الغلطة مني ولامنها بكل صراحة

[* أميرة الأحلام *]

السلام عليكم


صديقتي في العمل كان لها امتحان البكالوريا يعني مسجلة حرة غابت اسبوعين قبل الباك وانا شجعتها على الغياب وتحمل مسؤولية عملها وكنت على قدر كلمتي الى وعدتها بيها عملت عملها وتركت عملي حتى جاء الوقت وهو اليوم اني حصلت في عملي لوحدي وسكتت وقلت اذا بادرت بالمساعدة فهذا شيء يسعدني خاصة اني نضغوطة في الكثير من الاعمال وان رأس العمل وتنظيمه يكتمل بي المهم سكتت وقلت لااحرجها خليها براحتها حتى جات هي اليوم جات مثل عادتها متأخرة وبقيت نستنى في مساعدتها لكن للاسف هزت برتابلها وراحت للبيرو الاخر بقات تحكي مع صديقتها في البيرو الى جنبنا فلما اتى الشيخ قالي وينها قلتله في بيرو جيرانا سكت وبقاء يفهم فيا في العمل انا والبقية وانا ماعيطتلهاش لاني يوم الاحد جات للبيرو وراحت للبيرو الاخر وكي عيطتلها قاتلي قالك الشيخ عيطيلها قلتلها لالا قاتلي ماتزيدش تعيطيلي انت واش دخلك هذا شيء لايخصك حسيت وجهي :busted_red::busted_red::scared:امالا كي جاء اليوم ماعيطتلهاش وببقيت شافية عن كلامها والغلطة هي غلطتها لانها تخدم في بيرونا ماش في البيرو لاخر حتى تبقى تدور وانا نعيطلها ...انا نروح نريح مع صديقتنا لكن اقل من ربع ساعة هي جات عن 9ورجعت 11.45 للبيرو وكي جات ماش عاجبها الحال فهمتها في الامر لكن هي لم تتفهم وقاتلي انت بلعاني خبتي عن الشيخ باش يقول راهي غايبة قلتلها راني خبرته راهي حاضرة فهي لم تتفهم فمارايكم ارجوكم وبكل صدق ​

 

[D-tech]

هي يأختي ربي يخلصك على حساب نيتك
المشكلة في العمل الحكومي عدم تفاهم الفريق مع بعضه وهذا سيسبب العديد من المشاكل في فتراة متباينة
انا أعمل كمدرس إبتدائي في مدرسة أغلبها بل كلها مدرسات الله يبارك ناشطين بلبزاف
مع أني أنا صغير فيهم وأنا الملزم بإحترامهم وتوقيرهم أجدهم يقدمون لي دوما درسا في التواضع والاخلاق حتى صبحت نحشم على روحي بلبزاف وخلتني في موقف الحذر من أي غلطة ستسبب لي خسارة تلك النعمة
والله حسيت نفسي في مكان أنا جالس وشغل يمشي ميتردوش دوما في تقديم المساعدة وفي حال غيابي نكون هاني 100 ب 100 والمشكلة لست أنا الذي أتصل لأبرر الغياب بل هم يتصلون ويطمئنونني على أن القسم راه في الحفظ والامان وما عليك إلا الاهتمام بشؤونك الخاصة والقسم راهو عليهم
هذا إن دل على شيء إنما يدل على أن الاحترام والتقدير لجهود الاخرين في العمل سيكون له مردود على العلاقة بين الطاقم والفريق في العمل
لكن لو حدث العكس سيقع ماو قع لكي أختي

المهم نصيحتي لكي مع انكي أكبر مني يعني أنتي من تقدمين لي النصيحة
أن تجعلي هذا الامر بعيد على أن يمس تلك الروح الطيبة في مساعدة الاخرين في مشاكلهم اليومية وتحمل أتعاب ذالك
وعلمي أن الله هو من سيجازيكم على ذالك وليس هي
معذرة على الاطالة
لكن ربي يهدي من خلق برك وكبري عقلك
صح مراكيش غالطة

 

[Elif DZ]

انتي ربي يجزيك على قدر نيتك و هي وكيلها مولاهااا
​

 

