" Alors On Dance " دارت حالة فى المساجد

[secret de coeur]

السلام عليكم خويا جاغوار مرحبا بيك بعد غيبة
نولي لموضوعك ولي هو ظاهرة منتشرة بزااااف
غاشي يدخلو يصلو فالجامع ومدايرين موسيقى صاخبة ولو حتى هادئة
مي كي تبدا الصلاة ... يكومونصي البورطابل يصوني
هادي صلاة !! وين راح الخشوع فيها
وين راهي احترام حرمة المساجد؟؟
_______
أما بالنسبة للنساء فالجامع حدّث ولا حرج
يحكو قاع حياتهم
وتهدر على فلانة وفلتانة وعرس الجيران + العياط تاع دراري صغار
نا من جهتي المرأة اذا ماهيش قادرة تروح للجامع بهدوء ... باش تصلي صلاتها وتولي
غير تقعد في دارها خير
أصلآ ماهوش فرض عليها

°°°°°°°°°°
جوبونس راني طولت الهدرة
مرسي ع الموضوع خويا
بارك الله فيك
سلااااام
​

 

[secret de coeur]

يو آر ويلكوم أختى السوكرى
مرحبا بيك فى كل وقت

بيك خويا ... مرسي تعيش


​

واش أنتى من كتائب القسام و لا القدافى و لا واش ؟ :shiny:
راكى معولة تدخلى حرب واقيلا ههههه

لا برك الديـgـوطاج يدير فيا حالة
مزية ماجاش عندي كابوس تاع صح هههه


فى انتظارك ...​

قدمت ردي مرسي ع الموضوع +++
​

 

[مينة آلاء الْقُدُّوس]

----------------

الله يبارك على الرد الراقي اخي شكرا بارك الله فيك

+ تقييم ​

 

[مينة آلاء الْقُدُّوس]

مصلى النساء و الاطفال

هكا نظن راهي مريقلة لانو ولاوا يجيبوا ماشي ولاوا من بكري هوما يجيبوا ولادهم الصغار وكي يقول

الامام اقم الصلاة وتنوض الام على بنها يبدى يغني الطفل لغنية تع

وعععععععععععععععععععع وععععععععععععععع

وتتخربطلك الصلاة ويروحلك الخشوع وتخرج مكرفس والجمعة الجاية تعاود نفس لحكاية ولا حياة لمن تنادي

عندك الحق اخي الكريم هذا الشيئ راك مع الرجال وتلفتلك الصلاة واش تقول على النساء لي فالمصلى ​

انا نقترح كيما دايرين اونتي شو في الجوامع لازم اونتي هدرة النسا ولبكى تع الدراري الصغار

وربي يجيب الخير

صحيت اسامة وناس عنابة موضوعك شباب كي العادة

بارك الله فيك

تحياتي





​

عندك الحق في واش راك تقول تقول راهم جايبينهم لحديقة الحيوانات ماشي لمسجد مرة مع جارتي قتلها وشنو هاد التمسخير جايبين ولادهم يلعبو هنا نطقت وحدة قاتلي ماكانش وين نخلوهم ياختي
قتلها ماشي فرض عليك تصلي فالمسجد هكدا ماتصليو ماتخليو الناس تصلي
وحدة تاني قاتلي بصح مليح نجيبوهم باه يتعلمو قتلها قبل ماتجيبيهم وريلهم بلي هذا مكان عبادة وخوفيهم شوية باه تدخلهم الرهبة ماشي مارشي كوفاغ ...بالاك كون يروحو لحديقة الحيوانات واحد فيهم مايتنفس ....شكرا عجبني تعليقك ​

 

[Jagwar]

اه و هذاك عاد مسجد راهوا عاد سوق غير النصب تاع القش في فم الباب


و لحكاية تاع الطرباقة راني نشفى عليها ههههههه حكيتيهالي هههههه​

كيما قلتى المسجد هاذاك و الله لى يشوف من بعيد يحير آسكو مسجد و لا سوق :scared:
و الطرباقة هاذيك قعدت غايضتنى لدرك :shiny: ما ننساهاش أي كعبة Prada حرة هههه​

