقبلوش الملف
هادي من سابع المستحيلات هوما بلاد القانون واللي عندو حق يديه

وهذا حقو المشروع يدي معاه زوجتو
انا خوالي كامل ثما
ماجازش عام
فراو كلش
ودركا راهم عايشين ثما

ربي يجيب اللي فيها خير
​