عاونوني نكشف كذبة زوجي المغترب

الحالة
مغلق ولا يسمح بالمزيد من الردود.
خاوتي انا حبيتكم ديروني كي اختكم اليوم. انا مخطوبةمن مغترب من 6سنين ودخلت من5اشهر تقريباكل هذي المدة وما صلحوليش اوراقي لي يسمعها ما يصدقش خاصة ان عندو 18 سنة هناك وخدمتو مليحة قال بلي دفعت 3ملفات وتم رفضها وانا رحت معاه مرة واحدة فقط للسفارة المهم اليوم راح يطلقني وما نعرف وعلاه خدعني في عمري الي ضاع باطل وانا اليوم حابتكم تعاونوني كيفاش نقدر نعرف بلي صح دفع الدوسي ولا غي خدعني برك قولولي وين نتوجه ولمن نروح نتمنى نلقى اجابه تفيدنني واجركم على الله واللي يحب يفهم حكايتي يقرا موضوعي لولاايماني..........
 
إضغط للتوسيع...
chofi ana mazawja fi fransa awal haja rajlak kifah rah la france zayad hna wala kifah...thani haja nti ki rohti m3ah lal consula wach galolak?? ana roht dart certafica capacité de mariage dartiha ou bien non thalath haja talgak khlass ou bien mazalto akdin ida talgak bal3akd khlasse matakadri dirilo waallllloooooooo lah yadih ana wajdo lé papiers taw3i fi 3am wngol l ay wahda makhtoba lé trangé trod balha mlih mlih wmadirach laman khlass homa lahna mazawjin wamdayrin dyar wanssa wi jiw yala3bo babnat lablad oumba3da ygololhom lé papiers ida ??????????? ??
 
ربي يخفف عنك ممكن هكذا خير
ربي يقدر الخير
وتلقاي مساعدة من الأعضاء
 
حبيبتي ادا كان بامكانك زيدي صبري لأنك متزوجة
ربي مافيه غير الخير
صحيح انو الوثائق طولو بزاف بصح يمكن يكون عندو أسباب مقنعة
والعلم للا أختي انت أدرى مني فهو زوجك وهده حياتك
ربي يجيب اللي فيه الخير ويفرحك اختي لعزيزة​
 
سلام عليكم
انا عندي واحدة لافامي تاعي قالت لي كاين لي قعدو ثلاث سنوات باه تخدمو لهم الاوراق و بعد ما عقدو عندما راحت تجيب الفيزا تاعها من السفارة الفرنسية قالت لقيت بنات متزوجين من سنوات طويلة و فرحانين هذا وين جاتهم الفيزا
فرنسا الان متشددة في اعطاء الفيزا للجزائريين حتي من اجل زيارة اولادهم
لبفيزا نحو دول الغرب غير الفيزا في الدول العربية
في اروربا تكون صعيبة شوي و تاخذ وقت كبير
الله يردك لزوجك رداا جميلا
اصبري شوي حتان ربي يفرج عليك
 
السلام عليكم
أختي تقولين بأن زوجك هنا في الجزائر منذ 18 سنة؟؟؟ يعني ماهوش مغترب وإن كان فمن المستحيل يتعرقل في الفيزا أو في أي وثيقة أخرى،،، كيفاه يقعد هنا كل هاذ المدة؟؟؟ أما الزوجة الاولى هناك فلا أعتقد أنه متزوج،،،
عندي فاميليا في مارساي،،، إن أردتي أربطك معهم للإستفسار،،، ونصيحتي هي إن أردتي أخذ حقوق معينة منه أو مقاضاته لا أدري على جال واش لأنو إذا طلق فهذه إرادته،،، أما إذا كان الحق اللي راكي تحكي عليه هو تعويض مادي،،، فأنا انقولك ربي يعوضك.
شكرا.
 