 

[Jagwar]

مصلى النساء و الاطفال ​

هكا نظن راهي مريقلة لانو ولاوا يجيبوا ماشي ولاوا من بكري هوما يجيبوا ولادهم الصغار وكي يقول
​

مرحبا بيك شريكى مينو
عاش من شاف السطابيلو لى تكتب بيه :shiny:

راك جبتها فى الصواب شريكى ، المصلى النسائى و حضانة الاطفال

الامام اقم الصلاة وتنوض الام على بنها يبدى يغني الطفل لغنية تع ​

وعععععععععععععععععععع وععععععععععععععع ​

وتتخربطلك الصلاة ويروحلك الخشوع وتخرج مكرفس والجمعة الجاية تعاود نفس لحكاية ولا حياة لمن تنادي

ياو و الله يا خويا ديفوا نروح نتوضى فى الميضة كى نعود فايت قدام المصلى تاعهم ياو تقول صالة تاع عراس يا خويا
الـ Bla Bla Bla و الـ Wa3 Wa3 Wa3
دايرة حالة :sad:​

انا نقترح كيما دايرين اونتي شو في الجوامع لازم اونتي هدرة النسا ولبكى تع الدراري الصغار

كون يديروها مع الرجال ممكن تصلح بصح مع النساوين يا خويا نضمنلك الفشل :shiny:
موحال النساوين يقعدو حاكمين فامهم​

وربي يجيب الخير

آمين يا شريكى ربى يسمع منك

صحيت اسامة وناس عنابة موضوعك شباب كي العادة ​

بارك الله فيك ​

تحياتي ​

و فيك تبارك الله يا الغالى ربى يحفضك خويا
و الله الطلة تاعك تساوى مليار موضوع :re_gards:
ليك وحشة قد جبل وحش :shiny:
صحيت مينو نشوفك على خير و سال على ناس بريكة شيكة بيكة :shiny:
​

--------------------

 

[nina bonoise]

كيما قلتى المسجد هاذاك و الله لى يشوف من بعيد يحير آسكو مسجد و لا سوق :scared:​

و الله صح غير تحير
و زيد كي يخرجوا يخرجوا كي الهمج
يقفلوا معاهم الطريق
و الدزان غير منحكيلكش عليه​

و الطرباقة هاذيك قعدت غايضتنى لدرك :shiny: ما ننساهاش أي كعبة Prada حرة هههه​

[/QUOTE

ههههههههه
كي تكون الحاجة ملاحة بيان سور تشفى عليها طول حياتك
كيما خالي سرقولوا البالاديوم W
من تم عاد يلبس طرابق تاع الكاويتشوا ههههههههههه​

 

[Jagwar]

السلام عليكم ورحمة الله تعالى وبركاته​

:um_sh::schmoll::bored:

و عليكم السلام و رحمة الله تعالى و بركاته

:santa_1:i-o::shiny:​

الاجابة عن القسم الأول:​

أمـــــــــــا بعد أسامة بغيت تجي ولا تروح ماهمنــــــــــــي
:shiny::shiny::shiny:

ههههههه باغى نجى لعندك و ما نروح :shiny::shiny:​

أما فيما يخص موضوعك اسامة يعني ماعنديش واش نزيد على كلامك
يعني راك جبت كل شيء،والله في زمان كل يوم تشوف جديد
أمالا انتظره يصبح عااادة

يا محمد خويا لوقتاه نبقاو نشوفو هذا العوج
و الله غير الراس حبش و شاب و كره من الشوفات تاع عباد كيما هادو
هاو ما راناش نطلبو منه المستحيل
رانا طلبنا غير الالتزام و الهدوء هذا ما كان

ويعني كيما الموقف تاعك عمي ؟؟؟؟ خليها في السر احسن
والله احنا قايمين وهو واش جبت الشويهات
أديهم عند عمك ضوك نصلي ونجي
والموسيقى اللي دايرها تاع ربي يستر برك؟؟؟
والحاجة اللي خلعتني مرة احد المعليمن اقسم بالله رنة فيها تاع مغني مشهور جزائري
وكأن لم يحصل شيء انا مشكوف الحالة ومانيش دايرها

Vـــوالاااا هاو وين حاب نوصلك أنا
يسمى الناس هاذو كى تشوفهم عند رواحهم مظهر و هندام و شخصية
أسكو ما يعرفوش يميزو بين الحلال و الحرام
ما يعرفوش هاذى تصح و لا ما تصحش
و الله يا خويا كيما قلت ديفوا الواحد يستخزى روحو على بعض الامور و فى المقابل تلقى ناس زعما ملتزمين و يعملو أشياء غريبة
ربى يقدر الخير

الاجابة على القسم الثاني:
النســـــــــــــاء وماأدراك من النســــــــــــــــاء
يعني لازم ليهم موضوع وحدهم
والله وماشي مشكل أنو تقع في الحرام
أنك تمنع عليهم منع بات دخول المسجد
مي الله غالب هذا واجب ديني وعليها تأديته
وأعلاش رسول الله قال صلاتها أولى في المسجد
يارب راه عارف واش يدير
ماشي من عدم يتحدث
وجل حديثهم النساء والله راه الجديد عندهم فيما يخص المسلسلات
وزيد عرس فلان وفلانة
يعني كاين ناس راهم يتلاقوا غير في المسجد
وتقول راه العيد
دور عليهم ياجدك كامل تسلم عليهم
كيراك كيراهم البزاوز
ريحت بنتك
يارب مازال ماتزوجتش
يعني ربي يرحم ويستر برك
هاكي توالي نرجع ليك

اييييه باين قلبك راه يوجع اكثر منى
ياو رمضان لى فات فى الـ 10 الأواخر لقيت الوالدة تاعى قاعدة فى الدار و ما صلاتش التراويح ، قتلها واش كاين مريضة و لا واش ؟
قاتلى لالا رانى على جرة وحد المرأة تم تصلى معانا فى المسجد خذيت بخصة و حشمت حشمة كبيرة ، قاتلى المراة هاذى مين تدخل و هي تهدر ما تسكتش دايرة فوضى كبيرة و هي قاعدة حذاها ، و لى من الخلف ما عجبهمش الحال و قالو تاع الصف لى لقدام ما يليقش يجو يصلو فى المسجد و على هاذى الوالدة تاعى غاضها الحال ، يعنى يا سبحان الله ماشى حرام وحدة تجر على النساء الآخرين و تدى ذنب كبير كى يحبسو الصلاة فى المسجد ؟
و الله غير عيب و قلة تربية ، المسجد يجوه الناس للصلاة و العبادة و لا القريض و البلبلة :sad:
و الله غير الواحد يحر و يدهش تاع الصح
ربى يقدر الخير

بارك الله فيك شريكى موح
نورتنا و شرفتنا بمرورك
تحياتى ليك و نشوفك على خير
​

--------------------

 

[Jagwar]

السلام عليكم خويا جاغوار مرحبا بيك بعد غيبة

و عليكم السلام
مرحبا بيك اختى السوكرى الله لا يغيبنا اختى
نورتى و شرفتى


نولي لموضوعك ولي هو ظاهرة منتشرة بزااااف
غاشي يدخلو يصلو فالجامع ومدايرين موسيقى صاخبة ولو حتى هادئة
مي كي تبدا الصلاة ... يكومونصي البورطابل يصوني
هادي صلاة !! وين راح الخشوع فيها
وين راهي احترام حرمة المساجد؟؟

و تخيلى أنو الناس هادو زعما كيما نقولو شبه فقهاء و يعرفو و يفهمو و يفتو على الناس ، بصح كى يوصلو عند البورتابل ما تبانش ليهم حاجة تضر و لا تسبب مشاكل

