وقت لعراس ارواحو نمنشرو شوي

[dana1993]

السلام عليكم
واش لحوال ان شاء الله لاباس
اها ه
اليوم جيت نحكي شوي على خرجات لعراس مادامنا في فصل لعراس
ندخل ديراكت فالموضوع بلا منحوم وندور ونخليكم تملو
اليوم لعراس ماعادوش كيما بكري يعني التراديسيونال ميقزيزتيش كامل
بارايقزومبل خرجات قاوية لعريس يدخل للدار يلبس الخاتم للعروس يقطع معاها لاطارت وزيد
يوكللها وتوكلو يشربلها وتشربلو
و يكملوها بشطحة مع بعض اهاه
؟؟؟
هاذي من الضروريات ؟ ياو علاه رانا فلالجيري ولا فالماريكان؟
ادخل لبس الخاتم واخرج وعلاه عليك هاذ الشي كامل
يا سيدي ماعليش
و نهار الكورتاج زعما يجيو يدوها يدخل العريس يخرجها ويركبو مع بعض في طوموبيل *طاكسي لعروس*
يروحو زعما يحوسو ويصورو لعروس زعما متحجبا تخرج بلافوال و تركب بلاه وتصور منحياتو ....
مع الجيش والشعب لي يحبسو فالطريق يتفرجو*كانو جامي شافو عروس وعريس*
و العرسان يقعدو يتمشو قدام الملا*عرض ازياء* باه يصوروم زعما ممممم علاه عليك ادي عروستك وقلع صح ماقلتش متصوروش مي كومام شوي تخمام هاذيك لي راك تسوج بيها راهي مرتك ولا ؟؟ نو؟؟
و الله شطحات كل عام يخرجو بيهم
ياك لوكان ميديروهمش ميموتوش يعيشو نورمال ويعرسو نورمال
مم والله غابتلي فيهم
ليسونسيال ربي يهنيكم كامل
ههه طولت عليكم
بالسلامة
****
ان شاء الله يقبلو الاشراف​

 

[INATA LOTUS]

ههههه يعطيك الصحة اختي












































































مشكوووووووووورة على الموضوع الرائع لعضو رائع

 

[dana1993]

ههههه يعطيك الصحة اختي












































































مشكوووووووووورة على الموضوع الرائع لعضو رائع

هه الله يسلمك مشكورة كان مرورك الاروع باركك الله

 

[إحســاس بــراءة]

خير عليك
صح عندك الحق في الوقت الحالي التقليد راه داير حالة
بصح احنا عندنا العروس مايخرجهاش العريس كيما قلتي احنا ماعندناش هادي
العروس كي يجو يدوها يجي يخرجها باباه

يعطيك الصحة على الموضوع
ربي يهدي برك

 

[نبض الحياة]

درك نرجعلك........

 

[nassim007]

آآ وي لاازم هههههههههههههههه

كي مانفرحش معاها معامن ح نفرح ............

على العموم شكرا على موضوع هذا عجبني ملييييييييييييييح

 

[dana1993]

خير عليك
صح عندك الحق في الوقت الحالي التقليد راه داير حالة
بصح احنا عندنا العروس مايخرجهاش العريس كيما قلتي احنا ماعندناش هادي
العروس كي يجو يدوها يجي يخرجها باباه

يعطيك الصحة على الموضوع
ربي يهدي برك

الله يربحك اختي
صح كاين هكاك مي عندنا الاغلب يخرجها راجلها
الله يسلمك
و آآآآمين يارب اجماعين

 

[AnGeL*dZ]

