هدا قالك(راني باغيها خدامة) وهدا قالك ( انا راجل ومانبغيش المراة اللي تخدم عليا )

[عبد الجبار الجزائري]

سؤالي ليك ياادم.....هل تتمنى تكون عندك مراة خدامة ولا قاعدة مقابلاتك في الدار ..ووقولنا علاه اذا بغيت
شوف تجيبها قاعدة تظيق روحها وتولي تحب تتفسح امالا جيبها من نهارها تخدم واتهنى

مع هدا الجيل جيبها وقول ربي يصلح ويستر

 

[D-tech]

لا خدمة تبانلي مليحة لمرة وانا ضد باش نقعد فدار وعلاه راني نعيي في روحي ونقرى
وكيتعاونو لمرة ورجل مليح
ومرسي موضوع شباب وفور

وعلاه تربية ولادك وخدمة زوجك مشي خدمة
واش الفايدة كي تقضي وقت 8 ساعات بعيدة على أولادك وهم في سن بأمس الحاجة إليك
واش الفايدة كي قريتك لتعبتي عليها وتمحنتي عليها يأخذها واحد غير ولدك لهو أولى بيها
وهل تدرسين من أجل العمل أم من أجل إنشاء جيل مثقف من الاسرة التي تبنينها

وكي نتعاونو لمرة مع الرجل مليح

ومن قال لكي ذالك
أتحداك إسألي النساء الذين يعملن ماذا يخترن العمل ام المكوث في البيت ستجدين واتحداك أنهم يفضلون المكوث في البيت لكن فاتت الفرصة والله وتقول تحبس الخدمة تجيبها برة
لان الراجل طمعاته بمالها ومناته بأحلام كبيرة

هي مشكلة في الحياة الزوجية أن المرأة تعمل والكثير ينظرلها نظرة مادية فقط
لكن لما يرى عواقبها يندم اليوم لفكر في مسألة العمل
ربي هدي الجميع
صحا مبقاش ياة زوجية

 

[D-tech]

انا نحب نخدم على روحي حتى لوكان راجل لاباس عليه ماشي لعوام لي رانا نشيبو رواحنا مع لقراية يروحو في باطل وممباعد نقعدو في دار علاش مالا الشقا وتكسار الراس
مرسي خيتو ​

خدمت الزوج شقا وتكسار الراس

وتربية الابناء الله أعلم كي تقولي

ربي يهديك هذا والله ماكلام وحدة عاقلة
وهذا الامر لخلنا نعزفو عن الزواج
لان مرأة بهذا التفكير هي كارثة طبيعية في الاسرة

راجعي نفسكي
لانكي مقبلة على تكسار الراس

 

[BellojojO]

سلام
انا عقلية تاع ماتحبش الراجل لي يخدم علياا
شوفي نحب دارنا نبنيها انا وياه طوبة طوبة
ومن بعد كي يفرج ربي نورمال
نحكم الدار و الدراري و هو يكمل وحدو
وش تقولي فيها؟؟​

 

[Rosa2]

.تبغي الراجل اللي يخدم عليك ...ولا اللي تتعاوني انت وياه وامادابيك تقولينا علاه

​

مشكووورة يا احلى ملاك على الموضوع
و الله في قمة الرووووعهـ !!
اما عن جوابي
فانا نقولك انو اذا الراجل يخدم عليا و لا نتعاونو
صي كيفكيف
على حساب الظروف
مثلا ( هههه نروحو شوية ل les stars )
كيما فيكتوريا مرة بكهام
راجلها جوار و عنده الدراهم و ماخصها والو
علاش تعيي روحها و تروح تخدم ( كيما راها دروك )
يعني هذا مثال بسيط
ايلا كنتي عايشة عيشة هانية و ما يخصك حتى حاجة
علاه تخدمي
c'est vrai نتي قريتي و درتي اللي عليك
مي الزواج
الزواج حاجة مختالفة على غيرها
و انك تخدمي تاني حاجة شابة
( ومع هذا تبقى الخدمة خير مال9عاد )

لا تحرمينا من مواضيعك و مشاركاتك يا مبدعة
~ دمتي بود
​

 

[AnGeL*dZ]

لازم نخدم اولا باش نعاونو خاطر لمعيشة صعيبة وكلش غالي
ثانيا لازم نخدم مش نقرا ونتعب ومانحققش حلــــــــــمي
كيما يقولو الزواج مشــــــــآركة
​

