نكتب شويا حروف لحبابي

[** غزال الصحراء **]

​

مساء الخير عليكم ,,إن شاء الله قاع راكم لاباس ..

و اللي حس بروحي كره و حب يسويسيدي كيفي يتفكر (( سيدنا داود ))

المهم موضوعي اليوم ماهوش كيما موالف مانيش جاي نحكي على سوجي واحد

و مانيش محدد ظاهرة معينة .. راني جاي برك نقول لحبابي زوج كلمات :

(( راكم في البال ))
​

ليامات هاذو هوما الصح خاوتنا لكبار راهم مع الكونطرولات ,,, خاوتنا الصغار راهم مع السيزيام و البيام و هي رايحة

و نتمنى لكل اللي عندهم شهادة الباكالوريا النجاح و إن شاء الله الصيف يعقب علينا ملون في اللمة ..

و ثاني نقول لخاوتي بلي ما لازمش تكره في الأوقات الأخيرة كيما راه صاريلي (( راني نصحتك بصح ما نصحتش روحي )) //

و ديما نشكرو السي بن بوزيد على كلش و على العام الدراسي الحافل بالإنتصارات :surrender:
و ربي يكون الخير

ملاحظة : تم في وقت زيارة مدتها ساعة للمتنا الجزائرية

+ مرورك في الموضوع يكفيني و دعاءك يروي عطشي .

 

[BARCA232]

السلام عليكم اخي هشام
والله قلوبنا معكم والله فرحكتم هي فرحتنا وحزنكم هو حزننا
بالتوفيق لك اخي والله مايستاهل كل شيء هاته الامتحانات قليل من المثابرة والصبر
وان شاء الله النجاح يكون حليفكم
بالتوفيق
​

 

[** غزال الصحراء **]

لا كان ما عجبكش الموضوع الله غالب لاكان عجبك الله غالب //

اللي في القلب على اللسان و اللي في اللسان على الكلاvي .

 

[** غزال الصحراء **]

السلام عليكم اخي هشام
والله قلوبنا معكم والله فرحكتم هي فرحتنا وحزنكم هو حزننا
بالتوفيق لك اخي والله مايستاهل كل شيء هاته الامتحانات قليل من المثابرة والصبر
وان شاء الله النجاح يكون حليفكم
بالتوفيق
​

الله لا يحرمنا من لسانك الحلو أخي محمد ,, امين امين

بارك الله فيك .

 

[406_nassim]

رني خارج مجال التغطية مفهمتك في ولو بكل صراحة

 

[بيكهام]

كيما يقلو
سبحان الله صيفنا ولا شتوا
ميهمش بن خالتي رانا معاكم وربي يكون في العون واذا مجااااش ربي خير
ورجال راهي بلا بااك
تحياتي لك موضوعك في القمة دمت متألقا
ومميزا
بيكــــــو​

 

[fufa22]

ربي يوفق ان شاء الله
​

 

[امورة المنتدى]

شوف ياغزال ادا راك تمعني نزغردلك مانزغردلكش لوكان تجيب الباك بويسك ماتجيبوش هادي حاجة بديهية واحد كيما نتا يجيب الباك هه




































































































ههههههههههههه ماتجيبش الباك راح تجيب يمات يماه نشالله نتقعد برك ومش حنزغرد برك حنقلب اللمة كامل بصح راهم راقدين ضرك

خلعتك ؟ ههههههههههههه

 

[** غزال الصحراء **]

رني خارج مجال التغطية مفهمتك في ولو بكل صراحة

المهم في مرورك أدعو لنا التوفيق //

 

[** غزال الصحراء **]

كيما يقلو
سبحان الله صيفنا ولا شتوا
ميهمش بن خالتي رانا معاكم وربي يكون في العون واذا مجااااش ربي خير
ورجال راهي بلا بااك
تحياتي لك موضوعك في القمة دمت متألقا
ومميزا
بيكــــــو​

الله يجازيك حبيبي حسام ,, كلامك منور كالعادة

تحياتي .