______
أما بالنسبة للنساء فالجامع حدّث ولا حرج
يحكو قاع حياتهم
وتهدر على فلانة وفلتانة وعرس الجيران + العياط تاع دراري صغار
نا من جهتي المرأة اذا ماهيش قادرة تروح للجامع بهدوء ... باش تصلي صلاتها وتولي
غير تقعد في دارها خير
أصلآ ماهوش فرض عليها

بارك الله فيك هاي الهدرة كيفاش
لى ماشى قادرة تتحكم فى لسانها تقدر تتحكم فى رجليها و ما تروحش للمسجد و ماشى ملزوم عليها ، صلاتها مقبولة بلا ما تفسد على الباقى ، اذا كان راح تقعد فى المسجد تحكى على فلان و فلتان و تشتت تركيز و خشوع البقية هاذى ما يتشرفش بيها المسجد
​

°°°°°°°°°°
جوبونس راني طولت الهدرة
مرسي ع الموضوع خويا
بارك الله فيك
سلااااام

و فيك تبارك الله اختى الغالية
يعطيك الصحة على المرور و التوضيح
ربى يهدينا و يغفرلنا
تحياتى ليك و نشوفك على خير
سلام
​

-------------------

 

[═♥.ЈŪšť_ màn.♥═]

..
السلامــ عليكم :re_gards:
وشراكي خويـــــــــا // اسامـــة // انــ شاء الله لاباس و ربي لا يغبكــ مرة اخرى :shiny:
المهمـــ .. كيما قلتـــ و الله غير كارتــة العفســة هادي علابالكـــ .. و تاني مالـــgـــري لبلاكـــ غير الي لعــمى يشوفها مي الله غالب لا حيااة لمن تنادي
و النسااااااااااااء لا تعليق .. البلبة و الضحكــ و البناتــ الصغار و الكبار يلعبون هنا و هناااااااااااك
ربي يهدينا كامل ... :cra_zy:
و في الاخير تحيــة طيبة لكــ اخي :re_gards:
و الله غير توحشنــا الطلة ديالكــ يا خو ..... :shiny:​

 

[Jagwar]

الله يبارك على الرد الراقي اخي شكرا بارك الله فيك ​

+ تقييم ​

و فيك تبارك الله أختى ، مشاركة راقية منك تستاهل رد يليق بها
سرنى النقاش معك ، موفقة باذن الله
و شكرا على التقييم
​

 

[Jagwar]

كيما قلتى المسجد هاذاك و الله لى يشوف من بعيد يحير آسكو مسجد و لا سوق :scared:​

و الله صح غير تحير
و زيد كي يخرجوا يخرجوا كي الهمج
يقفلوا معاهم الطريق
و الدزان غير منحكيلكش عليه​

و الطرباقة هاذيك قعدت غايضتنى لدرك :shiny: ما ننساهاش أي كعبة Prada حرة هههه​

[/QUOTE

ههههههههه
كي تكون الحاجة ملاحة بيان سور تشفى عليها طول حياتك
كيما خالي سرقولوا البالاديوم W

من تم عاد يلبس طرابق تاع الكاويتشوا ههههههههههه​

آو كل عدنا نلبسو الكاويتشو كى نروحو نصلو :shiny:
و كى نعود حاكم طريق تانى ديما الطرباقة نحطها فى لامال تاع الطوموبيل
انحى البلاديوم و نلبس طرباقة خير :shiny:


​

 

[Jagwar]

..