 

[ملاك الليل]

سلام عليكم
نشكركم كامل على المرور
بصح كاينة حاجة راني نشوفها غي تتعاود
الراجل للي مرتو تخدم..راه يتعد رخيس ومايسواش ولا كيفاه ....والديا الله يحفظهم قريب 30 سنة زواج وفي زوج خدامين الله يخليهم ويبلغنا طاعتهم ورضاهما ....والحمد لله ...كل واحد وكيراه يشوف فيها ...انا راجلي ان شاء اللله يلا سمحلي نخدم نخدم .....ويلا ماسمحليش داك ما عطا ربي....بصح نفضل نكون خدامة ...ومازلت مصرة ونحترم كل الاراء مهما كانت
شكرا للجميع​

 

[D-tech]

ااااااااااااااااااااااااااااااااااااااه :scared:
علابلك خلعتيني .....أنا ردي في الشرق ونت ردك في الغرب :closedeyes:
والله ماني قادرا نحكي رهي واصلة معيا للمخ :sneaky2:
غدو نفهم حنونتي فلا داعي لكل هدا الكلام الجميل لي قلتيه
ولا داعي للاعتدار هدا فقط سوء فهم لردي

​

صح معذرة
أنا كنت قريت الردود وخلعتني بزاف بزاف
لكن سخطي الكبير على الردود سخرته في ردي عليك
معذرة
حقا فيه نوع من سوء الفهم والخلط بين الردود الاخرى

 

[D-tech]

هذه كلمة أخيرة ونخرج من هذا النقاش
لكل بنت تشوف الزواج تعب وكسار الراس مزال في يديها الخيار فلا دعي تفكر في الزواج إذا كانت تعتقد أنه كسار الراس والمعني يفهم
لكانت تشوف الزوج مراحش يكفيها الاحسن لها أنها تشخر شهريتها لنفسها بلا متتزوج وتطيح في زوج طماع ويأخذ لها شهريتها
ولحابت تخرج برى لاحسن لها متزوجش لان شقا الدار يربط المرأة في الدار فلا داعي لها تتزوج
ولقارت باش تقري ولاد الناس فلأحسن انها متفكرش في إنجاب الاولاد لان فيه ناس أخذو مكانهم
وفي الاخير فهمت حقيقة العنوسة وقطار الزواج ووووو
وأسبابه
الله يحسن عون الرجال

سأعيد رسم خريطة الحياة من جديد
لان فيه أمور علي أن أأخذها بعين الاعتبار إذا كنت نفكر في بناء الدار
ولله الحمد راني كافي نفسي 100/ 100
مخصنيش لتأخذ مالي وهي بهذا التفكير لانها متستاهلش
نحج كل سنة ولا مرأة بهذا التفكير
الصيام طوال الدهر ولا غدة

 

[ملاك الليل]

هذه كلمة أخيرة ونخرج من هذا النقاش
لكل بنت تشوف الزواج تعب وكسار الراس مزال في يديها الخيار فلا دعي تفكر في الزواج إذا كانت تعتقد أنه كسار الراس والمعني يفهم
لكانت تشوف الزوج مراحش يكفيها الاحسن لها أنها تشخر شهريتها لنفسها بلا متتزوج وتطيح في زوج طماع ويأخذ لها شهريتها
ولحابت تخرج برى لاحسن لها متزوجش لان شقا الدار يربط المرأة في الدار فلا داعي لها تتزوج
ولقارت باش تقري ولاد الناس فلأحسن انها متفكرش في إنجاب الاولاد لان فيه ناس أخذو مكانهم
وفي الاخير فهمت حقيقة العنوسة وقطار الزواج ووووو
وأسبابه
الله يحسن عون الرجال

سأعيد رسم خريطة الحياة من جديد
لان فيه أمور علي أن أأخذها بعين الاعتبار إذا كنت نفكر في بناء الدار
ولله الحمد راني كافي نفسي 100/ 100
مخصنيش لتأخذ مالي وهي بهذا التفكير لانها متستاهلش
نحج كل سنة ولا مرأة بهذا التفكير
الصيام طوال الدهر ولا غدة

سلام اخي
اولا نشكرك على مداخلاتك القيمة ...تانيا القراية للي قريتها لحد الان علمتني نحترم اراء الناس حتى وان كانت تسيىء ليا من بعض النواحي...بصح تبقى وجهة نظر وجهة نظر ...وماشي قانون بل مجرد احتمال ...ثالثا ..كي المراة الخدامة كي اللي قاعدة في الدار ...انها تكون عفيفة ومولات نية واخلاص ..هاديك هيا المراة الحقيقية
سلام عليكم​