السلام عليكم ورحمة الله وبركاته
كتبت رد وماوصلش معليش في الاعادة افادة
عجبني عنوان موضوع سيرتو الجزء هذا اراوحو نمنشرو شوي
ايــــــــــــــــه ياستي مع عرآس dz شلل عيـنيـــــــــــك ههههه
نبداوها بالعفسة تاع كي يدخل يحط الخاتم ويضربها بشطحــــــــة معاها
صرات في العرس تاع بنت عمتي قالك رآجلــــــــــــها من اللي راح وهو حداها
وكل دقيقة ينوضو يشطحو نور ومهند هههههههههههههههههههه
اما خالي مسكين يحشــــــــــــــم بدرع باش قبل يدخل يحطلها لخاتم
**********************
نرجعو لنهار يديوا لعروســـــــة
حنا في 43 عندنا خاصية روعـــــــــــــة هههههههههه
وهي سد بني هارون
وعندنا هاذيك القنطرة مانحكيلكش المنظر سيرتو في لغروب تاع الشمس
في الصيف الطريق تتقفل مع العراس
ولعروســــــــــة تشطح مع لعريس وزيــــــــــــد يصورو ولبنات اللي تلقاها لابسة ميني
اللي مانعرف واش
المهم نشبعو تفراج
ومبعد قالك منعوهم يصورو في القنطرة خطر عليهم
بدلو الوجهــــــة تاعهم للبلاصة اللي دونجي تاع الصح الشط تاع السد هههههه
زعـــــــمة الشط تاع لبــــــــــــــحر
ويجبيبولك هاذيك الطبول
وينوض الهول
ولعروســــــــة تشطح ولافوال هاذيك كل دقيقة تطيـــــــــــــر ههههههه
والعريس مانحكيش
روز وجاك (النسخة الجزايرية )
احنا الجزايرين ضذ التيار الانسان يتبدل للاحســـــــن
وتاعنا يتفننو في تقليــــــــد الغرب
صحيتي

​

 

[نبض الحياة]

ههههههههههههههه
احنا حنونة قضية لاطارت ويوكلها وتوكلها كاينة عندنا
بصح باه يديها ويتمشوا قدام الملا مازال ما شفتهاش ليه علاه !!!!!!!!!!!!!!!
ومرسي على الموضوع

 

[بنـ MaPa ـت]

حنا پاپا عاد مايخليناش نروحو لراس ميكس حتى ولو كان صاحبو صح والله حاجة عيب العريس يخلي الناس يشوفو مرتو او بروب عارية من فوق...ختيتو راحت الحرمة ماليها....يطيك الصحة مرسي..​

 

[Sârsoùra L'mkàlChà]

ههههههه
حطة هاذي لا عااد فيها تمنشير
ايه وش نقلك و تلقاي زوج يلقااو فرصة يتعارفو
(هو مــpــيش و هي مــpــيشة صافي :luve_1
و ماا نحكيش على لعريس و لعرووسة
اخااااااه نعلقو عليهم غير هوما
شووفي شووفش كيفااش راه يخزر فيها
يااما يااما الحب ولا خلي :ans_flw:
و الله يا كينوضو يشطحو غير يقتلوني بالضحك
:thumb_up2::laugh::thumb_up2:

​

 

[ghosted]

مرسي على الموضوع

 

[نونو الوهراني]

هههههههههههههههههههههههههههههههههههههههههههههههههههههههههههههه

 

[dana1993]

تنبيه
جماعة اقلبو الموضوع اذا تحبو صفحة توديع اللمة راح تتغلق و مواضيع جديدة منقدروس
سي بورسا نفتلكم المجال هنا باه نتوادعو
والله عرفت ناس بزاف هنا اح يغيضني اني منزيدش نتلاقاهم و لا نتناقش معاهم ايييييييييييييييييييه 3 سنين وانا فاللمة زوج عضويات ربي يهني الجميع

 

[Sârsoùra L'mkàlChà]

شكووووون قالكحتتغلق اللمة آآآ دانة
زدتينا حتى هاد لخبر
​

 

[AnGeL*dZ]

علاه ا دانة ياخي قفلوا اللمة ورجعوهـــــــــا
​

 

[dana1993]

يا الخاوة ماكمش فايقيين للحالة انا درت اللمة خرجتلي رسالة انو ستغلق اللمة نهائيا و وصلوني رسائل خاصة ايمايلات والسكايب الحالة حالة غير بداو تودعو ولي عندها مايل تبعث
و الوقاية خير من العلاج​

 

[Sârsoùra L'mkàlChà]

والله غير كي تروح اللمة
نروح ندير هجووم على الفايس بوك ... والله غير كثر خيرو
كااش نهار هو ثاني يغلق

ههههههههه
​

 

[dana1993]

هههه والله ختي عندك فايس بوك انا تاني هاو ليك
avec les verts algeria
تلقاوني هنا يا ناسي​

 

[فراشة المنتدى]

يا الخاوة ماكمش فايقيين للحالة انا درت اللمة خرجتلي رسالة انو ستغلق اللمة نهائيا dana1993



هادي صح مام انا خرجتلي منها صح غادي تغلق اللمة بعد ماولفتها ااااااه لا وين نروحو

​

​