انا شابة ابلغ 15 ومشكلتي متل البنات الصغار متلي

[دعوني وربي]

صباح النور اختي عليا
انا نقولك حبيبتي خليك عاقلة ورزينة وديري ربي في قلبك واتمسكي بيه وماتخافيش
اذا انت مش مقتنعة انك تمدي نيميرو فهذا يعني انك حاسة بلي خطأ
وانا نقول ماكالاه راكي صغيرة وتهلاي في قرايتك
وربي يحفظك ويوفقك ويبعد عليك ناس لحرام
موفقة انشاء الله
​

 

[noureddinen]

السلام عليكم
المشكل مراهش في نيميرو تاع التيليفون هو كي طلب النيميرو باش يحس انه امتلكك فقط. حتى وميعيطلكش في التيليفون انت قلت بلي كنت تحكو مع بعض والعلاقة طورت بيناتكم الغلطة نتاعك انت خليتيه دخل قلبك بطريقة ذكية عن طريق الدراسة غادي يعذبك نفسيا هو يقرى ونتي تلهاي فيه وتنساي روحك .والنصيحة نتاعي تهلاي في قرايتك ومزلتي صغيرة وكي تكبري ربي يكتبلك الزوج الصالح وخطيك من العلاقات الغرامية لانها حرامية​

 

[اماني 2007]

اختي هو لما تقرب منك دارك كيما اختو
لوكان من الاول تقرب منك كشخص اخر لوكان مقبلتيش تتكلمي معاه علا هذاك قالك بلي راني كيخوك وزيد ثاني حتي ويقلك انا كي خوك من هدرتو تعرفي نيتو
لاتحكمي بقلبك او مشاعرك احكمي بعقلك

 

[اماني 2007]

اختي متخليش العلاقة تطور اكثر مفيهش لامان حتي ويكون قاري ومربي
راه يجي النهار ويدور عليك وانت معندكش الخبرة

 

[عديا الروح]

السلام عليكم
والله موضوعك يحير بصح اللي حيرني بزاف كي قلتي
(زيد مشها تربية تيعي الي نحب في السن هدا) علاش الحب داخل في التربية والحب عندو سن؟ تاع الصح مازلتي صغيرة.
انا نصيحة من عندي خلي حياتك تمشي كيما كتبهالك ربي واذا على الاصدقاء تبالي نورمال تعطيلو النمرو تاعك وانت حرة في الاخير.

 

[المتفائلة_91]

مادامو يوصيك غير راهو يحبك


مجرد رأي


مرسي

 

[azoula]

ختي قراي قرايتك ويدرلها ربي طريق واطونسيون تمدي النيميرو تاعك لكاش واحد واكي مازلتي صغير ورانا كامل عدينا على هذا المشكل ماتخمميش برك.........تحياتي

 

[عليا 23]

والله عندكم الحق الكل وانا درك سينييييت في الشاك خلاص
مشني رايحة نحكي معاه لا في النيت ولا في المدرسة خلاااص
الا صباح الخير لا اكثر ولا اقل

 

[نور الصباح الجزائرية]

ياختى مزالك صغيرة حاولى ما تخمميش فى هذيك المواضيع تخربلك مخك و انت صغيرة
و شوفى ماتامنى حتى واحد مهما كان و مهما قال سوا يقرى مليح ولا ما يقراش ما توصليش روحك تتشوكاي
مزال صغيرة صدقينى و مزال يجيك نهار و تجى فى كلامى
وما تخبي والو على ماماك و اختك الكبيرة الا عندك هوم اكبر و اكثر منك تجربة و يعرفو صلاحك

 

[جزائرية للابد18]

اسمعي انا اكظبر منك وعندي خبرة شوفي انت الي غلطتي من الاول كيفاه تهدري معاه وانت ضد الفكرة هادي وحدة
مي ليحيرني هو يعني صديق ولا اخ كيفاه ينصح منا ويطلب منا هدا حابك تكوني ليه انا مانقولكش قاطعيه مي اهدري معاه في حدود الصداقة والدراسة فقط
اتمنى انك فهمتي وفي الاخير مازلتي صغيرة

