السلام عليكم ورحمة الله تعلي وبركاته اخى
والله غير هذا الموضوع في بالي مي قلت نخليه حتى تخرج النتائج باش هكا تكون من عند تجربة ناجحة مي الله
غالب راه سبقتني
علي العموم عندى مجمل من النصائح رايحة نفيدكم بها وان شاء الله تكون مفيدة ليكم بصح بشرط هه ادعي معايا
ربي يفرحني بالنتيجة للي راني حابتها
المهم هذي هي النصائح للي استفدتها انا من تجربتى مع باك 2010
1/الدراسة تبدا مع اوكتوبر يعنى بداية العام وميغروكش لي يقولوك احنا بدينا من الصيف باسكو غير يلحق العام الدراسي رايحين يتعبوا بزاف انا كانت متاحة ليا فرصة للدراسة في الصيف مي محبيتش وكان عندى حق علي خاطر تعب العام كبير بزاف
2/لازم الانتباه مع الاستاذ داخل القسم حتى ولو كنت داير دروس خصوصية وركز علي كل المواد بصح اكثرهم الي مهمين في شعبتك
3/انا درت دروس خصوصية في المواد الاساسية لشعبتي العلوم التجربية درت في الرياضيات والعلوم والفيزياء وهذي نصيحة خذها بعين الاعتبار مديرش اكثر من درس في المادة استاذ واحد يكفي باسكو رايحين يتخلطولك المعلومات علي خاطر كل استاذ وعندوا طريقتو ملا انت تبع استاذ واحد يكفي
4/اللسهر متكثرش منو مع بداية العام انا كنت نرقد علي 11 ونوض نورمالل علي 7 بصح مع الاشهر الاخيرين وليت نرقد علي 1 ونوض علي 5
5/المواد العلمية اقراهم مع كي تخرج من لليسي واذا كنت معول تحفظ احفظ مع الصباح
6/حل سيجيات وتمارين لكتاب وتنقاش مع زملاءك والحشمة ننحا كامل من بالك
7/لا تلفزيون ولا ميركو الا للضرورة انا كنت نقعد مرات في النت نحكي مع صحاباتي ونهبط لي سيجيات
8/عندك تحمل نفسك اكتر من طاقتها وين ماتتعب روح بدل جو ولا ارقد شوي
9/متفركش في النتيجة وخليها علي ربي انت دير للي عليك واتعب واتكل علي ربي
10/عندك تسمع هدرة الناس للي يقلك هذي مطيحش وهذي قالوا ميدموش عليها النقطة ومعلاباليش واش باسكو خرطي في خرطي
11/اشري مراجع مي متكرثش بزاف كاين مراجع غير يخرطو فيهم سقسي علي المراجع لملاح واشري غير شوي كاش 3 ولا 4
12/اهم حاجة الصلاة وقراءة القران بعد صلاة العشاء والفجر ودعوة الامممم خاصة انا مكنتش حافظة ولا حاجة في الفلسفة ماعدا مقالة وحدة كنت فاهمتها لاباس ومكانش عندى الوقت دعاتلي ماما طاحتلي المقالة للي فاهمتهاا والحمد لله
13/الفلسفة رايح تلقي معها مشكل وكامل التلاميذ نفس الشيء من الاحسن انتبه لشرح الاستاذ علي خاطر انا درت غلطة مكنتش ننتبه ابدا للاستاذة وكي جا اخر الاعام لقيت روحي حاصلة وماني فاهمة والو مزية ربي سلكها علي خير ملا انت علي الاقل افهم الدروس وفي اخر العام احفظ شوي وان شاء الله متلقاش فيها مشكل
اوف تعبت من الكتابة هذو اهم النصائح واذا كشما تفركت راني نزيدك اديعلي برك ربي ينجحني في الباك انتاعي وتكون لعقوبة ليك انت زادا
