السلام عليكم و رحمة الله
أخي
@الامين محمد و
@جليلوس شكرا على الاشارة ، وسمحولي ندير تعليق بسيط ( راها حالتي متعجبش )
يا أخي بارك الله فيك على الموضوع و مادابيك تكثر من المواضيع باش تحيا اللمة بيكم ^^
يرحم باباك نهدرلك على النساء كي يروحوا زعما يسمعوا خطبة الجمعة فالمسجد ولا في رمضان كي يروحو يصلو التراويح ... أولا ما دابيك يا مرى اربطي لسانك مليح ديريه على الصامت و خلي دماغك و عينيك فالصللة ماشي عند فلانة قالت و جارتي البارح دارت وفعلت واي واي. وااااي
وكي ترفدي مصحف ما تقرايش فيه و قلبك مع المرى اللي
لهيه تحكيه على الميسيوا و لا على آخر اخبار الجيران و الحومة ...
التيليفون ما راحش يهرب و الانثرنيت مارايحاش تخلاص يااا طفلة والاتصالات تان مارايحاش تحبس ماهمش ناسيينك الحباب صلي خدي راحتك كي تخرجي من الجامع ناقشي التوافه تاعك مع صحبتك دوك رايحة تصلي ولا جاية ترندفي فالجامع ؟؟؟ ما فهمتش
جايين يصلوا ولا باش يربوا ولادهم فالجامع العياط و البكا
الخنونة تسيل و الدراري بالصباط موسخ يعفص على السجادات بفففففف يعيوووك ما تفهم والو
وأنت يا راجل دوك جاي تصلي و لا باش تعرض الحطة ياااو ؛ داخل للجامع بلبسة فيها رموز تخالف الدين ؟ هذي خويا جليلوس من الظواهرهدر عليها الامام و قالهم يتاكدوا من الرموز اللي فاللبسة تاعهم خاطر لا يجوز الصلاة بمثل هذه الالبسة و الله أعلم
ولا جاي الاخ يحكي على البالون و زاد ماشي مطفي تيلفونوا ، شغل عندك مشاريع ؟؟!!! بزاااف مناظر فالجوامع تاعنا يفشلوك تعرف بلي لا علاقة لنا بالأدب حتى مع ربي سبحانه
تحياتي لك اخي و اتمنى أن تتقبل مروري وان كان ناقصة