 

[السلطانة]

وعليكم السلام
ادا سمحلي نخدم وادا لا راني شادة الدار

 

[شمعة]

السلام عليكم
شكرا لك اختي على طرح الموضوع القيم والذي اصبح نقطة مهمة للنقاش
انا صح راني نقرا ونتعب بصح هذا التعليم رايح يفيدني في المستقبل باش نكون امرأة مثقفة تعرف كيفاش تحاور وتناقش وتعامل الناس واهم حاجة قادرة على بناء اسرة ناجحة وتربي اولادها تربية صالحة
على ذاك انا نفضل اني بعد الزواج نتفرغ لبيتي وزوجي واولادي ونأدي اكبر واشرف وظيفة خلقت من أجلها المرأة...ببساطة حلمي ان اكون زوجة ناجحة وام صالحة

 

[BellojojO]

علاه شكون قال الزواج طمع
او كنترار كيما قالو لي قبلي
الزواج مشاركة
سيبور سا قولنا مليح نخدمو باه نعاونو بعضنا
هدا كان​

 

[D-tech]

السلام عليكم
شكرا لك اختي على طرح الموضوع القيم والذي اصبح نقطة مهمة للنقاش
انا صح راني نقرا ونتعب بصح هذا التعليم رايح يفيدني في المستقبل باش نكون امرأة مثقفة تعرف كيفاش تحاور وتناقش وتعامل الناس واهم حاجة قادرة على بناء اسرة ناجحة وتربي اولادها تربية صالحة
على ذاك انا نفضل اني بعد الزواج نتفرغ لبيتي وزوجي واولادي ونأدي اكبر واشرف وظيفة خلقت من أجلها المرأة...ببساطة حلمي ان اكون زوجة ناجحة وام صالحة

الله يرحم لرباك هذا منقول

 

[ĜąМę ǒVĕŗ]

خدمة خدمة خدمة

هادي شرطي كي يجي يخطب مكانش يروح يطير

مخصنيش انا راجل يمني علية مالقري ماشي مخليني نحتاج مي نخدم ​

 

[*ليديا*]

• السلام عليكم ورحمة الله وبركاته

وانتي يا حواء...تبغي الراجل اللي يخدم عليك ...ولا اللي تتعاوني انت وياه وامادابيك تقولينا علاه
انا من رايي المرأة قبل الزواج تخدم نورمال مي كي تتزوج دارها أولى من خدمتها
يعني تهتم براجلها وولادها خير
​

 

[menoubia]

لا انا قريت وشقيت وتعبو عليا والديا باه نقرى ونلقى مستقبل باهي
ونحب يلي نتعاون انا وياه باسكو يد وحدة متصفقش
حتى كن يقدر نوووو
انا نخدم يدي ولا يخلي هدا يلي حاضر هههههههه
​

 

[miriama]

قديما قليل ما نجد امرأة عاملة
وهذا راجع الى عدم تدريس البنت
والعيشة البسيطة
لكن في وقتنا هذا أصبحت الفتاة
تدرس وتصل الى اعلى الدرجات
اذن لا بد أن تثبت وجودها بالعمل
وتعوض سنوات الدراسة
في هذه الحالة نجد المرأة متشبطة بعملها
ولا تتنازل عنه مهما كان الثمن
ولو على حساب تكوين أسرة
ومع غلاء المعيشة أصبح من الضروري
عمل المرأة لمساعدة زوجها واسرتها
لكن بعمل يليق بها وبمستواها الدراسي
أنا شخصيا عاملة ولن أتنازل عن عملي
لانني تعبت من أجل الحصول عليه
ولكل واحد رأيه الخاص
​

 

[رماد الحب]

انا اختي نخدم واش نقعد ندير في الدار نسيق و نغسل

 

[ملاك الليل]

سلام عليكم
اغلبية البنات يفضلن العمل ..لا لشيىء وانما لاثبات انفسهن على الصعيد المهني ....لا اظن ان التوفيق بين العمل والبيت امر سهل ...لكن لا شيىء ياتي مجانا ...المثابرة طريق النجاح ....ولا عيب في امراة تكون سندا لزوجها وتعينه قلبا وقالبا ..
شكرا لكل من مر هنا ​