- إنضم
- 14 جويلية 2008
- المشاركات
- 3,649
- نقاط التفاعل
- 2,253
- نقاط الجوائز
- 553
- العمر
- 39
- الجنس
- ذكر
هاصحيتو كامل
واش راكم ملاح ... على ربي تكونو غاية أوموا لي يدخل الموضوع يكون مكوسونطري معايا مليح
وغي مايخفاش لأنو موضوعي يكون قصير وسهل ويتفهم بالخف
انت يا عضو جديد يا عضو قديم يا كبير الشخصيات يا مشرف يا مراقب يا إداري
المهم أنك بشر من لحم و شحم
dz ولا لا مايهمش لي سونسيال راك بشر يعني عندك عقل تخمم بيه :wink:
حبيت نحكي على ضاهرة هنا بالمنتدى
هي عادي mais لازمها تعقيب لا حبيتو
هنا بالمنتدى كاين تقريبا 85 % كلهم dz
اما الباقي نقسموها على التوانسى والمغاربة وغيرهم من العرب يعني كامل تجيهم اللهجة تاعنا صعيبة بزاف بوغطون درنا لي علينا وشت قداه من موضوع يحكي على لهجات وشرحها مي بقا المشكل كي يدخل عضو ماشي ديزاد يقلك
على حساب مافهمتك ..... نقلك .... ؟
تحس روحك غلطت في حقو وتعاود تشرحلو الموضوع من دور جديد يمــــــــــا بلجهتو ولا بالفصحى مي هكذا تعب روحك وتعبو هو معاك :music_whistling:
خممت بحل لقيت :
مثلا عضو من الغرب كي يعود في موضوع يكتب مثلا شتوالا ؟
شتوالا ؟؟ شكون يفهمها أبار واحد زوج وياربي لاكمل التالث
مالا كي تكتب شتوالا ديرلها قوس ( شتوالا = وشيا ؟ = وش تقول وهيا رايحة )
مثلا بلهجتنا أحنا السوافى
تو ؟؟ ( معنتها ذرك .. حاليا وهيا رايحة )
وكل منطقة ولهجتها مي حاول تشرح الكلمات تاوعكم
علابالي بلي الأعضاء كتبو موضوع ودارو قاموس اللهجة الجزائرية مي لا خسرت رد تاع عضو ماشي جزائري خسرت صديق عربي ....
مالا نصيحة مني ليك أنت يا لي تقرى في موضوعي
أكتب موضوع وكي تحس بلي كلمة تقولوها غي أنتوما في جيهتكم حاول تشرحها لولاد بلادك وللبرانية وسيرتو الوقت الحالي المنتدى راه هايج لأنو ... أك علابالك ناس كاملة تدخل تقرجع ( التقرعيج = الفضول ) على كاش جديد على لي جوار ديالنا ( تاعنا ) وهكذا وهيا رايحة
هكذا توصل رسالتك
يتحل المشكل تاعك لي راك تحكي عليه
تفهم الناس العقلية ديزاد
أوموا نغلبو روتانا وميلودي أفلام
وينساو عايز إيه ويعودو يقولو وش بيك :yahoo:
ليش لا وليزالجيريان معروفين كي يديرو في بالهم جاجة يديروها
نتمناو توصل الرسالة الى كل زائر لموضوعي
وتفهموه كيما لام الحال
في الأخير ماتنسوش الدعاء لإخوانكم في غزة
