۩ هل تملك الروح الرياضية هنا فى المنتدى ؟ ۩ The Messi Bomb ۩

[Jagwar]

والله أخي ميسي ماكنت متوقعة كاين في المنتديات الغيرة من المواضيع من التقييم من الردود ...يعني هدي امور نشوفها غيرفي الخدمة او الدراسة ماتوقعتش نلقاها تاني في المنتدى

المهم كيما يقولك لي يحسد و يغير ماعندو مايدير

والحمدولله العبد لي بحالي اهو لي فيه مكفيه مكالاه نثقل روحي بمشاكل زائد ناقص عليا ...ربي يوفق كل واحد وينجحه وياخي يقولك ادا زادة في حبيبك فرحلو ربي يفرحك وادا نقصت رد بالك تشمت فيه الشمت ترجع لمولاها ​

و الله كيما قلتى اختى
آخر حاجة يتصورها الانسان هي الحسد فى النت
يعنى الواحد يدير الخير و يخدم بلا مزية منو و فى الاخير تلقى لى ما يحملكش و ما يرضالكش كلمة شكرا و لا بارك الله فيك
و الله عقليات حدث و لا حرج
واش تحبى اختى هانا نجرو موراهم بالك يهديهم ربى و يغيرو طريقة تعاملهم فى المنتديات و لا خارج المنتديات
مرسى عليك اختى أفراح
تحياتى





​

 

[missa_1]

مرسى عليك ميسة لمزية لى نعرفوك انتى مليح

ما تحتاجيش واحد يمدحك و لا يظربوك بعين ههه
الله يبارك عليك انتى تانى متألقة بشكل واضح فى المنتدى
شهادة و الحق يقال
و كيما قلتى انتى مليح واحد يغير بصح ما يزودهاش بزاف و ما يفوتش الحدود فى الغيرة يعنى ما يفسدش على الباقى​

مرسى عليك أختى الفحلة
مرورك اسعدنى و ردك شخلعنى :yahoo:
تحياتى​

هههههههههه ها متزيدنيش ضروك نديها في روحي

 

[Jagwar]

merci baucoup 3la elmawdo3 MR boomb ​

ana fi 7wayej haka ma nghirech ma n7sedech ​

bl3aks nzid nchaj3o bach ykoun a7san ​

w n7awel njtahed bach nkoun kima houwa w la a7san ​

w kima y9olo ​

3aned w la te7sed ​

ya36ik essa7a ​

الله يسلمك اختى
هاي الهدرة كيفاش ، ايلفوpـا الواحد يحسد خوه على حاجة فيها الفايدة للناس كل
و كيما قلتى مادابيه الانسان يعاند و ما يحسدش
مرسى عليك اختى مفاهيم الخجل
نورتينا





​

 

[Jagwar]

هههههههههه ها متزيدنيش ضروك نديها في روحي

واش بيك انتى لازم تديها فى روحك
و الله كون جيت فى بلاصتك نديها و نزيد نجيبها فى روحى هههههه
و نزيد نقولك حاجة :
أنا نغير منك :yahoo:




​

 

[إحســاس بــراءة]

السلام عليكم
اهلا بيك اسامة خويا يعطيك الصحة
اولا نجاوبك على الاسئلة يخي ماعليش:heh::heh:
هل تقبل أن يكون زميلك العضو(ة) يكون او تكون أفضل منك فى المنتدى
نعم واش فيها ادا كان خير مني و اكيد راه نستفاد منو
هل تملك الروح الرياضية و تهنىء زميلك الذى يلقى تشجيعا و تحفيزا أكثر منك ؟
اكيييييييييييييد وادا دار موضوع مليح بزاف و مفيد و كامل الناس حبوه اكيد راح يلقى كل التشجيع و العضو ادا لقى التشجيع اكيد راح يواصل في العمل تاعو و التقييم تاني نزيدو نمدوهلوهههههه:yahoo:
هل تغار من زميلك الذى يملك شعبية أكثر منك فى المنتدى ؟
ابدا وعلاه نغير يعني:surrender:
هلى أنت متضايق لأن زميلك لديه أصدقاء أكثر منك فى قائمة الاصدقاء ؟
ههههههههه عادي والله مافيش اي مشكل و القائمة ياك راهي باطل و نخير على روحي و الاعضاء راهم خير ربي نروح نخير منهم و نعمر القائمة ههههههههه
هل تغار من زميلك الذى يلقى ردود كثيرة و رواج كبير على مواضيعه ؟
ابدا لاني نكون من بين الاوائل اللي نرد على موضوعو
هل تتقبل النقد بكل روح رياضية كما تتقبل الشكر و التهانى ؟
نعم نتقبل بكل روح رياضية كيما نتقبل التهاني اكيد راح نتقبل النقد
كيما قلت نتا خوذ الراي اللي يبكيك وماشي اللي يضحكك نورمال
واكيد من النقد هاذاك رايحة نستفاد منو و نتعلمو اكثر واكثر