 

[ديني حياتي]

راني نعرف انو قاري ومتربي ياسر
بصح دائما انا نخاف ادا نتخدع
بالمظاهر
خاطر في جيلنا ناس يكونو عاقلين وهوما شواطن
يعني نحب نعرف هل نحكي معاه ولالا
او نقطع العلاقة نهائيا

انا برايي ماتعطيهولوش
وتاني اذا هدر معاك بينيلوا بلي راكي كي اختوا واذا زاد هاذا الشيء مازيديش تهدري معاه وقطعي علاقتك به

ونزيدلك حاجة ماتخمي ماديري ماتتقلقي ماتحسي والوا
* مايصرالنا غير لي كتبهونا ربي *
ياك اختي وتهلاي في روحك وري بي يفرجها عليك ان شاء الله

 

[aouf17]

مازالك صغيرة انصحك بالتجربة ان تخبري امك عن كل التفاصيل التي تحدث بينكما فهي تعرف ماهو خير لك فلا تتركي الامور تتعقد فصارحي امك كما صارحتينا في هدا المنتدى ...

 

[NAIMAT ZIEN]

احسني القرار...

شكرا احتي على ثقتك فينا
اما بعد :يااختي الحق انتي في سن حرجة من الصراع العاطفي "المراهقة" ولكن الحمد لله تربية ابواك ماراحتش بلاش والحاجة اللي يدخل فيها الشك بناقص منها , وهذ الشخص واجهيه بحدود اللي لازم تكون فيها صداقتكما لكن بطريقة لطيفة .. ووضحي اليه ان صداقتكما اقوى من اي شيء اخر على الاقل في هذ السن الحرج , واهم شيء انه هذ الشخص يحاول يبعدك عن الاتصال بالجنس الاخر وفي الاخير يكون هو من يدعوك لللحب .............يوجد شيء يحتاج للتوضيح اتمنى انك تفكي لغزه............وشكرا

 

[slim.daoud3]

ماعندي ما نقول أنا رأيي ما كان ني نيميرو ني والو
راكم في عطلة حتى العام المقبل وربي يعمل التاويل
​

 

[سليم الهامل]

السلام عليكم
اختي الكريمة
العديد يواجه هذه المشاكل سواء من الذكور او الاناث
وتمر بهم المهم هو حاولي ان تتقيدي بنفسك اكثر من اللازم و حاولي ان تجعلي كل ما يدور بينكم كما يدور بين البنت واخيها

 

[بنت الجسور]

اذا يحبك كي ختو واش راح يدير بنميرو اختي انتي مازلتي صغيرة على هاد الشي كملي قرايتك و نحيه من بالك

 

[الحياة رائعة]

اختي انا اكبر منك بقليل وادرك ان امورا كهذه تحدث في هذا السن ولكن عليك ان تكوني قوية الشخصية كي لا تؤثر فيك امور كهذه

 

[chamse121919]

عندك لا تولي تخمامك لحاجة أخرى و تتعدى شعور الصداقة عندك تضيعي حنونتي التحفونة ديريه زي خوك في الاسلام برك و لاكان عندك تيليفون نحيه خير مازالك صغيرة أوكي نصيحة برك ......تقبلي مروري

 

[EL General]

حاولي التهرب من هذا الأمر إن إكنتي ماتحبيش تعطي له رقم الهاتف
شكرااا ...
​

 

[مسيلية فوور]

نقلك حاجة مادام قلي راهو يقرا معاك وقدك في العمر اكيد راه مزال صغير مزال مهوش فاهم هاذي الدنيا مليح
انا ننصحك ب اهتمي بقرايتك ما يفيدك حتى واحد ونهار يجي هذاك اليوم مبعدتوش على بعضاكم