[mir@cle]

أنت مشرفة مانقدروش نقولولك راكي غالطة ههههههه

صديقتك طبعا اللي غالطة خطراش خلات عملها ورايحة للبيروات الأخرى تحكي وتستاهل اللي صرالها
​

 

[* أميرة الأحلام *]

هي يأختي ربي يخلصك على حساب نيتك
المشكلة في العمل الحكومي عدم تفاهم الفريق مع بعضه وهذا سيسبب العديد من المشاكل في فتراة متباينة
انا أعمل كمدرس إبتدائي في مدرسة أغلبها بل كلها مدرسات الله يبارك ناشطين بلبزاف
مع أني أنا صغير فيهم وأنا الملزم بإحترامهم وتوقيرهم أجدهم يقدمون لي دوما درسا في التواضع والاخلاق حتى صبحت نحشم على روحي بلبزاف وخلتني في موقف الحذر من أي غلطة ستسبب لي خسارة تلك النعمة
والله حسيت نفسي في مكان أنا جالس وشغل يمشي ميتردوش دوما في تقديم المساعدة وفي حال غيابي نكون هاني 100 ب 100 والمشكلة لست أنا الذي أتصل لأبرر الغياب بل هم يتصلون ويطمئنونني على أن القسم راه في الحفظ والامان وما عليك إلا الاهتمام بشؤونك الخاصة والقسم راهو عليهم
هذا إن دل على شيء إنما يدل على أن الاحترام والتقدير لجهود الاخرين في العمل سيكون له مردود على العلاقة بين الطاقم والفريق في العمل
لكن لو حدث العكس سيقع ماو قع لكي أختي

المهم نصيحتي لكي مع انكي أكبر مني يعني أنتي من تقدمين لي النصيحة
أن تجعلي هذا الامر بعيد على أن يمس تلك الروح الطيبة في مساعدة الاخرين في مشاكلهم اليومية وتحمل أتعاب ذالك
وعلمي أن الله هو من سيجازيكم على ذالك وليس هي
معذرة على الاطالة
لكن ربي يهدي من خلق برك وكبري عقلك
صح مراكيش غالطة

والله اخي عملت في ثانوية استاذة ولقيت الاحترام بزاف رغم اني اصغر وحدة وراني ماش كبيرة عمري 23 سنة
لقيت الاحترام والتقدير سواء من الادارة او التلاميذ او الاساتذة مرة تقلقت وحبيت ننسحب من العمل وغبت اسبوع تعرف جاو للدار والاساتذة كلموني ماتهنو غير كي رجعت حتى لوكان نغيب يبقوا على الاطمئنان بي ربي يجازيهم وكذلك التلاميذ لحد اليوم وجدت تلميذتين انا لم اراهم عيطولي وبقاو يهدروا وهزوا رقمي تاع البرتابل قالولي كنت لنا اخت واستاذة وكل شيء قاتلي نصحتينا من قلبك ربي يبارك فيك ودعت دعوة فتحت قلبي بيها
لكن الان في بيرو بريفي تعرف انا خدمته لربي لكن قاضتني انها تنغر مني بزاف لااعلم لماذا وماالسبب عندما اخبرت وحدة تخدم معانا قاتلي راكي اصغر وحدة فينا وقاتلي راهي من يوم انتشر اسمك في الجريدة وكتبت مواضيعك باسمك حاسيتها تحسدك انا ربي يهديها والله رغم انا اسمي اشتهر لكن لاتهمني الشهرة تهمني ان اكون متميزة في عملي وربي يهدي ​

 

[* أميرة الأحلام *]

انتي ربي يجزيك على قدر نيتك و هي وكيلها مولاهااا
​

انا قلتلها كي عدت فاية اختي اسمحيلي حتى اني اعلم اني لم اغلط معك لكن ربي يهدينا جميعا ​

 

[D-tech]

