السلام عليكم
بونجور عليكم
واش راكم خاوتى ؟ لاباس ؟ بخير ؟ أنتيخ ؟
علابالى جماعة بزاف هنا رايحين يقولو شكون المتسول هذا لى دخل علينا على الصباح
على خاطر أنا غيبت بزاف و كى رجعت لقيت المنتدى ما شاء الله
غاشى لاهو غاشى ربى يبارك و يزيد
ما عليهش الجماعة لى ما تعرفونيش ديرونى جديد معاكم و رحبو بيا معاكم
و قولولى نورت يا غالى و لا كيما يقولو الخليجيين هلا و الله هلا و غلا :santa_1:
المهم نرجعو لموضوعنا لا تضربنا طاطا هيلدا بكوتبى تجيبنا فى منتدى الصور الحصرية
ايه يا خاوتى و الله شفت و حد الظاهرة فى بلادنا ما نقولش حيرتنى باسكو فى بلادنا ما تحيرش هاو كلشى ممكن ، المهم هاذى الظاهرة لفتت انتباهى بزاف
و الظاهرة هاذى هي العنصرية لى فى بلادنا
ايه انعم العنصرية
أحنا نعرفو و نسمعو بالكلمة هاذى غير فى بلدان أخرين
الأوروبى يتمسخر بالافريقى و الأبيض يتمسخر بالزنجى
و احنا مثلا نتمسخرو بالشناوة و نقولولهم على بابا :no_1: ... الخ
أما العنصرية لى فى بلادنا حنا :wink:
أسمعو مليح :
& أنت منين جيتنا ؟
_ من ×××
& يا وحد ×××× يا " كاـvـى " يا حابس يا بوجادى يا جبرى
& و انت منين
& أنا من ××× ؟
ايه يا ×××× يا اللى راك مداير عمامة يا وحد الجمل روح تبيع الدGـلة يا وحد " الكافى "
& و انت منين جيت ؟
أنا ؟
& ايه انت " يا كاvـى " مالا شكون ؟
أنا من ××××
& كيفاش كيفاش من ××× ؟ و واش جابك هنا ؟ ياااه سباطك بالغرقة ، أخرج عليا يا وحد الديـGـولاس " كاvـى " .
المهم هاذى لحكاية راها ما لا نهاية
تسمى رانى عطيتكم مثال برك على العنصرية تاعنا
حبيت نسقسيكم :
علاش حنا هكذا مع بعضنا ما راناش صافيين ؟
علاش نعايرو بعضنا بحوايج خلقو فينا و معانا ؟
علاش نعايرو بعضنا على الأخلاق و لا الصيفات و لا المكان لى تربينا فيه ؟
علاش كى قالو علينا المصريين حنا بربر قبلناها بصدر رحب و كى نرجعو لبعضنا نعايرو بلدنا و نقولو هاذاك من الدوار و هذاك معسكرى و هذاك شاوى و هذاك أمازيغى و هذاك ما نعرف مين ووو ...
المهم نتمنى تكونو فهمتو عليا و الفكرة وصلتلكم مليح
يا خاوتى رانا كل كيف كيف
ما كانش فرق بين لى عايش فى الشرق و لا فى الغرب و لا الوسط و لا الجنوب
رانا كامل ناسيوناليتى وحدة ( Dz )
آيا نخليلكم الكلمة ليكم انتوما علابالى رانى طولت عليكم بالهدرة
و ماذا بيكم لى يرد على الموضوع هذا يقولنا أصلو منين بكل صراحة و فخر حتى اذا كان من الدوار ما عليهش .
و السلام عليكم و رحمة الله
آخر تعديل بواسطة المشرف:
