أنت كاvـى و هى كاvـية و أنا حابس

[احساس طفلة]

مكان لا كاvي لا زوج رانا قع من dz
​

 

[touffik]

بغى نعرف انت من وين برك messi bomb ومن بعد تهدر على عنصورية تع منتديات

 

[فراشة الايمان]

أنا سوفية و نفتخر بأصلي ورانا كامل دزيرية خواتي ماكانش بيناتنا العنصرية

 

[samifa31]

وي صح لعنصرية راهي كاينة في بلادنا بزاااااااف
وgاع رانا من لالجيري بلاد وحدة ني صحراوي ني تلي ني والو
مرسي على الموضوع خويا​

 

[Jagwar]

يا هلا وغلا بيك شوف خويا هذي العقلية بارتو منتشرة سور تو على معسكر اما الولايات الاخرى جامي سمعت ليبلاق عليهم واش تحب خويا عاقلية DZ ورانا عايشنها مرسي على الموضوع
ملاحظة عندك على الشاوية لنتلمو عليك نكلوك حل عينك :glare::glare:
اي جماعة هنا اكل تقريب شاوية :yahoo::yahoo::yahoo:

ايه علابالى
و انا صراحة نخاف أكثر من الشاوية كيف يتلمو مع بعض
Darine & Hilda & Rima
انتوما راكم الحرس البلدى تاع باتنة
بكرى فى اللمة كنت عامل حالة هنا
وحدة ما تتحرك فيهم
مين جيتو انتوما الشاوية الحالة صعابت عليا بزاف .









​

 

[imene23]

انا عنابية مدرحة باسكو لفمي تع بابا من تركيا مي ماما فري بنواز يعني اني كوكتال
مرسي على الموضوع ورانا كل dz نحب دزاير ونفخر باها اكثر من بلادي الحقيقية

 

[Jagwar]

علاش حنا هكذا مع بعضنا ما راناش صافيين ؟
رانا نعايرو في بعضانا خاطر ما عندناش روح الاخوة بيناتنا ما نحبوش بلادنا كيما يلزم لحال نسينا بلي حنا من ارض وحدة و من اصل واحد
علاش نعايرو بعضنا بحوايج خلقو فينا و معانا ؟
خاطر ما عندناج تقة في رواحنا ولا في بلادنا
علاش نعايرو بعضنا على الأخلاق و لا الصيفات و لا المكان لى تربينا فيه ؟
علاش كى قالو علينا المصريين حنا بربر قبلناها بصدر رحب و كى نرجعو لبعضنا نعايرو بلدنا و نقولو هاذاك من الدوار و هذاك معسكرى و هذاك شاوى و هذاك أمازيغى و هذاك ما نعرف مين ووو ...
ما تصدقش كي تبدلت كي توحدو الجزائرين ويد وحدة ما تامنش بصح فات الوقت ورجعوا كي العادة كي يقول المثل عادت ريمةة الي عادتها القديمة
خويا انا من الشرق وسكنت 12 سنة في الغرب علابالك كلي ماكش عايش مع خاوتك خلاص وفي بلاد وحدة يعاملوك بوحد العنصرية وحتى هنا في الشرق نفس الشي حتى مابين البلدان يعايو بعضاهم القسنطينين يضحكوا على جيجل وسكيكدة وعلى صحاب لخروب الحامة و السكيكدين يضحكو على القسنطينين ...كون نقعدو نحكيو ما نكملوش
انا اصلي مانحشمش بيه بالعكس نفتخر بيه
قالمية وافتخر والي مو عاجبو ينتحر والي يقيسني بكلمة يلقا الي كترمنها
حابة نقول حاجة للاد بلادي خليكم يد حد و نحيو العنصرية بيناتكم باه واحد ما يقدر يقيسكم بهدرة ​

و الله فصلتيها تفصيل أختى
يعطيك الصحة
كيما قلتى انتى
حنا يد وحدة كونتر البرانية و هاذى حاجة شفناها و عرفناها و نفتخرو بيها و كذاك تانى لازم نكونو حنا فى حنا يد وحدة
و لازم كامل نتفكرو بلى رانا تحت راية واحدة هي ' Dz )
بارك الله فيك أختى
ميغسى بوكو على المرور
تحياتى










​

 

[Jagwar]

مكان لا كاvي لا زوج رانا قع من dz
​

يعطيك الصحة اختى
هاذى هي الهدرة صح
لوكان يسقسينا البرانى على أصلنا بيان سور رايحين نقولو كل من ( Dz )
شكرا على المرور أختى تحياتى








​

 

[°~Kenza_02~°]

wah khoya 3andek lha9

nzidek wa7da
nta mnin
men chlef
chlef ya latif ......yak marakch rafed m3ak khodmi wela......chlef w ray tlef......chlafa ga3 kwava :tears:hado sma3thom bwedni
mais ngolhom
je suis fiere d etre chelfiya :closedeyes:

7na ga3 des algeriens ga3 khawa ......kima ygolek deryasa...semini chrer9i semini garbi ........w ana ngolek ana jazayry


llah yahdi had nas ljay7in fi rayi

merci 3lmik khoya sujet fort


sem7oli ma3andich l arabe f lmicro
​

 

[MiSs Sisi StyLe]

انت قلتها احنا كامل عقلية وحدة عقلية الجزائري
عقلية الرجلة و النيف
و الي يعاف ولد بلادو راهو هو الكافي ماشي الاخر
مشكور على الطرح الجميل اخي الكريم................