والله اخي عملت في ثانوية استاذة ولقيت الاحترام بزاف رغم اني اصغر وحدة وراني ماش كبيرة عمري 23 سنة
فقط لقيت الاحترام والتقدير سواء من الادارة او التلاميذ او الاساتذة مرة تقلقت وحبيت ننسحب من العمل وغبت اسبوع تعرف جاو للدار والاساتذة كلموني ماتهنو غير كي رجعت حتى لوكان نغيب يبقوا على الاطمئنان بي ربي يجازيهم وكذلك التلاميذ لحد اليوم وجدت تلميذتين انا لم اراهم عيطولي وبقاو يهدروا وهزوا رقمي تاع البرتابل قالولي كنت لنا اخت واستاذة وكل شيء قاتلي نصحتينا من قلبك ربي يبارك فيك ودعت دعوة فتحت قلبي بيها
لكن الان في بيرو بريفي تعرف انا خدمته لربي العمل هاداك لكن قاضتني انها تنغر مني بزاف لااعلم لماذا وماالسبب عندما اخبرت وحدة تخدم معانا قالي راكي اصغر وحدة فينا وقاتلك راهي من يوم انتشر اسمك في الجريدة وكتبت مواضيعك باسمك حاسيتها تحسدك انا ربي يهديها والله رغم انا اسمي اشتهر لكن لاتهمني الشهرة تهمني ان اكون متميزة في عملي وربي يهدي ​

معذرة عمرك في الملف الشخصي 27
لكن لايهم ربي يبارك في عمره إن شاء الله

يأختي المحترم دائما يحترم هذه قاعدة الحياة
ومن نعم التعليم وأنكي والله أعلم شعرتي بها خصوصا مع الاطفال أنها تخلي حسك مرهف زيادة على اللزوم
انا راجل لكن والله مرات الامر يفوت ذالك
لان الانسان إذا أحب العمل سوف يحبه لحبه لطاقم العمل والعكس صحيح
لكن لا تقلقي وتذكري ان هذا دليل على أنكي متفوقة وراكي عارفة الحسد أصبح حتى في القبر والموت والله المستعان

على العموم أختي ربي يبارك فيك فقط أشغلي نفسك بما من شأنه أن يرفع من مستواك أكثر من أخلاقه أكبر
وربي يهدي من خلق

 

[* أميرة الأحلام *]

أنت مشرفة مانقدروش نقولولك راكي غالطة ههههههه

صديقتك طبعا اللي غالطة خطراش خلات عملها ورايحة للبيروات الأخرى تحكي وتستاهل اللي صرالها
​

اخي الفاضل كل من وضع على هذه الارض فانه يخطئ
المهم الانسان يعترف بغلطته انا مرة غلطت معاها خبرتها وقلتلها سامحيني يعني ليس عيب ان يخطئ العيب في من لايعترف بخطئه
وربي يهدينا جميعا ​

 

[@R@ZIK]

شكرا لك لانك فتحتي قلبك واستشرتنا
المشكل ان هذا يحصل في كل مكان عمل فيها مجموعة راني خدامة وراني حاسة بيك
المهم الناس كيما هكذا يحبو يعيشو على ظهور الناس ومذابيهم ما تقوليلهم والو وتسكتي بصح غير تبداي تهدري يديرو فيك العجب نقولك حاجة اخدمي بنيتك وربي هو القادر على كل شيء ومتعمريش راسك بيها راه يجي النهار وتولي تحلل بصح متزيديش تخدمي خدمتها مهما حصل عقابا لها واقتليها بالبارد
ربي يوفقك اختي​

 

[نسيم الربيع]

انا راه يبالي الخطا جا من عندها ديجا واش هاذ الاسلوب تاع واش دخلك هذي مشي عقليه ومشي طريقة حوار تستاهل كثر من هكا نتيا ربي يجازيك يبالي ماغلطتي في والو والله اعلم

 

[mimi-ba]

و إن أنت أكرمت اللئيم تمردا​

 

[الخيزران]

السلام عليكم:
الاثنين راكو غالطين واسمحيلي ,من المعروف انو المترشح في الباك عندو الحق في عطلة
والمسؤول نتاعو في الخدمة يدبر راسو بتعويضو لحسن سير العمل علاش تكاموفلي عليها انت
وهذي خائنة للامانة وهي في وظيفة بسيطة تصوري اذا جابت الباك وطورت دراستها وترقات في منصب زاgات :heh:
كل واحد عينو على بعيرو ما تديري خير ما يجيك شر

 

[sam11]

اختي انتي ماركيش غالطة وصاحبتك ربي يهديها برك

انتي درتي اللي عليك وربي يجازيك كل خير ما تحطي والو في بالك

ويجي نهار تعرف بلي راهي غالطة في حقك

 

[asma_10]

سلام عليكم و رحمه الله و بركاته
اختى انت عاملتيها بلطف و عاونتيهااا ربي يجازيك كل خيرررر يعنى عندك الحق هي صديقتك و لازم تلقاك قدامها وقت الشده مي نورمالمو المدير هو لى يتكلف بهاد الشي و هو لى يعوض واحده اخرى في بلاصتها انتى ربي يجازيك الجنه و ماراكيش غاليطة و هادى هي الدنيا زيد كيفاش هادى ماشي كامل عقليه كي تهدري معاها تقولك انتى متزيديش تهدري معاي و بلعي هادى ماشي صديقة و لا تستاهل تكون صديقة انا درتلك الخير و ساندتك و ابري تقولىلى انتى واش ندير تروح ربي يهديها ابري كي تخسرك تعرف قيمتك اختلى ام ايهم
تحياتى لك
ت قبلى مرورى و ردى المتواضع ​

 

[عمو أحمد]

السلام عليكم :

قبل ما نحكيلك على اي حاجة ننصحك بحاجة وحدة :

اياك يا بنتي تحكي او تعاودي لحكاية لوحدة من البنات اللي معاكم صدقيني راح تكبر المشكلة اكثر و اكثر

و ما تبينش حتى انك تكرهيها او ماشي متفاهمة معاها

المهم نرجع للموضوع :

يا بنتي ديري في بالك بلي هاذي دنيا : و كي نقولوا دنيا اول حاجة تجي في بالنا هي اللااستقرار و الإضطراب

هكدا عقليات الناس يا بنتي ماشي كامل كيف كيف

ماشي كل ارض صالحة للزراعة

وماشي كل انسان اديري فيه الخير بالضرورة راح يرجع الخير

يعني ما تغيضكش منها هادي العفسة

الدنيا هادي فيها الحر و فيها الدوني و ما تقدريش تفرقي بيناتهم الا اذا جربتيهم

و نزيد نقولك : الإنسان مهما كان دنيئ و مهما كان نكار خير ما يديرش الشيء اللي داراتو زميلتك

اكيد في طرف ثالث يعني وحدة من زميلاتكم سمعاتك حكيتي عليهابلي راكي عوضتيها او قلتي عليها كلمة
او حتى بلا ما تقولي يروحوا ليها و يقولولها فلانة قالت فيك بالكذب

و لهذا الشيء قلت لك في بداية كلامي ما تحكيش عليها و اذا حكيتي احكي عليها بالخير

لأنو اكيد في اشخاص اخرى عندها صلحة من تخاصمكم ما تنسايهاش هادي

ربي يصلح الأمور بنتي حاولي تحافظي على طريقة تعاملك معها يعني مهما كان و مهما دارت ما تتبدليش من جيهتها

و الله ليس نفاق هذا

الرسول عله الصلاة و السلام و الشيء اللي داروه فيه اليهودي جارو و نهار اللي مرض راح زارو

اظن مافيش افضل من رسول الله صلى الله عليه و سلم كقدوة

ربي يهنيك بنتي


​

 

[دزيرية حرة الحراير]

يا حبيبتي و كيلها ربي

 

[{مُدَلَّلَتُهُ}]

la fote ta3ha machi ta3ek wakli 3liha rabi ma tahadri m3a ma tkasri rasek

 

[messikimo]

دير الخير ويدور عليك

 

[narmine]

انا نشوف انو الغلطة منها
تقبلي مروري​

 

[بنت الـــ سـوف ـــواد]

لالا اختي انتي مغلطيش
الغلطة من عند صديقتك وتستاهل واش دار فيها المدير

الله يعطيك قدر نيتك اختي ويجازيك ربي
وهيا وكليها لربي
ربي يهديها ويهدي جميع المؤمينين​