شكرا ليك اسامة خويا و هاذا المنتدى رانا كامل فيه خاوة و لازم نكونو مع بعضانا في كل وقت
رانا كامل خاوة خاوة و اللي تفرح خاوتنا تفرحنا و اللي تبكيهم تبكينا
شكرااااااااااا:yahoo::yahoo:
بالتوفيق ان شاء الله

 

[** غزال الصحراء **]

روح رياضية ماناش دزاعين ,, صحيت خويا راني ضربت لمحة خفيف على الموضوع و عجبني

راني نولي و نقراه مليح

شكرا .

 

[Sârsoùra L'mkàlChà]

ما عندي علاااه نغير انا
كل واحد و بلاصتو هنا
-------
و كاين حاجة ضحتني
هي هاذاك لي قالك موضوعك يدخلو فيه لبنات ياسر
هههههههههههههه
قلو وش حبيت نتحجبو عليك ؟؟؟؟

يعطيك الصحة ميسي
​

 

[المتفائلة_91]

الغيرة مقبرة... قالوها الحكماء​

هل تقبل أن يكون زميلك العضو(ة) يكون او تكون أفضل منك فى المنتدى
حاجة باينة.. كل واحد يدي على قدر خدمتو
هل تملك الروح الرياضية و تهنىء زميلك الذى يلقى تشجيعا و تحفيزا أكثر منك ؟ بالتأكيد اهنأه وأحفزه على الاستمرار ومواصلة التفوق
هل تغار من زميلك الذى يملك شعبية أكثر منك فى المنتدى ؟
طبعا لا.. كما سبق وذكرت كل واحد يدي على قدر خدمتو
هلى أنت متضايق لأن زميلك لديه أصدقاء أكثر منك فى قائمة الاصدقاء ؟
لالا بصح اصلا انا مانحبش الأصدقاء في القائمة نتاعي .. ديركات روفيزي
هل تغار من زميلك الذى يلقى ردود كثيرة و رواج كبير على مواضيعه ؟..لا.. احاول معرفة السر الذي يجعله ناجحا
هل تتقبل النقد بكل روح رياضية كما تتقبل الشكر و التهانى ؟
والله نموتعلى النقد اكثر من الشكر.. خاطر نحب نعرف الحوايج الماشي ملاح فيا




مرسي... طرح مميز

 

[stsmat]

السلام عليكم ورحمة الله وبركاته

جزاكم الله خيراً كثيراً أخي الفاضل على جهدكم المميز وسرعة تنفيذه..

هناك بعض الملاحظات الضرورية عند كتابة الموضوع منها بأفضل شكل وأنفعه

* المواضيع تُكتب لأعضاء المنتديات ، لذا لا يُذكر فيها أي شيء
.. فيظهر للقارئ أن الموضوع كُتب مِن قبل شخص مميز

 

[AnGeL*dZ]

هاي الهدرة كيفاش
عاند و ما تحسدش راكى قلتيها
علابالك بلى أنا نعاند عليك فى تنسيق الموضوع و لا ما علابالكش
ايه و الله غير نعاند عليك ، يسمى انتى عندك منفعة كبيرة هنا :yahoo:
يويويوييوويويويوييو:yaw:
خويا اسامة كامل يتعاند ليا هههههههه:sheer:
و كيما قلتى هاذا يتعلم من عند هاذا ما فيهاش عيب نورمال رانا كل ما زلنا نتعلمو .
صح ماخلقناش متعلميــــــــــن :smile:
مرسى عليك اختى آنجل
كي نشوفك تقول آنجل نموت بالضحك ههههههه
قول عيوشة طيوشة برهوشـــــــــــة :yahoo::yahoo:

ياخى نورمال نعاند عليك :wink: ؟
نورمـــــــــــــــــــــــــآل :smoke:
​

 

[ميسومة الدلوعة]

لالا خويا اعلاه نغار كي نشوفو هو مداير مواضيع ملاح و عندو الردود بزاف و اصدقاء بزاف نحاول ندير كيفوا اعلاش لالا يقلك المثل عاند و ما تحسدش لازم انا تاني ندير مواضيع ملاح ولازم تاني نتقبل النقد بكل روح رياضية باه منو نتعلم و ما نزيدش نطيح في اغلاط واحد خرى
شكرا اخي موضوع اكتر من رائع

 

[ĜąМę ǒVĕŗ]

normal chi fe lwa9ir machi fi montada mo5talaf elab3ad ​

 

[Jagwar]

السلام عليكم
اهلا بيك اسامة خويا يعطيك الصحة
اولا نجاوبك على الاسئلة يخي ماعليش:heh::heh:

أهلا بيك بشرة
بيانسور تقدرى الدار دارك اختى و الموضوع ليك انتى تبخترى فيه كيف تحبى :yahoo:
​

نعم واش فيها ادا كان خير مني و اكيد راه نستفاد منو

Good​

​

اكيييييييييييييد وادا دار موضوع مليح بزاف و مفيد و كامل الناس حبوه اكيد راح يلقى كل التشجيع و العضو ادا لقى التشجيع اكيد راح يواصل في العمل تاعو و التقييم تاني نزيدو نمدوهلوهههههه:yahoo:

مالا حطى التقييم درك و الا لن أواصل ههههه​

ابدا وعلاه نغير يعني:surrender:

أنا قلت بالك تغيرى باسكو الغيرة معروفة عند لبنات :wink:
​

ههههههههه عادي والله مافيش اي مشكل و القائمة ياك راهي باطل و نخير على روحي و الاعضاء راهم خير ربي نروح نخير منهم و نعمر القائمة ههههههههه

هههه قولى ما كثر ربى غير هوما عندك
درك نروح عندك ندى 2 كيلو أعضاء بنات و 3 كيلو ذكور :yahoo:​

نعم نتقبل بكل روح رياضية كيما نتقبل التهاني اكيد راح نتقبل النقد
كيما قلت نتا خوذ الراي اللي يبكيك وماشي اللي يضحكك نورمال
واكيد من النقد هاذاك رايحة نستفاد منو و نتعلمو اكثر واكثر

اجابتك كنت متاكد منها يا بشرة ن الحمد لله لى رانى نعرفكم واحد واحد و نعرف عقليتكم كل ، هذاك هو التخمام لمليح كملى هكذا و تربحى رحلة لجنوب افريقيا :yahoo:​

شكرا ليك اسامة خويا و هاذا المنتدى رانا كامل فيه خاوة و لازم نكونو مع بعضانا في كل وقت
رانا كامل خاوة خاوة و اللي تفرح خاوتنا تفرحنا و اللي تبكيهم تبكينا
شكرااااااااااا:yahoo::yahoo:
بالتوفيق ان شاء الله

مرسى عليك اختى الفحلة الناشطة المميزة الفائقة الذكاء
نكمل و لا يزى فيك برك ههههه
نورتينا اختى بشرة هكذاك ساعة ساعة تفقدينا بطلة زينة كيما هاذى :yahoo:​

روح رياضية ماناش دزاعين ,, صحيت خويا راني ضربت لمحة خفيف على الموضوع و عجبني

راني نولي و نقراه مليح

شكرا .

:yahoo: :yahoo: :yahoo:
أوكى عمى المشرف رانا نستناو فيك​

صحيت اسامة

موضوع فالصميم......ظرك راني طليت برك وفالليل نجي نقلك وش عندي فالخشخاش
*******************************
نقصو من الغيرة يا جماعة ههههههههههه​

هههه الساعة هاذى مازلت ما طحتش فى واحد(ة) غيار(ة)
أوكى شريكى منور فى اي وقت ، الدار دارك
​

ما عندي علاااه نغير انا

كل واحد و بلاصتو هنا
-------
و كاين حاجة ضحتني
هي هاذاك لي قالك موضوعك يدخلو فيه لبنات ياسر
هههههههههههههه
قلو وش حبيت نتحجبو عليك ؟؟؟؟​

يعطيك الصحة ميسي​

لا لا الشخص هذاك تبانلى معقد من البنات و لا يغير منهم و لا يحشم منكم هاذى هي
مرسى عليك اختى سارة
نورتينا بمرورك الحلو
تحياتى​

