طاكسيفون ولد عمي ( ياريس في بلاد العجائب )

[** غزال الصحراء **]

مش انا لي قتلوا صحبتي هي لي هدرت
و بالاك السكايب ممكانش يعرفوا ههههه

اه أحلفي غير صحبتك ؟ راني نقصر برك خطأ في العنوان برك :mellow:

+لا السكايب مام جداتي تعرفو ,, على هاكا نحيتو من الميكرو , الشعب قاع فيه و الله تدخلو تشوف غير التقفال //

ايا سلام ايا .

 

[hind*alg-]

ههههههههه هشام عندي واحد لحكاية وحدة تقرا معايا زعما هي للولانية في سنة2 ع ت كامل المهم حاسبا روحا على لغاشي مرة روحت معاها لسيبار جات تدخل تسجل المهم تسجيل وين مكتوب باش دخل بريدك لالكتروني درت www.ومبعداسقساتناواش تكمل يعني تدي لمويان ب 17 ودل تزوخ ومعا لخر ما تعرفش واش معنتها بريدك الالكتروني ............انا قعت مخلوعة فيها وقلت وقيل حرام عليا كي ندحك عليها

 

[عفاف الجزائرية]

رد محجوز
وااحدما يدورلي ببلاصتي لا نقتلكم
اليوم معولة
​

 

[mamia sali]

هههههههههههههههههههههههههه هادي هي الحياة خويا

شكرا على الموضوع

​

 

[** غزال الصحراء **]

ههههههههه الله يعطيك الصحة يا خويا هشام على هاذ الموضوع الي من المجتمع تاعنا مية بالمية
وصح والله غير رجعنا في وقت عيش يطيحلك المورال .........وتكره يمات لمعيشة
رانا 2010 وتلقا ناس ماهم حاكمين لا لبيض لا لكحل ........ماناش نهدرو على الي مساكين ساكنين برا وخاطيهم لمدينة ...رانا على الي حاسبين التحضر دراهم وحطة وطونوبيل وفرات....التحضر راه في الراس والعقلية
وعلى صحاب لحوانيت مساكن هههههههه مرة دخل واحد عند الي يبيع لي بورتابل وقاع
قالو خويا عندك شارجور تاع لg .هههههههههههههه زعما بورتابل LG......ومن كثرة لفهامة قراها لg
يعطيك الصحة خوياااااا نستنا جديدة
​

اه كنزة راكي هنا :yahoo:

واش رايح نقولك لحكايات هاذو قاع قضاو عندنا و الله ,, و الله خطرة كنت نفليكسي في حانوت خاطي هاذا تاع ولد عمي ,, المهم جا واحد واش حاب في ميزك ؟ حاب يخلي بورطابلو يتشارجا في الحانوت ...

ايا مول الحانوت قالو انا ما نخدمهاش الخدمة هاذي , قالو دير برك لا بغى نخلصك
المهم حشمو , ايا قالو مول الحانوت واش من بورطابل عندك , قالو دير برك شارجور جيزي و لاموبيليس في زوج يصلحولو //

و الله خرجت البرة في وجهو وقعدت نضحك ,, الدموع ولاو يهبطولي من الضحك

بلاد ميكي صح .

 

[** غزال الصحراء **]

هههههههههههههههههههههههههه هادي هي الحياة خويا

شكرا على الموضوع

​

صحيتي ماميا منورة الموضوع //

 

[**الريحآنة**]

السلآم عليكم ورحمـــة الله وبركـــآتهـ ،،

يــــآ هلآ بيكـ مرة تآنية خيوو غزآل ^_^

والله همـ يضحكـ وهمـ يبكي..
والموقفـ إلي صرآلكـ اكبر دليل على كيفــآش رآنآ عـــآيشين
وآحد ميعرفش منبـــآ نيميرو ديآلو وجـــآي يفليكسي ..؟
والله كيـــمآ دير تحصل !!
هآدآ بآين عقليتو هديك العقلية تآع :
المهم عندي بورتآبل كيــمآ النآس <<خلطهآ تصفى ..!!
رآك تعودت على مروري على موآضيعكـ
ورآني تعودت أنو إذآ دخلت رآح نلقى شئ في الصميمـ ^^
تسلم الايآدي خيوو ..
الله يوفقكـ وينجحكـ إن شآء الله ​

 

[im£ne]

هههههههه
و الله يا هشام دعوة
ياو لي يشوفوه يحشم يلحقو عليه---هذي نتاع الكريدي---
يعيطلك و يقولك كرديلي ومايطلقش ههههه
تشوفه لباس بيه بصح صكة دورو ما يجبدهش

ربي يحفظك هشامووو
و ربي يهدي

 

[** غزال الصحراء **]

رد محجوز
وااحدما يدورلي ببلاصتي لا نقتلكم
اليوم معولة
​

إقتباس عن رد محجوز

ما تدولهاش بلاصتها لا تقتلنا

راني نتسنى فيك عفاف :wink:

 

[nina bonoise]

اه أحلفي غير صحبتك ؟ راني نقصر برك خطأ في العنوان برك :mellow:

+لا السكايب مام جداتي تعرفو ,, على هاكا نحيتو من الميكرو , الشعب قاع فيه و الله تدخلو تشوف غير التقفال //

ايا سلام ايا .

هي قاتلوا نعطيك الام اس ان كبداية هههههههه

 

[** غزال الصحراء **]

ههههههههه هشام عندي واحد لحكاية وحدة تقرا معايا زعما هي للولانية في سنة2 ع ت كامل المهم حاسبا روحا على لغاشي مرة روحت معاها لسيبار جات تدخل تسجل المهم تسجيل وين مكتوب باش دخل بريدك لالكتروني درت www.ومبعداسقساتناواش تكمل يعني تدي لمويان ب 17 ودل تزوخ ومعا لخر ما تعرفش واش معنتها بريدك الالكتروني ............انا قعت مخلوعة فيها وقلت وقيل حرام عليا كي ندحك عليها

هاها ,, يا لطيف يا هند راكي تتشفي فيها نورمال :sneaky2:

واش رايح نقولك الناس فاهمين الثقافة في الكراس , و الله كاين ناس حفاظة غير هاكاك لا تخمام لا والو , مي بالمجهود تلقيهم لوالة في القراية

مي كي تولي في الصح باتت فيهم :glare:

مرسي عليك و على فكرة هاهو الإيمايل تاعي (( www.ghazzel.com ))

 

[معاك يا الخضراء]

قالو هاذي لاpاراي بعد فليكسي فيها و خلاص

ههههههههههههههههه هادي فووووووور يعطيك الصحة هشهش
عيش يطيحلك المورال صح صح:surrender::surrender:
كون جيت انا نخدم في كش طاكسيفون راني مرضت بلكلاوي من الضحك
خساااااااااااارة :no_1::no_1: دبرتوها :glare::glare:

​

 

[عفاف الجزائرية]

في هادي لافار يا هشام انا نقوللك امثلة بزاف
واش رايك وحد النهار منت راكبةفي الكار وواحد من ورايا قاعد واش نقوللك اللي يشوفو يقوللك خوه غزال اللبسة والحطة وكتافو كيفاه منفوخين والله تقول حيط نتخبى من وراه المهم نرجعو للموضوع كان قاعد في الكرسي من ورايا قاللي ختي ختي افتحي الطاقة الشيلور بزاف
(السخانة) انا خزرت في صحبتي وبلعت ريقي وفتحتها
وتانية وحد النهار رحت للبلدية نخرج في نقمة بالفرونسي حطيت الكارني في القيشي ومباعد لحقت دالتي قاللي واش تحتاجي قلتلو زوج نقامي بالفرونسي
قاللي ادخلي منهيه على الباب
كي رحت قاللي اختي تعيشي هاكي عمري النقامي نتاوعك وزيديلي هاذو 4 نقامي وهاتيلي نكاشيلك برك(ما يعرفش يكتب الفرونسي)
اختك عفاف الشاطرة واش دارت
عمرت النقامي نتاوعي ورحت ليه قلتلو كاشيلي قاللي عمرتي الاخرين قلتلو ايه
كاشالي وخرجتلو عىل القيشي قلتلو كي ترفد الخلاص نتاعك عيطلي اعطيني حقى ونعمرلك واش تحب
نروح نتفكر ونرجع نحطلكم التبهدايل
خايفة نعمر الصفحة برك
المهم خويا هشهش انتهت الرحلة في كوكب باريس في بلاد العجائب
والله بلادا فيها لعجب
​

 

[°~Kenza_02~°]

اه كنزة راكي هنا :yahoo:

واش رايح نقولك لحكايات هاذو قاع قضاو عندنا و الله ,, و الله خطرة كنت نفليكسي في حانوت خاطي هاذا تاع ولد عمي ,, المهم جا واحد واش حاب في ميزك ؟ حاب يخلي بورطابلو يتشارجا في الحانوت ...

ايا مول الحانوت قالو انا ما نخدمهاش الخدمة هاذي , قالو دير برك لا بغى نخلصك
المهم حشمو , ايا قالو مول الحانوت واش من بورطابل عندك , قالو دير برك شارجور جيزي و لاموبيليس في زوج يصلحولو //

و الله خرجت البرة في وجهو وقعدت نضحك ,, الدموع ولاو يهبطولي من الضحك

بلاد ميكي صح .

هههههههههههههههههههههههههههههههههههههه والله هاذي وحدهاااااااااا ههههههههههه
قالتلهم قاع اسكتو هههههههههههههه
كون انا كون قدامو انفجرت بالضحك هههههههههه
​

 

[** غزال الصحراء **]

هههههههه
و الله يا هشام دعوة
ياو لي يشوفوه يحشم يلحقو عليه---هذي نتاع الكريدي---
يعيطلك و يقولك كرديلي ومايطلقش ههههه
تشوفه لباس بيه بصح صكة دورو ما يجبدهش

ربي يحفظك هشامووو
و ربي يهدي

امين يا ربي , شفتي كيفاش إيمان ! و الله كاين اللي يجي بطونوبيل و الشيك و الكوستيم و دعوة , يدخل فليكسي 50 ميل , و أكتب في الكارني و يخرج مطلع راصو و الوجه صحيح //

ربي يكون الخير و خلاص ,, مرسي عليك الموضوع منور بيك .

 

[معاك يا الخضراء]

عندي تعليق صغير//
انا الصح هادي تاع واحد بوجادي و كافي ما نشتيهاش:mellow:
الناس كل كيف كيف:yahoo:
واحد ما زاد يعرف :wink:
انا قبل ما ندخلو الانترنيت للدار l'adresse ما نعرفش وين نكتبها:glare:
و ضرك الحمد لله نفهملها و نفهم فيها الغاشي :glare:
و واحد مسكين الله غالب حابس على الرائ :surrender::surrender:
بصح باه نضحكو عليهم و لا نتمسخرو بيهم ما تلصحش :wink::wink:
يقلك الي يستعظم يخرج فيه عظم:closedeyes:
العبد كي يشوف حاجة هاكا يقول
الحمد لله الذي عافاني مما ابتلاك به و زاني مني ما شان منك و فضلني على كثير من خلقه تفضيلا
الي تقلق صح واحد الي يلعبها انا وانا و انا ومبعد تلقاه 00 بصح واحد من عند ربي ما عندنا ما نقولولو:no_1::no_1:​

 

[maya31]

حتى ولينا نجبدو في النيميرو وحدنا , المهم كي لقيناه , قالنا ياخي موبليس ؟ قلنالو يا ودي لا راهو جيزي .... قالنا لا مالا ماهوش هو , راني حابي نفليكسي للسيد ( س ) ماشي ليا ,, زيد عليه .. و مبعد قالي شوف نيميروه راهو ثم , و غير جيت نشوف خرج لاليست قالي منين جبتها هاذي تاع ليكونطاكت ليا شحال و أنا نحوس عليها

هههههههههههههههههههه نورمــــأل او مسكين ما يعرفش و مين مش حنتا الي توريلو اشكون لي حيوريلو مسكين ههههههههه و الله ديفوا تنخلع تلقى ناس عندها المال و الجاه و العقل 00
كيما هاد سيد اه واه ماشكيتش يطول

و ما نحكيش على لي يقولك ( هات نذوق ) ااه خونا راهو يشري في الدلاع

ههههههههههههههههههههههههههههههههههههههههههههههههههههه و الله غير نحات علية الغمة هاد العفسة

يليق تزير شوية و ما تحشمش في هاد صوالح مشي تقول هدا حبيبي ماعليش نخليهالو كريدي لالا
الخدمة خدمة
ايا تهلااا

 

[hind*alg-]

هاها ,, يا لطيف يا هند راكي تتشفي فيها نورمال :sneaky2:
خخخخخخخخخ حبيت نحي عليك برك


واش رايح نقولك الناس فاهمين الثقافة في الكراس , و الله كاين ناس حفاظة غير هاكاك لا تخمام لا والو , مي بالمجهود تلقيهم لوالة في القراية

مي كي تولي في الصح باتت فيهم :glare:

لالالالالا انا حرت برك كي تبدا تزوخ وحاطة روحا ماكاش خرمنها



مرسي عليك و على فكرة هاهو الإيمايل تاعي (( www.ghazzel.com ))

الاماي كل واحد حر كيفاش يكتبو مي ماشي يبدا يكتب في 3wومبعدا يسقسي لغاشي واش يكمل يسما ماهوش فاهم واش يكتب
..........:wink::music_whistling:هههههههه وتاعك مبعدا ندخلو:glare::santa_1:

 

[** غزال الصحراء **]

السلآم عليكم ورحمـــة الله وبركـــآتهـ ،،

يــــآ هلآ بيكـ مرة تآنية خيوو غزآل ^_^

والله همـ يضحكـ وهمـ يبكي..
والموقفـ إلي صرآلكـ اكبر دليل على كيفــآش رآنآ عـــآيشين
وآحد ميعرفش منبـــآ نيميرو ديآلو وجـــآي يفليكسي ..؟
والله كيـــمآ دير تحصل !!
هآدآ بآين عقليتو هديك العقلية تآع :
المهم عندي بورتآبل كيــمآ النآس <<خلطهآ تصفى ..!!
رآك تعودت على مروري على موآضيعكـ
ورآني تعودت أنو إذآ دخلت رآح نلقى شئ في الصميمـ ^^
تسلم الايآدي خيوو ..
الله يوفقكـ وينجحكـ إن شآء الله ​

الريحآنة , كلامك جواهر كالعادة ,, و الله صح عقلية تاع المهم عندي بورطابل و مام كي يجي يفليكسي بالاك صادمها تاع (( المهم نفليكسي كيما الناس ))

واش نقولك خيتي الناس هاذو تحسب راهم قاعدينلي فوق راصي

و الله تبوقيل Made In Here

صح راني تعودت ردودك الرائعة و إن شاء الله ما يجيش نهار اللي تحرمينا منو

تهلي .

 

[** غزال الصحراء **]

الاماي كل واحد حر كيفاش يكتبو مي ماشي يبدا يكتب في 3wومبعدا يسقسي لغاشي واش يكمل يسما ماهوش فاهم واش يكتب
..........:wink::music_whistling:هههههههه وتاعك مبعدا ندخلو:glare::santa_1:

هاها , مي ديجا الإيمايل ما يبداش ب 3 W ,, يعني الدخلة غالطة ديجا

ردي بالك دخلي الإيمايل هاذا صح , سينو الميكرو تاعك يضحك عليك :wink: