ارواحو نتفكرو يامات زمان.........(شقاوة الطفولة)

[adraa]

اااااااااااااااااااااااااااااه يا لعجووزة فكرتيني بيامات زماااان

العشة و تيلا و الحبل

هههههههههههههههههههههههههه

انا كيما كنت نروح لعين مليلة عند خالتي
كانت قدامها زبالة
نروحو نفرغو لحوايج الي ف الشكااير و نلعبو العشة مع الجييراان

ماما كانت قااااااااااااااااااتلتني بالطراايح.....

 

[AWDIESL]

اااااااااااااااااااااااااااااه يا لعجووزة فكرتيني بيامات زماااان

العشة و تيلا و الحبل

هههههههههههههههههههههههههه

انا كيما كنت نروح لعين مليلة عند خالتي
كانت قدامها زبالة
نروحو نفرغو لحوايج الي ف الشكااير و نلعبو العشة مع الجييراان

ماما كانت قااااااااااااااااااتلتني بالطراايح.....

حنا عندنا نسموها بيتة ولا دويرة..........
انا تان كنت نحب نلعبها...........
قاع شبعنا الطرايح بالبليغة تاع النيلون
ميرسي ختي

 

[AWDIESL]

كاش طوايش .............؟جدد

 

[نسماء]

سلام
انا كيكنت صغيره يا حسراه على ديك الزمان كانو يعيطولي العقرب:shiny: كنت واعره بزاف ومنديش الطرايح ندير المشاكل بصح يحصلو في ناس خلاف ههههههههههه و هوما يسلكو:like_1: كنت نلعب مع الذكوره و نضربهم مع انهم قدي ولا كثر مني وانا كنت دايرا عليهم شاف:showoff: و حذر تجوال:laugh: كنت النهار كامل مندخلش لدارنا حتى عدت كنبعد منعرفش نرجعلها ههههههه كنت نتسلق الشجر وخطرة كنت مع الجماعة اختي بنت عمي اولاد عمومي واولاد الجيران كان وحد جارنا عندو شجر تاع الايجاص كنا نتقسمو جماعة تتسلق الصور و جماعة تعسi-o: و الغلة بالنص و ساعات كيكونو عندنا دراهم نخليوهملوباش ميدعيش فينا بالعاطل ومره شافنا وجا يجري ورانا:busted_red: بصح نفدنا ستر ربي لوكان ديت طريحة تاع الصح من عند بابا. بصح الكل كان يشتيني خطرش انا اخر العنقود حاذقة بزاف و شاطرة وكنت ديما انا الوحيدة لي كنت نقدر نطلع دراهم من عند الكل بحلاوة و دلال:shay: .وطول اللسان ميغلبني حتى واحدوكانو يعيطولي المرابطة كنت الكلام لي نهدرو هو لي يخرج مفيهاش. اييييييييييه على ديك الزمان حكاياتي ميخلصوش عليه عشت حياتي فيه بالطول و بالعرض
مشكورة على الموضوع:re_gards:

 

[didin91]

انا كانو يسميوني مداني، ومداني هذا جارنا ميكانيسيان كنت نموت على التخنتيش كانت عندي وحد الفيلو دايما نترافيكي فيها ونوسخ حوايجي وندي طريحة من عند ماما هههههههههههههه صراحة حتى لدورك مازلت نموت عالفيراي

 

[صـ كحرفـ محفور ـامتة]

هههههههه

انا كنت نضرب البنآت....
شحآل من وحدة عذبتها و اولهم بنت عمتي....نتفاهم مع جارتنا نعيطولها و نضربوهآ....
+
مرة كنت نمشي ورافدة راكات في يدي وقدامي وحدة....من الهبال والجاحة ضربها بالراكات .....

+ امممم كنت ندخل وجهي في باسينة ما ونشوف شحال نقدر نقعد في الما ومن بعد مانقدرش "نختنق" نستنشق الما >>قريب مت...

و طوايش بزاف....كي نتفكر نرجعلكم

 

[hiba14]

هههههههه بسلامتي كنت ساجية ماشي قبيحة بصح شاطرة و ماما نعرف نقرا شاهي بكاية للطرف كانو يسموني البكاية و حتى لدروك باسكو مازالت مسيني برك نبكي

 

[AWDIESL]

20 - 06 - 2010, 00:22

للغلق
موضوع قدييييييييييييييييم جداااااااا
ديت بلاصتك مكانش ههه
​

 

[AWDIESL]

شكرا على مشاركتنا شقاوتكم
​

 

[ghali17]

اه يادنيا والله الصغر فوت وحد ليام حلوين بزاف طفولتي عشت فيها كامل صوالح كانت شابة باتم معني الكلمة

 

[dahbito]

وعليكم السلام
والله يا اختي فكرتيني في الصغر واش نحكي واش نحلي
انا كنت قبيحة بزاف كل يوم المشاكل
شوفي مكانش بنات مسلموش من العض نتاعي ههههههههههه
بصح درك رانا كبرنا الحمد لله ودرنا العقل شكرا على الموضوع

 

[احلام dz]

هههههههههه
انا كانو يقولولي لعجوزة كنت الي نصيبو نقسر معاه ولا نداوس معاه
وكنت نضرب صحابي وصحاباتي ديرة عليهم كابيتان

 

[احلامdz]

تعرفي انا كنت ومزلت نحب نقرا تقول مهبولة تعرفي وش ندير؟ نكتب فلهوا العملية الحسابية ولا اي شيء ومن بعد نمحيها وكي نمحيها نولي كيشغل درت بيباي للي مساميني وكانو يضحكوا عليا بزاف وكنت ندير جاست بصبع الشهادة تاعي واهم شيء كنت نمرض بزاف في صغري وكانت جداتي تحبني بزاف ربي يرحمها وعندي معاها عفايس بزاف ملاح اممممممم كنت نغطس راسي في بسينة ماء ونحسب كنت نحب الغمايضة ويلا درقت منخرجلهمش كي يباتو يحوسو حتان يكملو اللعبة نصمطهالهم ههههه كنا في الحومة نلعبوا برج الابطال ونحبوها بزاف ههههههه تلقوني لكلاب بزاف وواحد عضني تع الجيران طبعا امممم كنت نقرا في الجامع والشيخ يعيطلي القراية بصح كنت منحبوش وتوجور غير نعرض منحبش نكمل نقرا نهربلو وفي العطلة تع الصيف ميحلمش كامل نقعد نقرا في الجامع نروح للفاكونس عند عمتي نحب نتسابق مع لبنات وفي الدار يلاقولي المازوزية انا صغيرة في البيت :shay:طولتها يامحاينك هههههه

 

[la_safa]

سلآم اختي .. بصحتك الطرآيح لي ديتيهم ههههـ
انا طفولتي غير شكل .. مغآمرآت في مغآمرآت مي مانديش طرآيح
لاخاطر مغآمرآتي اصلا ندي فيها طرآيح ههههـ

كنت من برآ ماندخلش لآ فطور لآ غدآ لآ عشا من نحل عينيا نخرج ديرآكت برآآ
و لدرك متزلت متوحشة اللعب و التمسخير .. كبرنآآآآ

ايا مرسي اختي عالموضوع .. ْ~|
​

 

[حكاية احاسيس]

هههههههههههههههه ايه و ايه انا تاني كي كنت صغيرة كنت طوايشية بزاف مي دركا استعقلت يعيطولي غير العاقلة و دايمن يشكروني هههههه احم احم حوحو يشكر روحو
المهم كي كنت صغيرة كنت انا و اختي نطلعوا فوق la siterneوb1 sureكنا ماهرات في التسلق كنا نطلعوا فوق الشجرة و من الشجرة فوق الكوزينة ههههههههروعة و مرات كنا نروحوا نgاطعوا للناس ههههههه كي الكبير كي الصغير و ها اللي يقولنا اه ناكلوه مسكين و كنت نكره اللي يتلمسلي شعري ههههههههه كنت نروح نطبطب على الجوارين و نهرب و b1 sureدايما مع اختي مرة طيحت عمتي من الكرسي ههههههه و مرة و مرة ........ تبقى القصة طويلة و اكيد و مأكد دايما كاين puniton مورا كل زبلة نديروها مي مكوناش نخافوا هههه بالعكس كانت تحلانا مي ذركا راني ندير شوي طوايش مي ما نبسلهاش
يا يما على يمات زمان ما يتنساوش

 

[الورد الأحمر]

اهلا بيك حبيبة راني جيت ...
انا نشفى كي كنت صغيرة كنت نغير من اختي الصغيرة ألوغ كنت ديما نضربها
ونسرقلها لي باغبي تاعها ونمدلها وحد الكلب كبير تلعب بيه نقوللها أو بوبي
خير يحبك لي باغبي نو وهي تأمن ...
كنت نخرج برا ما ندخلش حتى تظلام الدنيا وكنا نلعبو غير اللعبات لي فيهم مغامرة
نتسلقو حيط عالي ... نطلعو فوق شباك الجاغدان تاع الكاغتيي ...
كنت نروح للكاغتي لي قدامنا مربيين فيه الجاج نلحق وراهم نهبلهم والغاشي يضحك
عليا ... كنت نسرق الحلوى والشيكولا لواحد مول طابلة يبيع فيهم ونخلصو بالقريصات
ويحسب صرف ... كي نخدمو في الحلوات وين يفيقلي بلي قريصات مش دراهم خخخ
كاشما تفكرت راني نجي نكملك ... سلامي وعاش من شافك
​

 

[ღحنين الروحღ]

السلام عليك
موضوع هايل
وي عندك الحق اليوم الي يعدي عمروا مايتخلف
ايييييييييييييييييييييه على ايام الطفولة واشش حال كانت حلوة
كنت نحب الفراشات والقطط
وكنت نحب نلعب لعبة* البيوت* يعني نجيبوا الصحونة والمغارف والماكلة +كانت شاريتلي ماما ماعن نيلون نتاع لولاد صغار لونهم تشيني وبلى وطارموس وبرمة
هكا حوايج كانوا يتباعوا وقتنا
كنت كل يوم هازتهم وفارة نلعب
مي نقرلك الحق مالعبتش بزاف كنت نجبد روحي للكبر مي خسارة هههههههههههه
مي الحاجة الوحيدة الي كنت نديرها اني كي مانديش الحاجة الي باغيتها نعض هههههههههههه
شكرا ليك حبوبة على الموضوع هايل
ايه كون يخليوني ضرك راني برى هههههههههههه مي خسارة عيب هههههههههه
دمت بخير
​

 

[خالدي]

انا كي كنت صغير عندابالي راني راجل

 

[fati 2016]

أنا كي كنت صغيرة كنت ندير الطوايش بزاف في الدار كانو يعيطو لي المصيبة في حين الناس اللي ما يعرفونيش كنت نبالهم كي الملاك .......كنت ديما نحكم في قراناتي واللي تغلط معايا نخلط فيها ......حتى ماقدوليش في الدار وليت نسكن مع جداتي الله يرحمها درت فيها التير عندي معاها بزاف حكايات ..

 

[Ice Queen]

انا كانو يعيطولي جادارمي بلا سلاح كنت كما انت لي يقولي كلمة نردلو عشرين ياحصرا علا يمات زمان
​