الغيرة مقبرة... قالوها الحكماء
كاينة صح​

حاجة باينة.. كل واحد يدي على قدر خدمتو

ما نعرف علاش ناس اخرين يفكرو عكس واش قلتى :wink:​

بالتأكيد اهنأه وأحفزه على الاستمرار ومواصلة التفوق

خيار الناس تاع الصح
​

لالا بصح اصلا انا مانحبش الأصدقاء في القائمة نتاعي .. ديركات روفيزي

هههه مالا منعت انا كنت راح نبعثلك هههه
علاش ما تحبيش يكونو عندك جماعة فى لاليست :scared:​

..لا.. احاول معرفة السر الذي يجعله ناجحا

تسمى لازم تقرعجى ههههه
​

والله نموتعلى النقد اكثر من الشكر.. خاطر نحب نعرف الحوايج الماشي ملاح فيا

عين العقل اختى كيما يقولو وحد لعباد
تسلم دماغك يا ست الكل هههه​

مرسي... طرح مميز

مرسى عليك انتى اختى على المرور العطر
نورتينا و شرفتينا بمشاركتك الحلوة
تحياتى​

السلام عليكم ورحمة الله وبركاته

جزاكم الله خيراً كثيراً أخي الفاضل على جهدكم المميز وسرعة تنفيذه..

هناك بعض الملاحظات الضرورية عند كتابة الموضوع منها بأفضل شكل وأنفعه

* المواضيع تُكتب لأعضاء المنتديات ، لذا لا يُذكر فيها أي شيء
.. فيظهر للقارئ أن الموضوع كُتب مِن قبل شخص مميز

على هذا حطيت الموضوع اختى
يعنى هي كون جينا نحكمو بعقلانية بعيد عن العاطفة و هذاك نعرفو و هذا ما نعرفوش و هذاك مميز و الآخر راه جديد هكذا ما نقدروش نتواصلو اختى .
مرسى عليك
تحياتى​

هاي الهدرة كيفاش

عاند و ما تحسدش راكى قلتيها
علابالك بلى أنا نعاند عليك فى تنسيق الموضوع و لا ما علابالكش
ايه و الله غير نعاند عليك ، يسمى انتى عندك منفعة كبيرة هنا :yahoo:
يويويوييوويويويوييو:yaw:
خويا اسامة كامل يتعاند ليا هههههههه:sheer:
و كيما قلتى هاذا يتعلم من عند هاذا ما فيهاش عيب نورمال رانا كل ما زلنا نتعلمو .
صح ماخلقناش متعلميــــــــــن :smile:
مرسى عليك اختى آنجل
كي نشوفك تقول آنجل نموت بالضحك ههههههه
قول عيوشة طيوشة برهوشـــــــــــة :yahoo::yahoo:​

ياخى نورمال نعاند عليك :wink: ؟
نورمـــــــــــــــــــــــــآل :smoke:​

هههه عيشوشة الطيوشة البرهوشة الفشفوشة مليح هكا
و لا عيشة لمريشة بحد الباب مطيشة :yahoo:





​

 

[Jagwar]

لالا خويا اعلاه نغار كي نشوفو هو مداير مواضيع ملاح و عندو الردود بزاف و اصدقاء بزاف نحاول ندير كيفوا اعلاش لالا يقلك المثل عاند و ما تحسدش لازم انا تاني ندير مواضيع ملاح ولازم تاني نتقبل النقد بكل روح رياضية باه منو نتعلم و ما نزيدش نطيح في اغلاط واحد خرى
شكرا اخي موضوع اكتر من رائع

و نعم التفكير اختى ميسومة
كلامك عين العقل ، يعنى الواحد عوض انو يحسد و يحسب للآخرين من الأفضل يجتهد حتى هو باش يصير أحسن ، مى و الله ماشى الجماعة كل تخمم هكذا .
مرسى عليك اختى
مرورك اسعدنى و ردك اطربنى
تحياتى​

normal chi fe lwa9ir machi fi montada mo5talaf elab3ad ​

و الله ما فهمتك أختى :mellow:
ممكن توضيح أو حدف اجابتين .


​

 

[السلطانة]

وعليكم السلام
لحقت روطار
الغيرة هادي جامي لاتدور بيا هههه
كل واحد وشخصيتو هنا في المنتدى
ولكل شخص شئ يميزه عن غيره
ولي يقول الردود هنا بالبيسطون يشمر على درعيه وينعتلنا شطارتو
ويثبت وجودو كيما الجماعة لي رانا نحطولهم الردود
لانهم يستحقوها
مالا لازم على كل عضو يعرف كيفاه يكتب المواضيع وينسقها ويعرف
كيفاه يأثر في المتلقي ويثبت وجودو اكيد رايحين نشجعوه ونردو عليه

بصح لي يحطلنا في التفاهاتوالمواضيع لي علاقة ومباعد يقلك مارديتةش علينا غير يروح يعاودحساباتو
طولت عليك ااثامة
مواضيعك ديما فور
ومنجمش نمر عليها مرور الكرام
فعلا انت مميز وتحيا الروح الرياضية
تقبل مروري

 

[kamely]

goli wech dert ???
rah 3andek rodood bezef hnaya
haha





normal kayen 3ibad kima haka
3a9liya hsid sompiti howa rakhi roho 3la l3am w menb3ade y9olek kifah hadak seyed chaye3 w ana no
ma 3andek ma direlhom hado el 3ibad
allah yahdihom w khlas
aya athala chikhe
​

 

[إحســاس بــراءة]

مرسى عليك اختى الفحلة الناشطة المميزة الفائقة الذكاء

نكمل و لا يزى فيك برك ههههه
نورتينا اختى بشرة هكذاك ساعة ساعة تفقدينا بطلة زينة كي​

ههههههههه الله يسلمك ياخويا اسامة
وربي يخليك ان شاء الله
شكرا جزيلا ليك:yahoo:

 

[Jagwar]

وعليكم السلام
لحقت روطار

واش فاتك الـbus و لا واش ؟​

الغيرة هادي جامي لاتدور بيا هههه
كل واحد وشخصيتو هنا في المنتدى
ولكل شخص شئ يميزه عن غيره

pـار ايـgـزومبل واحد مونغو واحد لثلوث ياخى هكا ؟​

ولي يقول الردود هنا بالبيسطون يشمر على درعيه وينعتلنا شطارتو
ويثبت وجودو كيما الجماعة لي رانا نحطولهم الردود
لانهم يستحقوها
مالا لازم على كل عضو يعرف كيفاه يكتب المواضيع وينسقها ويعرف
كيفاه يأثر في المتلقي ويثبت وجودو اكيد رايحين نشجعوه ونردو عليه

بصح لي يحطلنا في التفاهاتوالمواضيع لي علاقة ومباعد يقلك مارديتةش علينا غير يروح يعاودحساباتو

-------------------​

بردتيلى على قلبى علابالك و الله عملو بينا حكاية بالكلمة هادى ، بصح ما عليش حنا رانا نتقبلو النقد و حتى الاستفزاز و لا واش قالت فيها عيشوشة ؟​

طولت عليك ااثامة
مواضيعك ديما فور
ومنجمش نمر عليها مرور الكرام
فعلا انت مميز وتحيا الروح الرياضية
تقبل مروري

يزى برك يا عيشوشة رانى بديت نتنفخ و وجهى و لا كعبة طماطم و ديتها فى روحى خلاه
يا ست الكل طولى كيف تحبى الدار دارك و حنا خدامينك
علابالك بلى انتى هي الملح تاع المواضيع
يسمى لوكان ما تكونيش انتى الموضوع يكون مسوس غرقة
صحيتى اختى ملكبار
نورتينا​

goli wech dert ???

rah 3andek rodood bezef hnaya
haha​

normal kayen 3ibad kima haka
3a9liya hsid sompiti howa rakhi roho 3la l3am w menb3ade y9olek kifah hadak seyed chaye3 w ana no
ma 3andek ma direlhom hado el 3ibad
allah yahdihom w khlas
aya athala chikhe​

ههههه و الله يا كامايلو
رانى قعدت بحد الباب تاع المسجد حتان صدقو عليا الردود هادى
واش تحب خويا و الله كرهنا من العقلية هاذى
تقول رانا درارى صغار نغيرو و نحسدو
و كيما قلت انت ربى يهديهم برك و يهدينا حنا اذا كنا غالطين
مرسى عليك شريكى
نورتينا
هكذاك ساعة ساعة اعمل علينا طلة زينة كيما هاذى
سلامووووو ....











​

 

[بنـ MaPa ـت]

الحمد لله مانغير من حتى واحد او نشالله نبقى هكدا معاكم للقدام
مرسي..​

 

[mimi.dz]

لحقت روطار مي موضوع شباب كي العادة
هنا في عالم النت شخصيات مختلفة باختلاف الاعمار والافكار
وحتى الاجناس وكل واحد يثبت روحو بقوة شخصيتو ونسبة مجهودو
واللي حاب يكون فور يشمّر على ذرعيـــه
اما حكاية العضو اللي بعثلك sms هذا اكيد غار منك هههههه





يعطيك الصحة
​