والله انا عندي خو الراجل تاعي مدي من لبلاد عقد ومبعد دار لكوارط لمرتو عادي ماكان حتى مشكل قولي واحد عام حكمولو
 
خلعتيني ربي يجيب الخير او يحفظنا
 
مكنتش ريحة نرد بصح غتني شوفي أنا راجلي كان في فرنسا وأنا هنا في لبلاد عقدنا ودفع دوسي في نونت به يسجل الزواج مدة عام به سجلوه حتى كملوا التحقيق عليه وعلي كل مرة يطلبوا ورقة وحنا نبعتهلهم هدي الاجرات العادية من بعد كما بعتولي للفري د فامي من فرنسا معناها زواجنا سي بن قبلوه درت ديماند فيزا ترستك تع 6 شهورا مدوهلي في 3 شهر كما وصلت لفرنسا تم ورق جديدة به يمدولك شهادة إقامة تع 3 شهر لازم هو يسجلك في la prefecture ومن ليكمل التسجل يجدولك الاقامة مدة 6 شهر كما تجاوز لكونترول ويتاكدوا بالي زواجكم صح مشي mariage bland تم يعطوك إقامة تع 10 سنين ونة دكا عند 8 سنين ونة هنا كلش هكمل عام في لبلاد و-6 شهور في فرنسا
ودا مكبللوش دوسي تاعو معناها هو راهو عندو مشكل يا إما خدمتو متسمحلوش بش يجيبك يعني الدخل صغير بزاف يا إما معندوش دار فيها مواصفات مطلوبة يا إما هو معندوش جنسية فرنسية فيصعبلو شوية أما تع مزواج مكانش منها لينو كما يعقد يطلبوا منو شهادة ميلاد وشهادة الميلاد فيها كل تفاصيل ادى كان مزواج ولا مطلق كوني مهنية ادى عقدت نورمال فمكنش مشكل تع زواج المشكل إن هو تلاعب بيك ومدارش دوسي أصلاً وكما كره منك سامحيني طلقك نعرف ناس بزاف داروهة يهبطوا يلعبوا ببنات ناس ومن بعد يطلقهم لكن متخافيش كين قانون يجيبلك حقك اشكي بيه في المحكمة تم في الجزاير واشكي بيه في كونسولا تاع ولايتك هما يجبلك حقك من نفقة وغير ولا ديري محامي شاطر وهو يتولى القضية ومتخافيش حقك ميديعش نشالله وهو وكيلو ربي
 
ida tal9ak belkwaret c bon mata9dri diri walou wida non 3ayti lel consulat ta3 la france wsa9ssi 3lawah ma9abloukach walla ab3ti wa7ad yssa9ssilak ,,,radi balek yfi9lak ya9drou yatasslou bih
 
Le regroupement familial est la procédure qui permet à l'étranger régulièrement installé en France d'être rejoint, sous réserve de remplir certaines conditions, par les membres de sa famille proche (son conjoint majeur et ses enfants mineurs) et de mener une vie familiale normale en France....
A savoir : les Algériens sont soumis à un régime qui diffère, sur certains points, du droit applicable aux autres étrangers.
 
اختي اسمحيلي نقلك حاجة واسمعيها مليح راجلك كذاب وخاين
تركك 6 سنين مخطوبة ليه وكي تزوجك رفض ياخذك معاك نقلك حاجة اكشفي امرو وكذبيه ميستاهلكش وربي يعوضك
نقلك مكانش حتى صعوبات باش ميقدرش يديك معاك راهو غير يتسبب ويكذب
 
وزيد نقلك روحي اشكي بيه ضيعلك عمرك لازم يعوض ويدغع الثمن غالي متسكتيش على حقك عمرك كامل ضاع لاتزوجتي ولا خلاك تروحي معاك وزيد يطلقك متسكتيش على روحك
 