السلامــ عليكم :re_gards:

و عليكم السلام و رحمة الله

وشراكي خويـــــــــا // اسامـــة // انــ شاء الله لاباس و ربي لا يغبكــ مرة اخرى :shiny:

أهلا بيك شريكى عاش من شاف الستيلو الموV لى تكتب بيه
يسال عليك الخير و الجنة يا الرجل الطيب
رانى حرقت لسردينيا و ايكسبيلساونى قالولى وجهك ماشى تاع سردينيا :shiny:
هيا رانى رجعت قلت غير اللمة لى تلمنى :showoff:

المهمـــ .. كيما قلتـــ و الله غير كارتــة العفســة هادي علابالكـــ .. و تاني مالـــgـــري لبلاكـــ غير الي لعــمى يشوفها مي الله غالب لا حيااة لمن تنادي

تخيل واحد يحكم بالهدرة و الفتاوى قبل الصلاة " قال الله و قال الرسول و عن أبى هريرة و و و ... الخ " و كى تقيم الصلاة البورتابل تاعو ما يسكتش ، يا خويا هادو يعرفو كلش على الدين غير حكاية البورتابل هاذى ما يعرفوهاش ؟؟؟ !!! و الله غير عيب و حشومة و قلة تربية :schmoll:

و النسااااااااااااء لا تعليق .. البلبة و الضحكــ و البناتــ الصغار و الكبار يلعبون هنا و هناااااااااااك
ربي يهدينا كامل ... :cra_zy:

النساوين هادوك راهم تعداو الحدود خلاص
قريت الردود تاع الأخوات لى معانا هنا سمعت منهم العجب
وحدة تقولك تتعارك و حاكمة وحدة على شعرها ، وحدة جيبة معاها البيبى و الماكلة و الحليب و ليكوش تاعو ، :scared:
ياو كاتاستروف النساوين هادو :sad:

و في الاخير تحيــة طيبة لكــ اخي :re_gards:

و الله غير توحشنــا الطلة ديالكــ يا خو ..... :shiny:

الله يحييك و يخليك و يجازيك و يحميك يا طيوب
و يتوحشك الخير يا màn و نص و 25 :showoff:
ياو كلامك فرحنى بزاف كى يقولى واحد توحشتك نحس بلى عندى أهمية عندكم :shay:
ربى يحفضك و يبارك فيك
نورتنا و شرفتنا بمرورك
نشوفك على خير
سلام
​

-----------------------

 

[═♥.ЈŪšť_ màn.♥═]

...
سلامــ من جديد ... :shiny:
يا خو و الله عجبي الرد ديالكــ ..انتيكــــــ ... يا خو
المهمــ .. و الله لا حاجــة تبكي
دواســ داخل الجامعــ ... و زيد الي تقتل بالضحكـــ ...
جايبــة معاها البيبي و المكالة و البيبرو .. و ليكوشــ
هادي راهي في عرســ ماشي في جامعــ
..
خو في جالكـــ دكا نقرى الردود و الله لا حابــ نضحكــ على بناتـــ الجامعـــ
تحياااااااااااااااااااااااااااااااااتي
.. خو انتـــ ما توحشوكشــ .. خصارة عليكــ
روح اقرى موضوعــ .. اعضاء غائبون عن العين حاضرون في القلبـــ
هههههههه و مارسي على النص و 25
تحياتي من جديد
:shiny:​

 

[محمد.م]

آسف خويا محمد أنا هو السبب ، بما أنى طولت الغياب عن المنتدى و الأخت رحبت بيا بطريقة ضريفة حبيت نضيف شوية تلطيف للاجواء
آسف مرة أخرى
بارك الله فيك أخى

أهلاً بك أخي الحبيب

بارك الله فيكما

وألف شكر لك

ماشاء الله عليك على هذا التهذيب

وهذا تقييم لك ولها

أعتذر لك حبيبي

ولا داعي للرد خشية تحول الموضوع عن مساره واستمر في ردك على الأعضاء

 

[ياقوتة الصحراء]

على سلامتك خويا اسامة
موضوعك في الصميم
الله يهدي الجميع

***********

اما على النساء هي واش دايها تصلي فالجامع كي عارفة بلي فمها مايتغلقش وزيد صلاة المراة في بيتها عندها اجر اكبر واحسن من صلاتها في المسجد

********
تحياتي ليك اخي ​

 

[Jagwar]

...

