الله غالب عينيا مالقيتلهم حتى حل

[تسنيم الهناء]

العين لالا ما عنديش هاذ l'option :angel: و هكاك الحاجة لي نخاف منها كي نشوف طفل صغير طول نقول ما شاء الله نخاف على لولاد كي عاد نشتيهم بصح جامي فقت بلي قست واحد بسهام العين
فيّ ديفو كي نقلق حتى على حاجة تافهة نبكي :tears: و كي يسقسيني واحد واش بيك نزيد نبكي نعيّ نسكت نجيب ساعتين
و انا :crying_1: و :crying_1: و :crying_1::crying_1:




​

 

[missa_1]

العين معلبليش مسيتهاش
مي واحد حجا متعجبنيش فيه متقعدش فالقلب تخرج تجري منقدرش نخليها تقعد تحرق

 

[زمردة الايمان]

حاجة مليحة انو الواحد يكون صريح
و هذا السيد نستعرف بيه يعني عندو جرأة
أنا صراحة ما نقدرش نقول حاجة سلبية فيا الله غالب
مي من ناحية الموضوع لي راك تحكي عليه (العين)
الحمد لله جامي عاينت واحد

شكرا على الموضوع​

 

[HWK4ALGERIA]

شكرا جزيلا علا موضعك مميز كيما انتا

فيما يخص الجوووااب
ممكن نقلك نقدر نستعرف بيها
تحياتي لك

بيكــــــهام​

نشكرا على المجاملة،،، وعلى الصراحة
شكرا.

 

[HWK4ALGERIA]

والله يا خو هادا gراv صح الموهوب هادا

مي فور كي استعرف بروحو وكاين بزاف لي تقلهم عينكم ماي مليحة مايعجبهمش الحال
بصح مادام قالها خلاه مابقاتش دونجي ههههههه
---
الحمد لله انا مافياش هادي
ومام فيا صفة ماي مليحة متلا نقدر نقولها ونصحح الغلطة تاعي
***
مرسي عليك خويا
موضوع فور ​

العفو،،، ونشكرك انا ثاني اخت مروة.

 

[HWK4ALGERIA]

صحيت خويا الياريس

و الله يا خويا أنا واحد من الناس رانى نشوف فى روحى صريح لأبعد الحدود
يعنى ما نحبش نخبى على الناس و ما عنديش أسرار و حاجة ما تعجبنيش نهدرها و حاجة نغير منها نهدرها و حكاية العين هاذى جامى جبدت عليها و لا جاتنى فكرة بلى أنا عينى ماشى مليحة و لا حكاية التوسويس هاذى كيف كيف والو
و لوكان جاو الححوايج هادو فيا نستعرف نورمال و نقولها نورمال
أنا كيما يقولو حاشاكم كيف نكون مزروب باش ندخل للمرحاض حاشاكم باش نقضى حاجة تم كيف نقضيها تم وين يخف راسى ههههه هكذاك تانى فى حكاية نستعرف و ما نستعرفش
أنا كيف نستعرف يخف راسى :yahoo:
صحيت ها وليد عمى على الموضوع الخفيف الضريف​

والله غير شبهت التشبيه اللي هو،،، كي يستعرف الانسان يحس روحو خفيف،،، كيما الخفة تاعك في المرور.
شكرا.

 

[ĜąМę ǒVĕŗ]

انا معيونة
قالو هادي البنت قراية ....ويييييو النيفو التاعي هود في شهر و احد

بصح تمنيت كون جات عندي العين نطرطق بيها عديااني ​

 

[HWK4ALGERIA]

العين لالا ما عنديش هاذ l'option :angel: و هكاك الحاجة لي نخاف منها كي نشوف طفل صغير طول نقول ما شاء الله نخاف على لولاد كي عاد نشتيهم بصح جامي فقت بلي قست واحد بسهام العين

فيّ ديفو كي نقلق حتى على حاجة تافهة نبكي :tears: و كي يسقسيني واحد واش بيك نزيد نبكي نعيّ نسكت نجيب ساعتين
و انا :crying_1: و :crying_1: و :crying_1::crying_1:​

هاذا بالعكس ماشي ديفو هاذي Option هييييه،،، وين راه القلب اللي عاد يبكي في هاذ الزمان.
شكرا.

 

[HWK4ALGERIA]

العين معلبليش مسيتهاش
مي واحد حجا متعجبنيش فيه متقعدش فالقلب تخرج تجري منقدرش نخليها تقعد تحرق

نستعرف بيك ونتمنى الناس كلهم يولو هكذا.
شكرا.

 

[HWK4ALGERIA]

حاجة مليحة انو الواحد يكون صريح

و هذا السيد نستعرف بيه يعني عندو جرأة
أنا صراحة ما نقدرش نقول حاجة سلبية فيا الله غالب
مي من ناحية الموضوع لي راك تحكي عليه (العين)
الحمد لله جامي عاينت واحد ​

شكرا على الموضوع​

إذا راكي مستعرفة بللي هاذ الجرأة مليحة،،، حاولي اتكوني انتي ثاني جريئة،،، والكمال لله سبحانه وتعالى.
شكرا.

 

[HWK4ALGERIA]

​

انا معيونة
قالو هادي البنت قراية ....ويييييو النيفو التاعي هود في شهر و احد ​

بصح تمنيت كون جات عندي العين نطرطق بيها عديااني ​

​

​

اجتهدي برك يعاود يطلع النيفو تاعك كي بكري ولا كثر،،، اما العين فهي ماتفرقش مابين لعدو ولحبيب،،، الأم قادرة اتعين وليداتها Ok.
شكرا.

 

[parkour14]

انا بصراحة ناس ملاح خخخخخخخخخخ واحد يشكر في روحوا

شكرا لك على الدعوة لنا بنجاح و ربي يكون في العون ان شاء الله

معا تحياتي ياريس

^^
​

 

[HWK4ALGERIA]

انا بصراحة ناس ملاح خخخخخخخخخخ واحد يشكر في روحوا​

شكرا لك على الدعوة لنا بنجاح و ربي يكون في العون ان شاء الله​

معا تحياتي ياريس​

^^​

راني متأكد بللي راك رايح تنجح لأنك مجتهد.
شكرا.:wink:

 

[DARINE05]

مرسي خويا موضوع هايل
انا نتعرف باي حاجة سلبية مرسي

 

[im£ne]

ههههههههههه
صحيت خو على الموضوع

هانا نقولك خطرة جيت قدام الكويزينيار
كنت نشوف في الدجاجة تدور داخل
جات في الplat
يعني طاحت

بصح منعينش الغاشي لالااااااا هههههههههه

 

[HWK4ALGERIA]

مرسي خويا موضوع هايل
انا نتعرف باي حاجة سلبية مرسي

يعطيك الصحة.
شكرا.

 

[HWK4ALGERIA]

ههههههههههه
صحيت خو على الموضوع

هانا نقولك خطرة جيت قدام الكويزينيار
كنت نشوف في الدجاجة تدور داخل
جات في الplat
يعني طاحت

بصح منعينش الغاشي لالااااااا هههههههههه

العين قادرة اتكون حتى على الحيوانات والا الاشياء،،، شكرا.

 

[نسيم الربيع]

سلام خويا راح نجاوبك انا نستعرف بالسلبيات اللي عندي وانا تاني عيني شوي واعره ضرك راهي نقصت شوي بكري يالطيف اللي نشوف فيها تهبط مره كنت فالحانوت شفت مولاه عاود نظمو عجبني بزااااف قعدت نتفرج فيه راح منعرف واش يجبد هبطتلو السلعه كامل على راسو ومره كنت نمشي ورا جارنا شرا صباط جديد قعدت نشوف معاه تعوجت رجلو دار وراه شافني سور فهمها راح قطع الطريق ههه وموضوعك تاني راه عجبني رد بالك يحذفوهولك ... مارسي خويا موضوع شباب (الله يبارك)

 

[HWK4ALGERIA]

سلام خويا راح نجاوبك انا نستعرف بالسلبيات اللي عندي وانا تاني عيني شوي واعره ضرك راهي نقصت شوي بكري يالطيف اللي نشوف فيها تهبط مره كنت فالحانوت شفت مولاه عاود نظمو عجبني بزااااف قعدت نتفرج فيه راح منعرف واش يجبد هبطتلو السلعه كامل على راسو ومره كنت نمشي ورا جارنا شرا صباط جديد قعدت نشوف معاه تعوجت رجلو دار وراه شافني سور فهمها راح قطع الطريق ههه وموضوعك تاني راه عجبني رد بالك يحذفوهولك ... مارسي خويا موضوع شباب (الله يبارك)

الله يبارك فيك، والمشاركة تاعك ثاني شابة الله يبارك،،، ربي يحفظك.
شكرا.

 

[mina009]

ههههه انا عيني على روحي ماشي على الناس بالصح عندي جارتنا كاااااارثة الواحد لازملو يلبس gيتون كي يجوز عليها