أختــــي أول شــــــئ ربي يكـــــون في عــونك وان شــــــااء الله ربـــــي مايخليـــــــكش
كيفــااه تعرفـــــــي اتصلــــــي بالسفــــــاارة الجزائريـــــة الموجودة في فرنســــاا وأكيــــــد راح تلقـــــااي خبـــــر رسمـــــــــي من عنـدهم ربي يعيــــنك ويبيـــــن حقـــــك ربي معــــااك أختـــي
​
 
نظن بلي الأخت خلاص فراتها إن شاء الله بالخير.
المهم وعن تجربة خاصة ما دام ما عقدتوش في فرنسا الأمر صعيب شوية ويطوّل بزاف نشاء الله عاش اللثم 100 سنة.
كاينة حاجة إلا عندو لا ناسيناليتي راهو هو اللي موش حاب يديك وإلا عندو لا ريزيدونس برك لازم تصبري وطّولي تصبري إلا حابة تعيشي معاه ولو كان تبقاي هنا خير من الهيه.
في ما يخص المتابعة القضائية ما تقدريش تابعيه الهيه لأنو قانون الأحوال الشخصية نتاعنا ليحكم. روحي ديري دعوى تطليق بالضرر أرفعيها قبل ما تخلص أمور الطلاق نتاعو لأنو راه حاب يمنع بأخف الضررين.
كاين واحد لمثل يقول "سقسي على دينك حتّان يقولو مهبول" كونتي تاخذي حذرك من قبل الزواج ولكن قدر الله وما شاء فعل.
ربي نشاء الله يجيبها على خير. وهاذي عبرة للأخوات الأخريات.
 
قال روائ:
وزيد نقلك روحي اشكي بيه ضيعلك عمرك لازم يعوض ويدغع الثمن غالي متسكتيش على حقك عمرك كامل ضاع لاتزوجتي ولا خلاك تروحي معاك وزيد يطلقك متسكتيش على روحك
إضغط للتوسيع...
hramm alik khoya nta chittttann ..bezaf alik :eek:_o:
 
السلام عليكم اولا اشكر تفاعلكم رغم انو الموضوع مر عليه وقت طويل جدا ثانيا الموضوع لا يخصني انا بل يخص قريبتي كانت قد كتبت في صفحتي واحب تطمينكم انها بخير والحمد لله تم الطلاق منذ سنة مرت عليها اوقات صعبة جدا لكن هذا المشكل دارلها قلب تعلمت الخياطة وحدها ولات ماشاء الله وربي رزقها منها راهي بلاشان الله يبارك وربي ان شاء الله يعوضها خير منو اما هو خطب عندو مدة طويلة مي ماصلحولوش لبابيي ان الله يمهل ولايهمل
تحياتي للجميع
 
ربي يعينك و وكلي عليه ربي إن كذب معاك وإن كان صادقا ....فلأهل الغربة ظروفهم والله وحده أعلم في غالب الأحيان حتى وإن كانت معه إقامة ليس بالسهولة أن يجلب زوجق تقيم معه في فرنسا إذا لا يملك سكن وعمل مستقر إلخ.....الله المستعان
 
هدا خطا الكثيراث انهن يقبلن بالدخول والزواج في الجزائر قبل ان يتم تحضير كل الاوراق يجب على كل واحدة تخطب او تعقد مع مغترب ان لا تتم الزواج الا بعد ان يتم تحضير كل الاوراق لسفرها لان هناك الكثير من القصص من هاد النوع يلعبو ببنات الناس باسم الغربة والكثيراث يقعن في شباكهن فقط لانهم يعتقدون انهم سيعيشون في بلاد ما وراء البحار وبع
ها لا ينالون الا الندم
 
وكلي عليه ربي يا اختي
 
rbi maak khti ,bseh rejlek fih shek ana rejli mzwej wmtlek fi almanya,ki drt demande taa visa fi 4 ashhor aatawhali surement andou prb taa khadma yaani la pay taao ma tkfish lzouj wla maandoush dar
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top