" Alors On Dance " دارت حالة فى المساجد

[مينة آلاء الْقُدُّوس]

السلام عليكم ورحمة الله تعالى وبركاته

نبدا معاك مالآخر الموضوع لي يستحق الرد نردو عليه بدون ان نميز فالعضو جديد ولا قديم

ندخلو في صلب الموضوع والله يا اخي غير عندك الحق بالنسبة للهواتف النقالة شفتها في رمضان

دايراتو يفيبرى وهو يفيبرى ايا قلت معليش دك نكملو هاد الركعتين طفيه علينا المخلوقة سلمت شافت شكون عاودت حطاتو

بلا مطفيه المهم انا لي حيرتني واش ديرو بالبورتابل فالمسجد علما نو رايحين مالدار للمسجد مالمسجد للدار واش راح ديري بيه خليه فالدار راح ياكلوه

الهدرة هذيك منهدروش عليها انا شفت لعجب فالمسجد ديال الحي وين نسكن استوو هذيك يسمعها الى من رحم ربي

تقول راني هابلة على رجليها (حاشاكم ) انا نقرب هي تنحيهم ياخي حالة

والمليحة كامل انت تقولهم حطو المصاحف كي يكون يقرا الامام متبعوش فالمصحف تقولك علاش وعطيني الفتوة وشكون لي قال هك وفلان قالي يجوز حتى واحد النهار بهدلهم الامام على هذاك التصرف

وتحية المسجد انا نصلي وهي واقفة قدامي ولا زعمة انا راني قاعدة وهي جي قدامي تحشر روحها تصلي المسجد واسع الله يبارك
المهم كاين امور بزاف مجلدات ومتكفيناش

دمتم بخير .......​

 

[Jagwar]

السلام عليكم

فيما يخص الهاتف هناك جهاز يوقف الريزو في المساجد أما النساء فكلامهم داء ليس له دواء

و عليكم السلام و رحمة الله

التقنية هاذى ما كانش فى حتى مسجد عندنا على حساب واش شفت
حاجة مليحة لوكان يديروها عندنا
و لوكان يديرو تقنية و عفسة تانى للمصلى تاع النساء :shiny:
ربى يقدر الخير و يهدينا

صحيت خويا Zagane بارك الله فيك
نشوفك على خير يا الغالى

​

 

[Jagwar]

اهلا وسهلا خويا اسامة
او الدار دارك مي نرحبو بيك حتا لضيوف انا ناتي جديدة راك تعرفني من الميتريكيل ديالي ههه

ايه واش نقولك يا خويا كلامك كامل صح ربي يهدينا

يا هلا و غلا بلى جانا
أهلا و سهلا بيك أختى سمية
جابلى ربى انتى أونسيان موديل ماشى جديدة :shiny:
ههههه ياو الواحد تغيب شوية ما بقاش يعرف البيبان تاع المنتدى و ما بقاوشيعرفوه الناس :shiny: ، معليش نديرو رواحنا جدد أنا وياك ههه​

قالولى بلى عملتى عركة فى المسجد كاينة منها :shiny:
ههههه نضحك برك
ربى يهدينا و يغف لينا و يبعدنا على الأمور هاذى
مرسى بزاف على المرور العطر اختى​

تحياتى​

 

[Jagwar]

وعليكم السلام ورحمة الله تعالى وبركاته

أهلا بيك اختى ياسمين ، نورتينا أختى

شيء مخزي ان لاينقاد المرء الى الصلاح الا بالقوة او الصراخ
كل شيء يغتفر ويمكن تجاوزه الا هذه المناظر المقززة
في بيوت الله لاالتزام

تخيلى يا أختى يجى واحد لا علاقة له بالدين الاسلامى و يحب يسلم و يشوف أمور كيما هاذى كيفاش راح تكون النظرة تاعو و حكمو علينا

يعتقدون ان الصلاة لاادري كانها مثل ارتداء بذلة والظهور بها امام الناس رياء وتصنع
فهؤلاء يجهلون تماما لم الصلاة وصلاة الجمعة والجماعة بالذات

بارك الله فيك اختى هذا هو الشيء لى ينقص من احترام المصلى و لا لى جاي يمد حق المولى عز وجل فى المسجد وهي الامور لى منبوذة و الخارجة على الأمر و الحاجة لى جاي يقضيها فى المسجد

اذا كنت راح تصلي لوحدك فدارك افضل
اذا كنت خرجت لغاية تقضيها فاختر غير المسجد
مابهم الناس كأن على قلوب غلف
كلما زيدت دعوتهم زاد ادبارهم
لاحول ولاقوة الا بالله

ضعف الايمان و الجهل و الفكر المحدود و النظرة الخاطئة على أسس الصلاة و قيام الصلاة فى المسجد
لوكان جاو يعرفو العاقبة تاع الأمور التافهة و الهامشية لى يشوفو فيها بسيطة و معنى أنك تخرج مسلم على الخشوع فى الصلاة تاعو كانو ينتبهو اكثر

يقطع صلاته من اجل مكالمة مهما كانت وممن كانت فهي كماقلت اخي لن تقيم القيامة
ساعات نقصر مع بابا هكا ويستفسر بطريقة تذهلني كيف كنا نقضي حياتنا قبل الجوال
لم الان ندعي انه ضرورة
لم مكنا بعض الامور من حياتنا الى درجة لم يعد لحياتنا روووووووح

مهما كان ضرورة المكالمة و لا الحالة لى على جالها رفد البورتابل و جاوب على المكالمة هذا ما يسمحلوش و ما عندوش مبرر ، حتى ربى سبحانه ما حرمش علينا التجارة و الرزق مثلا فى أوقات الصلاة ، بمعنى آخر اذا كانت عندو أمور تلهيه على الصلاة و التركيز فى المسجد من الاحسن يقعد يقضى حاجتو حتان يكمل باش يقدر يصلى و هو مركز بلا ما يزعج الغير

اخي عيب والله كبير على الرجل والمرأة على السواء ان يكون غرضهما من دخول المسجد غير العبادة
بل جلب المعصية
وصلاتها في بيتها افضل لها

تسلم يداك اختى ، هذا عيب كبير و كما تقلل من احترام المسجد كما تقلل من احترام عباد ربى لى يصلو فى المسجد ، الانسان من هذا النوع كيما قلتى من الافضل ليه يصلى بعيد على المسجد و ليس من الاحسن ليه يصلى و يزعج الغير فى المسجد ، المسجد يقصدوه الناس بغرض الصلاة للأعلى و ارضائه و الانتفاع بالأجر المضاعف

احييك على هكذا موضوع وعودة ميمونة بعد الغياب
لاغيبكم الله عن الصلاح

الله يعزك و يحفضك و يحميك اختى الغالية
نورتينا و شرفتينا بمرورك الرائع و نقاشك الشافى و الوافى ، بارك الله فيك و ربى يهدينا للسيراط المستقيم

نشوفك على خير اختى
سلام

---------------------

 

[**سارة**]

السلام عليكمـ
اهلا اهلا بخويا الغالي واش راك ان شاء الله بخير
منور من جديد وبمواضيعك الملاح رانا توحشناهمـ
نولي لموضوعكـ
واش نقولك اسامة الناس هبلت ولا واحد مايحترم واحد
تجي تفهم في هاد البلاد تعيا والله
وكون تهدر يقولولك نوووووورمال هنا وين تهبلـ
انا شفتها عند النسا كنت نروح للتراويح والله نخرج من عقلي تلقا الامام يهدر وهوما مدايرين مجمع و يتوانسو وكيما هدرت معاهم وقلتلهم اسكتو شوية كلاوني وماخلاوليش وليت انا الغالطة من تم ماوليتش نروحـ
ربي يهدي ما خلقـ
مرسي سيمو يعطيك الصحة خويا
ربي يبارك فيك وربي يحفظكــ ​

 

[Jagwar]

ههههههه

و الله حسبتك حتحكي على مسابقة تاع لادونص
و الله في لبلاد هذي غير عيش تحير
مرسي ouss موضوع في القمة

+ تقييم من عند صحبتك ههه​

أهلا أختى لينة
يا مخلوقة واش من لادونس هاي الدنيا مقلوبة فى المساجد تاعنا :shiny:
أنتى كنتى تعملى ليكور فى ليزالمون ، ما نعرف شفتى واش يصرى فى مسجد الزبير و لا لا ؟ ياو تشوفى الفوضى لى عاد فيها المسجد هاذاك و الله يا ساعات الواحد يقول الناس جاية تعبد و لا جاية تتسوق و لا جاية تتعارك ما فهمنا والو
نهار صليت تم داولى طرباقة جديدة و بعتونى بكلاكيت نيلون :shiny:
ربى يعوض علينا

آيا مرسى عليك يا جارتى
و صحيتى على المرور العطر و على التقييم

نشوفك على خير​

 

[Jagwar]

وعليكم السلام ورحمة الله وبركاته ومغفرته

أهلا و سهلا بيك خويا محمد

هذا هو الواقع المرير

مع الاسف أخى

عجبتني عبارة ماهيش خسارة في العربي

ممكن نكون تكلمت بكلام سوقى نوعا ما بصح يا خويا محمد رانى قلت هكذا بحكم أنو أصبحت كاينة فروقات و فجوة بين العربى و بين المسلم لى يعرف الدين و اساس التربية الاسلامية

بارك الله فيك على نقدك اللاذع لهذه الأخطاء المتكررة

و فيك تبارك الله اخى ممكن كاين لى يتقبل النقد بكل صدر رحب و يعتبره نقد بناء هذا هو المبتغى تاعى و المبتغى تاعكم أكيد .

أرجو أن يؤذن في المكبرات قبل كل وقت بهذه التنبيهات لكن لا أظنهم سيسمعون

هيهات أن تجد الآدان الصاغية اخى محمد ، و الله مرات الايمام يترجاهم صح ، يا ناس لوجه الله و احترام للمسجد اغلقو الهواتف النقال و قبيل برك فى صلاة المغرب زاد تكرر نفس الشيء و البورتابل يصونى على طول صوته و لا حياة لمن تنادى .

أخي لقد قلت ما في قلبي وكأنك ذهبت معي في رحلتي لصلاة التراويح فزرني هاهنا:

أنــــــا وعصفورتي ياسمين في صلاة التراويح قبسات أم ظلمات ( فكرتي وبقلمي الخاص )

قلبك و قلب الكثير عندهم نفس الفكرة على الناس هادو خويا محمد ، نهار لى خرج الخبر تاع الشخص (الله يلعنو دنيا و آخرة) الذى أساء للرسول (ص) الدنيا تقلب و الناس كل غاضها الحال و مع الأسف أمور أخرى تافها كيف لى ذكرناها فاتتهم و تغاضاو عليها ، الله يهدينا و يغفر لنا و يتولانا و يبعدنا على أمور مثل هاذى

بارك الله فيك يا الرجل الطيب
جازاك الله كل خير و جعل لك مكانا طيبا فى الجنة
دمت بود أخى

سلام

------------------

 

[Jagwar]

السلام عليكم
انا ردي رايح يكون بهاذ النكتة ولا حكاية :

ياسيدي 3 نسا راحو للجامع وفي الطريق تفاهمو وحدة ماتهدر ،، كي لحقو قعدو نورمال ومن بعد دخلت قطة نطقت وحدة قاتلها صب .. شافت فيها لخرى وقالتلها ياخي تفاهمنا مانهدروش ؟؟ نطقت الثالثة قالتلهم انا ماهدرتش ...

يعني لا مفر المرأة لازم تهدر يالوكان تكون وحدها هههههه

يعطيكـ الصحة على الموضوع + تقييم

و عليكم السلام أختى فاتى
هههههه هم يبكى و هم يضحك على الحالة المزرية
الجميع استسلم للحالة الخاصة و المعروفة عند النمساء و هي البلبلة
يسمى النساوين وين يروح دددددددددد ما يسكتوش
بصح فى المسجد كاين قواعد و أساس لازم يمشى عليها الانسان
حاب نفهم برك ، لوكان كل وحدة و كل كل واحد يغلق فمو فى المسجد لـ نصف ساعة واش راح يصرالهم ، راح يموتو زعما ، بلعكس راح يصيبو راحتهم كى يسمعو الدرس و لا الخطبة تاع الامام و يستفاد الجميع

الله يهدينا اختى و كيما يقولو كل واحد يعمل لى عليه و يبلغ الرسالة و هذه اقل حاجة نقدرو نعملوها

مرسى عليك بزاف بزاف أختى الغالية
نورتينا و شرفتينا بمرورك
تحياتى​

 

[Jagwar]

طرحت علي سؤال و كان لازم نرد عليك ,هل أنت مع البارصا أو الريال ؟ ماني لا مع هذا و لا مع ذاك , حتى الفريق نتاعنا راني تبرأت منو ذاك العام , و نزيد نقولك حتى الرياضة راهي متبرأة مني :shiny::shiny:
شكرا مرة ثانية على الموضوع الشباب و على الترحيب الحار& +

أحسن شيء و خطوة عملتيها كى بعدتى على الأمور هاذى ما تقدم ما تسخر
حطيتلك رد لمجر تلطيف الاجواء :shiny:
و نتاسفو للاخ محمد خرجنا على الموضوع

​

 

[Jagwar]

mrcccccccc pour le sujet w rabi yehdihoum

و يهدينا جميعا و يرجعنا للطريق الصحيح و يبعدنا على المعاصى
نورت و شرفت الموضوع
تحياتى


​

 

[Jagwar]

ماشاء الله على التشجيع



حالياً الأعضاء النشيطين الذين يشاهدون هذا الموضوع : 15 (8 عضو و 7 ضيف)
‏ياسمين عنابة, ‏مابقاش بزاف.Dz, ‏محمد.م+, ‏مينة آلاء الْقُدُّوس, ‏bonoise, ‏DARINE05, ‏roudi92, ‏كلي امال

++تقييم

ههههه هكذا التشجيع و الا فلا :shiny:
ممكن الموضوع لا باس به و ممكن حبو يعاونينى بما أنى جديد :shiny:
بارك الله فيك اختى ياسمين راكى عطيتينى تقييم مضاعف بما أنو مرورك فى حد داته اروع تقييم​

 

[Jagwar]

عذراً هل الحديث رياضي أم أنه عن المساجد

​

آسف خويا محمد أنا هو السبب ، بما أنى طولت الغياب عن المنتدى و الأخت رحبت بيا بطريقة ضريفة حبيت نضيف شوية تلطيف للاجواء
آسف مرة أخرى
بارك الله فيك أخى

 

[Jagwar]

لى عودة بعد صلاة العشاء للنقاش معكم ...



​

 

[Jagwar]

السلام عليكم ورحمة الله تعالى وبركاته

و عليكم السلام و رحمة الله تعالى و بركاته
مرحبا بيك اختى آلاء​

​

​

​

نبدا معاك مالآخر الموضوع لي يستحق الرد نردو عليه بدون ان نميز فالعضو جديد ولا قديم

الله يكثر من امثالك اختى ، شكرا​

ندخلو في صلب الموضوع والله يا اخي غير عندك الحق بالنسبة للهواتف النقالة شفتها في رمضان ​

دايراتو يفيبرى وهو يفيبرى ايا قلت معليش دك نكملو هاد الركعتين طفيه علينا المخلوقة سلمت شافت شكون عاودت حطاتو​

بلا مطفيه المهم انا لي حيرتني واش ديرو بالبورتابل فالمسجد علما نو رايحين مالدار للمسجد مالمسجد للدار واش راح ديري بيه خليه فالدار راح ياكلوه

أصبتى كبد الموضوع أختى آلاء ، أنا نحب نفهم المشكلة تاع الناس هادو لو انهم ما يرفدوش البورتابل و لا يطفوه أسكو هاذى راح تسببلهم أضرار ؟ واش راح يصرى لوكان يغلق البورتابل ، لوكان يدخلو لمؤسسة و لا محكمة و لا مركز شرطة و يقولولهم طفو البورتابل نورمال يطفوه ، بصح فى بيت رابى ما يخافوش :sad:​

الهدرة هذيك منهدروش عليها انا شفت لعجب فالمسجد ديال الحي وين نسكن استوو هذيك يسمعها الى من رحم ربي ​

تقول راني هابلة على رجليها (حاشاكم ) انا نقرب هي تنحيهم ياخي حالة

ايه تانى هاذى الحالة و الله غير تحير صح تقول راح توكليهم و لا ، الرسول ينوه للأمور هاذى و هو يعتبروه امور استثنائية و ما عندها حتى معنى ، هذا كلو من الجهل تاعهم

والمليحة كامل انت تقولهم حطو المصاحف كي يكون يقرا الامام متبعوش فالمصحف تقولك علاش وعطيني الفتوة وشكون لي قال هك وفلان قالي يجوز حتى واحد النهار بهدلهم الامام على هذاك التصرف

ياو قتلك يا اختى آلاء هذا راه الجهل و عدم التمعن و التدقيق فى أسس الدين تاعنا ، بمعنى آخر و بكلام و آسف نقولها بكلام سوقى (يصلو على العمى) ما يحوسوش يفهمو علاش هاذى حرام و هاذى لا تصح فى الدين تاعنا ، ربى يهدى .​

وتحية المسجد انا نصلي وهي واقفة قدامي ولا زعمة انا راني قاعدة وهي جي قدامي تحشر روحها تصلي المسجد واسع الله يبارك

المهم يتفلسفو :shiny:
التناقض و الاتجاه المعاكس داير حالة فى المسجد
ربى يهدينا و يهدى الامة تاعنا
و الله لا عار كبير و قلة أدب و تربية
ربى يقدر الخير و يصلح أمورنا و يتولانا

المهم كاين امور بزاف مجلدات ومتكفيناش ​

دمتم بخير .......

يعطيك الصحة أختى ، أسردتى فأبدعتى و شاركتى فأقنعتى
بارك الله فيك و كيما يقولو كل واحد يوصل الفكرة بقدر الامكان و الاجر عند الله
نورتينا و شرفتينا بمرورك العطر
تحياتى ليك و نشوفك على خير​

----------------

 

[secret de coeur]

تسجيل مرور فقط لي عودة بإذن الله...
​

 

[Jagwar]

السلام عليكمـ

و عليكم السلام و رحمة الله


اهلا اهلا بخويا الغالي واش راك ان شاء الله بخير

أهل و سهلا بيك اختى سارة ملكة السرور :shiny:
يسال عليك الخير و الجنة أختى انا لباس و الحمد لله ، السوال عليك انتى كيف الاحوال ، ان شاء الله راكى مليحة اختى

منور من جديد وبمواضيعك الملاح رانا توحشناهمـ

النور نورك و الجمال جمالك اختى الغالية
رانى جايكم بمواضيع كلها عتاب :cra_zy: ههههه

نولي لموضوعكـ
واش نقولك اسامة الناس هبلت ولا واحد مايحترم واحد
تجي تفهم في هاد البلاد تعيا والله
وكون تهدر يقولولك نوووووورمال هنا وين تهبلـ

يهاو هذا مرض يقولولو التخلف
حفضنا الشعب تاعنا حفضنا زوج كلمات :
نورمال
خلى برك معليش
يا ناس علاش ما تحوسوش تفهمو مليح و تقراو الأساس تاع الدين تاعكم واش يقول ، علاه قلة الأدب و الاحترام

انا شفتها عند النسا كنت نروح للتراويح والله نخرج من عقلي تلقا الامام يهدر وهوما مدايرين مجمع و يتوانسو وكيما هدرت معاهم وقلتلهم اسكتو شوية كلاوني وماخلاوليش وليت انا الغالطة من تم ماوليتش نروحـ

هاو كاينة ناس تربح الاثم بلا ما تشعر
مثلا واحد غلط و دار ضجة فى المسجد نسامحوه و نقولولو يا فلان ماشى هكذا راك خرجتنا على الخشوع ، آوليو يسمع الهدرة هو لا ما يعجبوش الحال حتان كيما انتى مثلا بطلتى تروحى للمسجد و هذا ذنب يحتسب عليه ، و الله شعب ما ينفع معاه والو
"أستغفر الله و أتوب اليه"

ربي يهدي ما خلقـ

آمين أختى سارة ربى يسمع منك

مرسي سيمو يعطيك الصحة خويا

ربي يبارك فيك وربي يحفظكــ

و فيك تبارك الله اختى الغالية
يعطيك الصحة على كلامك الزينو الموزون
مرورك اسعدنى و اطربنى أختى
تحياتى ليك و نشوفك على خير فى مواضيع و نقاشات أخرى
​

------------------

 

[Jagwar]

تسجيل مرور فقط لي عودة بإذن الله...​

يو آر ويلكوم أختى السوكرى
مرحبا بيك فى كل وقت

واش أنتى من كتائب القسام و لا القدافى و لا واش ؟ :shiny:
راكى معولة تدخلى حرب واقيلا ههههه


فى انتظارك ...​

 

[Mr mino]

مصلى النساء و الاطفال

هكا نظن راهي مريقلة لانو ولاوا يجيبوا ماشي ولاوا من بكري هوما يجيبوا ولادهم الصغار وكي يقول

الامام اقم الصلاة وتنوض الام على بنها يبدى يغني الطفل لغنية تع

وعععععععععععععععععععع وععععععععععععععع

وتتخربطلك الصلاة ويروحلك الخشوع وتخرج مكرفس والجمعة الجاية تعاود نفس لحكاية ولا حياة لمن تنادي

انا نقترح كيما دايرين اونتي شو في الجوامع لازم اونتي هدرة النسا ولبكى تع الدراري الصغار

وربي يجيب الخير

صحيت اسامة وناس عنابة موضوعك شباب كي العادة

بارك الله فيك

تحياتي





​

 

[nina bonoise]

أهلا أختى لينة

يا مخلوقة واش من لادونس هاي الدنيا مقلوبة فى المساجد تاعنا :shiny:
أنتى كنتى تعملى ليكور فى ليزالمون ، ما نعرف شفتى واش يصرى فى مسجد الزبير و لا لا ؟ ياو تشوفى الفوضى لى عاد فيها المسجد هاذاك و الله يا ساعات الواحد يقول الناس جاية تعبد و لا جاية تتسوق و لا جاية تتعارك ما فهمنا والو
نهار صليت تم داولى طرباقة جديدة و بعتونى بكلاكيت نيلون :shiny:
ربى يعوض علينا​

آيا مرسى عليك يا جارتى
و صحيتى على المرور العطر و على التقييم​

نشوفك على خير​

اه و هذاك عاد مسجد راهوا عاد سوق غير النصب تاع القش في فم الباب
و لحكاية تاع الطرباقة راني نشفى عليها ههههههه حكيتيهالي هههههه​

 

[BARCA232]

السلام عليكم ورحمة الله تعالى وبركاته

:um_sh::schmoll::bored:

الاجابة عن القسم الأول:

أمـــــــــــا بعد أسامة بغيت تجي ولا تروح ماهمنــــــــــــي
:shiny::shiny::shiny:

أما فيما يخص موضوعك اسامة يعني ماعنديش واش نزيد على كلامك
يعني راك جبت كل شيء،والله في زمان كل يوم تشوف جديد
أمالا انتظره يصبح عااادة
ويعني كيما الموقف تاعك عمي ؟؟؟؟ خليها في السر احسن
والله احنا قايمين وهو واش جبت الشويهات
أديهم عند عمك ضوك نصلي ونجي
والموسيقى اللي دايرها تاع ربي يستر برك؟؟؟
والحاجة اللي خلعتني مرة احد المعليمن اقسم بالله رنة فيها تاع مغني مشهور جزائري
وكأن لم يحصل شيء انا مشكوف الحالة ومانيش دايرها
الاجابة على القسم الثاني:
النســـــــــــــاء وماأدراك من النســــــــــــــــاء
يعني لازم ليهم موضوع وحدهم
واله وماشي مشكل أنو تقع في الحرام
أنك تمنع عليهم منع بات دخول المسجد
مي الله غالب هذا واجب ديني وعليها تأديته
وأعلاش رسول الله قال صلاتها أولى في المسجد
يارب راه عارف واش يدير
ماشي من عدم يتحدث
وجل حديثهم النساء والله راه الجديد عندهم فيما يخص المسلسلات
وزيد عرس فلان وفلانة
يعني كاين ناس راهم يتلاقوا غير في المسجد
وتقول راه العيد
دور عليهم ياجدك كامل تسلم عليهم
كيراك كيراهم البزاوز
ريحت بنتك
يارب مازال ماتزوجتش
يعني ربي يرحم ويستر برك
هاكي توالي نرجع ليك
​