 

[** غزال الصحراء **]

ربي يوفق ان شاء الله
​

امين فوفا , اليوم كنت نسركل من جيهتكم :music_whistling:

 

[هــــيلدا]

هاني جيت،،

اولا وشراك هشهش خيو،، نشالله تكون بخير،،

معجبنيش موضوعك،، مفيهش الحيوية وتبان مديقوتي،، والنصيحة اخدم بيها نتايا ع لنجيف جدك:sneaky2:

هشهش راه بقا 7 ايام علا الباك،، و5 ايام للي تعقبو فيهم يفوتو في رمشة عين،، مبقاش تديقوتي وتقول مقريتش ولا راح الحال،، علا خاطر هادو حوايج نفسية برك،،
ضرك بقاتلك طلات خفيفة هدا مكان،، وكاشما تحفظ شوية وتريكيبيري علا خاطر علابالي لولاد اعداء الحفاظة،،

نهدرلك شوية علا المواد،، الفيزيا خسارة نحاو الاستر،،ساهلة وفيها النقاط،، بصح اقرا الباقي مليح وراني شاكة يجيبو السنة علا الاقمار علا خاطر مجابوهاش العامين للي فاتو،،

العلوم هناوكم من التخمر وما يليه،، نقسولكم من البروقرام،، راهو مليح والعلوم بنينة،،ركز برك،،
الرياضيات:sneaky2: فوتني منها وليت منحملهاش بصح تهنيتو من الدوال الاصلية والتكامل بيان خلاص،،
الاجتماعيات حددولكم،، مايش بزاف، والانجليزية ثاني،، وكاشما يجيبولكم علا الاشهار ولا التسمم،
الفرنسية كاشما يجيبو نص ندائي راهم يموتو علا المشاكل

:scared::scared: راني وليت نهدر علا لقراية تقول انا للي راح نعقب،،
الحاصول هشهش مبقاش تديقوتي خيو،، 15 يوم زير روحك باش تبقا فرحان طول عمرك،،
ربي يوفقك وينجحك وتجيب معدل مليح ونفرحو بيك، ونفرحو بحبابنا كامل تاع اللمة للي راح يعقبو،،
ربي يكون في عونكم ونشالله النجاح حليفكم
​

 

[** غزال الصحراء **]

والله نت تاني في لبال ياهشام ...توحشناك وتوحشنا سهراتك معنا
ربي يوفق وانشاءالله تفرحنا ...مابقاش بزاف روح تقرى هشام هههههههه
والله عندي مشكلة كي يجو يامات الباك أنا نفشل تقول عليا أنا راح نعقبو ​

اييه يا نوال , أيامات السهرات و واحد يشكي لواحد (( المهموم يداوي في خوه ))

واش رايح نقولك أيامات ما يتنساوش و ما يتعاودوش

إن شاء الله الصيف هاذا نديرولها تاويل ... مالا قبضاتك الفشلة ؟ باينة راكي حاسة

بالضغط تاع الباك ,, مرسي عليك مرورك يطلع المورال للبلافو

تحياتي :wink:

ملاحظة : راني رايح نرقد كيما قلتي فيلامان '^^

 

[الجزائري05]

خويا هشام بالتوفيق ان شاء الله ليك ولينا كامل
و نزيد نلقاك فاللمة قبل ما تكمل الباك نخنقك ونقطشك:glare::glare::glare:
​

 

[**@sami@**]

سلام هشام ، و الله غير توحشناك حبيبي، راني عارف راك مع الباك، المهم ربي يكون معاك و ينجحك ان شاء الله ، و ننصحك بلي السمانة الأخيرة تاع الباك ما تقراش فيها ، ديرها للتحواس برك على الأقل عقلك يستراح شوية.
بالتوفيق هشام.​

 

[السلطانة]

الله يوفقك اهشام اخويا انشالله تجيب الباك
باه تيبس على صحيحة هنا في اللمة

 

[MAROUA93]

والله اول مرة نشوفلكـ موضوع .... تشرفنا

ربي ينجح كامل الي يعقبو شهادات .. اولهم اختي ومباعد بنت خالي .. واخت مرووة ... واخيرا انت وكل اعضاء اللمه ربي يوفقكم انشاءالله
​

 

[حسان2010]

اهلا سي المشرف واش راك صافا؟
نقلك انا عندي سمانه من لي حبست لقرايا سيرتو لحفاظهّّ//ماعد لفلسفه
راني غير مع لفيزيا والرياضيات والعلوم وبعد اللفجر تاني نهار كامل
وانا نسح فشوارع ههههه خطاك خويا السنه بربي
نولو قاع عزلان الباكـ

 

[إحســاس بــراءة]

السلام عليكم
والله ياهشام خويا ندعولك ليك و لكامل اللي يفوتو ربي يعاونكم و يوفقكم ان شاء الله
خويا هشام ماتضغطش على روحك بزاف غير بالشوية ان شاء الله مايكون غير الخير هادا امتحان كيما الامتحانات لخرين
التركيز و المثابرة و ربي يكون في العون ان شاء الله
اوكي هشام خويا علابالي مانخافش عليك راك قدها
شوية كوراج برك و كلش يفوت بخيرر
ربي ينجحك و ينجح كل واحد ان شاء الله

 

[ĜąМę ǒVĕŗ]

ربي يوفقنا قاع اخي ​