 

[إحســاس بــراءة]

السلام عليكم
اهلا بيك خويا اسامة كيراك هادي غيبة؟
الحمد لله الي راك بخير يا خويا
ايه كاين بزاااف اللي يمشو بالعقلية هادي حتى الشلف و ماطلقوهاش حتى الشلف و عندهم مايهدرو عليها :sneaky2::surrender:
بصح كيما قلت نتا
كامل رانا ولاد بلاد واحدة كامل رانا جزائريين
غرب و لا شرق جنوب ولا شمال كامل جزائريين دم واحد و و طن واحد و عقلية واحدة ماكاش فرق
الله يهدي برك هادا مانقولو

انا شلفية و بنت الشلف
زدت فيها و تربيت فيها و دايمن نفتخر بيها
اللي يهرب من اصلو غير اللي ماعندوش العقل اصلك هو اصلك
كامل جزائريين
مرسي ليك

 

[Jagwar]

بغى نعرف انت من وين برك messi bomb ومن بعد تهدر على عنصورية تع منتديات

أولا خويا أنا من دزاير و بابا و جدى من تبسة و الوالدة تاعى من سوق أهراس و أنا والد هنا فى عنابة فى مستشفى ابن رشد بالتحديد و نسكن فى عنابة فى حي Valmascort بالضبط و رقم الباب تاعنا 02 بالك تكون فايت على الكرطى أرواح نشربو فيها قهيوة .
ثانيا أنا ما قلتش العنصرية فى المنتديات بالعكس أنا شفت العنصرية فى كل بلاصة غير فى المنتديات الحمد لله ما عندناش رانا كاملين كيف كيف ، بالك فهمتنى بالغالط كيف سميت الولايات هادوك و انت من ولاية فيهم اسمحلى هاذى الظاهرة راها فى 48 ولاية عندنا أنا ذكرت مثال برك هذا مكان .
شكرا على المرور خويا
تحياتى








​

 

[Jagwar]

أنا سوفية و نفتخر بأصلي ورانا كامل دزيرية خواتي ماكانش بيناتنا العنصرية

صحيتى اختى هاذى هي الهدرة صح
قوليها و عاوديها
ما كانش بيناتنا عنصرية
Vive السوافة من الكبار
تحياتى اختى ليك و لناس واد سوف الطيبين









​

 

[Jagwar]

وي صح لعنصرية راهي كاينة في بلادنا بزاااااااف
وgاع رانا من لالجيري بلاد وحدة ني صحراوي ني تلي ني والو
مرسي على الموضوع خويا​

الله يسلمك اختى الغالية
رانا كل ولاد بلاد وحدة dz
ما كاين حتى فرق بيناتنا
شكرا على المرور العطر أختى
تحياتى











​

 

[شجـ الروح ـون]

سلام خويا
والله يعطيك الصحة على الموضوع راك جبتها قد قد ههه
والله ماكاش كلمة نكرها في حياتي قد محلب وانا منحلبش و .......ومشتقاتها
هادو الغاشي اللي يهدرو هاك منفوخين على الريح معلاباليش علاش حاسبين في رواحهم ههه
وكن تشوف في راسو تلقاه يصفر هههه
عندك الحق خويا رانا كامل ولاد dz
على فكرة انا مدانية اصلي من المدية
بنت بلاد وكاvية من الكبار ههه
يعطيك الصحة تقبل مروري.

 

[جوانا]

أولا راك نورت المنتدى مجددا
ثانيا موضوع شباب خويا أسامة و زيد أنا نفتاخر بي كوني مستغانمية و بي النسبة ليا ما عندي أي فرق ما بين الولايات لخرين باسكو كامل عندي كيف كيف و كامل dz
هيا عندك الحق في كلامك psk كاين الكافي لي يقول أنا من ولاية (.......) و نتا من ولاية (......) ما نتناسبوش و المشكل هوما من بلاد وحدة dz
هدا كافي نيشان
تحياتي أخي
جوانا

 

[BeSt GlAdiAtOr]

مساء الخير خويا أسامة نورتنا بالطلة العنابية تاعك
وأنا كافي نحب التحلاب
وجبري 100بالمئة









نتمنى تكون عرفتني​

 

[NICHA03]

انا نص قالمية ونص غواطية
بصح
vive 03w 24

 

[BOUSS]

ناس حابسين عندهم عي راسهم ليبوط يشوفو الدنيا علي
قيسهم خليهم ايقولو واش حبو قراوي وافتخر عايش في باريس
او كي نجي والله نديها قرية وجبل اوخليهم ايقولو واش حبو
شاشية علي الموضوع خويا

 

[BeSt GlAdiAtOr]

ناس حابسين عندهم عي راسهم ليبوط يشوفو الدنيا علي
قيسهم خليهم ايقولو واش حبو قراوي وافتخر عايش في باريس
او كي نجي والله نديها قرية وجبل اوخليهم ايقولو واش حبو
شاشية علي الموضوع خويا

هد كلام صواب وقياس خويا البوص


وماكاش كيف النية​