سلامــ من جديد ... :shiny:

الله يسلمك يا الغالى ، مرحبا بيك و بالرد تاعك فى كل وقت :shiny:

يا خو و الله عجبي الرد ديالكــ ..انتيكــــــ ...

شهادة و اطراء منك نعتز بيه يا شريكى :re_gards:
ربى يحفضك

يا خو المهمــ .. و الله لا حاجــة تبكي
دواســ داخل الجامعــ ... و زيد الي تقتل بالضحكـــ ...
جايبــة معاها البيبي و المكالة و البيبرو .. و ليكوشــ
هادي راهي في عرســ ماشي في جامعــ

ايه قالو الهند بلاد العجائب ، لالا راهم غالطين لى قالوها
الجزائر بلاد العجائب :shiny:
و الله يا شريكى هم يضحك و هم يبكى
..
خو في جالكـــ دكا نقرى الردود و الله لا حابــ نضحكــ على بناتـــ الجامعـــ

بالك تتشوكا على المعلومات لى جابوها الحراير تاع اللمة :shiny:

تحياااااااااااااااااااااااااااااااااتي

تحية متبادلة :re_gards:

.. خو انتـــ ما توحشوكشــ .. خصارة عليكــ
روح اقرى موضوعــ .. اعضاء غائبون عن العين حاضرون في القلبـــ

الله يحفضك و يعزك و يعطيك ما تتمنى
و الله غير حاجة تفرح و نعتز بيها
كى نشوف خاوتى هكذا يعزونى و الله الدنيا و ما فيها :tears:
على الأقل واحد يخلى انطباع مليح هنا حتى كى يجى نهار و نودعكم تذكرونى بالخير :shiny:
و انت تانى راك حفرت فى القلب يا مآن :luve_2:

هههههههه و مارسي على النص و 25
تحياتي من جديد

:shiny:

ههههه يو آر ويكوم حبيبى
نشوفك على خير
سلامووو :re_gards:
​

---------------------:lolo::lolo:

 

[Jagwar]

على سلامتك خويا اسامة

الله يسلمك
أووووه اختى الياقوتة راها هنا
أهلين و سهلين و مرحبتين اختى الغالية
نورتينا و شرفتينا:lolo:


موضوعك في الصميم
الله يهدي الجميع

آمين الله يسمع منك أختى​

***********​

اما على النساء هي واش دايها تصلي فالجامع كي عارفة بلي فمها مايتغلقش وزيد صلاة المراة في بيتها عندها اجر اكبر واحسن من صلاتها في المسجد

ممكن تكون عنادة و لا مظهر قدام الناس
بصح و الله الاثم لى ياخدوه على عدم احترام المسجد راه اثم كبير ، المسجد ماشى مكان مخصص للخزعبلات لى يعملوها النساوين
راه للعبادة و الاجر و بس
الله يهدى​

********

تحياتي ليك اخي

تحية متبادلة اختى الغالية
مرورك اسعدنى و أطربنى
نشوفك على خير
​

------------------

 

[nina bonoise]

آو كل عدنا نلبسو الكاويتشو كى نروحو نصلو :shiny:
و كى نعود حاكم طريق تانى ديما الطرباقة نحطها فى لامال تاع الطوموبيل
انحى البلاديوم و نلبس طرباقة خير :shiny:​

هديك هي لي قعدت
حتى كون تروح متخممش عليها
و الطرباقة في الكوفر تاع الطموبيل اي للطوارئ هههههه

 

[عاصفة الورود]

السلام عليكم
بون والله الظاهرة هذي تبهدل ايماجيني راجل طول وعرض يصونيلو البورتابل بأغنية شرقي هههه عجائب في المساجد تاعنا مايلقى الواحد واش يعلق
مايخليوكش تخشع ..لاعلينا
تزيد تخرج ماتلقاش سباطك ههههه وكون غير حبست هنا
مرة يحكيلنا عمي دخل قط وهما يصليو ههه
الحرب العالمية الثالثة قامت هه
ربي يهدينا برك
مرسي خويا وعذرا على الاطالة

​